ಮೈಸೂರು,ಸೆಪ್ಟಂಬರ್,15,2025 (www.justkannada.in): ಮೈಸೂರು ವಿಶ್ವವಿದ್ಯಾನಿಲಯದಲ್ಲಿ ಟೆಂಡರ್, ಖರೀದಿ ಪ್ರಕ್ರಿಯೆಯಲ್ಲಿ ಯಾವುದೇ ಅಕ್ರಮ ನಡೆದಿಲ್ಲ. ಈ ಬಗ್ಗೆ ಸಿಂಡಿಕೇಟ್‌ ಸದಸ್ಯರು ಮಾಡಿರುವ ಆರೋಪ ಸತ್ಯಕ್ಕೆ ದೂರವಾದದ್ದು  ಎಂದು ರಿಜಿಸ್ಟ್ರಾರ್‌  ಸವಿತಾ ಸ್ಪಷ್ಟಪಡಿಸಿದರು.

ಮೈಸೂರು ವಿವಿ ಸಿಂಡಿಕೇಟ್ ಸದಸ್ಯ ಡಾ. ಟಿ.ಆರ್ ಚಂದ್ರಶೇಖರ್ ಮಾಧ್ಯಮಗಳಿಗೆ ಹೇಳಿಕೆ ಬಿಡುಗಡೆ ಮಾಡಿ, ,  2023ರಿಂದ ಸತತವಾಗಿ ಪದೇಪದೇ ಕಾಯ್ದೆಗಳ ಉಲ್ಲಂಘನೆ ಮಾಡಿ ಟೆಂಡರ್ ಹೆಸರಿನಲ್ಲಿ ವಸ್ತುಗಳ ಖರೀದಿ ಮತ್ತು ಕಾಮಗಾರಿಗಳನ್ನು ನಡೆಸಲಾಗುತ್ತಿದೆ. ಈ ಬಗ್ಗೆ ತಕ್ಷಣವೇ  ವಿಶೇಷ ತನಿಖೆ ನಡೆಸಬೇಕು ಎಂದು ಒತ್ತಾಯಿಸಿದ್ದರು.

ಈ ಬಗ್ಗೆ ಜಸ್ಟ್‌ ಕನ್ನಡ ಜತೆ ಮಾತನಾಡಿದ ಕುಲಸಚಿವರಾದ ಸವಿತಾ ಹೇಳಿದಿಷ್ಟು…

ಸಿಂಡಿಕೇಟ್‌ ಸದಸ್ಯರಿಗೆ ಜವಾಬ್ದಾರಿ ಇದೆ. ಅದು ಅದರಂತೆ ವರ್ತಿಸಬೇಕು. ಮಾಡಿರುವ ಆರೋಪಗಳ ಬಗ್ಗೆ ಸಾಕ್ಷಿಯಿದ್ದರೆ ಮಾಹಿತಿ ನೀಡಲಿ. ಅದನ್ನು ಬಿಟ್ಟು ಪ್ರಚಾರಕ್ಕಾಗಿ ಮಾಧ್ಯಮಗಳ ಬಳಿ ಸುಳ್ಳು ಹೇಳಿಕೆ ನೀಡಬಾರದು.

ಟೆಂಟರ್‌ ಗಳನ್ನು ಕಾಯ್ದೆ ಪ್ರಕಾರವೇ ಕರೆಯಲಾಗಿದೆ. ಒಂದು ವೇಳೆ ಲೋಪವಾಗಿದ್ದರೆ ಇತರೆ ಸಿಂಡಿಕೇಟ್‌ ಸದಸ್ಯರು ಸುಮ್ಮನಿರುತ್ತಿದ್ದರೆ, ಸರಕಾರ, ಆಡಿಟರ್‌ ತರಾಟೆಗೆ ತೆಗೆದುಕೊಳ್ಳುತ್ತಿರಲಿಲ್ಲವೆ ಎಂದು ಪ್ರಶ್ನಿಸಿದ ಸವಿತಾ, ನನ್ನ ಅವಧಿಯಲ್ಲಿ ಆಡಳಿತ ವ್ಯವಸ್ಥೆ ಅತ್ಯಂತ ಪಾರದರ್ಶಕವಾಗಿದೆ. ಯಾವುದೇ ಸದಸ್ಯರು , ಯಾವುದೇ ಮಾಹಿತಿ ಕೇಳಿದರು ಅದನ್ನು ಒದಗಿಸಲು ಬದ್ಧ. ಸಮರ್ಪಕವಾಗಿಲ್ಲ ಎಂದೆನಿಸಿದರೆ ರಾಜ್ಯ ಸರಕಾರಕ್ಕೆ, ರಾಜ್ಯಪಾಲರಿಗೆ ಪತ್ರ ಬರೆಯಲು ಅವರು ಅರ್ಹರು. ಅದನ್ಬು ಬಿಟ್ಟು ಪ್ರಚಾರಕ್ಕಾಗಿ ಈ ರೀತಿ ಪದೇ ಪದೇ ಮಾಧ್ಯಮಗಳಿಗೆ ಹೇಳಿಕೆ ಬಿಡುಗಡೆ ಮಾಡಿ ವಿಶ್ವವಿದ್ಯಾನಿಲಯದ ಗೌರವ ಹಾಳು ಮಾಡುವುದು ಸರಿಯಲ್ಲ. ಅವರ ಪ್ರವೃತ್ತಿ ಇದೇ ರೀತಿ ಮುಂದುವರಿದರೆ ಅವರಿಗೆ ನೋಟಿಸ್‌ ನೀಡಲಾಗವುದು ಎಂದು ಎಚ್ಚರಿಸಿದರು.

key words: No irregularities in tender, purchase, notices, syndicate member, Registrar Savitha, warns, UOM, Mysore University

SUMMARY:

No irregularities in tender, purchase, notices will be issued to syndicate member – Registrar Savitha warns

The tenders have been called as per the law. If there were a lapse and the other syndicate members remained silent, would the government and the auditor not have taken the matter to task, Savita questioned, adding that the administrative system during my tenure was very transparent. If any member asked for any information, was bound to provide it. If he felt that it was not adequate, he was entitled to write a letter to the state government and the governor. It is not right to repeatedly release statements to the media for publicity and tarnish the reputation of the university. She warned that if his trend continued like this, he would be given a notice.

ಮೈಸೂರು, ಆ.೨೩, ೨೦೨೫: ಇತ್ತೀಚೆಗೆ ಪ್ರಕಟವಾದ ಎಸ್.ಎ.ಎ. ಸಂಸ್ಥೆಯ ಜಾಗತಿಕ ರ್ಯಾಂಕಿಂಗ್ ಪ್ರಕ್ರಿಯೆಯಲ್ಲಿ, ‘ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳಿಗೆ ಭಾರತದಲ್ಲಿನ 100 ಅತ್ಯುತ್ತಮ ಮೌಲ್ಯವುಳ್ಳ ವಿಶ್ವವಿದ್ಯಾಲಯಗಳ’ ಪೈಕಿ ಮೈಸೂರು ವಿಶ್ವವಿದ್ಯಾನಿಲಯಕ್ಕೆ 8 ನೇ ಸ್ಥಾನ ಲಭಿಸಿದೆ.

ಮೈಸೂರು ವಿಶ್ವವಿದ್ಯಾಲಯ (ಯುಒಎಂ) ಔಟ್‌ಲುಕ್ ಐಸಿಎಆರ್ಇ ಶ್ರೇಯಾಂಕಗಳು – 2025 ರಲ್ಲಿ ದೇಶದ ಅಗ್ರ 75 ರಾಜ್ಯ ಸಾರ್ವಜನಿಕ ವಿಶ್ವವಿದ್ಯಾಲಯಗಳಲ್ಲಿ 8 ನೇ ಸ್ಥಾನ ಪಡೆದುಕೊಂಡಿದೆ. ಈ ಮಾನ್ಯತೆ ಶೈಕ್ಷಣಿಕ ಮತ್ತು ಸಂಶೋಧನಾ ಶ್ರೇಷ್ಠತೆ, ಉದ್ಯಮ ಇಂಟರ್ಫೇಸ್ ಮತ್ತು ಉದ್ಯೋಗ ಸೇರಿದಂತೆ ನಿರ್ಣಾಯಕ ನಿಯತಾಂಕಗಳನ್ನು ಆಧರಿಸಿದೆ.

ಕೈಗೆಟಕುವ ವೆಚ್ಚದಲ್ಲಿ ಅತ್ಯುತ್ಕೃಷ್ಟ ಶಿಕ್ಷಣವನ್ನು ಒದಗಿಸುವ ಮೈಸೂರು ವಿಶ್ವವಿದ್ಯಾನಿಲಯದ ಬದ್ಧತೆಗೆ ಈ ಮಾನ್ಯತೆಯು ಸಾಕ್ಷಿಯಾಗಿದೆ. ಈ ಮಾನ್ಯತೆ ಶೈಕ್ಷಣಿಕ ಮತ್ತು ಸಂಶೋಧನಾ ಶ್ರೇಷ್ಠತೆ, ಉದ್ಯಮ ಇಂಟರ್ಫೇಸ್ ಮತ್ತು ಉದ್ಯೋಗ ಸೇರಿದಂತೆ ನಿರ್ಣಾಯಕ ನಿಯತಾಂಕಗಳನ್ನು ಆಧರಿಸಿದೆ  ಎಂದು ಕುಲಪತಿ ಪ್ರೊ.ಎನ್.‌ ಕೆ. ಲೋಕನಾಥ್‌ ತಿಳಿಸಿದ್ದಾರೆ.  ಈ ಸಂಬಂದ ಪತ್ರಿಕಾ ಪ್ರಕಟಣೆ ನೀಡಿರುವ ಅವರು ಹೇಳಿದಿಷ್ಟು..

ವಿದೇಶಿ ವಿದ್ಯಾರ್ಥಿಗಳಿಗೆ ಮೈಸೂರು ವಿಶ್ವವಿದ್ಯಾನಿಲಯವು ಗುಣಮಟ್ಟದ ಶಿಕ್ಷಣ ಒದಗಿಸುವ ನೆಚ್ಚಿನ ಜ್ಞಾನತಾಣವಾಗಿ ಹೊರಹೊಮ್ಮಿದೆ. ಜಾಗತಿಕವಾದ ಕಲಿಕಾ ವಾತಾವರಣವನ್ನು ಕಲ್ಪಿಸುವ ಮೂಲಕ, ಹೊರದೇಶದ ವಿದ್ಯಾರ್ಥಿಗಳಿಗೆ ಹೊಸ ಸಾಧ್ಯತೆಗಳನ್ನು ಹಾಗೂ ಅವಕಾಶಗಳನ್ನು ಸೃಷ್ಟಿಸುತ್ತಿರುವ ವಿಶ್ವವಿದ್ಯಾನಿಲಯದ ಪ್ರಯತ್ನವನ್ನು ಗುರುತಿಸಿ ಈ ಶ್ರೇಯಾಂಕವನ್ನು ನೀಡಲಾಗಿದೆ.

ಹಲವು ಇತಿಮಿತಿಗಳ ನಡುವೆಯೂ ಮೈಸೂರು ವಿಶ್ವವಿದ್ಯಾನಿಲಯವು 8 ನೇ ಸ್ಥಾನ ಪಡೆದಿರುವುದು ಅಭಿಮಾನದ ಸಂಗತಿಯಾಗಿದೆ. ಎಸ್.ಎ.ಎ. ಸಂಸ್ಥೆಯ ಮಾರ್ಗಸೂಚಿಯನ್ವಯ ವಿಶ್ವವಿದ್ಯಾನಿಲಯದ ದತ್ತಾಂಶ ಮತ್ತು ದಾಖಲೆಗಳನ್ನು ಸಮರ್ಪಕವಾಗಿ ಬಿಂಬಿಸಿದ ವಿಶ್ವವಿದ್ಯಾನಿಲಯದ ಐ.ಕ್ಯು.ಎ.ಸಿ.ಯ ಅಧಿಕಾರಿಗಳು ಮತ್ತು ಸಿಬ್ಬಂದಿ ವರ್ಗದವರ ಪರಿಶ್ರಮವನ್ನು ವಿಶೇಷವಾಗಿ ಶ್ಲಾಘಿಸುತ್ತೇನೆ.

