to Archives » Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ

ದೆಹಲಿಗೆ ತೆರಳಿದ ಸಿಎಂ ಡಿಕೆ ಶಿವಕುಮಾರ್

prashanth — Wed, 10 Jun 2026 05:48:06 +0000

ಬೆಂಗಳೂರು,ಜೂನ್,10,2026 (www.justkannada.in): ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಇಂದು ಬೆಂಗಳೂರಿನಿಂದ ದೆಹಲಿಗೆ ಪ್ರಯಾಣ ಬೆಳೆಸಿದ್ದಾರೆ.

ಕೆಂಪೇಗೌಡ ವಿಮಾನ ನಿಲ್ದಾಣದಿಂದ ಡಿಕೆ ಶಿವಕುಮಾರ್ ದೆಹಲಿಗೆ ತೆರಳಿದ್ದು ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಲೋಕಸಭೆ ವಿಪಕ್ಷ ನಾಯಕ ರಾಹುಲ್ ಗಾಂಧಿ ಭೇಟಿಯಾಗಲಿದ್ದಾರೆ ಸಿಎಂ ಆದ ಬಳಿಕ ಮೊದಲ ಬಾರಿಗೆ ಭೇಟಿ ನೀಡುತ್ತಿದ್ದು ಪಕ್ಷದ ಹೈಕಮಾಂಡ್ ನಾಯಕರಿಗೆ ಕೃತಜ್ಞತೆ ಸಲ್ಲಿಸಲಿದ್ದಾರೆ.

ಇದೇ ವೇಳೆ ರಾಜ್ಯದ ಪ್ರಸಕ್ತ ವಿದ್ಯಮಾನಗಳ ಬಗ್ಗೆ ಸಿಎಂ ಡಿಕೆ ಶಿವಕುಮಾರ್ ಚರ್ಚೆ ನಡೆಸಲಿದ್ದಾರೆ. ಸಚಿವರ 2ನೇ ಪಟ್ಟಿ ಬಗ್ಗೆಯೂ ಚರ್ಚೆ ನಡೆಸುವ ಸಾಧ್ಯತೆ ಇದೆ.

ಈ ನಡುವೆ ಸಿಎಂ ಡಿಕೆ ಶಿವಕುಮಾರ್ ಬಳಿಕ ಡಿಸಿಎಂ ಡಾ.ಜಿ. ಪರಮೇಶ್ವರ್ ಸಹ ದೆಹಲಿಗೆ ಪ್ರಯಾಣ ಬೆಳೆಸಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

Key words: CM, DK Shivakumar, Bangalore, to, Delhi

ರೇಣುಕಾಸ್ವಾಮಿ – ಪವಿತ್ರಾ ಗೌಡ ಸಂದೇಶ ವಿವರ : ʼ ಇನ್ಸ್ಟಾಗ್ರಾಮ್ಗೆʼ ಮೊರೆ ಹೋದ ಪೊಲೀಸರು.

mahesh — Fri, 21 Jun 2024 10:18:52 +0000

ಬೆಂಗಳೂರು, ಜೂ.21,2024: (www.justkannada.in news) ನಟ ದರ್ಶನ್ ತೂಗುದೀಪ ಅವರ ಮೇಲಿನ ಕೊಲೆ ಆರೋಪಕ್ಕೆ ಸಂಬಂಧಿಸಿದಂತೆ , ಚಿತ್ರದುರ್ಗದ ರೇಣುಕಾಸ್ವಾಮಿ ಮತ್ತು ನಟನ ಸ್ನೇಹಿತೆ ಪವಿತ್ರಾ ಗೌಡ ನಡುವಿನ ಸಂದೇಶಗಳ ವಿವರಗಳನ್ನು ಕೋರಿ ಸಾಮಾಜಿಕ ಮಾಧ್ಯಮ ʼ ಇನ್ಸ್ಟಾಗ್ರಾಮ್ಗೆʼ ಪತ್ರ ಬರೆಯಲು ಪೊಲೀಸರು ಮುಂದಾಗಿದ್ದಾರೆ.

ಈಗಾಗಲೇ ಈ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು 17 ಜನರನ್ನು ಬಂಧಿಸಿದ್ದು ಈ ಪೈಕಿ ನಟ ದರ್ಶನ್‌ ಸೇರಿದಂತೆ ನಾಲ್ವರನ್ನು ಪೊಲೀಸ್‌ ಕಸ್ಟಡಿಗೆ ಒಪ್ಪಿಸಲಾಗಿದೆ. ನಟಿ ಪವಿತ್ರಗೌಡ ಸೇರಿ ಇತರ ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ. ಪ್ರಕರಣದ ಗಂಭೀರತೆ ಮತ್ತು ಮಹತ್ವವನ್ನು ಪರಿಗಣಿಸಿ ರಚಿಸಲಾಗಿರುವ ಎಸ್ಐಟಿಯ ನೇತೃತ್ವವನ್ನು ವಿಜಯನಗರ ಎಸಿಪಿ ಚಂದನ್‌ ವಹಿಸಿದ್ದಾರೆ. ಜತೆಗೆ ಡಿಸಿಪಿ (ಪಶ್ಚಿಮ) ಇಡೀ ತನಿಖೆಯ ಮೇಲ್ವಿಚಾರಣೆ ನಡೆಸಲಿದ್ದಾರೆ

ಕಳೆದ ಕೆಲ ದಿನಗಳಿಂದ ಪೊಲೀಸರು ರೇಣುಕಸ್ವಾಮಿ ಫೋನ್ ಗಾಗಿ ಸುಮ್ಮನಹಳ್ಳಿಯ ಅಪಾರ್ಟ್ಮೆಂಟ್ ಬಳಿಯ ಚರಂಡಿಯಲ್ಲಿ ಹುಡುಕಾಟ ನಡೆಸುತ್ತಿದ್ದು, ಇದು ಪ್ರಕರಣದಲ್ಲಿ ನಿರ್ಣಾಯಕ ಸಾಕ್ಷ್ಯವಾಗಲಿದೆ.

ನಟಿ ಪವಿತ್ರಾ ಗೌಡ ಫೋನ್ ವಶಪಡಿಸಿಕೊಳ್ಳಲಾಗಿದ್ದು, ಅದರಲ್ಲಿ ಸಂದೇಶಗಳಿವೆ, ರೇಣುಕಾಸ್ವಾಮಿ ಫೋನ್ನಿಂದ ಡೇಟಾವನ್ನು ಮರುಪಡೆಯುವುದು ಪ್ರಕರಣದ ಸಾಕ್ಷಿಗೆ ಮುಖ್ಯವಾಗಿದೆ, ಇದು ಕೊಲೆಯ ಹಿಂದಿನ ಉದ್ದೇಶವನ್ನು ಸಾಬೀತುಪಡಿಸಲು ಸಹಾಯ ಮಾಡುತ್ತದೆ ಎಂದಿರುವ ಪೊಲೀಸರು, ಈನಿಟ್ಟಿನಲ್ಲಿ ಸೋಷಿಯಲ್‌ ಮೀಡಿಯಾ ಇನ್ಸ್‌ ಸ್ಟಗ್ರಾಂ ನೆರವಿಗೆ ಮೊರೆ ಹೋಗಲು ಉದ್ದೇಶಿಸಿದ್ದಾರೆ.

