ಬೆಂಗಳೂರು, ಜೂನ್.೦೨, ೨೦೨೫: ಚಂದ್ರ ಲೇಔಟ್‌ನ ಬಾರ್ ಮತ್ತು ರೆಸ್ಟೋರೆಂಟ್‌ನಲ್ಲಿ ನಡೆದ ಜಗಳದಲ್ಲಿ ಜಿಮ್ ತರಬೇತುದಾರ ಮತ್ತು ಆತನ 10 ಸ್ನೇಹಿತರಿಂದ ಕ್ರೂರವಾಗಿ ಹಲ್ಲೆಗೊಳಗಾದ 48 ವರ್ಷದ ಹಣ್ಣು ಮಾರಾಟಗಾರ ಕಳೆದ ಐದು ದಿನಗಳಿಂದ ಕೋಮಾದಲ್ಲಿದ್ದಾರೆ.
ಬೆಂಗಳೂರಿನ ಅತ್ತಿಗುಪ್ಪೆ ನಿವಾಸಿ ವೆಂಕಟೇಶ್ ಖಾಸಗಿ ಆಸ್ಪತ್ರೆಯಲ್ಲಿ ವೆಂಟಿಲೇಟರ್‌ನಲ್ಲಿದ್ದಾರೆ. ಹಲ್ಲೆ ನಡೆಸಿದ ಆರೋಪಿಗಳನ್ನು ಚಂದ್ರ ಲೇಔಟ್ ಪೊಲೀಸರು ಬಂಧಿಸಿದ್ದಾರೆ.
ಸಂತ್ರಸ್ತೆಯ ಪತ್ನಿ ರತ್ನಾ ನೀಡಿರುವ ದೂರಿನ ಪ್ರಕಾರ, ಮೇ 27 ರಂದು ಮಧ್ಯರಾತ್ರಿ ವೆಂಕಟೇಶ್ ಅವರ ಸ್ನೇಹಿತ ಕರೆ ಮಾಡಿ ತನ್ನ ಪತಿ ಮೇಲೆ ಹಲ್ಲೆ ನಡೆಸಲಾಗಿದ್ದು, ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ತಿಳಿಸಿದರು. ಮಕ್ಕಳೊಂದಿಗೆ ಆಸ್ಪತ್ರೆಗೆ ಹೋದಾಗ ಬಾಯಿ ಮತ್ತು ಮೂಗಿನಿಂದ ತೀವ್ರ ರಕ್ತಸ್ರಾವವಾಗುತ್ತಿತ್ತು. ಅವರು ಪ್ರಜ್ಞಾಹೀನರಾಗಿದ್ದರು.
ಜಿಮ್ ತರಬೇತುದಾರ ಎಂದು ಪರಿಚಯಿಸಿಕೊಂಡ ಅರ್ಜುನ್ ಎಂಬಾತ ವೆಂಕಟೇಶ್ ಅವರ ಬಳಿ ವ್ಯವಹಾರಕ್ಕಾಗಿ ವಾಣಿಜ್ಯ ಸ್ಥಳ ಕೇಳಿದ್ದ. ಜಿಮ್ ತೆರೆಯಲು 5000 ಚದರ ಅಡಿ ಜಾಗವನ್ನು ಹುಡುಕುತ್ತಿದ್ದ. ವೆಂಕಟೇಶ್ ಅವರ ಪುತ್ರರು ಅದೇ ಜಿಮ್‌ಗೆ ಹೋಗುತ್ತಿರುವುದು ತಿಳಿದು, ತಕ್ಷಣವೇ ಜಾಗವನ್ನು ತೋರಿಸಲು ದುಂಬಾಲು ಬಿದ್ದ. ಅರ್ಜುನ್ ಕುಡಿದು ನಶೆಯಲ್ಲಿರುವುದನ್ನು ಅರಿತ ವೆಂಕಟೇಶ್ ಆತನ ಜತೆಗೆ ಅಲ್ಲಿ ವ್ಯವಹಾರ ನಡೆಸಲು ನಿರಾಕರಿಸಿ ಬೆಳಿಗ್ಗೆ ಬರುವಂತೆ ತಿಳಿಸಿದರು.
ಇದರಿಂದ ಕೋಪಗೊಂಡ ಅರ್ಜುನ್, ವೆಂಕಟೇಶ್ ಅವರನ್ನು ನಿಂದಿಸಿ ಅವರ ಮೇಲೆ ಹಲ್ಲೆಗೆ ಮುಂದಾದ. ಆದರೆ ಅವರ ಸ್ನೇಹಿತರು ಆತನನ್ನು ಬಾರ್‌ನಿಂದ ಹೊರಗೆ ತಳ್ಳುವಲ್ಲಿ ಯಶಸ್ವಿಯಾದರು.
20 ನಿಮಿಷಗಳ ನಂತರ ಅರ್ಜುನ್ ತನ್ನ ಸ್ನೇಹಿತರೊಂದಿಗೆ ಮತ್ತೆ ಬಾರ್ ಗೆ ನುಗ್ಗಿ, ವೆಂಕಟೇಶ್‌ನನ್ನು ಹೊರಗೆ ಎಳೆದುಕೊಂಡು ಹೋಗಿ, ತೀವ್ರವಾಗಿ ಹಲ್ಲೆ ನಡೆಸಿದ. ತಲೆ, ಮುಖ, ಎದೆ ಮತ್ತು ಬೆನ್ನಿಗೆ ಗಾಯಗೊಳಿಸಿದ ಎಂದು ದೂರಿನಲ್ಲಿ ತಿಳಿಸಲಾಗಿದೆ.
ವೆಂಕಟೇಶ್ ಅವರ ಸ್ನೇಹಿತರ ಮೇಲೆಯೂ ಹಲ್ಲೆ ನಡೆಸಲು ಪ್ರಯತ್ನಿಸಿದ ಅರ್ಜುನ್ ಅಂಡ್‌ ಗ್ಯಾಂಗ್‌, ಆಸ್ಪತ್ರೆಗೂ ಹಿಂಬಾಲಿಸಿ ಗಲಾಟೆ ಸೃಷ್ಟಿಸಿತು, ಪೊಲೀಸರಿಗೆ ಕರೆ ಮಾಡುವುದಾಗಿ ಆಸ್ಪತ್ರೆ ಸಿಬ್ಬಂದಿ ಎಚ್ಚರಿಸಿದರು.
ಇದೀಗ ಹಲ್ಲೆಗೊಳಗಾದ ವೆಂಕಟೇಶ್ ಸ್ಥಿತಿ ಗಂಭೀರವಾಗಿದೆ. ವೈದ್ಯರು ಅವರನ್ನು ವೆಂಟಿಲೇಟರ್‌ನಲ್ಲಿ ಇರಿಸಿದ್ದಾರೆ. ಆರೋಪಿಗಳ ವಿರುದ್ಧ ಕೊಲೆಯತ್ನ ಪ್ರಕರಣ ದಾಖಲಿಸಲಾಗಿದೆ.
key words: Assault, gym trainer, fruit trader, coma, Bangalore, police, crime news
SUMMARY:
Assault by the gym trainer and team: 48-year-old fruit trader to coma..?
A 48-year-old fruit vendor, who was brutally assaulted by a gym trainer and his 10 friends in a brawl at the bar and restaurant in Chandra Layout, has been in a coma for the last five days.
