ಬೆಂಗಳೂರು, ಜೂನ್ 16, 2021 (www.justkannada.in): ಪುನಾರಂಭದ ಸೂಚನೆ ಬಳಿಕ ಬಿಗ್ಬಾಸ್ ಮನೆಯೊಳಗೆ ಮತ್ತೆ ಹೋಗೋಕೆ ಸ್ಪರ್ಧಿಗಳು ಬ್ಯಾಗ್ ಪ್ಯಾಕ್ ಮಾಡುತ್ತಿದ್ದಾರೆ. ವಿಶೇಷ ಎಂದರೆ ಈ ಬಾರಿ ಒಳಹೋಗುವವರ ಸಂಖ್ಯೆಯಲ್ಲಿ ಬದಲಾವಣೆಯಾಗಲಿದೆ.
ಕಲರ್ಸ್ ಕನ್ನಡ ಸೋಷಿಯಲ್ ಮೀಡಿಯಾದಲ್ಲಿ ಇಂದು ಹಂಚಿಕೊಳ್ಳಲಾಗಿರುವ ಫೋಟೋ ಒಂದು ಬಿಗ್ಬಾಸ್ ಮುಂದುವರೆಯಲಿದೆ ಎಂಬುದಕ್ಕೆ ಪುಷ್ಟಿ ನೀಡಿದೆ.
ಈಗ ವಾಹಿನಿಯೇ ಈ ಬಗ್ಗೆ ಸುಳಿವು ಬಿಟ್ಟುಕೊಟ್ಟಿರುವ ಕಾರಣ ಬಿಗ್ಬಾಸ್ ಮುಂದುವರೆಯುವುದಂತೂ ಖಚಿತವಾಗಿದೆ.
ವಾಹಿನಿ ಹಂಚಿಕೊಂಡಿರುವ ಫೋಟೋದಲ್ಲಿ 12 ಸೂಟ್ಕೇಸ್ಗಳು ಕಂಡುಬಂದಿದೆ. ಆ ಇನ್ನೊಂದು ಸ್ಪರ್ಧಿ ಯಾರು ಎನ್ನುವ ಕುತೂಹಲ ವೀಕ್ಷಕರಲ್ಲಿ ಮೂಡಿದೆ.
ಬಿಗ್ಬಾಸ್ ಅರ್ದಕ್ಕೆ ನಿಲ್ಲುವಾಗ ಮನೆಯೊಳಗೆ ಅರವಿಂದ್.ಕೆ.ಪಿ, ಮಂಜು ಪಾವಗಡ, ಶಮಂತ್ ಬ್ರೋ ಗೌಡ, ಚಕ್ರವರ್ತಿ ಚಂದ್ರಚೂಡ್, ರಘು ಗೌಡ, ಶುಭಾ ಪೂಂಜಾ, ವೈಷ್ಣವಿ ಗೌಡ, ದಿವ್ಯಾ ಸುರೇಶ್, ಪ್ರಿಯಾಂಕಾ ತಿಮ್ಮೇಶ್, ನಿಧಿ ಸುಬ್ಬಯ್ಯ ಸೇರಿ ಒಟ್ಟು 10 ಜನ ಇದ್ದರು. ದಿವ್ಯಾ ಉರುಡುಗ ಎಲಿಮಿನೇಟ್ ಆಗದಿದ್ದರೂ ಅನಾರೋಗ್ಯದ ಕಾರಣ ಹೊರಬಂದಿದ್ದರು.