ಅಶ್ಲೀಲ ಸಂದೇಶ:

ಸದ್ಯಕ್ಕೆ ಲಭ್ಯವಿರುವ ಮಾಹಿತಿ ಪ್ರಕಾರ ಹಾಗೂ ಹತ್ಯೆ ಘಟನೆಗೆ ಕಾರಣವಾಗಿರುವ ಅಂಶವೇ, ನಟಿ ಪವಿತ್ರಗೌಡಗೆ ಹತ್ಯಗೀಡಾದ ರೇಣುಕಾಸ್ವಾಮಿ ಕಳುಹಿಸಿದ ಅಶ್ಲೀಲ ಸಂದೇಶ. ಮೂಲಗಳ ಪ್ರಕಾರ ರೇಣುಕಾಸ್ವಾಮಿ, ನಟಿ ಪವಿತ್ರಗೌಡಗೆ ತನ್ನ ಮರ್ಮಾಂಗದ ಫೋಟೋಗಳನ್ನು ಕಳುಹಿಸಿ ಅಶ್ಲೀಲ ಟೆಕ್ಸ್ಟ್‌ ಮೆಸೇಜ್‌ ಮಾಡಿದ್ದ. ಇದನ್ನು ತಡೆಗಟ್ಟಲು ಪವಿತ್ರಗೌಡ, ರೇಣುಕಾಸ್ವಾಮಿ ನಂಬರ್‌ ಅನ್ನು ಬ್ಲಾಕ್ ಲಿಸ್ಟ್‌ ಗೆ ಹಾಕಿದ್ದರು. ಆದರೂ ರೇಣುಕಾಸ್ವಾಮಿ, ಬೇರೆ ನಂಬರ್‌ ನ ಮೊಬೈಲ್‌ ಫೋನ್‌ ಮೂಲಕ ತನ್ನ ಕುಕೃತ್ಯವನ್ನು ಮುಂದುವರಿಸಿದ್ದ. ಇದರಿಂದ ರೋಸಿ ಹೋದ ಪವಿತ್ರಗೌಡ, ವಿಷಯವನ್ನು ನಟ ದರ್ಶನ್‌ ಸ್ನೇಹಿತರಿಗೆ ತಿಳಿಸಿದ್ದರು. ಇದು ನಟ ದರ್ಶನ್‌ ಕಿವಿಗೂ ಬಿದ್ದು ಈ ಅವಘಡಕ್ಕೆ ಕಾರಣವಾಯಿತು.

key words: Police are planning, to, seeking details, of the messages, between, Renuka swamy, Pavithra Gowda.

SUMMARY:

Police are planning to write to social media site Instagram seeking details of the messages between Kannada star Darshan Thoogudeepa’s murdered fan Renukaswamy and the actor’s friend Pavithra Gowda.

Athlete-Turned-Actor Rachana Rai : ಇವರೇ ನೋಡಿ ದರ್ಶನ್‌ ರ ʼ ಡೆವಿಲ್‌ ʼ ಚಿತ್ರದ ನಾಯಕಿ.

mahesh — Mon, 20 May 2024 07:19:27 +0000

ಬೆಂಗಳೂರು, ಮೇ.20, 2024: (www.justkannada.in news ) ಸ್ಯಾಂಡಲ್‌ ವುಡ್‌ ಚಾಲೆಂಜಿಂಗ್‌ ಸ್ಟಾರ್‌, ನಟ ದರ್ಶನ್‌ ಅಭಿನಯದ ಹೊಸ ಚಿತ್ರ ʼ ಡೆವಿಲ್‌ ʼ ಸಿನಿಮಾದ ನಾಯಕಿಯಾಗಿ ಕನ್ನಡತಿ ರಚನಾ ರೈ ಆಯ್ಕೆಗೊಂಡಿದ್ದಾರೆ.

ಅರ್ಚನಾ ರೈ ಚಿಕ್ಕ ವಯಸ್ಸಿನಲ್ಲೇ ಬ್ಯಾಡ್ಮಿಂಟನ್ ಆಟಗಾರ್ತಿ. ನಾಲ್ಕನೇ ತರಗತಿಯಲ್ಲಿದ್ದಾಗ ಬ್ಯಾಡ್ಮಿಂಟನ್ ಆಟವಾಡಲು ಪ್ರಾರಂಭಿಸಿದ‌ ರಚನಾ, ಬಳಿಕ ಅದನ್ನು ತನ್ನ ಪೂರ್ಣ ಸಮಯದ ವೃತ್ತಿಯಾಗಿ ತೆಗೆದುಕೊಂಡು ರಾಜ್ಯ ಮಟ್ಟದ ಆಟಗಾರ್ತಿಯಾದಳು.

ಈಗ, ರಚನಾ ಬ್ಯಾಡ್ಮಿಂಟನ್‌ನಲ್ಲಿ ಮಾತ್ರವಲ್ಲ ನಟನಾ ವೃತ್ತಿಜೀವನದಲ್ಲೂ ಬಂಪರ್‌ ಆಫರ್‌ ಪಡೆದಿದ್ದಾರೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಮುಂದಿನ ಚಿತ್ರವಾದʼ ಡೆವಿಲ್‌ ʼ ನಲ್ಲಿ ನಾಯಕಿಯಾಗಿ ನಟಿಸಲು ಆಯ್ಕೆಯಾಗಿದ್ದಾಳೆ.

ತುಳು ಚಲನಚಿತ್ರ ಸರ್ಕಸ್‌ನೊಂದಿಗೆ ನಟನೆಗೆ ಪಾದಾರ್ಪಣೆ ಮಾಡಿದ ನಟಿ ಡೆವಿಲ್‌ಗಾಗಿ ನಡೆಯುತ್ತಿರುವ ಆಡಿಷನ್‌ಗಳ ಬಗ್ಗೆ ಮ್ಯಾನೇಜರ್ ಮೂಲಕ ತಿಳಿದುಕೊಂಡು ಭಾಗವಹಿಸಿದರು.

ನಾನು ಈ ಆಡೊಷನ್‌ ನಲ್ಲಿ ಆಯ್ಕೆಯಾಗುತ್ತೇನೆ ಸತ್ಯವಾಗಲು ತಿಳಿದಿರಲಿಲ್ಲ. ಆದರೆ ನಟಿಯಾಗಿ, ನಾನು ಆಡಿಷನ್‌ನಲ್ಲಿ ನನ್ನ ಅತ್ಯುತ್ತಮವಾದದ್ದನ್ನು ನೀಡಿದ್ದೇನೆ. ನನಗೆ ಕೆಲವು ಸ್ಕ್ರಿಪ್ಟ್‌ಗಳನ್ನು ನೀಡಲಾಯಿತು ಮತ್ತು ಅದರ ಆಧಾರದ ಮೇಲೆ ನಾನು ಸ್ಕ್ರೀನ್ ಮತ್ತು ಲುಕ್ ಪರೀಕ್ಷೆಗಳನ್ನು ಒಳಗೊಂಡಂತೆ ನಿರ್ವಹಿಸಿದೆ. ನನ್ನ ಅದೃಷ್ಟಕ್ಕೆ ಡೆವಿಲ್‌ ಚಿತ್ರತಂಡ ಇಷ್ಟಪಟ್ಟಿದೆ’ ಎಂದು ರಚನಾ ಸಂತಸ ವ್ಯಕ್ತಪಡಿಸಿದ್ದಾರೆ.

“ಆಡಿಷನ್ ನಂತರ, ನಾನು ಚಿತ್ರದಲ್ಲಿ ನಟಿಸುವ ಬಗ್ಗೆ ಒಂದೆರಡು ದಿನಗಳ ಹಿಂದೆ ಗಾಳಿಸುದ್ದಿಗಳು ಕೇಳಿ ಬಂದವು. ಆದರೆ ತಂಡದಿಂದ ನನಗೆ ಯಾವುದೇ ದೃಢೀಕರಣ ಇರಲಿಲ್ಲ. ನನ್ನಂತಹ ಹೊಸಬರಿಗೆ ಇಷ್ಟು ದೊಡ್ಡ ಅವಕಾಶ ನೀಡಿದ ನಟ ದರ್ಶನ್ ಸರ್, ನಿರ್ದೇಶಕ ಪ್ರಕಾಶ್ ವೀರ್ ಸರ್ ಹಾಗೂ ಇಡೀ ಡೆವಿಲ್ ಟೀಮ್ ಗೆ ನಾನು ಚಿರಋಣಿಯಾಗಿದ್ದೇನೆ ಎನ್ನುತ್ತಾರೆ ರಚನಾ ರೈ

ಕೃಪೆ : ಟೈಮ್ಸ್‌ ನೌ

key words : i am-forever-grateful, to, darshan, devil-team, athlete-turned-actor, Archana-rai

summary:

Archana Rai started playing the sport of badminton at a very young age. She began playing while she was in just her fourth standard. She soon took it up as her full-time profession, becoming a state-level player. Now, she has struck gold, not in Badminton but in her acting career after being chosen to play the female lead opposite Challenging Star Darshan in his next big venture tilted Devil.

