ಹುಬ್ಬಳ್ಳಿ, ಅಕ್ಟೋಬರ್,19,2026 (www.justkannada.in): ನಿನ್ನೆ ಬಿಜೆಪಿ ರಾಜ್ಯಾಧ್ಯಕ್ಷ ಬಿವೈ ವಿಜಯೇಂದ್ರ ಮತ್ತು ಉಚ್ಚಾಟಿತ ಬಿಜೆಪಿ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಇಬ್ಬರ ಭೇಟಿ ವಿಚಾರಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯಿಸಿರುವ ಮಾಜಿ ಸಚಿವ ಮುರುಗೇಶ್ ನಿರಾಣಿ, ರಾಜಕೀಯದಲ್ಲಿ ಯಾರೂ ಶಾಶ್ವತ ಶತ್ರುಗಳಲ್ಲ ಮಿತ್ರರೂ ಅಲ್ಲ ಎಂದಿದ್ದಾರೆ.
ಈ ಕುರಿತು ಮಾತನಾಡಿದ ಮುರುಗೇಶ್ ನಿರಾಣಿ, ಯತ್ನಾಳ್, ಬಿವೈ ವಿಜಯೇಂದ್ರ ಭೇಟಿ ಬಗ್ಗೆ ನನಗೆ ಗೊತ್ತಿಲ್ಲ. ಯತ್ನಾಳ್ ನಮ್ಮ ಪಕ್ಷದಲ್ಲಿಯೇ ಇದ್ದರು. ರಾಜಕೀಯದಲ್ಲಿ ಯಾರೂ ಶಾಶ್ವತ ಶತ್ರುಗಳಲ್ಲ ಮಿತ್ರರು ಅಲ್ಲ. ಯತ್ನಾಳ್ ಬರಬೇಕು ಅನ್ನೋದು ನಮ್ಮ ಒತ್ತಾಯ ಕೂಡ ಇದೆ. ಯತ್ನಾಳ್ ಮಾತ್ರವಲ್ಲ ಅಸಮಾಧಾನ ಇದ್ದವರು ಮರಳಿ ಬರಬೇಕು. ಅವರನ್ನ ವಾಪಸ್ ಬಿಜೆಪಿಗೆ ಕರೆ ತರುವ ಕೆಲಸ ಕೂಡ ಆಗುತ್ತಿದೆ. ಅಸಮಾಧಾನಿತರು ವಾಪಸ್ ಬಿಜೆಪಿಗೆ ಬಂದರೆ ನಮ್ಮಸ್ವಾಗತ ಇದೆ ಎಂದರು.
ಸ್ಟಿಂಗ್ ಅಪರೇಷನ್ ವಿಚಾರ, ಕಾಂಗ್ರೆಸ್ ಪಕ್ಷದಲ್ಲಿ ಅದೇ ವ್ಯಕ್ತಿಗಳು ಸ್ಟಿಂಗ್ ಮಾಡುತ್ತಿದ್ದಾರೆ. ಈ ಪ್ರಕರಣದ ತನಿಖೆ ಸಿಬಿಐ ಗೆ ವಹಿಸಿ. ಸ್ಟಿಂಗ್ ಯಾರೇ ಮಾಡಲಿ ಯಾವುದೇ ಪಾರ್ಟಿ ಮಾಡಿದ್ರೂ ತಪ್ಪು ರಾಜ್ಯದಲ್ಲಿ ರಾಜಕೀಯ ಅಧೋಗತಿಗೆ ಹೋಗುತ್ತಿದೆ ಎಂದು ಕಿಡಿಕಾರಿದರು.
