ಶ್ರೀಹರಿಕೋಟ,ಡಿಸೆಂಬರ್,24,2025 (www.justkannada.in): ಭಾರತೀಯ ಬಾಹ್ಯಾಕಾಶ ಸಂಶೋದನಾ ಸಂಸ್ಥೆ(ISRO) ಮತ್ತೊಂದು ಐತಿಹಾಸಿಕ ಮೈಲಿಗಲ್ಲು ಸಾಧಿಸಿದ್ದು, `ಬ್ಲೂಬರ್ಡ್ ಬ್ಲಾಕ್-2′ ವಿದೇಶಿ ಉಪಗ್ರಹವನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದೆ.
ಹೊಸ ತಲೆಮಾರಿನ ಅಮೆರಿಕದ ಸಂವಹನ ಉಪಗ್ರಹ ‘ಬ್ಲೂಬರ್ಡ್ ಬ್ಲಾಕ್-2′ ಅನ್ನು ಎಲ್ವಿಎಂ3-ಎಂ6 ರಾಕೆಟ್ ಇಂದು ನಭಕ್ಕೆ ಹೊತ್ತೊಯ್ದಿದೆ. ಬೆಳಿಗ್ಗೆ 8.55ಕ್ಕೆ ಆಂಧ್ರ ಪ್ರದೇಶದ ಶ್ರೀಹರಿಕೋಟಾ ಉಡ್ಡಯನ ಕೇಂದ್ರದ ಎರಡನೇ ಲಾಂಚ್ ಪ್ಯಾಡ್ನಿಂದ ಬ್ಲೂಬರ್ಡ್ ಬ್ಲಾಕ್-2’ ಉಡಾವಣೆ ಯಶಸ್ವಿಯಾಗಿದೆ.
ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ( ಇಸ್ರೋ) ತನ್ನ ಬ್ಲೂಬರ್ಡ್ ಬ್ಲಾಕ್ -2 ಸಂವಹನ ಉಪಗ್ರಹವನ್ನು ಉಡಾವಣೆ ಮಾಡಿದ್ದು, ಇಸ್ರೋದ ಮುಂಬರುವ LVM3-M6 ಕಾರ್ಯಾಚರಣೆಯು, ಅಮೆರಿಕ ಮೂಲದ AST ಸ್ಪೇಸ್ಮೊಬೈಲ್ನೊಂದಿಗಿನ ವಾಣಿಜ್ಯ ಒಪ್ಪಂದದ ಭಾಗವಾಗಿದೆ.
ಇಸ್ರೋದ ಬ್ಲೂಬರ್ಡ್ ಬ್ಲಾಕ್-2 ಮಿಷನ್ ಮೊಬೈಲ್ ಸಂಪರ್ಕದ ವಿಷಯದಲ್ಲಿ ಗೇಮ್ಚೇಂಜರ್ ಆಗಿ ಪರಿಣಮಿಸಬಹುದು ಏಕೆಂದರೆ ಉಪಗ್ರಹವು ಭೂಮಂಡಲದ ನೆಟ್ವರ್ಕ್ಗಳ ಕೊರತೆಯಿರುವ ಪ್ರದೇಶಗಳಲ್ಲಿ ಸ್ಮಾರ್ಟ್ಫೋನ್ಗಳಿಗೆ ನೇರವಾಗಿ 4G ಮತ್ತು 5G ಸಂಪರ್ಕವನ್ನು ತಲುಪಿಸಲು ಉದ್ದೇಶಿಸಲಾಗಿದೆ.
Key words: ISRO, Bluebird Block-2, satellite, launch, successful
