ಮೈಸೂರು, ಡಿ.೨೭, ೨೦೨೪: ಇಂದು ಮತ್ತು ನಾಳೆ ಮೈಸೂರು ಅರಮನೆಗೆ ದೀಪಾಲಂಕಾರ ಇರುವುದಿಲ್ಲ. ಜತೆಗೆ ವರ್ಷಾಂತ್ಯದಂದು ಹೊಸ ವರ್ಷದ ಸಂಭ್ರಮಾಚರಣೆಗೆಂದು ಉದ್ದೇಶಿಸಿದ್ದ ಬಾಣಬಿರಿಸುಗಳ  ( ಹಸಿರು ಪಟಾಕಿ)  ಪ್ರದರ್ಶನ ರದ್ದುಪಡಿಸಲಾಗಿದೆ.

ಮಾಜಿ ಪ್ರಧಾನಿ ಮನಮೋಹನ್‌ ಸಿಂಗ್‌ ನಿಧನದ ಹಿನ್ನೆಲೆಯಲ್ಲಿ ರಾಜ್ಯದಲ್ಲಿ ಶೋಕಾಚರಣೆ ಜಾರಿಯಲ್ಲಿರುವ ಕಾರಣ ಈ ನಿರ್ಧಾರ ