ರಾಕಿ ಭಾಯ್ ಹುಟ್ಟುಹಬ್ಬಕ್ಕೆ ಐದು ಸಾವಿರ ತೂಕದ ಕೇಕ್ ರೆಡಿ ಮಾಡುತ್ತಿರುವ ಅಭಿಮಾನಿ

ಬೆಂಗಳೂರು, ಜನವರಿ 02, 2019 (www.justkannada.in): ರಾಕಿಂಗ್​ ಸ್ಟಾರ್​ ಯಶ್​ ಹುಟ್ಟು ಹಬ್ಬಕ್ಕೆ ಅಭಿಮಾನಿಯೊಬ್ಬ 5 ಸಾವಿರ ಕೆ.ಜಿ ಕೇಕ್​ ಸಿದ್ಧಪಡಿಸುತ್ತಿದ್ದಾನೆ.

ಜನವರಿ 8 ರಂದು ರಾಕಿಂಗ್​ ಸ್ಟಾರ್​ 34ನೇ ಹುಟ್ಟು ಹಬ್ಬ ಆಚರಿಸುತ್ತಿದ್ದಾರೆ. ವೇಣು ಗೌಡ ಎಂಬಾತ ತನ್ನ ನೆಚ್ಚಿನ ನಟ ಯಶ್​ ಹುಟ್ಟು ಹಬ್ಬದ ಆಚರಣೆಗೆ ಈಗಲೇ ಸಿದ್ಧನಾಗಿದ್ದಾನೆ.

ಇದಕ್ಕಾಗಿ ಬರೋಬ್ಬರಿ 5 ಸಾವಿರ ಕೆ.ಜಿಯ ಕೇಕ್​ ಸಿದ್ಧಪಡಿಸಲಾಗುತ್ತಿದೆ. ಯಶ್​ ಕೈಯಾರೆ ಈ ಕೇಕ್​ ಕಟ್​ ಮಾಡಿಸುವ ಪ್ಲಾನ್​ ಹಾಕಿಕೊಂಡಿದ್ದಾರೆ. ಇದಕ್ಕೆಂದೇ ಪೋಸ್ಟರ್​ವೊಂದನ್ನು ಸಿದ್ಧಪಡಿಸಲಾಗಿದೆ.

ನಂದಿ ಲಿಂಕ್​​ ಗ್ರೌಂಡ್​, ಪಂಟರಪಾಳ್ಯ, ನಂದಿ ಹಿಲ್ಸ್​ , ಬೆಂಗಳೂರು ಇಲ್ಲಿ ಹುಟ್ಟು ಹಬ್ಬ ಆಚರಣೆ ನಡೆಯಲಿದೆ ಎಂದು ಆ ಪೋಸ್ಟರ್ ನಲ್ಲಿ ತಿಳಿಸಲಾಗಿದೆ.