ಉದ್ಯೋಗಾಕಾಂಕ್ಷಿಗಳಿಗೆ ಸಿಹಿಸುದ್ದಿ ನೀಡಿದ ಕೆಪಿಎಸ್’ಸಿ!

thinkbigh — Wed, 08 Nov 2023 06:55:47 +0000

ಬೆಂಗಳೂರು, ನವೆಂಬರ್ 08, 2023 (www.justkannada.in): ಮುಂದಿನ ವರ್ಷ ನೇಮಕಾತಿ ಪ್ರಕ್ರಿಯೆ ಕೈಗೊಳ್ಳುವ ಸಂಬಂಧ ಕರ್ನಾಟಕ ಲೋಕಸೇವಾ ಆಯೋಗದಿಂದ ಅಂದಾಜು ವೇಳಾಪಟ್ಟಿ ಸಿದ್ಧಪಡಿಸಲಾಗುತ್ತಿದೆ.

ಕರ್ನಾಟಕ ಲೋಕಸೇವಾ ಆಯೋಗ 30 ಇಲಾಖೆಗಳ 3000 ಹುದ್ದೆಗಳಿಗೆ ನೇಮಕಾತಿ ಪ್ರಕ್ರಿಯೆ ನಡೆಸಲಿದೆ. ಈ ಮೂಲಕ ಉದ್ಯೋಗಾಕ್ಷಿಗಳಿಗೆ ಸಿಹಿ ಸುದ್ದಿ ಸಿಕ್ಕಿದೆ.

ವಿವಿಧ ಹಂತದ ಹುದ್ದೆಗಳಿಗೆ ನೇಮಕಾತಿ ಮಾಡಿಕೊಡಲು 30 ಇಲಾಖೆಗಳಿಂದ ಪ್ರಸ್ತಾವನೆ ಬಂದಿದ್ದು, ಸುಮಾರು ಮೂರು ಸಾವಿರ ಹುದ್ದೆಗಳು ಇವೆ. ನೇಮಕಾತಿ ಮಾಹಿತಿ ಸಿಕ್ಕರೆ ಅಭ್ಯರ್ಥಿಗಳು ಸಿದ್ಧತೆ ಮಾಡಿಕೊಳ್ಳಲು ಅನುಕೂಲವಾಗುತ್ತದೆ.

ಕೆ.ಪಿ.ಎಸ್.ಸಿ. ಕೂಡ ಅರ್ಜಿ ಆಹ್ವಾನ, ಪರೀಕ್ಷೆ, ಫಲಿತಾಂಶ, ಆಯ್ಕೆ ಪಟ್ಟಿ ಚಟುವಟಿಕೆಗಳನ್ನು ನಿಗದಿಯಂತೆ ಕಾಲಮಿತಿಯಲ್ಲಿ ಮುಗಿಸಬೇಕಿದೆ ಎಂದು ಕೆ.ಪಿ.ಎಸ್.ಸಿ. ಕಾರ್ಯದರ್ಶಿ ಕೆ.ಎಸ್. ಲತಾ ಕುಮಾರಿ ತಿಳಿಸಿದ್ದಾರೆ.

KSOU ಗೆ ತಟ್ಟಿಲ್ವಾ ಕರೋನಾ ಸಂಕಷ್ಟ : 85 ಲಕ್ಷ ರೂ. ವೆಚ್ಚದಲ್ಲಿ ದುಬಾರಿ ಕಾರು ಖರೀದಿಗೆ ತೀವ್ರ ಆಕ್ಷೇಪ..!

JK Desk — Fri, 22 Oct 2021 10:30:55 +0000

ಮೈಸೂರು, ಅ.22, 2021 : (www.justkannada.in news ) : ಕರೋನಾ ಲಾಕ್ ಡೌನ್ ನಡುವೆಯೂ ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯದಲ್ಲಿ ವಿದ್ಯಾರ್ಥಿಗಳ ಶುಲ್ಕದ ಹಣವನ್ನು ಅನಗತ್ಯವಾಗಿ ದುಂದು ವೆಚ್ಚ ಮಾಡಲಾಗಿದೆ. ಸಂಕಷ್ಟದ ಸಮಯದಲ್ಲೂ 85 ಲಕ್ಷ ರೂ. ವೆಚ್ಚ ಮಾಡಿ ದುಬಾರಿ ಕಾರುಗಳನ್ನು ಖರೀದಿಸಲಾಗಿದೆ.
ಈ ಸಂಬಂಧ ಆರ್.ಟಿ.ಐ ಅಡಿ ಪಡೆದುಕೊಂಡಿರುವ ಮಾಹಿತಿಯನ್ನು ರಾಜ್ಯಪಾಲರು ಹಾಗೂ ಮುಖ್ಯಮಂತ್ರಿಗಳಿಗೆ ಪತ್ರದ ಮೂಲಕ ರವಾನಿಸಲಾಗಿದೆ.
ಈ ಬಗ್ಗೆ ಶುಕ್ರವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಕರ್ನಾಟಕ ರಾಜ್ಯ ಹಿಂದುಳಿದ ವರ್ಗಗಳ ಜಾಗೃತ ವೇದಿಕೆ ಅಧ್ಯಕ್ಷ ಕೆ.ಎಸ್. ಶಿವರಾಮು ಹೇಳಿದಿಷ್ಟು.
ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯದಲ್ಲಿ, ವಿದ್ಯಾರ್ಥಿಗಳ ಶುಲ್ಕದ ಹಣದಲ್ಲಿ ಕೋವಿಡ್ -19 ಲಾಕ್‍ಡೌನ್ ನಡುವೆಯೂ ಹಣಕಾಸು ಸಮಿತಿ ಹಾಗೂ ವ್ಯವಸ್ಥಾಪನಾ ಮಂಡಳಿಯ ತೀರ್ಮಾನವನ್ನು ತಿರುಚಿ, ಕುಲಪತಿಗಳ ಕಛೇರಿ ಉಪಯೋಗಕ್ಕೆ ಹಾಲೀ ಒಂದು 2010ರ ಐಶಾರಾಮಿ ಹೋಂಡಾ ಅಕಾರ್ಡ್, 2010 ಮತ್ತು 2015ರ ಎರಡು ಟೊಯೊಟಾ ಇನ್ನೋವಾ ಕಾರುಗಳು ಲಭ್ಯವಿದ್ದರೂ ಸಹ ಮಾರ್ಚ್ 2021ರಲ್ಲಿ ಸುಮಾರು ರೂ. 85-00 ಲಕ್ಷಗಳ ವೆಚ್ಛದಲ್ಲಿ ಹೆಚ್ಚುರಿಯಾಗಿ ಐಶಾರಾಮಿ 3 ಹೊಸ ಟೊಯೊಟಾ ಇನ್ನೋವಾ ಕಾರುಗಳನ್ನು ಖರೀದಿಸಲಾಗಿರುತ್ತದೆ.
ಕೆಲವು ವ್ಯವಸ್ಥಾಪನಾ ಮಂಡಳಿಯ ಸದಸ್ಯರ ಸದಸ್ಯರ ರಾಜಕೀಯ ಹಿತಾಸಕ್ತಿ ಹಾಗೂ ಸ್ವಪ್ರತಿಷ್ಟೆ ಮೆರೆಸುವುದಕ್ಕಾಗಿ ರೂಪಾಯಿ 895 ಲಕ್ಷಗಳ ವೆಚ್ಛದಲ್ಲಿ ಸರ್ಕಾರೀ ಶಾಲೆಗಳ ಕಾಂಪೌಂಡ್ ಕಾಮಗಾರಿ, ನವೀಕರಣ ಮತ್ತು ಪೀಠೋಪಕರಣ ಸರಬರಾಜು ಕೈಗೆತ್ತಿಕೊಳ್ಳಲಾಗಿರುತ್ತದೆ.
ಇವೆಲ್ಲದರ ಮಧ್ಯೆ ಈ ವರ್ಷ ಪ್ರವೇಶಾತಿ ಶುಲ್ಕವನ್ನು ಏಕಾಏಕಿ ಶೇಕಡ 35 ರಿಂದ 50ರವರೆಗೆ ಹೆಚ್ಚಿಸಿರುವುದರ ಜೊತೆಗೆ ಇದೇ ಮೊದಲ ಬಾರಿಗೆ ಸಿಲ್ವರ್ ಜ್ಯುಬಿಲಿ ಫೀಸ್, ಅಡ್ಮೀಷನ್ ಪ್ರೋಸಸ್ ಫೀಸ್, ಡೆವಲಪ್ಮೆಂಟ್ ಫೀಸ್ ಅಲೂಮ್ನಿ ಫೀಸ್ ಕಡ್ಡಾಯಗೊಳಿಸಿ ಕೋವಿಡ್ ಸಾಂಕ್ರಾಮಿಕದ ಆರ್ಥಿಕ ಹೊಡೆತದಿಂದ ಕುಗ್ಗಿಹೋಗಿರುವ ವಿದ್ಯಾರ್ಥಿಗಳ ಮೇಲೆ ಶುಲ್ಕ ಹೆಚ್ಚಳದ ಹೊರೆಯನ್ನು ಹೇರಿ ಅವರ ಉನ್ನತ ಶಿಕ್ಷಣದ ಕನಸಿಗೆ ತೊಡಕುಂಟುಮಾಡಲಾಗಿದೆ.
ಇವುಗಳಿಂದ ಕರಾಮುವಿಯ ಆರ್ಥಿಕ ಸಂಪನ್ಮೂಲದ ಪೋಲು, ಅತಿಯಾದ ದುಂದುವೆಚ್ಛ ಮತ್ತು ಆರ್ಥಿಕತೆಗೆ ತೀರ್ವ ಹೊರೆ ಹಾಗೂ ಪ್ರವೇಶಾತಿಗೆ ಕುಂದುಂಟು ಮಾಡಿರುವ ಕರಾಮುವಿಯ ಕುಲಪತಿಗಳು ಮತ್ತು ಶಾಸನಬದ್ಧ ಅಧಿಕಾರಿಗಳ ವಿರುದ್ಧ ಸೂಕ್ತ ಕ್ರಮ ಜರುಗಿಸುವಂತೆ ರಾಜ್ಯಪಾಲರು ಹಾಗೂ ರಾಜ್ಯ ಸರ್ಕಾರವನ್ನು ಒತ್ತಾಯಿಸಿದ್ದಾರೆ.

