ಬೆಂಗಳೂರು,ಮಾರ್ಚ್,18,2021(www.justkannada.in) ರಮೇಶ್ ಜಾರಕಿಹೊಳಿ ಸಿಡಿ ವಿಚಾರದಲ್ಲಿ 5 ಕೋಟಿ ವ್ಯವಹಾರ ನಡೆದಿರುವ ಬಗ್ಗೆ ಹಾಗೂ ನರೇಶ್ ಎಂಬ ಹುಡುಗನ ಬಗ್ಗೆಯೂ ಹೇಳಿದ್ದೆ ಎಂದು ಮಾಜಿ ಸಿಎಂ ಹೆಚ್.ಡಿ ಕುಮಾರಸ್ವಾಮಿ ಹೇಳಿಕೆ ನೀಡಿದ್ದಾರೆ.
ಈ ಕುರಿತು ಇಂದು ಮಾತನಾಡಿದ ಹೆಚ್.ಡಿ ಕುಮಾರಸ್ವಾಮಿ, ಸಿಡಿ ವಿಚಾರದಲ್ಲಿ ನರೇಶ್ ಎಂಬ ಹುಡುಗನ ಬಗ್ಗೆ ಮೊದಲೇ ಹೇಳಿದ್ದೆ. 5 ಕೋಟಿ ವ್ಯವಹಾರದ ಬಗ್ಗೆಯೂ ಹೇಳಿದ್ದೆ. 5ಕೋಟಿ ವ್ಯವಹಾರ ನಡೆದಿದೆ ಎಂತಲೂ ಹೇಳಿದ್ದೆ. ಈಗ ಎಲ್ಲವೂ ಒಂದೊಂದಾಗಿ ಹೊರಬರ್ತಿದೆ. ಆದರೆ ಯಾರು ಮಹಾನಾಯಕ ಅನ್ನೊದು ಗೊತ್ತಾಗಬೇಕು. ಎಸ್ ಐಟಿ ಅಧಿಕಾರಿಗಳು ವಾಸ್ತವಾಂಶ ಬಹಿರಂಗಪಡಿಸಬೇಕು ಎಂದರು.
ಸಿಡಿ ಬಹಿರಂಗ ಪ್ರಕರಣದಲ್ಲಿ ಮಹಾನಾಯಕನ ಬಗ್ಗೆ ನನಗೂ ಗೊತ್ತಿಲ್ಲ, ಆ ನಾಯಕ ಯಾರು ಎಂದು ಎಸ್‌ಐಟಿ ಪೊಲೀಸರೇ ತಿಳಿಸಬೇಕು. ಎಸ್‌ಐಟಿ ಪೊಲೀಸರು ಯಾವುದೇ ಮುಲಾಜಿಲ್ಲದೆ ರಾಜ್ಯದ ಜನತೆ ಮುಂದೆ ಸಿಡಿ ಪ್ರಕರಣದ ಸತ್ಯಾಸತ್ಯತೆ ಹೊರಗಿಡಬೇಕು ಎಂದು ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಹೇಳಿದ್ದಾರೆ.
Key words: CD case-.5 crore -Former CM- HD Kumaraswamy.
