ಮೈಸೂರು,ಸೆಪ್ಟೆಂಬರ್,20,2020(www.justkannada.in) : ಡಿಟಿಎಸ್ ಫೌಂಡೇಷನ್ ಹಾಗೂ ಕೆಎಂಪಿಕೆ ಚಾರಿಟಬಲ್ ಟ್ರಸ್ಟ್ ವತಿಯಿಂದ ಆಧುನಿಕ ಶ್ರವಣಕುಮಾರ ಎಂದು ಗುರುತಿಸಲಾಗಿರುವ ಮೈಸೂರಿನ ಕೃಷ್ಣಕುಮಾರ್ ಅವರನ್ನು ಅಭಿನಂದಿಸಲಾಯಿತು.
ಟಿ.ಕೆ.ಲೇ ಔಟ್ ನ ಕೃಷ್ಣಧಾಮದಲ್ಲಿ ನಡೆದ ಅಭಿನಂದನಾ ಕಾರ್ಯಕ್ರಮದಲ್ಲಿ ಕೃಷ್ಣಕುಮಾರ್ ಕಾರ್ಯಕ್ಕೆ ಅಭಿನಂದನೆ ಸಲ್ಲಿಸಿ ಮುಡಾ ಅಧ್ಯಕ್ಷ ಹೆಚ್.ವಿ.ರಾಜೀವ್ ಸನ್ಮಾನಿಸಿದರು.
ತಾಯಿ ಆಸೆಯಂತೆ ದೇಶದ ಪುಣ್ಯ ಕೇತ್ರಗಳನ್ನು ಕೃಷ್ಣಕುಮಾರ್ ತಮ್ಮ ಬಜಾಜ್ ಸ್ಕೂಟರ್ ನಲ್ಲೇ ಬರೋಬ್ಬರಿ 54 ಸಾವಿರ ಕಿಲೋಮೀಟರ್ ಗಳ ತೀರ್ಥಯಾತ್ರೆ ಕೈಗೊಂಡು ದರ್ಶನ ಮಾಡಿಸಿದ್ದರು. ಅವರ ಕಾರ್ಯಕ್ಕೆ ಅಪಾರ ಮೆಚ್ಚುಗೆ ವ್ಯಕ್ತವಾಗಿದೆ.
ಅಭಿನಂದನಾ ಕಾರ್ಯದಲ್ಲಿ ಫೌಂಡೇಶನ್ ಹಾಗೂ ಟ್ರಸ್ಟ್ ಪದಾಧಿಕಾರಿಗಳು ಭಾಗಿಯಾಗಿದ್ದರು.
key words : Modern-Auditorium-Congratulations-Krishnakumar-Mysore
