ಮೈಸೂರು,ಆಗಸ್ಟ್,22,2026 (www.justkannada.in): ವಿಶ್ವವಿಖ್ಯಾತ ಮೈಸೂರು ದಸರಾ ಮಹೋತ್ಸವದ ಪ್ರಮುಖ ಪೂರ್ವಭಾವಿ ಕಾರ್ಯಕ್ರಮವಾದ ಗಜಪಯಣ 2026ಕ್ಕೆ ದಿನಾಂಕ ನಿಗದಿಯಾಗಿದೆ. ಆಗಸ್ಟ್ 26ರಂದು ಬುಧವಾರ ಗಜಪಯಣಕ್ಕೆ ಅಧಿಕೃತ ಚಾಲನೆ ನೀಡಲು ಸಿದ್ಧತೆ ನಡೆಸಲಾಗಿದೆ.
ಅಂದು ಬೆಳಿಗ್ಗೆ 10 ಗಂಟೆಯಿಂದ 10.28ರವರೆಗೆ ಶುಭ ಮುಹೂರ್ತದಲ್ಲಿ ನಾಗರಹೊಳೆ ಅರಣ್ಯ ಪ್ರದೇಶದ ವೀರನಹೊಸಹಳ್ಳಿ ಗ್ರಾಮದಲ್ಲಿ ಗಜಪಯಣದ ಸಾಂಪ್ರದಾಯಿಕ ಕಾರ್ಯಕ್ರಮ ನಡೆಯಲಿದೆ.
ದಸರಾ ಮಹೋತ್ಸವದ ಪ್ರಮುಖ ಆಕರ್ಷಣೆಯಾದ ಜಂಬೂಸವಾರಿ ಮತ್ತು ಅಂಬಾರಿ ಹೊರುವ ಆನೆಗಳ ತಂಡ ಇದೇ ಗಜಪಯಣದ ಮೂಲಕ ಮೈಸೂರಿನತ್ತ ಪ್ರಯಾಣ ಆರಂಭಿಸಲಿದೆ. ದಸರಾ ಆನೆಗಳ ಆಯ್ಕೆ, ತರಬೇತಿ ಹಾಗೂ ಸಾಂಪ್ರದಾಯಿಕ ಸ್ವಾಗತ ಕಾರ್ಯಕ್ರಮಗಳಿಗೂ ಈ ಮೂಲಕ ಚಾಲನೆ ದೊರೆಯಲಿದೆ.
2026ರ ದಸರಾ ಮಹೋತ್ಸವವನ್ನು ಯಶಸ್ವಿಯಾಗಿ ನಡೆಸಲು ಅರಣ್ಯ ಇಲಾಖೆ, ಜಿಲ್ಲಾಡಳಿತ ಹಾಗೂ ಸಂಬಂಧಿತ ಇಲಾಖೆಗಳು ಸಿದ್ಧತೆ ಕೈಗೊಂಡಿದ್ದು, ಗಜಪಯಣದ ಬಳಿಕ ಆನೆಗಳಿಗೆ ವಿವಿಧ ಹಂತಗಳಲ್ಲಿ ತರಬೇತಿ ನೀಡಲಾಗುತ್ತದೆ.
ಆಗಸ್ಟ್ 26ರಂದು ವೀರನಹೊಸಹಳ್ಳಿಯಿಂದ ಆರಂಭವಾಗುವ ಗಜಪಯಣ, ಮೈಸೂರು ದಸರಾ ಸಂಭ್ರಮಕ್ಕೆ ಅಧಿಕೃತ ಮುನ್ನುಡಿ ಬರೆಯಲಿದೆ.
ENGLISH SUMMARY..
Mysuru Dasara Gajapayana on August 26
Mysuru: The traditional Gajapayana 2026, marking the beginning of preparations for the Mysuru Dasara festivities, will be held on August 26 at Veeranahosahalli village in the Nagarahole forest region.
The event will begin at 10:00 AM and the auspicious ceremony is scheduled between 10:00 AM and 10:28 AM.
The Dasara elephants will embark on their journey to Mysuru, marking the formal start of preparations for the grand Jumboo Savari.
#MysuruDasara #Gajapayana2026 #Dasara2026 #Mysuru #JumbooSavari
Key words: Mysuru Dasara, Gajapayana , August 26
