ಬೆಂಗಳೂರು,ನವೆಂಬರ್,4,2026(www.justkannada.in): ಗೃಹಲಕ್ಷ್ಮಿ ಯೋಜನೆ ಹಣ ದುರುಪಯೋಗವಾಗುತ್ತಿದೆ. ಹಣವನ್ನು ಬೇರೆಡೆಗೆ ಡೈವರ್ಟ್ ಮಾಡಲಾಗುತ್ತಿದೆ ಎಂಬ ಜೆಡಿಎಸ್ ಯುವ ಘಟಕದ ಅಧ್ಯಕ್ಷ ನಿಖಿಲ್ ಕುಮಾರಸ್ವಾಮಿ ಆರೋಪಕ್ಕೆ ಪೌರಾಡಳಿತ ಸಚಿವ ಹೆಚ್.ಸಿ. ಬಾಲಕೃಷ್ಣ ತಿರುಗೇಟು ನೀಡಿದ್ದಾರೆ.
ಈ ಕುರಿತು ಮಾತನಾಡಿದ ಸಚಿವ ಹೆಚ್ ಸಿ ಬಾಲಕೃಷ್ಣ, ನಿಖಿಲ್ ಅವರ ಬಳಿ ಸೂಕ್ತ ಆಧಾರವಿದ್ದರೆ ಬಿಡುಗಡೆ ಮಾಡಲಿ, ಸುಮ್ಮನೆ ಉಢಾಫೆ ಮಾತನಾಡುವುದನ್ನು ಬಿಟ್ಟು ಬೆಳೆದ ಮೇಲೆ ಗೌರವಯುತವಾಗಿ ಮಾತನಾಡಲು ಕಲಿಯಲಿ ಎಂದು ಕಿಡಿಕಾರಿದ್ದಾರೆ.
ಗೃಹಲಕ್ಷ್ಮಿ ಯೋಜನೆಯ 2,600 ಕೋಟಿ ರೂ. ಡೈವರ್ಟ್: ನಿಖಿಲ್ ಕುಮಾರಸ್ವಾಮಿ ಗಂಭೀರ ಆರೋಪ
ಈ ಸಂಬಂಧ ಮಾತನಾಡಿದ್ದ ನಿಖಿಲ್ ಕುಮಾರಸ್ವಾಮಿ, ಸರ್ಕಾರ ದಿವಾಳಿಯಾಗಿದೆ, ಫೆಬ್ರವರಿ-ಮಾರ್ಚ್ ತಿಂಗಳ ಗೃಹಲಕ್ಷ್ಮಿ ಯೋಜನೆಯ 2,600 ಕೋಟಿ ರೂಪಾಯಿ ಹಣವನ್ನು ಬೇರೆಡೆಗೆ ಡೈವರ್ಟ್ ಮಾಡಿದೆ. ಕೋರ್ಟ್‌ಗೆ ಸಲ್ಲಿಸಿದ ಆಕ್ಷೇಪಣೆಯಲ್ಲಿ ಸರ್ಕಾರವೇ ಆರ್ಥಿಕ ಕೊರತೆ ಒಪ್ಪಿಕೊಂಡಿದೆ. ಈ ಹಣ ಉಪಚುನಾವಣೆಗೆ ಬಳಕೆಯಾಗುವ ಸಾಧ್ಯತೆಯಿದೆ ಎಂದು ಆರೋಪಿಸಿದ್ದರು.
