ಮೈಸೂರು,ಏಪ್ರಿಲ್,26,2024 (www.justkannada.in): ಮತದಾನ ಮಾಡಿ ಹೊರ ಬಂದ ವೇಳೆ ವೃದ್ದೆಯೊಬ್ಬರು ಹಸುಗಳ ಕಾದಾಟದಿಂದ ಹೆದರಿ ಬಿದ್ದು ಕೈಮುರಿದುಕೊಂಡು ಆಸ್ಪತ್ರೆಗೆ ದಾಖಲಾಗಿರುವ ಘಟನೆ ಮೈಸೂರಿನಲ್ಲಿ ನಡೆದಿದೆ.
ನಗರದ ಕೆ.ಆರ್ ಕ್ಷೇತ್ರದ ಕುವೆಂಪುನಗರ ಎಂ.ಬ್ಲಾಕ್ ಗೋಕುಲ್ ಶಾಲೆಯ ಬೂತ್ ಬಳಿ ಈ ಘಟನೆ ನಡೆದಿದೆ. 76 ವರ್ಷದ ಜಯಮ್ಮ ಬಿದ್ದು ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿರುವುದು. ಇಂದು ಲೋಕಸಭೆ ಚುನಾವಣೆ ಹಿನ್ನೆಲೆ ಬೆಳಿಗ್ಗೆ 7.30ರ ವೇಳೆಗೆ ಜಯಮ್ಮ ಅವರು ಗೋಕುಲ್ ಶಾಲೆಯ ಬೂತ್ ಗೆ ತೆರಳಿ ಮತದಾನ ಮಾಡಿದ್ದಾರೆ.
ಬಳಿಕ ಹೊರ ಬಂದಿದ್ದು ಈ ವೇಳೆ ಅಲ್ಲೆ ಪಕ್ಕದಲ್ಲಿ ಎರಡು ಹಸುಗಳು ಕಾದಾಡುತ್ತಿದ್ದಾಗ ಹೆದರಿದ ಜಯಮ್ಮ ಅವರು ಕೆಳಕ್ಕೆ ಬಿದ್ದಿದ್ದು ಈ ಸಮಯದಲ್ಲಿ ಜಯಮ್ಮ ಅವರ ಕೈಮುರಿದಿದೆ. ತಕ್ಷಣವೇ ಅವರನ್ನ ನಗರದ ಗೋಪಾಲಗೌಡ ಆಸ್ಪತ್ರೆಗೆ ದಾಖಲು ಮಾಡಿ ಚಿಕಿತ್ಸೆ ನೀಡಲಾಗುತ್ತಿದೆ. ಈ ಮಧ್ಯೆ ಜಯಮ್ಮ ಅವರಿಗೆ ಕೈ ಆಪರೇಷನ್ ಮಾಡಬೇಕೆಂದು ವೈದ್ಯರು ತಿಳಿಸಿದ್ದಾರೆಂಬ ಮಾಹಿತಿ ಲಭ್ಯವಾಗಿದೆ.
Key words: woman, voting, After, admitted, hospital
