ಲಂಡನ್, ಜೂನ್ 07, 2019 (www.justkannada.in): ವಿಶ್ವಕಪ್ ಕ್ರಿಕೆಟ್ ನಲ್ಲಿ ಆಸ್ಟ್ರೇಲಿಯಾ ವೇಗಿ ಮಿಚೆಲ್ ಸ್ಟಾರ್ಕ್ 5 ವಿಕೆಟ್ ಕಬಳಿಸಿ ಹೊಸ ದಾಖಲೆ ಬರೆದಿದ್ದಾರೆ.
ವೆಸ್ಟ್ ಇಂಡೀಸ್ ವಿರುದ್ಧ ಗುರುವಾರ ನಡೆದ ವಿಶ್ವಕಪ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ 15 ರನ್ ಗಳ ಗೆಲುವು ಸಾಧಿಸಿದೆ. ಆಸ್ಟ್ರೇಲಿಯಾ ವೇಗಿ ಮಿಚೆಲ್ ಸ್ಟಾರ್ಕ್ 5 ವಿಕೆಟ್ ಕಬಳಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟಿದ್ದಾರೆ. ಜೊತೆಗೆ ವಿಶ್ವಕಪ್ ನಲ್ಲಿ ಮಿಚೆಲ್ ದಾಖಲೆ ಬರೆದಿದ್ದಾರೆ.
ಮಿಚೆಲ್, ಪಾಕಿಸ್ತಾನದ ಮಾಜಿ ಕ್ರಿಕೆಟರ್ ಸಾಕ್ಲೈನ್ ಮುಷ್ತಾಖ್ ದಾಖಲೆಯನ್ನು ಮುರಿದಿದ್ದಾರೆ. ಕಡಿಮೆ ಏಕದಿನ ಪಂದ್ಯವನ್ನಾಡಿ 150 ವಿಕೆಟ್ ಕಬಳಿಸಿದ್ದ ದಾಖಲೆ ಸಾಕ್ಲೈನ್ ಮುಷ್ತಾಖ್ ಹೆಸರಿನಲ್ಲಿತ್ತು. ಈ ವಿಶ್ವದಾಖಲೆಯನ್ನು ಮಿಚೆಲ್ ಮುರಿದಿದ್ದಾರೆ. ಸಾಕ್ಲೈನ್ ಮುಷ್ತಾಖ್ 150 ರನ್ ಗಳಿಸಿಲು 78 ಏಕದಿನ ಪಂದ್ಯಗಳನ್ನಾಡಿದ್ದರು. ಮಿಚೆಲ್ 77 ಪಂದ್ಯಗಳಲ್ಲಿಯೇ 150 ವಿಕೆಟ್ ಕಬಳಿಸಲು ಯಶಸ್ವಿಯಾಗಿದ್ದಾರೆ.