key words : KSOU-mysore-car-purchase-oppose-by-public-shiramu-write-letter-to-governor

ENGLISH SUMMARY…

Has COVID-19 not affected KSOU?: Purchase of luxury cars at a cost of Rs. 85 lakh attracts severe opposition
Mysuru, October 22, 2021 (www.justkannada.in): The Karnataka State Open University (KSOU) is under fire again for spending unnecessarily on purchasing a luxury car, costing around Rs. 85 lakh, in a situation when everyone is facing difficulty due to the COVID-19 Pandemic.
The information accrued through RTI has been forwarded to the Hon’ble Governor and Chief Minister.
Addressing a press meet today, K.S. Shivaramu, President, Karnataka State Backward Castes Awareness Forum said, “The KSOU has purchased three new luxury Toyota Innova cars at a cost of a whopping Rs. 85 lakh, despite there being already three cars for the Vice-Chancellor’s use. The purchase has been made amending the decision of the finance committee and the Board of Management.”
Further, he alleged that several other works including repairing of the government school compound, renewal, and supplying of furniture have also been undertaken at a cost of Rs. 895 lakh, giving prominence to the political interest of a few Board members and self-interest.
“The admission fee has increased by 35% to 50% and above all this, several other fees like Silver Jubilee fee, Admission Process Fee, Development Fee, Alumni Fee have been made compulsory, burdening the students who are already facing deep financial trouble due to the COVID-19 Pandemic,” he added.
He demanded the governor and the State Government to take necessary action against the Vice-Chancellor of KSOU and statutory officers who are misusing the funds.
Keywords: KSOU/ K.S. Shivaramu/ misuse/ funds/

ಬೆಂಗಳೂರಿಗೆ ತಪ್ಪಿದ ‘ವಾಟರ್ ಪ್ಲಸ್’ ಟ್ಯಾಗ್.

JK Desk — Sat, 04 Sep 2021 11:00:08 +0000

ಬೆಂಗಳೂರು, ಸೆಪ್ಟೆಂಬರ್ 4, 2021 (www.justkannada.in): ನವ ದೆಹಲಿ, ಮುಂಬೈ, ಸೂರತ್ ಹಾಗೂ ಹೈದ್ರಾಬಾದ್ ಸೇರಿದಂತೆ ಒಟ್ಟು ಒಂಬತ್ತು ನಗರಗಳಿಗೆ ಕೇಂದ್ರ ವಸತಿ ಹಾಗೂ ನಗರ ವ್ಯವಹಾರಗಳ ಸಚಿವಾಲಯ ‘ವಾಟರ್ ಪ್ಲಸ್’ ಪ್ರಮಾಣೀಕರಣವನ್ನು ನೀಡಿದೆ. ಇತ್ತೀಚೆಗೆ ಕೇಂದ್ರದ ಸ್ವಚ್ಛ ಭಾರತ್ ಮಿಷನ್ ಮತ್ತು ಸ್ವಚ್ಛ ಸರ್ವೇಕ್ಷಣ್ ಅಸೆಸ್‌ ಮೆಂಟ್‌ ನ ಭಾಗವಾಗಿ ಬಿಡುಗಡೆಗೊಳಿಸಲಾದ ಈ ಪ್ರಮಾಣೀಕರಣದ ಪಟ್ಟಿಯಲ್ಲಿ ಬೆಂಗಳೂರು ಮಹಾನಗರ ಸ್ಥಾನ ಪಡೆಯುವಲ್ಲಿ ವಿಫಲವಾಗಿದೆ. ಆದರೆ ಐಟಿ ಸಿಟಿ ಬೆಂಗಳೂರು ಬಯಲುಮುಕ್ತ ಶೌಚಾಲಯ (ಒಡಿಎಫ್) ಸ್ಥಾನವನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ಆಂಧ್ರ ಪ್ರದೇಶದ ಗ್ರೇಟರ್ ವಿಶಾಖಪಟ್ಟಣಂ ಮುನಿಸಿಪಲ್ ಕಾರ್ಪೊರೇಷನ್, ವಿಜಯವಾಡ ಮುನಿಸಿಪಲ್ ಕಾರ್ಪೊರೇಷನ್ ಹಾಗೂ ತಿರುಪತಿ ಮುನಿಸಿಪಲ್ ಕಾರ್ಪೊರೇಷನ್, ಈ ಮೂರು ನಗರ ಸ್ಥಳೀಯ ಸಂಸ್ಥೆಗಳಿಗೂ ಈ ‘ವಾಟರ್ ಪ್ಲಸ್’ ಪ್ರಮಾಣೀಕರಣ ಲಭಿಸಿದೆ. ಉಳಿದ ನಗರಗಳೆಂದರೆ ಚಂಡೀಘಡ ಹಾಗೂ ಇಂದೋರ್.

ಸಂಸ್ಕರಿಸದ ತ್ಯಾಜ್ಯ ನೀರು ಬಯಲಿಗೆ ಸೇರದಿರುವಂತೆ ಖಾತ್ರಿಪಡಿಸಿ ಎಲ್ಲರಿಗೂ ನೈರ್ಮಲ್ಯವನ್ನು ಒದಗಿಸಿರುವಂತಹ ನಗರಗಳಿಗೆ ಈ ‘ವಾಟರ್ ಪ್ಲಸ್’ ದೃಢೀಕರಣವನ್ನು ನೀಡಲಾಗುತ್ತದೆ. ಸುರಕ್ಷಿತ ತ್ಯಾಜ್ಯ ನೀರು ವಿಲೇವಾರಿ, ಯಾಂತ್ರಿಕ ಉಪಕರಣಗಳನ್ನು ಬಳಸಿ ಚರಂಡಿ ಹಾಗೂ ಇಂಗುಗುಂಡಿಗಳನ್ನು ಸುರಕ್ಷಿತವಾಗಿ ಸ್ವಚ್ಛಗೊಳಿಸುವ ವಿಧಾನ, ತ್ಯಾಜ್ಯ ನೀರು ಹಾಗೂ ಚರಂಡಿ ನೀರಿನ ಸಂಸ್ಕರಣೆಯ ಸಮರ್ಪಕ ನಿವರ್ಹಣಾ ಸಾಮರ್ಥ್ಯದಂತಹ ಹಲವು ಸೌಲಭ್ಯಗಳ ಅಳವಡಿಕೆಯಂತಹ ಅತ್ಯುತ್ತಮ ಅಭ್ಯಾಸಗಳನ್ನೂ ಸಹ ಈ ಅಂದಾಜಿಸುವಿಕೆಯಲ್ಲಿ ಪರಿಗಣಿಸಲಾಗುತ್ತದೆ.

