ಮಂಡ್ಯ, ಅಕ್ಟೋಬರ್,28,2026 (www.justkannada.in): ರಾಜ್ಯದಲ್ಲಿ ಸ್ಟಿಂಗ್ ಆಪರೇಷನ್ ವಿಚಾರ ಸಂಬಂಧ ಮಾಜಿ ಸಿಎಂ ಸಿದ್ದರಾಮಯ್ಯರನ್ನ ಕೇಂದ್ರ ಸಚಿವ ಹೆಚ್ ಡಿ ಕುಮಾರಸ್ವಾಮಿ ಭೇಟಿಯಾಗುವ ಕುರಿತು ಟೀಕೆ ಟಿಪ್ಪಣಿಗಳು ವ್ಯಕ್ತವಾಗಿದೆ. ಈ ಕುರಿತಂತೆ ಮಾಜಿ ಶಾಸಕ ಸುರೇಶ್ ಗೌಡ ಪ್ರತಿಕ್ರಿಯಿಸಿದ್ದಾರೆ.
ಮಂಡ್ಯದಲ್ಲಿ ಮಾತನಾಡಿರುವ ಮಾಜಿ ಶಾಸಕ ಸುರೇಶ್ ಗೌಡ, ಕುಮಾರಸ್ವಾಮಿ-ಸಿದ್ದರಾಮಯ್ಯ ಭೇಟಿ ಮಾಡುದ್ರೆ ತಪ್ಪೇನು? ಎಂದು ಪ್ರಶ್ನಿಸಿದ್ದಾರೆ.
ರಾಜ್ಯದಲ್ಲಿ ರಾಜಕೀಯ ಬೆಳೆವಣಿಗೆಗಳಿಂದ ಕ್ಲಿಷ್ಟಕರ ಪರಿಸ್ಥಿತಿ ಎದುರಾಗಿದೆ.. ಸರ್ಕಾರದ ತಪ್ಪು ಮುಚ್ಚಿಕೊಳ್ಳಲು ಸ್ಟಿಂಗ್ ಆಪರೇಷನ್ ವಿರೋಧ ಪಕ್ಷದವರಿಗೆ ಕಡೆಗೆ ತಿರುಗಿಸಲು ಸರ್ಕಾರ ಯೋಚನೆ ಮಾಡುತ್ತಿದೆ. ಸಂತ್ರಸ್ತರು ದೂರು ಕೊಟ್ಟು ಯಾರು ಅವರು ಅಂತನೂ ಹೇಳಿದ್ದಾರೆ.. ವಿರೋಧ ಪಕ್ಷದ ಜವಾಬ್ದಾರಿ ಇರುವವರು ಕುಮಾರಸ್ವಾಮಿ. ಹೀಗಾಗಿ ಧ್ವನಿ ಎತ್ತಿದ್ದಾರೆ..ಸತ್ಯ ಹೊರಗೆ ಬರಬೇಕು ಅಷ್ಟೆ ನಮ್ಮ ಉದ್ದೇಶ ಎಂದರು.
ಸರ್ಕಾರ ತಪ್ಪು, ಅಕ್ರಮ, ಅನಾಚಾರ ತೋರಿಸುವುದೇ ನಮ್ಮ ಕೆಲಸ. ಸ್ಟಿಂಗ್ ಬಗ್ಗೆ ತನಿಖೆ ಆಗಲಿ. ಎಸ್ ಐಟಿ, ತನಿಖೆಯನ್ನು ಹಳ್ಳ ಹಿಡಿಸಿವೆ. ನಮ್ಮ ಸರ್ಕಾರ ಬಂದರೇ ಅವೆಲ್ಲವನ್ನೂ ರೀ ಓಪನ್ ಮಾಡಿಸುತ್ತೇವೆ. ರಾಜ್ಯದಲ್ಲಿ ಗೃಹ ಸಚಿವರು ಸರಿಯಾಗಿ ಕೆಲಸ ಮಾಡುತ್ತಿಲ್ಲ , ಸರಿಯಾದ ತನಿಖೆ ನಡೆಸುತ್ತಿಲ್ಲ. ಜೆಡಿಎಸ್ ನಿಂದ ಹೋದ ಕೆಲವು ಸಚಿವರು ಕುಮಾರಸ್ವಾಮಿ ವಿರುದ್ಧ ಮಾತನಾಡುತ್ತಿದ್ದಾರೆ. ಮುಖ್ಯಮಂತ್ರಿಗಳು ಸಂಪೂರ್ಣ ಮೌನ ವಹಿಸಿದ್ದಾರೆ. ಚಲುವರಾಯಸ್ವಾಮಿ ಕುಮಾರಸ್ವಾಮಿ ಬಗ್ಗೆ ಮಾತನಾಡುತ್ತಾರೆ ಎಂದು ಕಿಡಿಕಾರಿದರು.
ಸಿದ್ದರಾಮಯ್ಯ ನಮ್ಮ ಪಕ್ಷದಲ್ಲಿದ್ದವರು ಹಿರಿಯ ನಾಯಕರು. ಅವರನ್ನು ಭೇಟಿ ಮಾಡುದ್ರೆ ತಪ್ಪೇನು? ಕುಮಾರಸ್ವಾಮಿ ಸಿದ್ದರಾಮಯ್ಯ ಭೇಟಿ ಮಾಡಿದರೇ ತಪ್ಪೇನು? ಎಂದು ಹರಿಹಾಯ್ದರು.
