ಮೈಸೂರು, ನ.೩೦, ೨೦೨೫: ರಾಜ್ಯ ಸರಕಾರದ ಶಕ್ತಿ ಯೋಜನೆಯಡಿ ಮಹಿಳಾ ಪ್ರಯಾಣಿಕರಿಗೆ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ (KSRTC) ಬಸ್‌ನಲ್ಲಿಉಚಿತ ಪ್ರಯಾಣದ ಗ್ಯಾರಂಟಿ ಜಾರಿಗೊಳಿಸಿದೆ. ಆದರೆ ಈ ಗ್ಯಾರಂಟಿ ಯೋಜನೆ ಮಹಿಳಾ ಮೀಸಲು ಸೀಟುಗಳಿಗೆ ಸಂಚಕಾರ ತಂದಿದೆ.
ಇಂದು ಬೆಳಗ್ಗೆ ೮ ಗಂಟೆಗೆ ಮಂಗಳೂರಿಂದ ಮೈಸೂರಿಗೆ ತೆರಳುವ ಬಸ್‌ ನಲ್ಲಿ (KA.19, F-3196) ನಡೆದ ಘಟನೆ ಬಗ್ಗೆ ಜಸ್ಟ್‌ ಕನ್ನಡದ ಓದುಗ ಪ್ರಯಾಣಿಕರು ವಿವರಿಸಿದ್ದು ಹೀಗೆ…
ಬಸ್‌ ನಲ್ಲಿ ಆಸನಗಳು ಖಾಲಿ ಇದ್ದರು ಮಹಿಳಾ ಮೀಸಲು ಸೀಟ್ ನಲ್ಲಿಪುರುಷ ಪ್ರಯಾಣಿಕರು ಕುಳಿತಿದ್ದರು. ಈ ಬಗ್ಗೆ ಬಸ್‌ ನಿರ್ವಾಹಕರ ಗಮನ ಸೆಳೆದು, ಮಹಿಳಾ ಆಸನದಲ್ಲಿ ಕುಳಿತಿರುವ ಪ್ರಯಾಣಿಕರನ್ನು ಬೇರೆಡೆ ಕುಳಿತುಕೊಳ್ಳುವಂತೆ ಸೂಚಿಸಲು ಕೇಳಿದಾಗ ನಿರ್ವಾಹಕ ಅತ್ಯಂತ ಬೇಜಾವಾಬ್ದಾರಿಯಿಂದ ಉತ್ತರಿಸಿದರು ಎಂದು ಆರೋಪಿಸಿದ್ದಾರೆ.
ಈ ಆರೋಪದ ಪ್ರಕಾರ, “ ಮಹಿಳೆಯರು ರಾಜ್ಯದಲ್ಲಿ ಉಚಿತವಾಗಿ ಪ್ರಯಾಣಿಸುತ್ತಿರುವುದು. ಫ್ರೀ ಬಸ್‌ ಯೋಜನೆ ಬಂದ ಮೇಲೆ ಮಹಿಳಾ ಮೀಸಲು ಆಸನದ ವ್ಯವಸ್ಥೆ ಇಲ್ಲ. ಖಾಲಿ ಇರವ ಕಡೆ ಕುಳಿತುಕೊಳ್ಳಿ “ ಎಂದು ಉಡಾಫೆಯಿಂದ ಉತ್ತರಿಸಿದರು ಎನ್ನಲಾಗಿದೆ.
ಮಹಿಳೆ ವಿನಯಪೂರ್ವಕವಾಗಿ, “ಇದು ಮಹಿಳೆಯರಿಗೆ ಮೀಸಲಾಗಿರುವ ಸೀಟ್. ದಯವಿಟ್ಟು ಬೇರೆ ಸೀಟ್‌ಗೆ ಬನ್ನಿ” ಎಂದು ಕೇಳಿದಾಗ, ಆ ಪುರುಷ ಪ್ರಯಾಣಿಕ ಸಹ ತಿರಸ್ಕಾರದ ಭಾವದಲ್ಲಿ ಪ್ರತಿಕ್ರಿಯಿಸಿದನೆಂಬ ಮಾಹಿತಿಯಿದೆ. ಪರಿಸ್ಥಿತಿ ಗಂಭೀರವಾಗದಂತೆ ನೋಡಿಕೊಳ್ಳಬೇಕಾದ ನಿರ್ವಾಹಕ ಸಹ ಪುರುಷ ಪ್ರಯಾಣಿಕನ ಮಾತಿಗೆ ದನಿಗೂಡಿಸಿದರು ಎಂಬುದು ಆರೋಪ.
ಪ್ರಯಾಣಿಕರ ಪ್ರತಿಕ್ರಿಯೆ:
ಈ ಘಟನೆಯ ನಂತರ ಅನೇಕರು, ಸಾರ್ವಜನಿಕ ಸಾರಿಗೆಯಲ್ಲಿ ಮಹಿಳೆಯರ ಸುರಕ್ಷತೆ ಮತ್ತು ಅವರಿಗೆ ನೀಡಿರುವ ಹಕ್ಕುಗಳನ್ನು ಗೌರವಿಸುವುದು ಅತ್ಯಂತ ಅಗತ್ಯ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ನಿರ್ವಾಹಕನ ತಾತ್ಸಾರ ನಡೆಯನ್ನು ಸಾರ್ವಜನಿಕರು ಖಂಡಿಸಿದ್ದಾರೆ.
key words: Shakti Yojana, “guarantee”, reserved seats, for women, KSRTC buses,
SUMMARY:
Shakti Yojana: No “guarantee” for reserved seats for women in KSRTC buses
The Karnataka Road Transport Corporation (KSRTC) has implemented a guarantee of free travel for women passengers in buses under the state government’s Shakti Yojana. However, this guaranteed scheme has brought a threat to women’s reserved seats.
 has implemented a guarantee of free travel for women passengers in buses under the state government's Shakti Yojana. However, this guaranteed scheme has brought a threat to women's reserved seats.){kind=link}