ಬೆಂಗಳೂರು,ಅಕ್ಟೊಂಬರ್,04,2020(www.justkannada.in) : ದರೋಡೆಗೆ ಹೊಂಚು ಹಾಕುತ್ತಿದ್ದ ಕುಖ್ಯಾತ 4 ಜನ ಅಂತರ ರಾಜ್ಯ ಕಳ್ಳರ ಬಂಧಿಸಿ, 28.3 ಲಕ್ಷ ರೂ. ಮೌಲ್ಯದ ವಿವಿಧ ಕಂಪನಿಯ 20 ದ್ವಿಚಕ್ರ ವಾಹನಗಳನ್ನು ಆರ್.ಟಿ.ನಗರ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಆರ್.ಟಿ.ನಗರ ಪೊಲೀಸ್ ಠಾಣಾ ವ್ಯಾಪ್ತಿಯ ಗಂಗಾನಗರ, ಎಚ್.ಜಿ.ಎಚ್.ಲೇಔಟ್ನ ಕೇಕ್ ಪ್ಯಾಲೇಸ್ ಮುಂಭಾಗ ಗಸ್ತಿನಲ್ಲಿದ್ದ ಪಿಎಸ್ಐ ಸುಭಾಷ್ ಚಂದ್ರ ಪಟ್ಟಣ ಮತ್ತು ಸಿಬ್ಬಂದಿ ಅನುಮಾನಾಸ್ಪದವಾಗಿ ಓಡಾಡುತ್ತಿದ್ದವರನ್ನು ವಿಚಾರಣೆಗೆ ಒಳಪಡಿಸಿದಾರೆ.
ಈ ಸಂದರ್ಭ ಒಂಟಿಯಾಗಿ ಓಡಾಡುವವರನ್ನು ಮಾರಕಾಸ್ತ್ರಗಳಿಂದ ಬೆದರಿಸಿ, ದರೋಡೆ ಮಾಡಲು ಹೊಂಚು ಹಾಕುತ್ತಿದ್ದಾಗಿ ಆರೋಪಿಗಳು ತಿಳಿಸಿದ್ದಾರೆ. ಈ ಸಂಬಂಧ ಆರ್.ಟಿ.ನಗರ ಪೊಲೀಸ್ ಠಾಣೆಲ್ಲಿ ದರೋಡೆಗೆ ಸಂಚು ಪ್ರಕರಣ ದಾಖಲಾಗಿದೆ. 
ಶೇಕ್ ಅಬ್ರಾರ್(23),ಸೈಫ್ ವುಲ್ಲಾ ಬಾಷಾ(ಫೀರು)(26), ಮುಫೀದ್ ವುಲ್ಲಾಖಾನ್(29), ಅತೀಕ್ ಹುಸೇನ್(ಅತೀಕ್)(29) ನಾಲ್ಕು ಜನ ಆರೋಪಿಗಳನ್ನು ಬಂಧಿಸಿ, 28.3 ಲಕ್ಷ ರೂ. ಬೆಲೆ ಬಾಳುವ 10-ರಾಯಲ್ ಎನ್ ಪೀಲ್ಡ್ ಬುಲೆಟ್, 3-ಪಲ್ಸರ್, 1-ಟಿ.ವಿ.ಎಸ್, 6-ಹೋಂಡಾ ಆಕ್ಟೀವ್ ಒಟ್ಟು 20 ದ್ವಿಚಕ್ರವಾಹನಗಳನ್ನು ಶಪಡಿಸಿಕೊಳ್ಳಲಾಗಿದೆ.
key words : arrest-notorious-inter-state-robbers-worth-Rs 28.3 lakh-Worth-two-wheeled