ಬೆಂಗಳೂರಿನ ನೀರಿನ ತಜ್ಞ ಎಂ.ಎನ್. ತಿಪ್ಪೇಸ್ವಾಮಿ ಅವರು ಈ ಕುರಿತು ಮಾತನಾಡಿ ಬೆಂಗಳೂರು ನೀರು ಸರಬರಾಜು ಮತ್ತು ಒಳಚರಂಡಿ ಮಂಡಳಿ (ಬಿಡಬ್ಲ್ಯು ಎಸ್‌ಎಸ್‌ಬಿ) ನಗರದ ಅಗತ್ಯವನ್ನು ಸರಿದೂಗಿಸುವಲ್ಲಿ ವಿಫಲವಾಗಿದೆ ಎಂದರು. “ಕಳೆದ ೪-೫ ವರ್ಷಗಳಲ್ಲಿ, ಬಿಡಬ್ಲ್ಯು ಎಸ್‌ಎಸ್‌ಬಿ ಸಾಕಷ್ಟು ಅಭಿವೃದ್ಧಿ ಕಾಮಗಾರಿಗಳನ್ನು ಕೈಗೊಂಡಿಲ್ಲ. ದೇಶದ ಅನೇಕ ನಗರಗಳು ೨೪x೭ ನೀರು ಸರಬರಾಜು ಮಾಡುತ್ತಿದೆ. ಜೊತೆಗೆ, ತ್ಯಾಜ್ಯ ನೀರು ನಿರ್ವಹಣೆ ಹಾಗೂ ನೀರಿನ ಸಂರಕ್ಷಣೆಯಲ್ಲಿ ಸುಸ್ಥಿರ ಪ್ರಗತಿಯನ್ನು ತೋರಿಸುತ್ತಿವೆ. ನಮಗಿಂತಲೂ ಕಡಿಮೆ ಜಿಡಿಪಿ ಇರುವಂತಹ ರಾಷ್ಟ್ರಗಳೂ ಸಹ ಲೆಕ್ಕವಿಲ್ಲದ ನೀರಿನ ಪ್ರಮಾಣವನ್ನು ಕಡಿಮೆಗೊಳಿಸಿದೆ,” ಎಂದು ವಿವರಿಸಿದರು.

ಬಿಡಬ್ಲ್ಯು ಎಸ್‌ಎಸ್‌ಬಿ ಅಧಿಕಾರಿಗಳಿಗೆ ಈ ಫಲಿತಾಂಶದ ಬಗ್ಗೆ ಸಂತೋಷವಾಗಿಲ್ಲ. “ಬಿಬಿಎಂಪಿಯೂ ಸಹ ಈ ಸಮೀಕ್ಷೆಯಲ್ಲಿ ಭಾಗವಹಿಸಬೇಕಿತ್ತು. ಇಡೀ ದೇಶದಲ್ಲಿಯೇ ನಮ್ಮಲ್ಲಿ ಎಲ್ಲಕ್ಕಿಂತ ಹೆಚ್ಚಿನ ಸಂಖ್ಯೆಯ ತ್ಯಾಜ್ಯ ನೀರು ಸಂಸ್ಕರಣಾ ಘಟಕಗಳಿದ್ದು, ಪ್ರತಿ ದಿನ ಸುಮಾರು ೯೦೦ ದಶಲಕ್ಷ ಲೀಟರ್‌ ಗಳಷ್ಟು ತ್ಯಾಜ್ಯ ನೀರನ್ನು ಸಂಸ್ಕರಿಸಲಾಗುತ್ತಿದೆ. ಶೇ.೩೦ರಷ್ಟು ಸಂಸ್ಕರಿಸಿದ ನೀರನ್ನು ನೆರೆಯ ನಗರಗಳಿಗೆ ನೀರಾವರಿ ಉದ್ದೇಶಗಳಿಗಾಗಿ ಸರಬರಾಜು ಮಾಡಲಾಗುತ್ತಿದೆ. ಉಳಿದ ಶೇ.೧೦ರಷ್ಟು ನೀರನ್ನು ಇತರೆ ಉದ್ದೇಶಗಳಿಗೆ ಬಳಸಿಕೊಳ್ಳಲಾಗುತ್ತಿದೆ. ಜೊತೆಗೆ ನಾವು ಜೆಟ್ಟಿಂಗ್ ಯಂತ್ರಗಳನ್ನೂ ಸಹ ೧೭೮ಕ್ಕೆ ಹೆಚ್ಚಿಸಿದ್ದೇವೆ,” ಎಂದು ಓರ್ವ ಅಧಿಕಾರಿ ವಿವರಿಸಿದರು.

ಬೆಂಗಳೂರು ಈ ಕೆಳಕಂಡ ಕಾರಣಗಳಿಂದಾಗಿ ‘ವಾಟರ್ ಪ್ಲಸ್’ ಪ್ರಮಾಣೀಕರಣವನ್ನು ಕಳೆದುಕೊಂಡಿತು: ಬಿಡಬ್ಲ್ಯು ಎಸ್‌ಎಸ್‌ಬಿ ಚರಂಡಿಗಳು ಹಾಗೂ ಇಂಗು ಗುಂಡಿಗಳನ್ನು ಸ್ವಚ್ಛಗೊಳಿಸಲು ಅಗತ್ಯವಿರುವುದಕ್ಕಿಂತ ಶೇ.೨೫ರಷ್ಟು ಕಡಿಮೆ ಸುರಕ್ಷತಾ ಕಿಟ್‌ಗಳನ್ನು ಹೊಂದಿವೆ. ಜೊತೆಗೆ, ಅವರ ಬಳಿ ಡೀಸ್ಲಡ್ಜಿಂಗ್ ಹಾಗೂ ಜೆಟ್ಟಿಂಗ್ ಯಂತ್ರಗಳಿಲ್ಲ ಹಾಗೂ ಕಾರ್ಯನಿರ್ವಹಣಾ ಮತ್ತು ಎಸ್‌ಟಿಪಿಗಳ ನಿರ್ವಹಣೆಯ ಮೇಲೆ ವ್ಯಯಿಸಿರುವಂತಹ ವೆಚ್ಚವನ್ನು ಮರುಗಳಿಸುವ ವಿಧಾನವಿಲ್ಲ.

ಒಡಿಎಫ್ ಸ್ಥಾನವನ್ನು ಉಳಿಸಿಕೊಂಡ ಬಿಬಿಎಂಪಿ

ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯು (ಬಿಬಿಎಂಪಿ) ಕಳೆದ ವರ್ಷ ಗಳಿಸಿದ್ದಂತಹ ಒಡಿಎಫ್++ ಪ್ರಶಸ್ತಿಯನ್ನು ಈ ವರ್ಷವೂ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಬೆಂಗಳೂರು ನಗರವೂ ಒಳಗೊಂಡಂತೆ ದೇಶದ ಒಟ್ಟು ೩,೩೦೪ ನಗರಗಳನ್ನು ಒಡಿಎಫ್++ ಎಂದು ಪ್ರಮಾಣೀಕರಿಸಲಾಗಿದೆ.

ಒಡಿಎಫ್+ ಪ್ರಶಸ್ತಿಯನ್ನು ಸಾರ್ವಜನಿಕ ಸ್ಥಳಗಳಲ್ಲಿ ನೀರಿನ ವ್ಯವಸ್ಥೆಯಿರುವ ಶೌಚಾಲಯಗಳು, ಅವುಗಳ ನಿರ್ವಹಣೆ ಹಾಗೂ ನೈರ್ಮಲ್ಯವನ್ನು ಗಮನಿಸಿ ನೀಡಲಾಗುತ್ತದೆ. ಅದೇ ರೀತಿ ಒಡಿಎಫ್++ ಪ್ರಶಸ್ತಿಯನ್ನು ಸ್ಲಡ್ಜ್ (ಕೆಸರು) ಹಾಗೂ ಸೆಪ್ಟೇಜ್ ನಿರ್ವಹಣೆಗಾಗಿ (ತ್ಯಾಜ್ಯ ನಿರ್ವಹಣೆ) ನೀಡಲಾಗುತ್ತದೆ.