ವಿದೇಶಿ ವಿದ್ಯಾರ್ಥಿಗಳಿಗೆ ಅಗತ್ಯ ಮಾರ್ಗದರ್ಶನ, ಬೆಂಬಲ ಹಾಗೂ ಸೌಲಭ್ಯಗಳನ್ನು ಒದಗಿಸುತ್ತಿರುವ ವಿಶ್ವವಿದ್ಯಾನಿಲಯದ ‘ಅಂತಾರಾಷ್ಟ್ರೀಯ ಕೇಂದ್ರ’ದ ನಿರ್ದೇಶಕರು ಮತ್ತು ಸಿಬ್ಬಂದಿಗಳ ಕೊಡುಗೆ ಅಪಾರ. ಮುಂದುವರಿದು, ವಿಶ್ವವಿದ್ಯಾನಿಲಯದ ಈ ಯಶಸ್ಸಿಗೆ ಕಾರಣಕರ್ತರಾದ ಸಿಂಡಿಕೇಟ್ ಹಾಗೂ ಶೈಕ್ಷಣಿಕ ಮಂಡಳಿಯ ಸದಸ್ಯರು, ಅಧ್ಯಾಪಕರು ಹಾಗೂ ಆಡಳಿತಾತ್ಮಕ ಸಿಬ್ಬಂದಿಗಳು, ಅಧಿಕಾರಿಗಳು, ಸಂಶೋಧಕರು, ವಿದ್ಯಾರ್ಥಿಗಳು ಮತ್ತು ಪೋಷಕರನ್ನು ಈ ಸಂದರ್ಭದಲ್ಲಿ ಅಭಿನಂದಿಸುತ್ತೇನೆ ಎಂದು ಕುಲಪತಿ ಪ್ರೊ. ಕೆ.ಎನ್.ಲೋಕನಾಥ್‌ ತಿಳಿಸಿದ್ದಾರೆ.

KEY WORDS: UOM, secures 8th rank, State Public Universities, Mysore university, university of Mysore

SUMMARY: 

UoM secures 8th rank among 75 State Public Universities

Mysuru: University of Mysore (UoM) has secured 8th rank among top 75 State Public Universities in the country in the Outlook ICARE Rankings – 2025. UoM Vice-Chancellor Prof. N.K. Lokanath, in a press release, has stated that this recognition was based on critical parameters including Academic & Research Excellence, Industry Interface & Placement, Infrastructure & Facilities, Governance & Extension and Diversity & Outreach.

This accomplishment holds greater significance as it has been achieved despite the challenges posed by a dwindling number of permanent faculty members, the VC stat-ed and added that it stands as a proof of the resilience and collaborative spirit of the University community.

ಮೈಸೂರು, ಮೇ.೨೮.೨೦೨೫: ವಿಜ್ಞಾನ ಕ್ಷೇತ್ರದಲ್ಲಿ ಅಂತರಶಿಸ್ತೀಯ ಅಧ್ಯಯನ ಹೆಚ್ಚಾಗಬೇಕು. ಇದು ಇಂದಿನ ತುರ್ತು ಹಾಗೂ ಭವಿಷ್ಯದ ಹಾದಿ ಎಂದು ಭಾರತೀಯ ವಿಜ್ಞಾನ ಭವನದ ಮಾಜಿ ನಿರ್ದೇಶಕ ಹಾಗೂ ಹೆಸರಾಂತ ವಿಜ್ಞಾನಿ ಪ್ರೊ.ಗೋವರ್ಧನ್‌ ಮೆಹ್ತಾ ಅಭಿಪ್ರಾಯಪಟ್ಟರು.

ವಿಶ್ರಾಂತ ಕುಲಪತಿ ಪ್ರೊ. ಕೆ.ಎಸ್.‌ ರಂಗಪ್ಪ ಅವರ ೭೦ ವರ್ಷದ ಹುಟ್ಟು ಹಬ್ಬದ ಅಂಗವಾಗಿ ಮೈಸೂರು ವಿವಿ ಮಾನಸ ಗಂಗೋತ್ರಿಯ ವಿಜ್ಞಾನ ಭವನದಲ್ಲಿ ಬುಧವಾರ ಆಯೋಜಿಸಿದ್ದ “ ಮಾಲಿಕ್ಯೂಲರ್‌ ಮೆಡಿಸಿನ್‌ ಹೊಸ ಸವಾಲುಗಳು ಹಾಗೂ ನಾವಿನ್ಯತೆಗಳು “ ಕುರಿತಾದ ಎರಡು ದಿನಗಳ ವಿಚಾರ ಸಂಕಿರಣ ಉದ್ಘಾಟಿಸಿ ಮಾತನಾಡಿದರು.

ವಿಜ್ಞಾನ ಕ್ಷೇತ್ರದಲ್ಲಿ ವಿವಿಧ ವಿಭಾಗಗಳಲ್ಲಿನ ಸಂಶೋಧನೆಗಳು ನಿರೀಕ್ಷಿತ ಪ್ರಮಾಣದಲ್ಲಿ ಫಲಿತಾಂಶ ನೀಡಬೇಕಾದರೆ “ಅಂತರಶಿಸ್ತೀಯ ಅಧ್ಯಾಯನಕ್ಕೆ” ಹೆಚ್ಚಿನ ಒತ್ತು ನೀಡಬೇಕಾಗಿರುವುದು ಇಂದಿನ ತುರ್ತು. ಈ ನಿಟ್ಟಿನಲ್ಲಿ ವಿವಿಧ ಕ್ಷೇತ್ರಗಳನ್ನು ಬೆಸೆಯುವ “ಸಂಹವನ ಭಾಷೆ” ಈ ತನಕ  ಸಿದ್ಧವಾಗದಿರುವುದು ವಿಪರ್ಯಾಸ. ಈ ನಿಟ್ಟಿನಲ್ಲಿ ಪ್ರಯತ್ನಗಳು ಸಾಗಬೇಕು. ಆಗ ಮಾತ್ರ  ಅರ್ಥಪೂರ್ಣಸಂಶೋಧನೆ ಸಾಧ್ಯ ಎಂದು ಅಭಿಪ್ರಾಯಪಟ್ಟರು.

ಯಾವುದೇ ಸಂಶೋಧನೆ ಯಶಸ್ವಿಯಾಗಿ ಮುನ್ನಡೆಯಬೇಕಾದರೆ ಅದಕ್ಕೆ ಸಹಭಾಗಿತ್ವದಾರರು ಅವಶ್ಯಕ. ಈ ನಿಟ್ಟಿನಲ್ಲಿ ಪ್ರೊ. ಕೆ.ಎಸ್.ರಂಗಪ್ಪ ಅವರು ಹೊಸ ದಾಖಲೆಯನ್ನೇ ನಿರ್ಮಿಸಿದ್ದಾರೆ. ಅವರ ಜತೆಗಿರುವ ಕೋಲಾಬ್ರೇಟರ್ಸ್‌ ಗಳ ಸಂಖ್ಯೆಯನ್ನು ಲೆಕ್ಕ ಹಾಕಿದರೆ ಅದು ವಿಜ್ಞಾನ ಕ್ಷೇತ್ರದಲ್ಲಿ ಗಿನ್ನಿಸ್‌ ದಾಖಲೆಯೇ ಆಗುತ್ತದೆ. ಇದಕ್ಕೆ ಕಾರಣ ಪ್ರೊ. ರಂಗಪ್ಪ ಅವರ ಜನಪ್ರಿಯತೆ ಜತೆಗೆ ಸಹಭಾಗಿತ್ವದಾರರನ್ನು ಸಂಪರ್ಕಿಸುವ ಅವರ ವಿಶೇಷ ಗುಣ ಎಂದು ಪ್ರೊ. ಮೆಹ್ತಾ ಮೆಚ್ಚುಗೆ ವ್ಯಕ್ತಪಡಿಸಿದರು.

ನವ ದೆಹಲಿಯ ಆಲ್‌ ಇಂಡಿಯಾ ಇನ್ಸ್ಟಿಟ್ಯೂಟ್‌ ಆಫ್‌ ಮೆಡಿಕಲ್‌ ಸೈನ್ಸ್‌ ನ ಸಂಶೋಧನಾ ಪ್ರಾಧ್ಯಾಪಕ ಪ್ರೊ.ಟಿ.ಪಿ.ಸಿಂಗ್‌ ಮಾತನಾಡಿ, “ ಡ್ರಗ್‌ ಡಿಸ್ಕವರಿ” ಕ್ಷೇತ್ರದಲ್ಲಿ ಪ್ರೊ. ಕೆ.ಎಸ್.‌ ರಂಗಪ್ಪ ಅವರ ಸಂಶೋಧನಾ ಕೊಡುಗೆಗಳ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಇದೇ ವೇಳೆ ಮೈಸೂರು ವಿವಿಯ ಜತೆಗೆ ಒಡನಾಟ ಹೊಂದಲು ಕಾರಣವಾದ ಸಂಗತಿ ವಿವರಿಸಿದರು. ಈ ಅವಕಾಶ ಕಲ್ಪಿಸಿದ ಪ್ರೊ. ರಂಗಪ್ಪ ಅವರಿಗೆ ಧನ್ಯವಾದ ಹೇಳಿದ ಪ್ರೊ.ಸಿಂಗ್‌, ಕಳೆದ ಎರಡು ದಶಕಗಳಿಂದಲೂ ಮೈಸೂರು ವಿವಿ ಜತೆಗಿನ ಒಡನಾಟ ಮುಂದುವರೆದ ಬಗ್ಗೆ ಸಂತಸ ವ್ಯಕ್ತಪಡಿಸಿ, ಮೈಸೂರು ವಿವಿ ದೇಶದಲ್ಲೇ ಪ್ರತಿಷ್ಠಿತ ವಿಶ್ವವಿದ್ಯಾನಿಲಯ ಎಂದು ವಿಜ್ಞಾನ ಭೂಪಟದಲ್ಲಿ ಗುರುತಿಸಲ್ಪಟ್ಟಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ಸಮಾರಂಭದಲ್ಲಿ ಭಾಗವಹಿಸಿದ್ದ ಪ್ರೊ. ಕೆ.ಎಸ್.‌ ರಂಗಪ್ಪ ಮಾತನಾಡಿ, ತಮ್ಮ ವಿದ್ಯಾರ್ಥಿ ಜೀವನದ ದಿನಗಳನ್ನು ಮೆಲುಕು ಹಾಕಿದರು.ಅಮೇರಿಕಾದಲ್ಲಿ ಉನ್ನತ ವ್ಯಾಸಂಗ ಮುಗಿಸಿಕೊಂಡು ಭಾರತಕ್ಕೆ ಬಂದ ಆರಂಭದಲ್ಲಿ ಪ್ರೊ. ಮೆಹ್ತಾ ಅವರು ನೀಡಿದ ಸಹಕಾರ ಸ್ಮರಿಸಿದರು. ಅಂದು ಸಂಶೋಧನೆಗೆ ಅವರು ನೀಡಿದ ೫ ಲಕ್ಷ ರೂ.ಗಳಿಂದ ಆರಂಭಗೊಂಡ ಸಂಶೋಧನೆ ಇಂದು ಕೋಟಿಗಟ್ಟಲೆ ಬೆಲೆ ಬಾಳುವ ಫಲಿತಾಂಶ ನೀಡಿದೆ ಎಂದು ಕೃತಜ್ಞತೆ ವ್ಯಕ್ತಪಡಿಸಿದರು. ಪ್ರೊ. ಗೋವರ್ಧನ್‌ ಮೆಹ್ತಾ, ಪ್ರೊ.ಟಿ.ಪಿ.ಸಿಂಗ್‌ ಅವರಂಥ ವಿಜ್ಞಾನಿಗಳ ಒಡನಾಟ ಸಿಕ್ಕಿದ್ದು ನನ್ನ ಸೌಭಾಗ್ಯ. ಅವರ ಮಾರ್ಗದರ್ಶನ ಹಾಗೂ ಸಹಕಾರವೇ ನನ್ನ ಈ ಸಾಧನೆಗೆ ಪ್ರೇರಣೆ ಎಂದರು.

