ಮಂಡ್ಯ, ಅಕ್ಟೋಬರ್,7,2026 (www.justkannada.in): ಸಚಿವರ ವಿರುದ್ದ ಸ್ಟಿಂಗ್ ಆಪರೇಷನ್ ವಿಚಾರಕ್ಕೆ ಸಂಬಂಧಿಸಿದಂತೆ ಸಿಎಂ ಡಿಕೆ ಶಿವಕುಮಾರ್ ಎಚ್ಚರಿಕೆ ಬಗ್ಗೆ ಮಾಜಿ ಸಿಎಂ ಡಿ.ವಿ ಸದಾನಂದಗೌಡರು ವ್ಯಂಗ್ಯವಾಡಿದ್ದಾರೆ.
ಈ ಕುರಿತು ಮಾತನಾಡಿದ ಡಿ.ವಿ ಸದಾನಂದಗೌಡರು, ಇದು ಅಲಿಬಾಬ 40 ಕಳ್ಳರಿಗೆ ಹೇಳಿದಂತೆ . ಕಳ್ಳತನ ಇಲ್ಲದಿದ್ದರೇ ಈ ರೀತಿ ಹೇಳುವ ಅವಶ್ಯಕತೆ ಏನಿದೆ? ಹಣ ಹೊಡೆಯುವಾಗ ಜಾಗರೂಕತೆಯಿಂದ ಇರಲು ಹೇಳಿದ್ದಾರೆ. ಸಿಎಂ ಡಿಕೆ ಶಿವಕುಮಾರ್ ಗೆ ಆತಂಕ. ನೀವು ಯಾವುದೇ ತಪ್ಪು ಅಥವಾ ಕಳ್ಳತನ ಮಾಡದಿದ್ದರೆ, ಸ್ಟಿಂಗ್ ಆಪರೇಷನ್ ಗೆ ಹೆದರುವ ಅವಶ್ಯಕತೆ ಏನಿದೆ? ಎಂದು ಪ್ರಶ್ನಿಸಿದರು.
ನಿನ್ನೆ ಸಚಿವ ಸಂಪುಟ ಸಭೆಯಲ್ಲಿ ಸ್ಟಿಂಗ್ ಆಪರೇಷನ್ ಬಗ್ಗೆ ಸಿಎಂ ಡಿಕೆ ಶಿವಕುಮಾರ್ ಪ್ರಸ್ತಾಪಿಸಿ ಎಚ್ಚರಿಕೆ ಸಂದೇಶ ನೀಡಿದ್ದಾರೆ ಎನ್ನಲಾಗಿದೆ. ಖಾಸಗಿ ಸಂಸ್ಥೆಗಳಿಂದ ಸಚಿವರ ಸ್ಟಿಂಗ್ ಆಪರೇಷನ್ ನಡೀತಿದೆ. ನಿಮ್ಮ ನಡೆ , ನುಡಿ ಎಲ್ಲವೂ ಜಾಗೃತವಾಗಿರಬೇಕು ಎಂದು ಸಲಹೆ ನೀಡಿದ್ದಾರೆ ಎನ್ನಲಾಗಿದೆ.
