ಬೆಂಗಳೂರು, ಫೆಬ್ರವರಿ 08, 2021 (www.justkannada.in): ಮೋಹನ್‌ಲಾಲ್ ನಟನೆಯ ‘ದೃಶ್ಯಂ 2’ ಚಿತ್ರದ ಟೀಸರ್ ರಿಲೀಸ್ ಆಗಿದ್ದು, ಬಿಡುಗಡೆ ದಿನಾಂಕವೂ ಪ್ರಕಟವಾಗಿದೆ.
ದೃಶ್ಯಂ ಸಿನಿಮಾ ಬ್ಲಾಕ್‌ಬಸ್ಟರ್‌ ಹಿಟ್‌ ಆಗಿತ್ತು. ಕನ್ನಡ, ಹಿಂದಿ ಸೇರಿದಂತೆ ಇತರೆ ಭಾಷೆಗಳಿಗೆ ರಿಮೇಕ್‌ ಕೂಡ ಆಗಿತ್ತು. ಈಗ ಆ ಸಿನಿಮಾದ ಎರಡನೇ ಭಾಗ ಸಿದ್ಧವಾಗಿದೆ. ಫೆ.19ರಂದು ಅಮೆಜಾನ್ ಪ್ರೈಂನಲ್ಲಿ ಚಿತ್ರ ಬಿಡುಗಡೆಯಾಗಲಿದೆ.
ಅಂದಹಾಗೆ ‘ದೃಶ್ಯಂ’ ಸಿನಿಮಾದಲ್ಲಿ ತನ್ನ ಕುಟುಂಬವನ್ನು ಕಾಪಾಡುವ ಸಲುವಾಗಿ ಒಂದು ಕೊಲೆ ಪ್ರಕರಣವನ್ನು ಬುದ್ಧಿವಂತಿಕೆಯಿಂದ ಮುಚ್ಚಿಹಾಕಿರುತ್ತಾರೆ ಕಥಾನಾಯಕ ಜಾರ್ಜ್‌ಕುಟ್ಟಿ.
ಅಂದು ಮಾಡಿದ ಕೊಲೆಯೇ ಈಗ ಮತ್ತೆ ಆ ಕುಟುಂಬವನ್ನು ಕಾಡಲು ಶುರುವಾಗಿದೆ. ಮೊದಲ ಪಾರ್ಟ್‌ ಎಲ್ಲಿಗೆ ಮುಗಿದಿತ್ತೋ ಅಲ್ಲಿಂದಲೇ ಎರಡನೇ ಪಾರ್ಟ್‌ ಕಥೆ ಆರಂಭ ಆಗಲಿದೆ ಎಂಬ ಅಂಶ ಟೀಸರ್ ನೋಡಿದವರಿಗೆ ಗೊತ್ತಾಗುತ್ತಿದೆ.
ತನ್ನ ಕುಟುಂಬವನ್ನು ಕಾಪಾಡಲು ಜಾರ್ಜ್‌ಕುಟ್ಟಿ ಇನ್ನೇನು ಮಾಡುತ್ತಾರೆ ಎಂಬ ವಿಷಯ ದೃಶ್ಯಂ2ನಲ್ಲಿ ಇರಲಿದೆ.