ವಿಚಾರ ಸಂಕಿರಣ ಸಮಾರಂಭದಲ್ಲಿ ಮೈಸೂರು ವಿವಿ ಕುಲಪತಿ ಪ್ರೊ. ಎನ್.ಕೆ.ಲೋಕನಾಥ್‌ ಅಧ್ಯಕ್ಷತೆ ವಹಿಸಿದ್ದರು. ಸಿಡಿಆರ್‌ ಐ ನ ಮಾಜಿ ನಿರ್ದೇಶಕ ಪ್ರೊ. ತಪಸ್‌ ಕುಮಾರ್‌ ಕುಂದು, ಸನ್‌ ಫಾರ್ಮಾ ರಿಸರ್ಚ್‌ ಕಂಪನಿಯ ನಿರ್ದೇಶಕ ಡಾ.ಟಿ.ರಾಜಾಮನ್ನಾರ್‌ ಭಾಗವಹಿಸಿದ್ದರು.  ಪ್ರೊ. ನಾಗಣ್ಣ ಕಾರ್ಯಕ್ರಮ ನಿರೂಪಿಸಿದರು.

key words: Interdisciplinary studies, today’s urgent, future pathway, Prof. Govardhan Mehta, UOM, Mysore, Rangappa.K.S.

SUMMARY:

Interdisciplinary studies – today’s urgent and future pathway: Prof. Govardhan Mehta.

It is crucial today that research in various fields in the domain of science should yield results at the expected level, hence there is a pressing need to emphasize ‘interdisciplinary studies’. The fact that a ‘common language’ to connect various fields has not yet been developed is a setback. Efforts should continue in this regard. Only then meaningful research will be possible.

ಮೈಸೂರು, ಮೇ.೨೩,೨೦೨೫:  ಪ್ರತಿಷ್ಠಿತ ಮೈಸೂರು ವಿಶ್ವವಿದ್ಯಾನಿಲಯದ ಪೀಠೋಪಕರಣ ಖರೀದಿ ಹಾಗೂ ಸಿಸಿ ಕ್ಯಾಮರಾ ಟೆಂಡರ್ ನಲ್ಲಿ ಭಾರಿ ಅವ್ಯವಹಾರ ನೆಡೆದಿದೆ. ಕುಲಪತಿ ಲೋಕನಾಥ್ ವಿರುದ್ಧ ಕೇಳಿ ಬಂದ ಆರೋಪ.

ಜಿಲ್ಲಾ ಪತ್ರಕರ್ತರ ಭವನದಲ್ಲಿ ಇಂದು ಸುದ್ಧಿಗೋಷ್ಠಿ ನಡೆಸಿದ ವಕೀಲ‌ ಕಾರ್ತಿಕ್ ಜಿ.ಎಸ್ ಹೇಳಿದಿಷ್ಟು.

ಮೈಸೂರು ವಿವಿಯ ಪೀಠೋಪಕರಣ ಖರೀದಿಯಲ್ಲಿ ಅವ್ಯವಹಾರ ನಡೆದಿದೆ. ಎಂಟು ವಿವಿಧ ಟೆಂಡರ್‌ ಗಳನ್ನು ಕರೆದಿದ್ದ ವಿವಿ, ಈ ಟೆಂಡರ್‌ ಗಳಲ್ಲಿ ಕೋಟ್ಯಾಂತರ ರೂ. ಅವ್ಯವಹಾರ ನಡೆಸಿದೆ. ಇಬ್ಬರು ವಿದ್ಯಾರ್ಥಿಗಳು ಕೂರುವ ಟೂ-ಸೀಟರ್‌ ಡೆಸ್ಕ್‌ ಗೆ ಕರೆದ ಟೆಂಡರ್‌ ನಲ್ಲಿ 4800 ರೂ. ಮೂಲ ಬೆಲೆಯ  ಡೆಸ್ಕ್ ಗಳನ್ನು 28 ಸಾವಿರಕ್ಕೆ ಖರೀದಿ ಮಾಡಿದ್ದಾರೆ. ಇಂಟಿರಿಯರ್ಸ್‌ ಕಂಪನಿಯೊಂದು ಟು-ಸೀಟರ್‌ ಡೆಸ್ಕ್‌ ಗೆ ೪.೮೫೦ ರೂ. ಕೋಟ್‌ ಮಾಡಿತ್ತು. ಮತ್ತೊಂದು ಕಂಪನಿ ೨೮,೬೦೦ ರೂ. ಕೋಟ್‌ ಮಾಡಿತ್ತು. ವಿಪರ್ಯಾಸವೆಂದರೆ, ವಿವಿ ಕಡಿಮೆ ದರ ನಮೂದಿಸಿದ್ದ ಕಂಪನಿ ಕಡೆಗಣಿಸಿ ದುಬಾರಿ ದರ ನಮೂದಿಸಿದ್ದ ಕಂಪನಿಗೆ ಡಿಸ್ಕ್‌ ವಿತರಣೆ ಟೆಂಡರ್‌ ನೀಡಿರುವುದು ಅನುಮಾನಕ್ಕೆ ಎಡೆಮಾಡಿದೆ. ಒಟ್ಟು2.16  ಕೋಟಿ ರೂ ಟೆಂಡರ್ ಕರೆದಿದ್ದು, ಈ ಪೈಕಿ 70 ಲಕ್ಷ ರೂ. ಅವ್ಯವಹಾರ ನೆಡೆಸಿದ್ದಾರೆ ಎಂದು ವಕೀಲ ಕಾರ್ತಿಕ್‌ ಆರೋಪಿಸಿದರು.

ಈ ಅವ್ಯವಹಾರದ ಬಗ್ಗೆ ಈಗಾಗಲೆ ಲೋಕಾಯುಕ್ತಕ್ಕೆ ದಾಖಲೆ ಸಮೇತ ದೂರು ನೀಡಲಾಗಿದೆ. ದೂರು ನೀಡಿ ವಾರ ಕಳೆದರು ಲೋಕಾಯುಕ್ತ ಅಧಿಕಾರಿಗಳು ಎಫ್ ಐ ಆರ್ ದಾಖಲು ಮಾಡಲು ಮೀನಾಮೇಷ ಎಣಿಸುತ್ತಿದ್ದಾರೆ ಎಂದು ಕಾರ್ತಿಕ್‌ ಆರೋಪಿಸಿದರು.

ಮೈಸೂರು ವಿವಿ ದೇಶದ ಪ್ರತಿಷ್ಠಿತ ವಿವಿ ಗಳಲ್ಲಿ ಒಂದು. ಸಿಎಂ ಸಿದ್ದರಾಮಯ್ಯ ಕೂಡ ಇದೆ ವಿವಿ ಯಲ್ಲಿ ವ್ಯಾಸಂಗ ಮಾಡಿದವರು. ಇಂತಹ ಭ್ರಷ್ಠರ  ವಿರುದ್ಧ ನಿರ್ದಾಕ್ಷಣ್ಯ  ಕ್ರಮ ಕೈಗೊಳ್ಳಬೇಕು ಎಂದು  ಸಿಎಂ ಸಿದ್ದರಾಮಯ್ಯ ಗೆ ವಕೀಲ ಕಾರ್ತಿಕ್ ಮನವಿ ಮಾಡಿದರು.

ಲೋಕಾಯುಕ್ತಕ್ಕೆ ಉತ್ತರ:

ಟೆಂಡರ್‌ ಅವ್ಯವಹಾರ ಆರೋಪದ ಬಗ್ಗೆ ಕುಲಪತಿ ಲೋಕನಾಥ್‌ ಅವರನ್ನು ಸಂಪರ್ಕಿಸಿದಾಗ, ಈ ಯಾವ ಆರೋಪದ ಬಗೆಗೂ ಪ್ರತಿಕ್ರಿಯೆ ನೀಡಲ್ಲ. ಲೋಕಾಯುಕ್ತರಿಗೆ ದೂರು ನೀಡಿದ್ದಾರೆ ಎಂಬುದು ತಿಳಿಯಿತು.  ಲೋಕಾಯುಕ್ತರು ಸ್ಪಷ್ಟನೆ ಅಥವಾ ವಿವರಣೆ ಕೇಳಿದಲ್ಲಿ ಅವರಗೆ ಉತ್ತರಿಸುತ್ತೇನೆ ಎಂದು ಸ್ಪಷ್ಟಪಡಿಸಿದರು.

KEY WORDS: UNIVERSITY OF MYSORE, UOM, Misconduct, tender, Lawyer Karthik, alleges

SUMMARY:

UNIVERSITY OF MYSORE: Misconduct in the tender: Lawyer Karthik alleges

There has been a significant irregularity in the purchase of equipment for the prestigious Mysore University and the CCTV camera tender. Allegations have been made against the  UOM Vice Chancellor Loknath.

ಮೈಸೂರು,ಮೇ ೨೦, ೨೦೨೫:  ಅಂತರಾಷ್ಟ್ರೀಯ ರಸಾಯನ ಶಾಸ್ತ್ರ ವಿಜ್ಞಾನಿ ಹಾಗೂ ವಿಶ್ರಾಂತ ಕುಲಪತಿ ಪ್ರೊ.ಕೆ.ಎಸ್.ರಂಗಪ್ಪ ಅವರ ೭೦ ನೇ ಹುಟ್ಟು ಹಬ್ಬದ ಅಂಗವಾಗಿ ಇದೇ ಮೇ 28, 29ರಂದು “ ಮಾಲಿಕ್ಯುಲರ್ ಮೆಡಿಸಿನ್ “ ಕುರಿತು ಅಂತಾರಾಷ್ಟ್ರೀಯ ಸಮ್ಮೇಳನ ಆಯೋಜಿಸಲಾಗಿದೆ.

ಕೆಮಿಕಲ್ ಬಯೋಲಜಿ ಸೊಸೈಟಿ ಇಂಡಿಯಾ, ಮೈಸೂರು ವಿವಿಯ ಕೆಮಿಸ್ಟ್ರಿ ವಿಭಾಗ, ಆರ್ಗ್ಯಾನಿಕ್ ಕೆಮಿಸ್ಟ್ರಿ ವಿಭಾಗ ಹಾಗೂ  ಪ್ರೊ.ಕೆ.ಎಸ್. ರಂಗಪ್ಪ ಅವರ ಹಿತೈಷಿಗಳ ಸಂಯುಕ್ತಾಶ್ರಯದಲ್ಲಿಈ ಸಮ್ಮೇಳನ ನಡೆಯಲಿದೆ.

