ಬೆಂಗಳೂರು:ಜುಲೈ-29:(www.justkannada.in) ಪ್ರಸಕ್ತ ಶೈಕ್ಷಣಿಕ ವರ್ಷದಲ್ಲಿ ದೇಶದಲ್ಲಿಯೇ ಕರ್ನಾಟಕಕ್ಕೆ ಅತಿ ಹೆಚ್ಚು ಮೆಡಿಕಲ್ ಸೀಟುಗಳನ್ನು ನೀಡಲಾಗಿದ್ದು, 23 ಕಾಲೇಜುಗಳು ಮತ್ತು 155 ಕೋರ್ಸ್‌ಗಳಿಂದ 469 ಕ್ಕೂ ಹೆಚ್ಚು ಸೀಟುಗಳನ್ನು ವೈದ್ಯಕೀಯ ಸ್ಥಾನವಾಗಿ ಪರಿವರ್ತಿಸಲಾಗಿದೆ.
ದೇಶದಲ್ಲಿ 2,148 ಸೀಟುಗಳನ್ನು ವೈದ್ಯಕೀಯ ಸೀಟುಗಳಾಗಿ ಪರಿವರ್ತಿಸಲಾಗಿದೆ. ಆದರೆ 9 ಕಾಲೇಜುಗಳಿಗೆ ಇನ್ನೂ 99 ವೈದ್ಯಕೀಯ ಸೀಟುಗಳಿಗೆ ಅನುಮೋದನೆ ನೀಡಲಾಗಿಲ್ಲ.
ಮೆಡಿಕಲ್ ಕೌನ್ಸಿಲ್ ಆಫ್ ಇಂಡಿಯಾ (ಎಂಸಿಐ), ಕೇಂದ್ರ ಸರ್ಕಾರದ ಪೂರ್ವಾನುಮತಿಯೊಂದಿಗೆ, ಹೊಸ ಅಥವಾ ಉನ್ನತ ಕೋರ್ಸ್ ಅಥವಾ ತರಬೇತಿ (ಪೋಸ್ಟ್ ಗ್ರಾಜುಯೇಶನ್ ಕೋರ್ಸ್ ಆಫ್ ಸ್ಟಡಿ ಅಥವಾ ಟ್ರೈನಿಂಗ್ ಸೇರಿದಂತೆ) ಮತ್ತು ಯಾವುದೇ ಸಾಮರ್ಥ್ಯದ ಅಧ್ಯಯನ ಅಥವಾ ತರಬೇತಿಯ ಕೋರ್ಸ್ (ಅಧ್ಯಯನ ಅಥವಾ ತರಬೇತಿಯ ಸ್ನಾತಕೋತ್ತರ ಕೋರ್ಸ್ ಸೇರಿದಂತೆ) ನಿಯಮಗಳಿಗೆ ಅನ್ವಯವಾಗುವಂತೆ 2000 ವೈದ್ಯಕೀಯ ಕಾಲೇಜುಗಳು ಡಿಪ್ಲೋಮಾ ಕೋರ್ಸ್ ಥಾನಗಳನ್ನು ಪರಿವರ್ತಿಸಲು ಅವಕಾಶ ಕಲ್ಪಿಸಿವೆ.
ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ಆಡಳಿತ ಮಂಡಳಿಗೆ ನೀಡಿದ ಮಾಹಿತಿಯಂತೆ 141 ವೈದ್ಯಕೀಯ ಕಾಲೇಜುಗಳು 2697 ಡಿಪ್ಲೊಮಾ ಸೀಟುಗಳನ್ನು 843 ಪದವಿ ಸೀಟ್ ಗಳನ್ನಾಗಿ ಪರಿವರ್ತಿಸಲು ಅರ್ಜಿಗಳನ್ನು ಸ್ವೀಕರಿಸಿದೆ. ಎಲ್ಲಾ ಅರ್ಜಿಗಳನ್ನು ಎಂಸಿಐ ಪರಿಗಣಿಸಿದೆ. ಇನ್ನು 115 ಕಾಲೇಜುಗಳಲ್ಲಿ 686 ಕೋರ್ಸ್‌ಗಳ 2148 ಪಿಜಿ ಡಿಪ್ಲೊಮಾ ಸೀಟುಗಳನ್ನು ಪಿಜಿ ಪದವಿ ಸ್ಥಾನಗಳಾಗಿ ಪರಿವರ್ತಿಸಲು ನಿರ್ಧರಿಸಲಾಗಿದೆ ಎಂದು ತಿಳಿಸಿದೆ.
