ಮೈಸೂರು,ಮಾ,18,2020(www.justkannada.in): ಅನಧಿಕೃತವಾಗಿ ಸಾಕುಪ್ರಾಣಿಗಳ ಕೊಂಬು ಉತ್ಪನ್ನಗಳ ಮಾರಾಟ ಮಾಡುತ್ತಿದ್ದ ಹಿನ್ನೆಲೆ ಗೋದಾಮಿನ ಮೇಲೆ ಮೈಸೂರು ಮಹಾನಗರ ಪಾಲಿಕೆ ಅಧಿಕಾರಿಗಳು ದಾಳಿ ನಡೆಸಿ ಮಾಲೀಕನಿಗೆ ದಂಡ ವಿಧಿಸಿದ್ದಾರೆ.
ಮೈಸೂರು ಮಹಾನಗರ ಪಾಲಿಕೆ, ಪಶು ಅಧಿಕಾರಿಗಳು ಜಂಟಿಯಾಗಿ ಈ ಕಾರ್ಯಾಚರಣೆ ನಡೆಸಿದ್ದಾರೆ. ಮೈಸೂರಿನ ಬಿಎಂಶ್ರೀ ನಗರದಲ್ಲಿ ಅಕ್ರಂ ಎಂಬುವವರು ಅನಧಿಕೃತವಾಗಿ ಗೋದಾಮು ಓಪನ್ ಮಾಡಿದ್ದರು. ಗೋದಾಮಿನಲ್ಲಿ ಸಾಕು ಪ್ರಾಣಿಗಳ ಕೊಂಬುಗಳನ್ನ ಸಂಗ್ರಹಣೆ ಮಾಡಿದ್ದರು. ಯಾವುದೇ ಪರವಾನಗಿ ಪಡೆಯದೆ ಕೊಂಬು ಉತ್ಪನ್ನ ತಯಾರಿ ಮಾರಾಟ ಮಾಡುತ್ತಿದ್ದರು.
ಈ ಹಿನ್ನೆಲೆಯಲ್ಲಿ ಅಧಿಕಾರಿಗಳ ತಂಡ ಗೋದಾಮಿನ ಮೇಲೆ ದಾಳಿ ನಡೆಸಿ, ಕೊಂಬುಗಳಿಂದ ತಯಾರಿಸಿದ ಬಾಚಣಿಗೆ, ಬಟನ್ಸ್, ಆಟಿಕೆ ವಸ್ತುಗಳನ್ನ ವಶಪಡಿಸಿಕೊಂಡಿದೆ. ಹಾಗೆಯೇ ಗೋದಾಮು ಮಾಲೀಕ ಅಕ್ರಂಗೆ ಅಧಿಕಾರಿಗಳು ಹತ್ತು ಸಾವಿರ ರೂ ದಂಡ ವಿಧಿಸಿದ್ದಾರೆ.
Key words: mysore- city corporation- officer- pet –horn- Warehouse-fine