ಇದರಲ್ಲಿ ‘ಮಾಲಿಕ್ಯುಲರ್ ಮೆಡಿಸಿನ್‌ನಲ್ಲಿ ಹೊಸ ಸವಾಲು ಹಾಗೂ ಆವಿಷ್ಕಾರಗಳು’ ಕುರಿತಂತೆ ವಿಚಾರಸಂಕಿರಣ ನಡೆಯಲಿದೆ.  ಎರಡು ದಿನಗಳ ಅಂತಾ ರಾಷ್ಟ್ರೀಯ ಸಮ್ಮೇಳನದಲ್ಲಿ ದೇಶ ಹಾಗೂ ವಿದೇಶಗಳ ವಿಜ್ಞಾನಿಗಳು ಭಾಗವಹಿಸುವರು.

ಮೈಸೂರು ಮಾನಸ ಗಂಗೋತ್ರಿಯ ವಿಜ್ಞಾನ ಭವನದಲ್ಲಿ ಸಮ್ಮೇಳನ ನಡೆಯಲಿದೆ. ರಾಸಾಯನಿಕ ವಿಜ್ಞಾನ,  ಮಾಲಿಕ್ಯುಲರ್ ಬಯೋಲಜಿ, ಮೆಡಿಸಿನ್, ನ್ಯಾನೋ ಟೆಕ್ನಾಲಜಿಯನ್ನು ಒಗ್ಗೂಡಿಸುವಲ್ಲಿನ ಅತ್ಯಾಧುನಿಕ ಪ್ರಗತಿಯನ್ನು ಈ ಸಮ್ಮೇಳನ ಅನಾವರಣಗೊಳಿಸಲಿದೆ.

ಖ್ಯಾತ ತಜ್ಞರನ್ನು ಒಂದೇ ವೇದಿಕೆಯಲ್ಲಿ ಒಗ್ಗೂಡಿಸುವ ಮೂಲಕ ಅವರ ನಡುವೆ ವೈಜ್ಞಾನಿಕ ವಿಚಾರ ಹಾಗೂ ಪರಿಣತಿಯನ್ನು ವಿನಿಮಯಕ್ಕೆ ಅವಕಾಶ ಕಲ್ಪಿಸುವ ಉದ್ದೇಶ ಸಹ ಈ ಸಮ್ಮೇಳನ ಹೊಂದಿದೆ.

ಪ್ರಪಂಚದಾದ್ಯಂತ ವಿಜ್ಞಾನಿಗಳು, ಸಂಶೋಧಕರು, ವೈದ್ಯರು ಮತ್ತು ಉದ್ಯಮ ಪ್ರತಿನಿಧಿಗಳನ್ನು ಒಟ್ಟುಗೂಡಿಸಿ ಆರೋಗ್ಯ ರಕ್ಷಣೆಯ ಭವಿಷ್ಯವನ್ನು ರೂಪಿಸುವ ಆವಿಷ್ಕಾರ ಗಳನ್ನು ಹಂಚಿಕೊಳ್ಳಲು ಹಾಗೂ ಅತ್ಯಾಧುನಿಕ ವಿಧಾನಗಳನ್ನು ಚರ್ಚಿಸಲು ಈ ಸಮ್ಮೇಳನ ವೇದಿಕೆ ಕಲ್ಪಿಸಲಿದೆ.

ಸಮ್ಮೇಳನ ದಲ್ಲಿ ಪೋಸ್ಟರ್ ಪ್ರಸ್ತುತಿ ಹಾಗೂ ಪ್ರಾಯೋ ಜಕತ್ವ ನೀಡಲು ಅವಕಾಶ ಕಲ್ಪಿಸಲಾಗಿದೆ. ಸಮ್ಮೇಳನದಲ್ಲಿ ಭಾಗವಹಿಸಲು ವಿದ್ಯಾರ್ಥಿ ಗಳು, ಸಂಶೋಧನಾ ವಿದ್ಯಾರ್ಥಿಗಳು, ಅಧ್ಯಾಪಕ ಸದಸ್ಯರು, ಕಾರ್ಪೋರೇಟ್ ಮತ್ತು ಕೈಗಾರಿಕಾ ಪ್ರತಿನಿಧಿಗಳು ಹಾಗೂ ವಿದೇಶಿ ಪ್ರತಿನಿಧಿಗಳಿಗೆ ಪ್ರತ್ಯೇಕ ನೋಂದಣಿ ಶುಲ್ಕ ನಿಗಧಿ ಮಾಡಲಾಗಿದೆ.

ಹೆಚ್ಚಿನ ಮಾಹಿತಿಗಾಗಿ www.nimm2025.com ವೆಬ್‌ಸೈಟ್‌ಗೆ ಆಸಕ್ತರು ಭೇಟಿ ನೀಡ ಬಹುದು ಎಂದು ಪ್ರಕಟಣೆ ತಿಳಿಸಿದೆ.

ಜನ್ಮಾದಿನಾಚರಣೆ:

ಮೇ ೨೮ ರಂದು ಸಂಜೆ ೫ ಗಂಟೆಗೆ ಮಾನಸ ಗಂಗೋತ್ರಿಯ ಸೆನೆಟ್‌ ಭವನದಲ್ಲಿ ಪ್ರೊ.ಕೆ.ಎಸ್.ರಂಗಪ್ಪ ಅವರ ೭೦ ನೇ ಹುಟ್ಟು ಹಬ್ಬದ ಸಂಭ್ರಮಾಚರಣೆ ಆಯೋಜಿಸಲಾಗಿದೆ. ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ಐಐಎಸ್ಸಿ ಮಾಜಿ ನಿರ್ದೇಶಕ ಪದ್ಮಶ್ರೀ ಪ್ರೊ.ಗೋವರ್ದನ್‌ ಮೆಹ್ತ ಭಾಗವಹಿಸುವರು. ಮುಖ್ಯ ಅತಿಥಿಗಳಾಗಿ ಸಂಸದ ಡಾ. ಸಿ.ಎನ್.ಮಂಜುನಾಥ್‌, ಯದುವೀರ್‌ ಒಡೆಯರ್‌ ಭಾಗವಹಿಸುವರು. ಸಮಾರಂಭದ ಅಧ್ಯಕ್ಷತೆಯನ್ನು ವಿಶ್ರಾಂತ ಕುಲಪತಿ ಪ್ರೊ.ಎಸ್.ಎನ್.‌ ಹೆಗ್ಡೆ ವಹಿಸುವರು.

ಇದೇ ವೇಳೆ ಪ್ರೊ.ಕೆ.ಎಸ್.ರಂಗಪ್ಪ ಹಾಗೂ ಪೂರ್ಣಿಮಾದೇವಿ ರಂಗಪ್ಪ ಅವರನ್ನು ಸನ್ಮಾನಿಸಲಾಗುವುದು ಎಂದು ಪ್ರಕಟಣೆ ತಿಳಿಸಿದೆ.

key words: Prof. K.S. Rangappa, international conference, ‘Molecular Medicine’ Mysore, UOM

SUMMARY: 

Prof. K.S. Rangappa @70: An international conference on ‘Molecular Medicine’ on May 28 and 29.

An international conference on “Molecular Medicine” has been organized on May 28 and 29 to celebrate the 70th birthday of international chemist and former vice-chancellor Prof. K.S. Rangappa. This conference will take place under the joint auspices of the Chemical Biology Society of India, the Department of Chemistry of Mysore University, the Department of Organic Chemistry, and the well-wishers of Prof. K.S. Rangappa.

ಮೈಸೂರು, ಮಾ.19, 2025 : ಯಶಸ್ಸನ್ನು ಕಾಣಲು ಒಂದು ದೊಡ್ಡ ಗುರಿಯನ್ನು ಇಟ್ಟುಕೊಳ್ಳಬೇಕು. ಆಗ ಮಾತ್ರ ಸಾಧನೆ ಮಾಡಲು ಸಾಧ್ಯವಾಗುತ್ತದೆ. ಈ ನಿಟ್ಟಿನಲ್ಲಿ ವಿಫಲವಾದರೆ ಎದೆಗುಂದದೆ ವಿದ್ಯಾರ್ಥಿಗಳು ಶ್ರದ್ಧೆ ಹಾಗೂ ಪರಿಶ್ರಮ ಮೂಲಕ ಸಾಗಿದರೆ ಯಶಸ್ಸು ಸಿಗುತ್ತದೆ ಎಂದು  ಮಂಗಳೂರು ವಿಭಾಗದ ಪೊಲೀಸ್ ಅಧೀಕ್ಷಕ ಎ.ಎನ್. ಪ್ರಕಾಶ್ ಗೌಡ ಕಿವಿಮಾತು ಹೇಳಿದರು.

ಮೈಸೂರು ವಿಶ್ವವಿದ್ಯಾನಿಲಯದ ವತಿಯಿಂದ “ಮಾನಸ ಯುವ ಸಂವರ್ಧನೆ-2025” ಕಾರ್ಯಕ್ರಮದ ಸಮಾರೋಪ ಕಾರ್ಯಕ್ರಮದಲ್ಲಿಂದು ಭಾಗವಹಿಸಿ ಮಾತನಾಡಿದರು.

ವ್ಯಾಪಾರವಿರಲಿ,  ವ್ಯವಸಾಯವಿರಲಿ ಪ್ರತಿಯೊಂದು ಕ್ಷೇತ್ರದಲ್ಲೂ ಅದರದೇ ಆದಂತಹ ಮಹತ್ವವಿರುತ್ತದೆ. ಅದರಲ್ಲಿ ನಮ್ಮ ಆಯ್ಕೆ ಯಾವುದು ಎಂಬುದು ಬಹಳ ಮುಖ್ಯವಾಗುತ್ತದೆ. ಒಂದು ದೊಡ್ಡ ಗುರಿಯನ್ನು ಇಟ್ಟುಕೊಂಡರೆ ಬಹುಶಃ ತಲುಪುವಂತಹ ಗುರಿ ಕಾರಣಾಂತರದಿಂದ ವಿಫಲವಾದರು, ಒಂದಷ್ಟು ದೂರವಾದರೂ ಸಾಗಬಹುದು. ಆದರೆ, ನಾವು ನಡೆಯಲಿಕ್ಕೆ ಯೋಚನೆ ಮಾಡದಿದ್ದರೆ, ಯಾವುದೇ ಗುರಿಯನ್ನು ತಲುಪಲು ಸಾಧ್ಯವಾಗುವುದಿಲ್ಲ ಎಂದರು.

ಹಲವಾರು ರೀತಿಯ ಸ್ಪರ್ಧಾತ್ಮಕ ಪರೀಕ್ಷೆಗಳು ನಡೆಯುತ್ತದೆ ಅವನೆಲ್ಲಾ ನೀವು ಉಪಯೋಗಿಸಿಕೊಳ್ಳಬೇಕು.  ಒಂದು ವರ್ಷ ಎರಡು ವರ್ಷ ತರಬೇತಿ ಪಡೆದು ಯಾವುದೇ ಪರೀಕ್ಷೆಯಲ್ಲೂ ಉತ್ತೀರ್ಣರಾಗದೆ ಇದ್ದಾಗ ಕೈ ಚೆಲ್ಲಿ ಮನೆಯಲ್ಲಿ ಕೂರುವ ಬದಲು ಅವಕಾಶ ಸಿಕ್ಕ ಎಲ್ಲಾ ಪರೀಕ್ಷೆಗಳನ್ನು ಎದುರಿಸುವ  ಮೂಲಕ ಸಾಕಷ್ಟು ಪರಿಣಿತಿ ಹೊಂದಬಹುದು ಎಂದರು.

