ಬೆಂಗಳೂರು,ಅಕ್ಟೋಬರ್,25,2026 (www.justkannada.in): ಕೆಪಿಎಸ್‌ಸಿ ಪಶುವೈದ್ಯಾಧಿಕಾರಿಗಳ ನೇಮಕಾತಿ ಪರೀಕ್ಷೆಯ ಪ್ರಶ್ನೆಪತ್ರಿಕೆ ಸೋರಿಕೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಮಾನತುಗೊಂಡಿರುವ ಐಎಎಸ್ ಅಧಿಕಾರಿ ಜ್ಞಾನೇಂದ್ರ ಕುಮಾರ್ ಗಂಗ್ವಾರ್ ಅವರ ವಿರುದ್ಧ ಪ್ರಾಸಿಕ್ಯೂಷನ್‌ಗೆ ಅನುಮತಿ ನೀಡಲಾಗಿದ್ದು ಈ ಕುರಿತು ಸಿಎಂ ಡಿಕೆ ಶಿವಕುಮಾರ್ ಪ್ರತಿಕ್ರಿಯಿಸಿದ್ದಾರೆ.
ಈ ಕುರಿತು ಮಾತನಾಡಿರುವ ಸಿಎಂ ಡಿಕೆ ಶಿವಕುಮಾರ್, ಆನೇಕ ಸತ್ಯ ವಿಚಾರಗಳೆಲ್ಲಾ ಹೊರ ಬಂದಿದೆ. ಸಿಐಡಿ ಮತ್ತು ಪೊಲೀಸರು ತನಿಖೆ ಮಾಡಿದ್ದಾರೆ. ಸತ್ಯ ಹೊರ ಬರಬೇಕೆಂಬುದು ಮುಖ್ಯ ವಿಚಾರ .ಹೀಗಾಗಿ ಪ್ರಾಸಿಕ್ಯೂಷನ್ ಗೆ ಅನುಮತಿ ನೀಡಿದ್ದೇನೆ ಎಂದರು.
ಇಡೀ ಕೆಪಿಎಸ್ ಸಿಗೆ ಹೊಸ ರೂಪ ಕೊಡಬೇಕು. ಮಕ್ಕಳು ಬಹಳ ಕಷ್ಟಪಟ್ಟು ಓದಿರುತ್ತಾರೆ ಶ್ರಮ ಪಟ್ಟಿರುತ್ತಾರೆ. ಪ್ರಭಾವ ಹಣದ ವ್ಯವಹಾರ ಮಾಡಿಕೊಂಡು ಮಾಡಿದರೆ ಸರಿ ಇರಲ್ಲ. ಹಿಂದೆ ಕೆಪಿಎಸ್ ಸಿ ಅಧ್ಯಕ್ಷರು ಸದಸ್ಯರ ಬೇಕಾದಷ್ಟು ಅವಾಂತರ ನೋಡಿದ್ದೇವೆ. ಒಂದು ಸಮಿತಿ ಕೂಡ ರಚನೆ ಮಾಡಿದ್ದೇನೆ ಯು. ಟಿ ಖಾದರ್ ಅಧ್ಯಕ್ಷತೆಯಲ್ಲಿ ಸಮಿತಿ ರಚನೆ ಮಾಡಲಾಗಿದೆ. ನ್ಯಾಷನಲ್ ಲೆವೆಲ್ ನಲ್ಲೂ ಕೂಡ ಅನೇಕ ಚಿಂತನೆ ಮಾಡಿದ್ದಾರೆ ಎಂದರು.
