ಬೆಂಗಳೂರು, ಜೂನ್ 05, 2020 (www.justkannada.in): ರೀ ರಿಲೀಸ್ ಮಾಡಲು ‘ಜಂಟಲ್ ಮನ್’ ಚಿತ್ರತಂಡ ಸಿದ್ಧತೆ ಮಾಡುತ್ತಿದೆ.
ಯಶಸ್ವಿಯಾಗಿ ಪ್ರದರ್ಶನವಾಗುತ್ತಿರುವ ಸಮಯದಲ್ಲಿ ಕೊರೋನಾದಿಂದ ಪ್ರದರ್ಶನವನ್ನು ನಿಲ್ಲಿಸಿತ್ತು.
ಕಳೆದ ಫೆಬ್ರವರಿ ತಿಂಗಳಿನಲ್ಲಿ ‘ಜಂಟಲ್ ಮನ್’ ಸಿನಿಮಾ ಬಿಡುಗಡೆಗೊಂಡಿತ್ತು.
ಮೆಡಿಕಲ್ ಮಾಫಿಯಾವನ್ನ ಇಟ್ಟುಕೊಂಡು ಈ ಸಿನಿಮಾಗೆ ಚಿತ್ರಕತೆ ಹೆಣೆಯಲಾಗಿತ್ತು. ಪ್ರಜ್ವಲ್ ದೇವರಾಜ್ ನಟನೆ ಅದ್ಭುತವಾಗಿ ಮೂಡಿಬಂದಿತ್ತು. ಆದರೆ ಅಷ್ಟರಲ್ಲಾಗಲೇ ಕೋವಿಡ್ -19 ಭಾರತಕ್ಕೆ ವಕ್ಕರಿಸಿತ್ತು.
ಲಾಕ್ಡೌನ್ ಅನೌನ್ಸ್ ಆದ ನಂತರ ಸಿನಿಮಾ ಪ್ರದರ್ಶನವನ್ನು ನಿಲ್ಲಿಸಲಾಯಿತು. ಹೀಗಾಗಿ ಚಿತ್ರವನ್ನು ಮರು ಬಿಡುಗಡೆ ಮಾಡಲು ಚಿತ್ರ ತಂಡ ತಯಾರಿ ನಡೆಸಿದೆ.