ಸಾಕಷ್ಟು ಜನ ಅಪ್ಲಿಕೇಶನ್ ಹಾಕುವ ಸಮಯದಲ್ಲಿ ಕೊನೆಯ ದಿನದವರೆಗೂ ಕಾದು ಹಾಕುವುದು ಇಂತಹ ಪ್ರವೃತ್ತಿಯನ್ನು ಬಿಟ್ಟು ಪ್ರತಿಕ್ಷಣ ಪ್ರತಿದಿನ ಏನೇನೋ ಆಗುತ್ತದೆ ಎಂದು ವಿದ್ಯಮಾನಗಳನ್ನು ಅರ್ಥ ಮಾಡಿಕೊಳ್ಳಬೇಕು. ಪತ್ರಿಕೆಗಳಲ್ಲಿ ಟಿವಿ ಮಾಧ್ಯಮಗಳಲ್ಲಿ ಏನು ಬರುತ್ತದೆ. ನಮ್ಮ ಸುತ್ತ ಮುತ್ತ ಏನು ಆಗುತ್ತದೆ ಎನ್ನುವುದನ್ನು ಸಂಗ್ರಹ ಮಾಡಿ ಇಟ್ಟುಕೊಂಡು ನಾಳೆ ಮಾಡುವಂತಹ ಕೆಲಸವನ್ನು ಇವತ್ತೇ ಮಾಡುತ್ತಾ ಬಂದರೆ ಬಹುಶಃ ಯಾವುದೇ ಪರೀಕ್ಷೆಗಳನ್ನು ಬರೆದು ಯಶಸ್ಸು ನಡೆಯಬಹುದು ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಉತ್ಸಾಹದಿಂದ ಕಲಿಯಬೇಕು. ಇಂತಹ ಉತ್ಸಾಹಕವನ್ನು ಕೊನೆಯವರೆಗೂ ಇಟ್ಟುಕೊಂಡು  ಪರೀಕ್ಷೆಗಳಲ್ಲಿ ಯಶಸ್ವಿಯನ್ನು ಕಾಣುತ್ತೀರ ಎಂದು ಕಿವಿ ಮಾತು ಹೇಳಿದರು.

ಕೆಲವರು ಪರೀಕ್ಷೆಗೆ ತಾವು ನಡೆಸುವ ಸಿದ್ಧತೆ ಸ್ನೇಹಿತರಿಗೆ ಗೊತ್ತಾಗದಂತೆ ಗೌಪ್ಯತೆ ಕಾಯ್ದುಕೊಳ್ಳುತ್ತಾರೆ. ಇದು ತಪ್ಪು, ಪರೀಕ್ಷೆಗಳಿಗೆ ಸಿದ್ದತೆ ನಡೆಸುವಾಗ ಎಲ್ಲರೂ ಮುಕ್ತವಾಗಿ ನಿಮ್ಮ ಮಾಹಿತಿ ಹಂಚಿಕೊಳ್ಳಿ. ಇದರಿಂದ ನಿಮ್ಮ ಜ್ಞಾನ ಹೆಚ್ಚಾಗುತ್ತದೆಯೇ  ಹೊರತು ಕಡಿಮೆ ಆಗುವುದಿಲ್ಲ ಎಂದರು.

ಮೈಸೂರು ವಿಶ್ವವಿದ್ಯಾನಿಲಯದ ಕುಲಸಚಿವರಾದ ಎಂ .ಕೆ ಸವಿತಾ ಮಾತನಾಡಿ,  ಇವತ್ತಿನ ಸ್ಪರ್ಧಾತ್ಮಕ ಯುಗದಲ್ಲಿ ನೀವು ಬರೀ ಪಠ್ಯಪುಸ್ತಕಗಳನ್ನು ಓದುತ್ತಾ ಇದ್ದರೆ ಅದು ಪ್ರಯೋಜನಕ್ಕೆ ಬಾರದು. ಸಾಮಾನ್ಯ ಜ್ಞಾನವನ್ನು ನಿಮ್ಮ ಪದವಿ ಹಂತದಲ್ಲಿ ಕಲಿಯಬೇಕು. ನೀವು ಸಾಕಷ್ಟು ರೀತಿಯಲ್ಲಿ ಕಲಿಯುವ ಅವಕಾಶಗಳು ನಿಮ್ಮ ಕೈಯಲ್ಲೇ ಇವೆ. ಅದನ್ನು ಒಳ್ಳೆಯ ರೀತಿಯಿಂದ ಆಯ್ಕೆ ಮಾಡಿಕೊಂಡು ಕಲಿಯಬೇಕು ಎಂದರು.

ಸಾಮಾನ್ಯ ಜ್ಞಾನಕ್ಕೋಸ್ಕರ ಪತ್ರಿಕೆಗಳನ್ನು ದಿನ ಓದಬೇಕು.  ನೀವು ಎಷ್ಟರಮಟ್ಟಿಗೆ ಸಾಮಾನ್ಯ ಜ್ಞಾನ ಹಾಗೂ ಪತ್ರಿಕೆಗಳನ್ನು ಓದುತ್ತೀರೋ ಅಷ್ಟರಮಟ್ಟಿಗೆ ನಿಮಗೆ ಸ್ಪರ್ಧಾತ್ಮಕ ಪರೀಕ್ಷೆಗಳನ್ನು ಎದುರಿಸಲು ಸಹಕಾರಿಯಾಗುತ್ತದೆ ಎಂದರು.

ಕಾರ್ಯಕ್ರಮದಲ್ಲಿ ಮೈಸೂರು ವಿಶ್ವವಿದ್ಯಾಲಯದ ಕುಲಪತಿ ಎನ್.ಕೆ. ಲೋಕನಾಥ್, ಮೈಸೂರು ವಿಶ್ವವಿದ್ಯಾಲಯದ ಕುಲ ಸಚಿವ( ಪರೀಕ್ಷಾಂಗ) ಎನ್.ನಾಗರಾಜು. ಮಾನಸ ಯುವ ಸಂದರ್ಶನ-2025 ಸಲಹಾ ಸಮಿತಿಯ ಅಧ್ಯಕ್ಷ ಪ್ರೊ. ಡಿ ಆನಂದ್  ಉಪಸ್ಥಿತರಿದ್ದರು.

key words: “Manasa Yuva Samvardhana-2025”, IPS Prakash Gowda, VC Loknath, uom, university, Mysore

summary:

“Manasa Yuva Samvardhana-2025”: Tips for competitive exams from guests for students!

ಮೈಸೂರು, ಮಾ.೦೨,೨೦೨೫: ಪ್ರತಿಷ್ಠಿತ ಮೈಸೂರು ವಿಶ್ವವಿದ್ಯಾನಿಲಯದ ಹಳೆ ವಿದ್ಯಾರ್ಥಿಗಳ ಸಂಘದ (ಅಲೂಮ್ನಿ ಅಸೋಸಿಯೇಷನ್‌ ) ಸರ್ವ ಸದಸ್ಯರ ವಾರ್ಷಿಕ ಸಭೆ ಭಾನುವಾರ ಬೆಳಗ್ಗೆ ಸಂಘದ ಕಚೇರಿಯಲ್ಲಿ ಯಶಸ್ವಿಯಾಗಿ ನಡೆಯಿತು.

ನಗರದ ಸರಸ್ವತಿ ಪುರಂ ಅಗ್ನಿ ಶಾಮಕ ದಳ ಕಚೇರಿ ಎದುರು ಇರುವಅಲೂಮ್ನಿ ಅಸೋಸಿಯೇಷನ್‌ ನಲ್ಲಿ ಸಂಘದ ಅಧ್ಯಕ, ವಿಶ್ರಾಂತ ಕುಲಪತಿ ಪ್ರೊ. ಎಸ್ ಎನ್ ಹೆಗ್ಡೆ, ಉಪಾಧ್ಯಕ್ಷ ಪ್ರೊ.ಕೆ.ಎಸ್ ರಂಗಪ್ಪ ಹಾಗೂ ವಿಶ್ರಾಂತ ಕುಲಪತಿಗಳಾದ  ಪ್ರೊ.ರಾಮೇಗೌಡ, ಪ್ರೊ.ಹೇಮಂತ್ ಕುಮಾರ್ , ಪ್ರೊ.ತರೀನ್‌ , ಸಿಂಡಿಕೇಟ್ ಸದಸ್ಯ ಚಂದ್ರಶೇಖರ್ ಹಾಗೂ ಸದಸ್ಯರ ಸಮ್ಮುಖದಲ್ಲಿ ಸಭೆ ನಡೆಯಿತು.

ಸಭೆಯ ಬಳಿಕ ಸಂಘದ ಉಪಾಧ್ಯಕ್ಷ, ವಿಶ್ರಾಂತ ಕುಲಪತಿ ಪ್ರೊ. ಕೆ.ಎಸ್. ರಂಗಪ್ಪ ಸುದ್ದಿ ಗೋಷ್ಠಿ ನಡೆಸಿ ಸಭೆಯ ಬಗ್ಗೆ ಮಾಹಿತಿ ನೀಡಿದರು.

ಹಳೆ ವಿದ್ಯಾರ್ಥಿಗಳ ಸಂಘ 1999 ರಿಂದಲೂ ಇದೆ. ಆದರೆ ಅದು ನಿಷ್ಕ್ರಿಯಗೊಂಡಿತ್ತು. ಈ ಹಿಂದೆ ನಾನು ಮೈಸೂರು ವಿ.ವಿ ಗೆ ಕುಲಪತಿಯಾಗಿ ನೇಮಕಗೊಂಡ ಬಳಿಕ ಸಂಘವನ್ನು ಮತ್ತೆ ಪುನರ್ರಚನೆ ಮಾಡಿ ಸಕ್ರಿಯೆಗೊಳಿಸಿದ್ದೆ.

ಟ್ರಸ್ಟ್‌ ಸ್ಥಾಪನೆ:

ಬೇರೆ ಬೇರೆ ದೇಶಗಳಲ್ಲಿ ಹಳೇ ವಿದ್ಯಾರ್ಥಿ ಸಂಘಟನೆಗಳಿಂದಲೇ ಕೆಲವೊಂದು ವಿ.ವಿಗಳೇ ಸ್ಥಾಪನೆ ಆಗಿವೆ. ಪ್ರಸ್ತುತ ದಿನಮಾನಗಳಲ್ಲಿ ಸರ್ಕಾರದ ಪ್ರೋತ್ಸಾಹ ಇಲ್ಲದೆ ವಿಶ್ವ ವಿದ್ಯಾನಿಲಯಗಳು ರೋಗಗ್ರಸ್ತವಾಗಿ ನಡೆಯುತ್ತಿವೆ. ಉನ್ನತ ಶಿಕ್ಷಣ ಎನ್ನುವುದು ನೆನೆಗುದಿಗೆ ಬಿದ್ದಿದೆ. ಸೈನ್ಸ್ ಅಂಡ್ ಟೆಕ್ನಾಲಜೀಸ್ ನೆನೆಗುದಿಗೆ ಬಿದ್ದಿದೆ. ಹಾಗಾಗಿ ಇಂತ ಪರಿಸ್ಥಿತಿಯಲ್ಲಿ ನಾವೆಲ್ಲ ಒಂದು ಪರಿಹಾರವನ್ನ ಕಂಡುಕೊಳ್ಳಬೇಕಾಗಿದೆ.  ಈ ಹಿನ್ನೆಲೆಯಲ್ಲಿ ಟ್ರಸ್ಟ್‌ ಸ್ಥಾಪಿಸಿ ವಿದೇಶದಲ್ಲಿ ನೆಲೆಸಿರುವ ಮೈಸೂರು ವಿವಿ ಹಳೇ ವಿದ್ಯಾರ್ಥಿಗಳ ದೇಣಿಯ ಹಣವನ್ನು ಸದುಪಯೋಗ ಪಡಿಸಿಕೊಳ್ಳಲು ಉದ್ದೇಶಿಸಲಾಗಿದೆ. ಆ ಮೂಲಕ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಸ್ಕಾಲರ್ ಶಿಪ್‌ ನೀಡುವ ಯೋಜನೆ ಜಾರಿಗೊಳಿಸಲು ಉದ್ದೇಶಿಸಲಾಗಿದೆ ಎಂದರು.

