ಮೆಲ್ಬರ್ನ್, ಜೂನ್ 18, 2020 (www.justkannada.in): ಭಾರತ ಕ್ರಿಕೆಟ್‌ ತಂಡದ ದಿಗ್ಗಜರಾದ ಸಚಿನ್ ತೆಂಡೂಲ್ಕರ್‌, ಕಪಿಲ್ ದೇವ್‌, ವಿರಾಟ್‌ ಕೊಹ್ಲಿಯ ಹೆಸರನ್ನು ಮೆಲ್ಬರ್ನ್ ನಗರದ ರಸ್ತೆಗಳಿಗೆ ಇಡಲಾಗಿದೆ.
ಮೆಲ್ಬರ್ನ್ ನಗರದ ರಾಕ್‌ಬ್ಯಾಂಕ್‌ ಉಪ ನಗರದಲ್ಲಿ ಅಭಿವೃದ್ಧಿಪಡಿಸುತ್ತಿರುವ ಹೊಸ ಹೌಸಿಂಗ್‌ ಎಸ್ಟೇಟ್‌ನ ಪ್ರಮುಖ ಬೀದಿಗಳಿಗೆ ಈ ಮೂವರ ಹೆಸರು ನಾಮಕರಣ ಮಾಡಲಾಗುತ್ತಿದೆ.
ಆಸ್ಟ್ರೇಲಿಯದಲ್ಲಿ ನೆಲೆಸಿರುವ ಭಾರತೀಯ ಮೂಲದವರನ್ನು ಸೆಳೆಯಲು ಪ್ರಮುಖ ಬೀದಿಗಳಿಗೆ ಭಾರತ ಕ್ರಿಕೆಟ್‌ ಮಾಂತ್ರಿಕರ ಹೆಸರನ್ನು ಇಡಲಾಗಿದೆ ಎನ್ನಲಾಗಿದೆ. “ತೆಂಡೂಲ್ಕರ್‌ ಡ್ರೈವ್‌’, ‘ಕೊಹ್ಲಿ ಕ್ರೆಸೆಂಟ್‌’, ‘ದೇವ್‌ ಟೆರೆಸ್‌’ ಎಂದು ಬೀದಿಗಳಿಗೆ ಹೆಸರಿಡಲಾಗಿದೆ.