ಸುದ್ದಿ ಮೂಲ: ಬೆಂಗಳೂರ್ ಮಿರರ್

Key words: Missing- Water Plus –Tag-To -Bangalore

ಇಪಿಎಫ್‌ಒ ವತಿಯಿಂದ ಕೋವಿಡ್-19 ಎರಡನೇ ಮುಂಗಡ ಪಡೆಯಲು ಅನುಮತಿ.

JK Desk — Tue, 01 Jun 2021 10:47:09 +0000

ಬೆಂಗಳೂರು, ಜೂನ್ 1, 2021 (www.justkannada.in): ದೇಶದಲ್ಲಿ ಕೋವಿಡ್ ಸೋಂಕಿನ ಎರಡನೆ ಅಲೆಯಿಂದಾಗಿ ಉದ್ಭವಿಸುತ್ತಿರುವ ಸಮಸ್ಯೆಗಳನ್ನು ಗಮನಿಸಿ, ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆಯು (ಇಪಿಎಫ್‌ಒ) ತನ್ನ ಐದು ಕೋಟಿಗಳಿಗೂ ಹೆಚ್ಚಿನ ಸಂಖ್ಯೆಯ ಚಂದಾದಾರರಿಗೆ ಎರಡನೇ ಕೋವಿಡ್-19 ಮುಂಗಡ ಪಡೆಯಲು ಅನುಮತಿಸಿದೆ.

ಕಳೆದ ವರ್ಷವೂ ಸಹ ಇಪಿಎಫ್‌ ಒ ಸದಸ್ಯರಿಗೆ ಆಸ್ಪತ್ರೆ ಒಳಗೊಂಡಂತೆ ವಿವಿಧ ವೆಚ್ಚಗಳನ್ನು ಭರಿಸಲು ಅನುಕೂಲವಾಗುವಂತೆ ಕೋವಿಡ್-19 ಮುಂಗಡ ಹಣವನ್ನು ಪಡೆಯಲು ಅನುಮತಿಸಿತ್ತು.

ಸದಸ್ಯರು, ಮೂರು ತಿಂಗಳ ಮೂಲ ವೇತನ (ಮೂಲ ವೇತನ+ಡಿಎ) ಅಥವಾ ಅವರ ಭವಿಷ್ಯ ನಿಧಿ ಖಾತೆಯಲ್ಲಿರುವ ಒಟ್ಟು ಮೊತ್ತದ ಪೈಕಿ 75%ರಷ್ಟು ಹಣವನ್ನು ಯಾವುದು ಕಡಿಮೆಯೋ ಅಷ್ಟನ್ನು ವಿತ್‌ ಡ್ರಾ ಮಾಡಿಕೊಳ್ಳಲು ಅನುಮಿತಿಸಿದೆ.

ಕಾರ್ಮಿಕ ಮಂತ್ರಾಲಯದ ಒಂದು ಹೇಳಿಕೆಯ ಪ್ರಕಾರ, ಈ ವರ್ಷ ಜನರು ಕೋವಿಡ್ ಎರಡನೆ ಅಲೆಯ ಪರಿಣಾಮಗಳನ್ನು ಎದುರಿಸುತ್ತಿದ್ದು, ಸದಸ್ಯರ ಅನುಕೂಲಕ್ಕಾಗಿ ಭವಿಷ್ಯ ನಿಧಿಯಿಂದ ಮುಂಗಡ ಹಣ ಪಡೆಯಲು ಅನುಮತಿಸಿದೆ. ಕಳೆದ ವರ್ಷ ಮಾರ್ಚ್ 2020 ರಂದು ಪ್ರಧಾನ ಮಂತ್ರಿ ಗರೀಬ್ ಕಲ್ಯಾಣ್ ಯೋಜನೆ (ಪಿಎಂಜಿಕೆವೈ) ಅಡಿ ಕೋವಿಡ್ ಸೋಂಕಿನಿಂದಾಗಿ ಉದ್ಭವಿಸಿದ್ದಂತಹ ಹಣಕಾಸಿನ ಮುಗ್ಗಟ್ಟನ್ನು ಎದುರಿಸಲು ಭವಿಷ್ಯ ನಿಧಿ ಖಾತೆಯಿಂದ ಹಣವನ್ನು ವಿತ್‌ ಡ್ರಾ ಮಾಡಿಕೊಳ್ಳಲು ಅವಕಾಶ ಕಲ್ಪಿಸಲಾಗಿತ್ತು.

ಕೇಂದ್ರದ ಕಾರ್ಮಿಕ ಹಾಗೂ ಉದ್ಯೋಗ ಮಂತ್ರಾಲಯವು ಅಧಿಕೃತ ಗೆಜೆಟ್ ಅಧಿಸೂಚನೆಯನ್ನು ಹೊರಡಿಸುವ ಮೂಲಕ ಉದ್ಯೋಗಿಗಳ ಭವಿಷ್ಯ ನಿಧಿ ಯೋಜನೆ, 1952 ಕಾಯ್ದೆಯ, ಪ್ಯಾರಾ 68 ಎಲ್ ರಡಿ ಸಬ್-ಪ್ಯಾರಾ (3) ಅನ್ನು ಸೇರ್ಪಡೆ ಮಾಡಿ ಕಾಯ್ದೆಗೆ ತಿದ್ದುಪಡಿ ಮಾಡಿತ್ತು. ಈ ಪ್ರಾವಧಾನದ ಪ್ರಕಾರ, ಮೂರು ತಿಂಗಳ ಮೂಲ ವೇತನ ಹಾಗೂ ತುಟ್ಟಿ ಭತ್ಯೆ (ಡಿಎ) ಅಥವಾ ಸದಸ್ಯರ ಇಪಿಎಫ್ ಖಾತೆಯಲ್ಲಿರುವ ಒಟ್ಟು ಮೊತ್ತದ ಪೈಕಿ ಶೇ.75ರಷ್ಟು ಯಾವುದು ಕಡಿಮೆಯೋ ಅಷ್ಟು ಮೊತ್ತವನ್ನು ಮರುಪಾವತಿಸಲಾಗದಿರುವ ವಿತ್‌ಡ್ರಾವಲ್‌ ಗೆ ಅನುಮತಿಸಿದೆ.

ಇಪಿಎಫ್‌ಒ ಒದಗಿಸಿದಂತಹ ಈ ಕೋವಿಡ್-19 ಮುಂಗಡ ಯೋಜನೆ ಇಪಿಎಫ್ ಸದಸ್ಯರುಗಳಿಗೆ ಬಹಳ ಅನುಕೂಲವನ್ನು ಒದಗಿಸಿತ್ತು, ವಿಶೇಷವಾಗಿ ರೂ.15000 ಕ್ಕಿಂತ ಕಡಿಮೆ ವೇತನ ಪಡೆಯುತ್ತಿದ್ದಂತಹ ಉದ್ಯೋಗಿಗಳಿಗೆ. ಈವರೆಗೆ ಇಪಿಎಫ್‌ಒ ೭೬.೩೧ ಲಕ್ಷ ಕೋವಿಡ್-೧೯ ಮುಂಗಡ ಕ್ಲೇಮ್‌ಗಳನ್ನು ಇತ್ಯರ್ಥಗೊಳಿಸಿದ್ದು, ಒಟ್ಟು ರೂ.೧೮,೬೯೮.೧೫ ಕೋಟಿ ಮೊತ್ತವನ್ನು ವಿತರಿಸಿದೆ.

ಕೋವಿಡ್ ಎರಡನೆ ಅಲೆಯಡಿ ಈ ವರ್ಷ ‘ಮ್ಯೂಕೊರ್‌ಮೈಕೊಸಿಸ್’ ಅಥವಾ ‘ಬ್ಲಾಕ್ ಫಂಗಸ್’ ಸಮಸ್ಯೆ ಗೋಚರಿಸಿದೆ. ಇಂತಹ ಸಮಯದಲ್ಲಿ ಇಪಿಎಫ್‌ಒನ ಒದಗಿಸಿರುವ ಈ ಅವಕಾಶ ಅಗತ್ಯವಿರುವ ಭವಿಷ್ಯ ನಿಧಿ ಸದಸ್ಯರ ಹಣಕಾಸಿನ ಮುಗ್ಗಟ್ಟನ್ನು ಸಾಕಷ್ಟು ಮಟ್ಟದವರೆಗೆ ನೀಗಿಸುತ್ತದೆ. ಹಿಂದಿನ ವರ್ಷ ಕೋವಿಡ್-19 ಮೊದಲನೆ ಅಲೆಯಲ್ಲಿ ಕೋವಿಡ್-19 ಮುಂಗಡ ಪಡೆದುಕೊಂಡಿದ್ದಂತಹ ಸದಸ್ಯರೂ ಸಹ ಈಗ ಹಿಂದಿನ ವರ್ಷದಂತೆಯೇ ಎರಡನೆ ಮುಂಗಡವನ್ನು ಪಡೆದುಕೊಳ್ಳಬಹುದು.