ಈ ಎಲ್ಲಾ ಅಂಶಗಳ ಬಗ್ಗೆ ಕೂಲಂಕುಷವಾಗೊ ಚರ್ಚಿಸಿ ರೂಪುರೇಷೆ ಸಿದ್ಧಪಡಿಸಲು ಇಂದು ಹಳೆ ವಿದ್ಯಾರ್ಥಿ ಸಂಘದ ಸಭೆ ಕರೆದಿದ್ದೆವು.  ಜತೆಗೆ ಸಂಘಕ್ಕೆ ನೂತನ ಪದಾಧಿಕಾರಿಗಳ ಆಯ್ಕೆಗೆ ಚುನಾವಣೆ ನಡೆಯಬೇಕಿದೆ.  ಈಗಾಗಲೇ ಮೂರು ವರ್ಷಗಳ ಅವಧಿ ಮುಗಿದಿದೆ. ನಮ್ಮಲ್ಲೇ ಇರುವ ಒಬ್ಬ ಸದಸ್ಯ ಚುನಾವಣೆ ನಡೆಸಲು ಆಕ್ಷೇಪ ಎತ್ತಿ ಕೋರ್ಟ್ ಮೊರೆ ಹೋಗಿದ್ದಾರೆ . ನಮ್ಮಲ್ಲಿ ಉಂಟಾಗಿರುವ ಭಿನ್ನಾಭಿಪ್ರಾಯ ಸರಿಪಡಿಸಿಕೊಂಡು ಶೀಘ್ರದಲ್ಲೇ ಸಂಘದ ಪದಾಧಿಕಾರಿಗಳ ಆಯ್ಕೆ ಪ್ರಕ್ರಿಯೆ ಮಾಡಲಾಗುತ್ತದೆ. ನಮ್ಮಲ್ಲಿ 13 ಜನ ಕಾರ್ಯಕಾರಿ ಸಮಿತಿಗೆ ಆಯ್ಕೆ ಮಾಡಲಾಗುತ್ತದೆ. ಬಳಿಕ ಅಧ್ಯಕ್ಷ, ಉಪಾಧ್ಯಕ್ಷರ ಆಯ್ಕೆ ನಡೆಯುತ್ತದೆ ಎಂದು ವಿಶ್ರಾಂತ ಕುಲಪತಿ ಪ್ರೊ.ರಂಗಪ್ಪ ಮಾಹಿತಿ ನೀಡಿದರು.

ಒಂದು ಕುಟುಂಬ :

ಮೈಸೂರು ವಿವಿ ಹಳೇ ವಿದ್ಯಾರ್ಥಿಗಳ ಸಂಘದ ಸದಸ್ಯರೆಲ್ಲಾ ಒಂದೇ ಕುಟುಂಬಕ್ಕೆ ಸೇರಿದವರು. ಈ ಸಂಘದ ಉದ್ದೇಶಕ್ಕೆ ಪೂರಕವಾಗಿ ಪ್ರತಿಷ್ಠೆ ಬದಿಗಿಟ್ಟು ಎಲ್ಲರು ಕಾರ್ಯ ನಿರ್ವಹಿಸಬೇಕು. ಆ ಮೂಲಕ ವಿವಿಯ ಅಭಿವೃದ್ಧಿಗೆ ಹಾಗೂ ವಿದ್ಯಾರ್ಥಿಗಳ ಭವಿಷ್ಯದ ಸಲುವಾಗಿ ಸಂಘಟಿತವಾಗಿ ಕಾರ್ಯ ನಿರ್ವಹಿಸಬೇಕು ಎಂದು ಮೂರು ವಿವಿಗೆ ಕುಲಪತಿಗಳಾಗಿ ಅನುಭವ ಹೊಂದಿರುವ ಪ್ರೊ.ತರೀನ್‌ ಸಭೆಯಲ್ಲಿ ಕಿವಿಮಾತು ಹೇಳಿದರು.

key words: UNIVERSITY OF MYSORE, “ALUMNI ASSOCIATION”, UOM

UNIVERSITY OF MYSORE “ALUMNI ASSOCIATION” MEETING SUCCESSFULY HELD

ಮೈಸೂರು, ಜ.೩೧,೨೦೨೫ : ಚಲನಚಿತ್ರ ನಟರಿಗೆ, ರಾಜಕಾರಣಿಗಳಿಗೆ ಫ್ಯಾನ್‌ ಫಾಲೋಯರ್ಸ್‌ ಇರೋದು ಸಹಜ. ಆದರೆ ವಿಜ್ಞಾನ ಕ್ಷೇತ್ರದ ಪ್ರತಿಭಾವಂತರು ಹಾಗೂ ರಾಜ್ಯದ ಎರಡು  ಪ್ರತಿಷ್ಠಿತ ವಿಶ್ವವಿದ್ಯಾನಿಲಯಗಳ ಕುಲಪತಿ ಹುದ್ದೆ ನಿರ್ವಹಿಸಿದವರಿಗೂ ಅಭಿಮಾನಿ ಬಳಗ ಇದೆ ಅಂದ್ರೆ ನೀವು ನಂಬಲೇ ಬೇಕು.

ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯ ಹಾಗೂ  ಮೈಸೂರು ವಿಶ್ವವಿದ್ಯಾಲಯದ ವಿಶ್ರಾಂತ ಕುಲಪತಿ ಹಾಗೂ ಖ್ಯಾತ ರಸಾಯನಶಾಸ್ತ್ರಜ್ಞ ಪ್ರೊ. ಕೆ.ಎಸ್. ರಂಗಪ್ಪ ಅವರೆ ಅಭಿಮಾನಿ ಬಳಗ ಹೊಂದಿರುವ ವಿಜ್ಞಾನಿ.

ಪ್ರೊ. ರಂಗಪ್ಪ ಅವರ ಅಭಿಮಾನಿ ಬಳಕ್ಕೆ ಈಗ ಒಂಬತ್ತು ವರ್ಷ. ಮೈಸೂರು ವಿವಿ ಬೋಧಕೇತರ ವಿಭಾಗದ ಎಂ. ಶ್ರೀನಿವಾಸ್‌ ಎಂಬುವವರೇ ಇವರ ಅಧ್ಯಕ್ಷರು. ಇವರನ್ನು “ ಜಸ್ಟ್‌ ಕನ್ನಡ”  ಮಾತನಾಡಿಸಿದಾಗ,  ಅಭಿಮಾನಿ ಬಳಗದ ಮೂಲಕ ಶೋಷಿತ ವರ್ಗದ, ಬಡ ಕುಟುಂಬದ ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಸಮಸ್ಯೆ ಎದುರಾದಲ್ಲಿ ಅವರ ನೆರವಿಗೆ ಧಾವಿಸುವ ಸದುದ್ದೇಶದಿಂದ ಬಳಗ ಅಸ್ಥಿತ್ವಕ್ಕೆ ಬಂತು ಎಂದರು. ಕಳೆದ ೮ ವರ್ಷಗಳಿಂದ ನಿರಂತರವಾಗಿ ಸಮಾಜಮುಖಿ ಕಾರ್ಯಗಳನ್ನು ಬಳಗ ಮಾಡುತ್ತಿದ್ದು ಈಗ ಒಂಬತ್ತನೇ ವರ್ಷಕ್ಕೆ ಕಾಲಿಟ್ಟಿದೆ. ಬಳಗದಲ್ಲಿ ವಿದ್ಯಾರ್ಥಿಗಳು, ಸಂಶೋಧಕರು, ಪ್ರಾಧ್ಯಾಕರಿದ್ದು ಇವರೆಲ್ಲಾಸಂಘದ ಚಟುವಟಿಕೆಗಳಿಗೆ ಬೆನ್ನೆಲುಬಾಗಿ ನಿಂತಿದ್ದಾರೆ ಎಂದು ಸ್ಮರಿಸಿಕೊಂಡರು.

ಪ್ರೊ.ಶ್ರೀಕಂಠಸ್ವಾಮಿ ಅವರು ಮಾತನಾಡಿ, ರಾಜಶ್ರೀ ನಾಲ್ವಡಿ ಅವರು ಮೈಸೂರು ವಿವಿ ಸ್ಥಾಪಕರು. ಅವರು ಕಟ್ಟಿದ ಈ ಪ್ರತಿಷ್ಠಿತ ವಿಶ್ವವಿದ್ಯಾನಿಲಯದ ನೂರನೇ ವರ್ಷದ ಸಂಭ್ರಮದ ವೇಳೆ  ಪ್ರೊ.ಕೆ.ಎಸ್.ರಂಗಪ್ಪ ಅವರು ಕುಲಪತಿಗಳಾಗಿ ನೆನಪಿನಲ್ಲಿ ಉಳಿಯುವಂತೆ ಕಾರ್ಯಕ್ರಮಗಳನ್ನು ರೂಪಿಸಿದರು. ಈ ಅವಧಿಯಲ್ಲಿ ದೇಶದ ಅತ್ಯುನ್ನತ ಸ್ಥಾನದಲ್ಲಿರುವ ಪ್ರಧಾನಿ, ರಾಷ್ಟ್ರಪತಿ ಹಾಗೂ ಉಪರಾಷ್ಟ್ರಪತಿಗಳನ್ನು ಮೈಸೂರು ವಿವಿಗೆ ಆಹ್ವಾನಿಸಿದ್ದರು. ಜತೆಗೆ ೧೨ ಮಂದಿ ನೊಬೆಲ್‌ ಪ್ರಶಸ್ತಿ ಪುರಸ್ಕೃತರು ಸಮಾರಂಭದಲ್ಲಿ ಭಾಗವಹಿಸಿ ಯುವ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ನೀಡಿದ್ದು ವಿಶೇಷ.

ಪ್ರಮುಖ ಸಾಧನೆಗಳು :

ವಿಶ್ವದ ಶ್ರೇಷ್ಠ ವಿಜ್ಞಾನಿಗಳ ಪಟ್ಟಿಯಲ್ಲಿ ಸ್ಥಾನ:

ಅಮೆರಿಕಾದ ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯವು ಪ್ರಕಟಿಸಿದ ವಿಶ್ವದ ಶ್ರೇಷ್ಠ ವಿಜ್ಞಾನಿಗಳ ಪಟ್ಟಿಯಲ್ಲಿ ಪ್ರೊ. ರಂಗಪ್ಪ ಅವರು 2,181ನೇ ಸ್ಥಾನವನ್ನು ಪಡೆದಿದ್ದಾರೆ. ಈ ಪಟ್ಟಿಯಲ್ಲಿ ಭಾರತದ ಶೇ.2 ರಷ್ಟು ವಿಜ್ಞಾನಿಗಳು ಸ್ಥಾನ ಪಡೆದಿದ್ದು, ಪ್ರೊ. ರಂಗಪ್ಪ ಅವರು ಸಾವಯವ ರಸಾಯನಶಾಸ್ತ್ರ ವಿಭಾಗದಲ್ಲಿ ಗುರುತಿಸಲ್ಪಟ್ಟಿದ್ದಾರೆ. ಹೀಗಾಗಿ ವಿಶ್ವದ ಯಾವುದೇ ಪ್ರತಿಷ್ಠಿತ ಪ್ರಯೋಗಾಲಯಗಳಿಗೆ ಬೇಕಾದರು ಅವರು ಭೇಟಿ ನೀಡಬಹುದಾಗಿದೆ.

