ಬೆಂಗಳೂರು,ನವೆಂಬರ್,4,2026(www.justkannada.in): ರಾಜ್ಯ ಸರ್ಕಾರವು ಭಾರೀ ಪ್ರಮಾಣದಲ್ಲಿ ಹಾಲು ಮೊಸರಿನ ದರ ಏರಿಕೆ ಬೆನ್ನಲ್ಲೆ ಇದೀಗ ನಾಲ್ಕು ಸಾರಿಗೆ ನಿಗಮಗಳ ಬಸ್ ಟಿಕೆಟ್ ದರವನ್ನ ಏರಿಕೆ ಮಾಡಿ ಜನಸಾಮಾನ್ಯರ ಜೋಬಿಗೆ ಬರೆ ಎಳೆದಿದೆ. ಈ ಮಧ್ಯೆ ಸಾರಿಗೆ ಬಸ್ ಟಿಕೆಟ್ ದರ ಏರಿಕೆಯನ್ನ ಸಿಎಂ ಡಿಕೆ ಶಿವಕುಮಾರ್ ಸಮರ್ಥಿಸಿಕೊಂಡಿದ್ದಾರೆ.
ಈ ಕುರಿತು ಮಾತನಾಡಿರುವ ಸಿಎಂ ಡಿಕೆ ಶಿವಕುಮಾರ್, ಸಾರಿಗೆ ಬಸ್ ಗಳಿಗೆ ಡೀಸೆಲ್ ಹಾಕಲು ಹಣ ಇರಲಿಲ್ಲ. ಸಾರಿಗೆ ನಿಗಮಗಳಿಗೆ ತುಂಬಾ ನಷ್ಟ ಆಗಿತ್ತು. ಹೀಗಾಗಿ ಬಸ್ ಟಿಕೆಟ್ ದರ ಏರಿಕೆ ಮಾಡಲಾಗಿದೆ ಎಂದರು.
ಒಂದೊಂದು ಸ್ಟೇಜ್ ನಲ್ಲಿ ಎರಡ್ಮೂರು ರೂ. ಹೆಚ್ಚಿಸಿರಬೇಕು. ಗ್ಯಾಸ್ ಸಿಲಿಂಡರ್ ಬೆಲೆ ಹೆಚ್ಚಾದಾಗ ಯಾಕೆ ಮಾತನಾಡಲಿಲ್ಲ ಎಂದು ಸಿಎಂ ಡಿಕೆ ಶಿವಕುಮಾರ್ ಪ್ರಶ್ನಿಸಿದರು.