ಸದಸ್ಯರ ಕ್ಲೇಮ್‌ಗಳನ್ನು ಇಪಿಎಫ್‌ಒ ಮೂರು ದಿನಗಳ ಒಳಗೆ ಇತ್ಯರ್ಥಪಡಿಸುವುದಾಗಿ ತಿಳಿಸಿದೆ. ಇದಕ್ಕಾಗಿ ಇಪಿಎಫ್‌ಒ ಸಂಸ್ಥೆಯು ಕೆವೈಸಿ ಸರಿಯಾಗಿ ಪೂರೈಸಿರುವ ಎಲ್ಲಾ ಸದಸ್ಯರಿಗೆ ಅನುಕೂಲವಾಗುವಂತೆ ಸಿಸ್ಟಂ ಚಾಲಿತ ಸ್ವಯಂ-ಕ್ಲೇಂ ಸೆಟ್ಲ್ಮೆಂಟ್ ಪ್ರಕ್ರಿಯೆಯನ್ನು ಪರಿಚಯಿಸಿದೆ. ಈ ಪ್ರಕ್ರಿಯೆಯು ಸಂಸ್ಥೆಗೆ ಕ್ಲೇಮ್‌ ಗಳನ್ನು ಇತ್ಯರ್ಥಪಡಿಸುವ ಸಮಯವನ್ನು ಹಿಂದೆ ಇದ್ದಂತಹ 20 ದಿನಗಳ ಸ್ಥಾನದಲ್ಲಿ 3 ದಿನಗಳಿಗೆ ಇಳಿಕೆ ಮಾಡುವಿಲ್ಲಿ ನೆರವಾಗಿದೆ.

ಮೂಲ: ದಿ ವೀಕ್ ಆಂಗ್ಲ ಮ್ಯಾಗಜಿನ್

Key words: epfo-allows-members-to-avail-second-covid-19-advance

ರಾಜ್ಯದಿಂದ ಗುಜರಾತ್, ಉತ್ತರ ಪ್ರದೇಶಕ್ಕೆ ಆಕ್ಸಿಜನ್ –ಮಾಜಿ ಸಿಎಂ ಹೆಚ್.ಡಿಕೆ ಆರೋಪ…

JK Desk — Tue, 04 May 2021 10:25:32 +0000

ಬೆಂಗಳೂರು,ಮೇ,4,2021(www.justkannada.in): ರಾಜ್ಯದಲ್ಲಿ ಆಕ್ಸಿಜನ್ ಕೊರತೆಯಿಂದಾಗಿ ರೋಗಿಗಳು ಸಾವನ್ನಪ್ಪುತ್ತಿದ್ದಾರೆ. ಈ ನಡುವೆ ರಾಜ್ಯದಿಂದ ಗುಜರಾತ್ , ಉತ್ತರ ಪ್ರದೇಶಕ್ಕೆ ಆಕ್ಸಿಜನ್ ಸಪ್ಲೆ ಮಾಡಲಾಗುತ್ತಿದೆ ಎಂದು ಮಾಜಿ ಸಿಎಂ ಹೆಚ್.ಡಿ ಕುಮಾರಸ್ವಾಮಿ ಆರೋಪ ಮಾಡಿದ್ದಾರೆ.

ಈ ಕುರಿತು ಇಂದು ಮಾಧ್ಯಮಗಳ ಜತೆ ಮಾತನಾಡಿದ ಹೆಚ್.ಡಿ ಕುಮಾರಸ್ವಾಮಿ ರಾಜ್ಯದಲ್ಲಿ ಆಕ್ಸಿಜನ್ ಕೊರತೆ ಇದ್ದರೂ ಗುಜರಾತ್, ಉತ್ತರ ಪ್ರದೇಶಕ್ಕೆ ಆಕ್ಸಿಜನ್ ಸರಬರಾಜು ಮಾಡುತ್ತಿದ್ದಾರೆ. ಆಕ್ಸಿಜನ್ ಕಳಿಸಿಲ್ಲ ಎಂದು ಹೇಳುವ ಧೈರ್ಯ ಬಿಜೆಪಿಗೆ ಇಲ್ಲ. ರಾಜ್ಯದ ಪರಿಸ್ಥಿತಿ ಇನ್ನೂ ಕೈ ಮೀರಿ ಹೋಗಿಲ್ಲ. ಆದರೆ ಸರ್ಕಾರಕ್ಕೆ ಹೇಗೆ ನಿರ್ವಹಣೆ ಮಾಡಬೇಕು ಎಂಬುದು ಗೊತ್ತಿಲ್ಲ. ನಿರ್ವಹಣೆ ಮಾಡುವುದರಲ್ಲಿ ಸರ್ಕಾರ ವಿಫಲವಾಗಿದೆ ಎಂದು ವಾಗ್ದಾಳಿ ನಡೆಸಿದರು.

ಮಾರ್ಚ್ 15 ರಂದೇ ಲಾಕ್ ಡೌನ್ ಮಾಡುವಂತೆ ಹೇಳಿದ್ದೆ. ರಾಜ್ಯಪಾಲರ ಸಭೆಯಲ್ಲೂ ತಿಳಿಸಿದ್ದೆ. ನೈಟ್ ಕರ್ಫ್ಯೂ, ಕರ್ಫ್ಯೂ ನಿಂದ ಏನು ಪ್ರಯೋಜನವಿಲ್ಲ. ಹೀಗಾಗಿ ಸಂಪೂರ್ಣ ಲಾಕ್ ಡೌನ್ ಮಾಡುವಂತೆ ಸರ್ಕಾರಕ್ಕೆ ಹೆಚ್.ಡಿ ಕುಮಾರಸ್ವಾಮಿ ಆಗ್ರಹಿಸಿದರು.

Key words: Oxygen – state- to- Gujarat-Uttar Pradesh- Former CM- HD kumaraswamy

ಯುಕೆ ಯಿಂದ ಮೈಸೂರಿಗೆ ಬಂದಿದ್ದು 7 ಮಂದಿ ಅಲ್ಲ, 137 ಮಂದಿ…!

JK Desk — Thu, 24 Dec 2020 07:49:43 +0000

ಮೈಸೂರು,ಡಿಸೆಂಬರ್,24,2020(www.justkannada.in) : ಯುಕೆ ಇಂದ ಮೈಸೂರಿಗೆ ಬಂದಿದ್ದು 7ಮಂದಿ ಅಲ್ಲ, 137 ಮಂದಿ. 17 ಜನರ ಕೊರೊನಾ ಪರೀಕ್ಷೆ ವರದಿ ಮುಕ್ತಾಯ. 14 ಜನರಿಗೆ ನೆಗೆಟಿವ್. ಇನ್ನೂ ಮೂವರು ಪ್ರಯಾಣಿಕರ ವರದಿಗಾಗಿ ಜಿಲ್ಲಾಡಳಿತ ಕಾಯುತ್ತಿದೆ.

ಉಳಿದ 120 ಮಂದಿಗೆ ಇಂದು ಕೊರೊನಾ ಪರೀಕ್ಷೆ ನಡೆಸುತ್ತಿದ್ದು, ಟೌನ್‌ಹಾಲ್ ಬಳಿ‌ ಪ್ರತ್ಯೇಕ ಕೌಂಟರ್ ವ್ಯವಸ್ಥೆ ಮಾಡಲಾಗಿದೆ. ಸಂಜೆ 4 ಗಂಟೆ ವರೆಗೆ ಪರೀಕ್ಷೆ ನಡೆಯಲಿದ್ದು, ಸದ್ಯ ಮೂವರು ಪ್ರಯಾಣಿಕರ‌ ವರದಿ ಮೇಲೆ ಎಲ್ಲರ ಕಣ್ಣಿದೆ.