ಅಂತರರಾಷ್ಟ್ರೀಯ ಸಂಶೋಧನಾ ಪ್ರಬಂಧಗಳು:

ಪ್ರೊ. ರಂಗಪ್ಪ ಅವರು ೭00ಕ್ಕೂ ಹೆಚ್ಚು ಅಂತರರಾಷ್ಟ್ರೀಯ ಸಂಶೋಧನಾ ಪ್ರಬಂಧಗಳನ್ನು ಮಂಡಿಸಿದ್ದಾರೆ, ಜತೆಗೆ ೧೫,೦೦೦ ಸೈಟೇಷನ್ಸ್‌ ಹಾಗೂ ೬೫  “ ಹೆಚ್‌ “ ಇಂಡೆಕ್ಸ್‌ ಗಳನ್ನು ಹೊಂದಿರುವುದು ಇವರ ದಾಖಲೆ. ೭೦ ಜನ ವಿದ್ಯಾರ್ಥಿಗಳಿಗೆ ಪಿಎಚ್ಡಿ ಮಾರ್ಗದರ್ಶಕರಾಗಿ ಯಶಗಳಿಸಿದ್ದಾರೆ. ಇದು ಅವರ ವೈಜ್ಞಾನಿಕ ಸಾಧನೆಯ ಮಹತ್ವವನ್ನು ತೋರಿಸುತ್ತದೆ.

ಸಂಶೋಧನಾ ಪೇಟೆಂಟ್‌ಗಳು:

ಅವರು   ೧೪ ವಿಭಿನ್ನ ಸಂಶೋಧನಾ ಪೇಟೆಂಟ್‌ಗಳನ್ನು ಪಡೆದಿದ್ದಾರೆ, ಇದು ಅವರ ಸಂಶೋಧನಾ ಕ್ಷೇತ್ರದಲ್ಲಿ ಮಹತ್ವಪೂರ್ಣ ಕೊಡುಗೆಗಳನ್ನು ಸೂಚಿಸುತ್ತದೆ.

ಮಾಲಿಕ್ಯುಲರ್ ಕೆಮಿಸ್ಟ್ರಿಯಲ್ಲಿ ಸಂಶೋಧನೆ:

ಮಾಲಿಕ್ಯುಲರ್ ಕೆಮಿಸ್ಟ್ರಿಯಲ್ಲಿನ ಅವರ ಅನೇಕ ಸಂಶೋಧನೆಗಳು ಚೀನಾ ಮತ್ತು ಸಿಂಗಾಪುರದಲ್ಲಿ ವೈದ್ಯಕೀಯ ಪ್ರಯೋಗ ಹಂತದಲ್ಲಿವೆ, ಇದು ಅವರ ಸಂಶೋಧನೆಗಳ ಪ್ರಾಯೋಗಿಕ ಮಹತ್ವವನ್ನು ತೋರಿಸುತ್ತದೆ.

ವಿಶ್ವಾದ್ಯಾಂತ ಸಂಶೋಧಕರೊಂದಿಗೆ ಸಹಭಾಗಿತ್ವ:

ವಿವಿಧ ದೇಶಗಳ 350ರಿಂದ 400 ಮಂದಿ ಸಂಶೋಧಕರು ಪ್ರೊ. ರಂಗಪ್ಪ ಅವರೊಂದಿಗೆ ಸಂಶೋಧನೆ ನಡೆಸುತ್ತಿದ್ದಾರೆ, ಇದು ಅವರ ವೈಜ್ಞಾನಿಕ ನೆಟ್‌ವರ್ಕ್‌ನ ವ್ಯಾಪ್ತಿಯನ್ನು ಸೂಚಿಸುತ್ತದೆ.

ಯುನೆಸ್ಕೋ ಫೆಲೋಶಿಪ್:

ಪ್ರೊ. ರಂಗಪ್ಪ ಅವರು  UNESCO FELLOW OF THE WORLD ACADEMY OF SCIENCES ಫೆಲೋಶಿಪ್‌ಗೆ ಆಯ್ಕೆಯಾಗಿದ್ದಾರೆ, ಇದು ಅವರ ವೈಜ್ಞಾನಿಕ ಸಾಧನೆಗಳಿಗೆ ಅಂತಾರಾಷ್ಟ್ರೀಯ ಮಾನ್ಯತೆಯನ್ನು ನೀಡುತ್ತದೆ.

ಪ್ರೊ. ಕೆ.ಎಸ್. ರಂಗಪ್ಪ ಅವರ ವೈಜ್ಞಾನಿಕ ಸಾಧನೆಗಳು ದೇಶ-ವಿದೇಶಗಳಲ್ಲಿ ಪ್ರಶಂಸೆಗೆ ಪಾತ್ರವಾಗಿವೆ, ಮತ್ತು ಅವರು ವಿಜ್ಞಾನ ಕ್ಷೇತ್ರದಲ್ಲಿ ಮಹತ್ವಪೂರ್ಣ ಕೊಡುಗೆಗಳನ್ನು ನೀಡಿದ್ದಾರೆ.

key words: Former vice-chancellor, “fan club”, mysore, rangappa.k.s, KSOU, UOM

ENGLISH SUMMARY: 

Prof. K.S. Rangappa, a distinguished chemist and academician, has made significant contributions to the fields of bio-organic and medicinal chemistry. He has synthesized over 7,000 small molecules, some of which have demonstrated promising anti-cancer properties in preclinical models.

His research has led to the development of compounds such as DMBO and NPB, which are commercially available as standard inhibitors of growth factors and the BAD protein, respectively. Additionally, he has discovered pharmacological inhibitors targeting proteins like STAT3, NF-κB, TFF3, and human methionyl tRNA synthetases, all of which are implicated in various cancers.

Prof. Rangappa’s academic journey includes a B.Sc. (1976), M.Sc. (1978), and Ph.D. (1982) from the University of Mysore. He was awarded a D.Sc. degree by thesis in 1998 for his independent research contributions in physical-organic chemistry. His post-doctoral research was conducted at the University of Saskatchewan, Canada.

ಮೈಸೂರು, ಆ,17,2024: (www.justkannada.in news) ಪ್ರತಿಷ್ಠಿತ ಮೈಸೂರು ವಿವಿ ನಿವೃತ್ತ ಪ್ರಾಧ್ಯಾಪಕ ಹಾಗೂ ಪ್ರಗತಿಪರ ಚಿಂತಕ ಪ್ರೊ.ಮಹೇಶ್‌ ಚಂದ್ರ ಗುರು (68) ಹೃದಯಘಾತದಿಂದ ಇಲ್ಲಿನ ಖಾಸಗಿ ಆಸ್ಪತ್ರೆಯಲ್ಲಿ ಇಂದು ನಿಧನ.

ಕಳೆದ ಕೆಲ ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ‌ ಪ್ರೊ. ಮಹೇಶ್ ಚಂದ್ರ ಗುರು ಅವರನ್ನು ಇಲ್ಲಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಈ ಮಧ್ಯೆ ಪ್ರೊ.ಮಹೇಶ್‌ ಚಂದ್ರ ಗುರು ಅವರಿಗೆ ಇಂದು ಸಂಜೆ ೭. ೩೦ ರ ಸುಮಾರಿಗೆ ಹೃದಯಘಾತ ಸಂಭವಿಸಿ ಮೃತಪಟ್ಟರು.

೮೦ ರ ದಶಕದಲ್ಲಿ ಹೈದರಬಾದ್‌ ನಲ್ಲಿ ಸಾರ್ವಜನಿಕ ಸಂಪರ್ಕಾಧಿಕಾರಿಯಾಗಿ ಹುದ್ದೆ ಆರಂಭಿಸಿದ ಪ್ರೊ.ಮಹೇಶ್‌ ಚಂದ್ರ ಗುರು ಬಳಿಕ ಮಂಗಳೂರು ವಿವಿಯಲ್ಲಿ ಜರ್ನಲಿಸಂ ಪ್ರಾಧ್ಯಾಪಕಾರಿ ಪತ್ರಿಕೋದ್ಯಮ ಕ್ಷೇತ್ರಕ್ಕೆ ಪಾದರ್ಪಣೆ. ಬಳಿಕ ಮೈಸೂರು ವಿವಿಗೆ ವರ್ಗಾವಣೆಗೊಂಡು ೨೦೧೯ ರಲ್ಲಿ ಸೇವೆಯಿಂದ ನಿವೃತ್ತರಾದರು.

ನಿವೃತ್ತಿ ಬಳಿಕ ಪ್ರಗತಿಪರ ಚಳವಳಿಗಳಲ್ಲಿ ಗಣನೀಯವಾಗಿ ಗುರುತಿಸಿಕೊಂಡಿದ್ದ ಪ್ರೊ.ಮಹೇಶ್‌ ಚಂದ್ರ ಗುರು ಅವರು ಎಡಪಂಥೀಯ ವಾದವನ್ನು ಪ್ರತಿಪಾದಿಸುತ್ತಿದ್ದರು. ನಾಡ ಹಬ್ಬ ದಸರಾ ವೇಳೆ ಮಹಿಷಾ ದಸರಾ ಆಚರಣೆಗೊಳ್ಳಲು ಇವರ ಪಾತ್ರ ಪ್ರಮುಖವಾದದ್ದು.

ಸಂತಾಪ :  

ಪ್ರೊ.ಮಹೇಶ್‌ ಚಂದ್ರ ಗುರು ಅವರ ನಿಧನಕ್ಕೆ ಮೈಸೂರು ವಿವಿ ಪತ್ರಿಕೋದ್ಯಮ ವಿಭಾಗದ ಮುಖ್ಯಸ್ಥೆ ಹಾಗೂ ಇಎಂಆರ್‌ ಸಿ ನಿರ್ದೇಶಕಿಯಾದ ಪ್ರೊ.ಸಪ್ನಾ ನಾಯಕ್‌ ಸಂತಾಪ ಸೂಚಿಸಿದ್ದಾರೆ. ಪ್ರೊ.ಗುರು ಅವರ ಮಾರ್ಗದರ್ಶನದಲ್ಲಿ ಪತ್ರಿಕೋದ್ಯಮ ವಿಭಾಗದಲ್ಲಿ ಹಲವಾರು ಪ್ರಗತಿಪರ ಚಿಂತನೆಗಳನ್ನು ಹಾಗೂ ಪ್ರಯೋಗಾತ್ಮಕ ಯೋಜನೆಗಳನ್ನು ಜಾರಿಗೊಳಿಸಲಾಗಿತ್ತು. ಅವರ ಅನುಭವದ ಮೇರೆಗೆ ಸಲಹೆ , ಸೂಚನೆಗಳನ್ನು ನೀಡುತ್ತಿದ್ದರು ಎಂದು ಸ್ಮರಿಸಿಕೊಂಡರು.

key words: MYSORE UNIVERSITY, Prof. Mahesh Chandra Guru, retired professor, of journalism, UOM, is no more.

ಮೈಸೂರು, ಜೂ.27,2024: (www.justkannada.in news) ಸಮಾಜದ ಬದಲಾವಣೆಗೆ ಮಾಧ್ಯಮವನ್ನು ಬಳಸಿಕೊಳ್ಳಲು ಅತಿ ಹೆಚ್ಚು ಪ್ರಸಾರವನ್ನು ಹೊಂದಿರುವ ಪತ್ರಿಕೆಗಳ ಸಂಪಾದಕರು ಹಾಗೂ ವರದಿಗಾರರಿಗೆ ಉಪಯುಕ್ತ ಮಾಹಿತಿಗಳ ಸಂಗ್ರಹ ಹೆಚ್ಚು ಇರಬೇಕು ಎಂದು ಯುನಿಸೆಫ್ ಪ್ರತಿನಿಧಿ ಪ್ರೋಸುನ್ ಸೆನ್ ಅಭಿಪ್ರಾಯಪಟ್ಟರು.