ಊರಿಗೆ ಮರಳಿದವರು 137, ಆದರೆ ಟೆಸ್ಟ್‌ಗೆ ಬಂದಿರೋದು ಮಾತ್ರ 35 ಮಂದಿ ಮಾತ್ರ

ಯು.ಕೆ ಯಿಂದ ಮರಳಿದವರಿಗೆ ಕರೊನಾ ಟೆಸ್ಟ್. ಕೊರೊನಾ ಟೆಸ್ಟ್ ಮಾಡಿಸಿಕೊಳ್ಳಲು ಪ್ರಯಾಣಿಕರ ಮೀನಾಮೇಷ ಎಣಿಸುತ್ತಿದ್ದಾರೆ. ಎರಡು ದಿನಗಳಿಂದ ಕೇವಲ 35 ಮಂದಿ ಮಾತ್ರ ಟೆಸ್ಟ್‌ನಲ್ಲಿ ಭಾಗಿಯಾಗಿದ್ದಾರೆ.

ನಿನ್ನೆ 9, ಇಂದು 26 ಮಂದಿಗೆ ಟೆಸ್ಟ್. ಮಧ್ಯಾಹ್ನದ ವೇಳೆಗೆ ಕೇವಲ 26 ಮಂದಿ ಮಾತ್ರ ಭಾಗಿ. ಯು.ಕೆ ಪ್ರಯಾಣಿಕರಿಗೆ ಪ್ರತ್ಯೇಕ ಕೌಂಟರ್ ಸ್ಥಾಪನೆ ಮಾಡಲಾಗಿದೆ. ಪ್ರತಿಯೊಬ್ಬರ ಮನೆ ಮನೆಗೆ ತೆರಳಿ ಟೆಸ್ಟ್ ಮಾಡಿಕೊಳ್ಳಲು ಸಿಬ್ಬಂದಿಯಿಂದ ಮನವಿ ಮಾಡಲಾಗುತ್ತಿದೆ.

ಯು.ಕೆ ಪ್ರಯಾಣಿಕರು ಹಾಗೂ ಅವರ ಪ್ರಾಥಮಿಕ ಸಂಪರ್ಕಿತರ ಬಗ್ಗೆ ಮಾಹಿತಿ ಸಂಗ್ರಹ. ಎಲ್ಲರಿಗೂ ಟೆಸ್ಟ್ ಮಾಡಿಸಿಕೊಳ್ಳುವಂತೆ ಹೇಳಿದ್ದೇವೆ. ವಾರ್ಡ್ ವಾರು ಸಿಬ್ಬಂದಿಗಳನ್ನು ಕಳುಹಿಸಿ ಮಾಹಿತಿ ನೀಡಲಾಗಿದೆ. ಡಿಸೆಂಬರ್ 1 ರಿಂದ ನಗರಕ್ಕೆ ಬಂದಿರುವ ಅಂತರರಾಷ್ಟ್ರೀಯ ಪ್ರಯಾಣಿಕರಿಗೆ ತಿಳಿಸಲಾಗಿದೆ. ಯು.ಕೆ ಯಿಂದ ಮೈಸೂರಿನ ಕುವೆಂಪು ನಗರಕ್ಕೆ 40 ಮಂದಿ ಬಂದಿದ್ದಾರೆ.

ಹಲವರು ಈಗಾಗಲೇ ಟೆಸ್ಟ್ ಮಾಡಿಸಿ ನೆಗೆಟಿವ್ ವರದಿ ಇಟ್ಟುಕೊಂಡಿದ್ದಾರೆ. ಅಂತಹವರಿಗೂ ಟೆಸ್ಟ್ ಗೆ ಬರುವಂತೆ ಹೇಳಿದ್ದೇವೆ. ನೆಗೆಟಿವ್ ವರದಿ ಇರೋ ಕಾರಣಕ್ಕೂ ಹಲವರು ಮತ್ತೆ ಟೆಸ್ಟ್ ಗೆ ಬರಲು‌ ತಡ ಮಾಡುತ್ತಿದ್ದಾರೆ. ಮೈಸೂರು ಮಹಾನಗರ ಪಾಲಿಕೆ ಆರೋಗ್ಯಾಧಿಕಾರಿ ನಾಗರಾಜ್ ಈ ಕುರಿತು ಮಾಹಿತಿ ನೀಡಿದ್ದಾರೆ.

English summary….

137 people came from UK to Mysuru, not 7!
Mysuru, Dec.24, 2020 (www.justkannada.in): A total number of 137 people have come to Mysuru from the United Kingdom recently, not 7. Corona tests of 17 people are completed, and 14 of them are negative. The District Administration is waiting for the reports of the remaining three passengers.
Corona tests are being conducted on the remaining 120 people. A separate counter is opened near the Town Hall. Tests will be held till 4 pm. As of now, concerned authorities are anxiously awaiting the test reports of the three persons who have already been tested.
Only 35 passengers out of the total 137 people have come for testing, it is said.
Keywords: United Kingdom/ Corona tests/ Mysuru

key words : UK-To-Mysore-Not 7-137 People…!

ಇಂದಿನಿಂದ ಹೈದರಾಬಾದ್, ತೆಲಂಗಾಣಕ್ಕೆ ಬಸ್ ಸಂಚಾರ ಪುನಾರಂಭ…

JK Desk — Tue, 03 Nov 2020 05:09:25 +0000

ಬೆಂಗಳೂರು,ನವೆಂಬರ್,3,2020(www.justkannada.in): ದೇಶದಲ್ಲಿ ಇತ್ತೀಚೆಗೆ ಕೊರೋನಾ ಸೋಂಕಿತರ ಪ್ರಮಾಣ ಕಡಿಮೆಯಾಗುತ್ತಿದ್ದು ಈ ನಡುವೆ ಲಾಕ್ ಡೌನ್ ಸಡಿಲಿಕೆ ಆಗಿರುವ ಹಿನ್ನೆಲೆ, ಇಂದಿನಿಂದ ರಾಜ್ಯದಿಂದ ಹೈದರಾಬಾದ್, ತೆಲಂಗಾಣಕ್ಕೆ ಬಸ್ ಸಂಚಾರ ಪುನರಾರಂಭಗೊಂಡಿದೆ.

ಅಂತರಾಜ್ಯ ಬಸ್ ಕಾರ್ಯಾಚರಣೆ ಕುರಿತು ಕೆಎಸ್ಆರ್ಟಿಸಿ ಪ್ರಕಟಣೆ ಹೊರಡಿಸಿದ್ದು, ಬರೋಬ್ಬರಿ 7 ತಿಂಗಳ ಬಳಿಕ ಹೈದರಾಬಾದ್ ಹಾಗೂ ತೆಲಂಗಾಣಕ್ಕೆ ಬಸ್ ಪುನಾರಂಭಗೊಂಡಿದೆ. ಬೆಂಗಳೂರು ಹಾಗೂ ಮೈಸೂರಿನಿಂದ ಬಸ್ ಗಳು ತೆಲಂಗಾಣ ಮತ್ತು ಹೈದರಾಬಾದ್ ಗೆ ಕಾರ್ಯಚರಣೆ ನಡೆಸಲಿದ್ದು, ಪ್ರಯಾಣಿಕರ ದಟ್ಟಣೆ ಅನುಗುಣವಾಗಿ ಬಸ್ ಗಳನ್ನ ಬಿಡಲಾಗುತ್ತಿದೆ.

ಇನ್ನು ಬಸ್ ನಲ್ಲಿ ಪ್ರಯಾಣಿಸುವ ಎಲ್ಲಾ ಪ್ರಯಾಣಿಕರಿಗೂ ಮಾಸ್ಕ್ ಕಡ್ಡಾಯಗೊಳಿಸಲಾಗಿದೆ. ಕೊರೋನಾ, ಲಾಕ್ ಡೌನ್ ಹಿನ್ನೆಲೆಯಲ್ಲಿ ಅಂತರಾಜ್ಯ ಬಸ್ ಸಂಚಾರವನ್ನು ರಾಜ್ಯ ರಸ್ತೆ ಸಾರಿಗೆ ನಿಗಮ ಸ್ಥಗಿತಗೊಳಿಸಿತ್ತು.

Key words: Bus -service- Karnataka-to –Hyderabad-Telangana