ಮಾನಸ ಗಂಗೋತ್ರಿ ವಿಜ್ಞಾನ ಭವನದಲ್ಲಿ ಸಮೂಹ ಸಂವಹನ ಮತ್ತು ಪತ್ರಿಕೋದ್ಯಮ ವಿಭಾಗ ಏರ್ಪಡಿಸಿದ್ದ “ ಮಕ್ಕಳ ವಿಷಯಗಳು ʼ  ಕುರಿತ ಎರಡು ದಿನಗಳ ಕಾರ್ಯಾಗಾರವನ್ನು ಯುನಿಸೆಫ್ ಪ್ರತಿನಿಧಿ ಪ್ರೋಸುನ್ ಸೆನ್ ಉದ್ಘಾಟಿಸಿ ಮಾತನಾಡಿದರು.

ಕೇವಲ ಒಂದು ಪತ್ರಿಕೆ ಅಥವಾ ಒಂದು ಜಿಲ್ಲೆಯಲ್ಲಿ ಅಲ್ಲದೆ ಕರ್ನಾಟಕದ ಎಲ್ಲಾ ಪತ್ರಕರ್ತರನ್ನು ಸೇರಿಸಿ ಚರ್ಚೆ ಮಾಡುವ ವಿಷಯ ಇದಾಗಿದೆ. ಈ ಕಾರ್ಯಕ್ರಮದಲ್ಲಿ ವಿಶೇಷವಾಗಿ ಮಕ್ಕಳ ವಿದ್ಯಾಭ್ಯಾಸ, ರಕ್ಷಣೆ, ಆರೋಗ್ಯ ಹಾಗೂ ಅಭಿವೃದ್ಧಿಯ ಉದ್ದೇಶಗಳನ್ನು ಒಳಗೊಂಡಿದೆ. ಸಂವಿಧಾನಾತ್ಮಕವಾಗಿ ಇರುವ ಮಕ್ಕಳ ಹಕ್ಕುಗಳು ದಿನೇ ದಿನೇ ಬದಲಾಗುತ್ತಿದೆ. ಇದು ತಿಳಿದುಕೊಳ್ಳಲು ತುಂಬಾ ಮಾಹಿತಿ ಇರುವ ಬಹುದೊಡ್ಡ ವಿಷಯವಾಗಿದೆ. ಕರ್ನಾಟಕದ ಪತ್ರಿಕೆಗಳಲ್ಲಿ ಮಕ್ಕಳಿಗೆ ಸಂಬಂಧಿಸಿದ ಕೆಲವು ವರದಿಗಳ ಗುಣಮಟ್ಟವನ್ನು ಹೆಚ್ಚಿಸುವಲ್ಲಿ ಇಂತಹ ಕಾರ್ಯಕ್ರಮಗಳು ಹೆಚ್ಚು ಉಪಯುಕ್ತವಾಗಿವೆ ಎಂದರು.

ಸಂಬಂಧಿಸಿದ ಕಾಯಿದೆಗಳನ್ನು ತಿಳಿದುಕೊಂಡು, ಆಯಾ ಇಲಾಖೆಗಳನ್ನು ಸಂಪರ್ಕಿಸಿ, ಮಕ್ಕಳ ಕುರಿತು ಲೇಖನ ಹಾಗೂ ವರದಿಗಳನ್ನು ಬರೆದರೆ ಓದುಗರಿಗೆ ಹೆಚ್ಚು ಆಕರ್ಷಕ ಹಾಗೂ ನಿಖರವಾದ ಮಾಹಿತಿ ನೀಡಬಹುದು ಎಂದು ಕರ್ನಾಟಕ ತಲಂಗಾಣ ಹಾಗೂ ಆಂಧ್ರಪ್ರದೇಶದ ಯುನಿಸೆಫ್ ಸಂವಹನ ವಕಾಲತ್ತು ಮತ್ತು ಪಾಲುದಾರಿಕೆ ತಜ್ಞ ಪ್ರೋಸುನ್ ಸೆನ್ ಹೇಳಿದರು.

ಹಿರಿಯ ಪತ್ರಕರ್ತ ಅಂಶಿ ಪ್ರಸನ್ನಕುಮಾರ್ ಮಾತನಾಡಿ, ಪತ್ರಕರ್ತರು ದಿನನಿತ್ಯ ಕಲಿಯಬೇಕು ಪ್ರತಿಯೊಂದು ಕೆಲಸದಲ್ಲಿಯೂ ಪುನಶ್ಚೇತನ ತರಬೇತಿ ಅಗತ್ಯ. ಬೇರೆ ರಂಗದಲ್ಲಿ ಪದೇ ಪದೇ ತರಬೇತಿ ಅಗತ್ಯವಿಲ್ಲ ಆದರೆ ಪತ್ರಿಕೋದ್ಯಮ ಹಾಗೂ ಶೈಕ್ಷಣಿಕ ಕ್ಷೇತ್ರದಲ್ಲಿ ನಿರಂತರ ಅಭ್ಯಾಸ ನಡೆಯಬೇಕು. ಇಂದು ನಡೆಯುತ್ತಿರುವ ವಿದ್ಯಾಮಾನಗಳನ್ನು ಗಮನಿಸಿದರೆ ಬಹಳಷ್ಟು ಮುಂದುವರೆದು ಮಾಹಿತಿ ಪಡೆಯಬೇಕು ಎಂದರು.

ಸಾರ್ವಜನಿಕರಿಗೆ ಸರಿಯಾದ ಮಾಹಿತಿಯನ್ನು ಕೊಡಬೇಕಾದರೆ ಅದರ ಬಗ್ಗೆ ಅರಿವಿರಬೇಕು. ಜಿಲ್ಲಾ ವರದಿಗಾರರು ಎಲ್ಲಾ ವಿಷಯಗಳಲ್ಲಿ ವರದಿ ಮಾಡಬೇಕಾಗುತ್ತದೆ ಮಕ್ಕಳ ಅಪೌಷ್ಟಿಕತೆ ಅಭಿವೃದ್ಧಿಯಂತಹ ತುಂಬಾ ಸಮಸ್ಯೆಗಳು ಹಳ್ಳಿಯಲ್ಲಿ ಇರುವುದರಿಂದ ಪ್ರಾದೇಶಿಕವಾಗಿ ಹೆಚ್ಚು ಸುದ್ದಿಗಳು ದೊರೆಯುತ್ತವೆ. ಕೇವಲ ಒಂದೇ ದೃಷ್ಟಿಕೋನ ಇಟ್ಟುಕೊಂಡು ಸುದ್ದಿ ಬರೆಯಬಾರದು ವಿವಿಧ ಆಯಾಮಗಳಿಂದ ಅಳೆದು ಬರೆಯಬೇಕಾಗುತ್ತದೆ ಆದ್ದರಿಂದ. ಪ್ರತಿಯೊಂದು ವಿಷಯಗಳು ತಿಳಿದಿರಬೇಕು ಎಂದರು.

ಮೈಸೂರು ವಿವಿ ಪತ್ರಿಕೋದ್ಯಮ ವಿಭಾಗದ ಮುಖ್ಯಸ್ಥೆ ಪ್ರೊ.ಎಂ.ಎಸ್ ಸಪ್ನಾ ಪ್ರಾಸ್ತಾವಿಕ ಮಾತನಾಡಿ, ಸ್ವಾಗತಿಸಿದರು. ವಿಭಾಗದ ಪ್ರಾಧ್ಯಾಪಕ ಡಾ. ಸಿ.ಕೆ ಪುಟ್ಟಸ್ವಾಮಿ, ಕರ್ನಾಟಕ ರಾಜ್ಯ ಮಕ್ಕಳ ಹಕ್ಕುಗಳ ವೀಕ್ಷಣಾಲಯದ ಸಂಚಾಲಕ ಡಾ. ವಾಸುದೇವ ಶರ್ಮ, ಶಿಕ್ಷಣ ಇಲಾಖೆ ಜಂಟಿ ನಿರ್ದೇಶಕ ಡಾ. ಪಾಂಡುರಂಗ ಮಾತನಾಡಿದರು. ಮಂಜುನಾಥ್ ಸುಬೇದಾರ್ ನಿರೂಪಿಸಿದರು. ಡಾ.ರಾಕೇಶ್ಗೌಡ, ಡಾ.ಕುಮಾರಸ್ವಾಮಿ, ಡಾ.ನವೀನ್ ಮೊದಲಾದವರು ಇದ್ದರು.

ಮೈಸೂರು, ಚಾಮರಾಜನಗರ, ಮಂಡ್ಯ, ಹಾಸನ ಹಾಗೂ ಕೊಡಗು ಜಿಲ್ಲೆಗಳ  ಪತ್ರಕರ್ತರು, ಸಂಶೋಧಕರು, ವಿದ್ಯಾರ್ಥಿಗಳು ಈ ಕಾರ್ಯಾಗಾರದಲ್ಲಿ ಪಾಲ್ಗೊಂಡಿದ್ದಾರೆ.

ಪ್ರಶ್ನೋತ್ತರದ ಮೂಲಕ ಮಾಹಿತಿ:

ಕಾರ್ಯಾಗಾರದ ಮೊದಲ ಗೋಷ್ಠಿಯಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿದ್ದ ಕರ್ನಾಟಕ ರಾಜ್ಯ ಮಕ್ಕಳ ಹಕ್ಕುಗಳ ವೀಕ್ಷಣಾಲಯದ ಸಂಚಾಲಕ ಡಾ.ವಾಸುದೇವ ಶರ್ಮ ಅವರು, ಪ್ರಶ್ನೋತ್ತರ ಮೂಲಕವೇ ಮಾಹಿತಿ ನೀಡಿದರು.

ಮಕ್ಕಳ ಹಕ್ಕುಗಳು, ಅವರ ರಕ್ಷಣೆಗಾಗಿ ಇರುವ ಕಾನೂನುಗಳು, ನೀತಿಗಳು, ವಿಶ್ವಸಂಸ್ಥೆಯ ಮಟ್ಟದಲ್ಲಿ ಆಗಿರುವ ಒಪ್ಪಂದಗಳು, ಭ್ರೂಣಹತ್ಯೆ, ಅಪೌಷ್ಠಿಕತೆ, ಕಡ್ಡಾಯ ಶಿಕ್ಷಣ, ಬಾಲಕಾರ್ಮಿಕ ಪದ್ಧತಿ ನಿರ್ಮೂಲನೆ, ಮಕ್ಕಳ ಹಕ್ಕುಗಳ ರಕ್ಷಣೆಗೆ ಸಂಬಂಧಿಸಿದ ಇಲಾಖೆಗಳ ಬಗ್ಗೆ ಪ್ರಶ್ನೆಗಳನ್ನು ಕೇಳುತ್ತಾ, ಶಿಬಿರಾರ್ಥಿಗಳಿಂದ ಉತ್ತರ ಬರೆಸುತ್ತಾ, ನಂತರ ಅವರಿಂದ ಮಾಹಿತಿ ಪಡೆಯುತ್ತಾ ವಿಭಿನ್ನ ರೀತಿಯಲ್ಲಿ ಕಾರ್ಯಾಗಾರ ನಡೆಸಿಕೊಟ್ಟರು.

ಆರೋಗ್ಯ ತಜ್ಞ ಡಾ.ಶ್ರೀಧರ್ ಪ್ರಹ್ಲಾದ್ ರೇವಂಕಿ, ಡಾ.ಮಂಜುಳಾ, ಎಂ. ಪುಷ್ಪಲತಾ ಅವರು ಇತರೆ ಸಂಪನ್ಮೂಲ ವ್ಯಕ್ತಿಗಳಾಗಿದ್ದಾರೆ.

key words: Workshop, on Children’s Topics, in the Department of Journalism, UOM

SUMMARY:

UNICEF representative Prosun Sen was speaking after inaugurating a two-day workshop on “Children’s Issues” organized by the Department of Mass Communication and Journalism at Vigyan Bhawan, Mansa Gangothri.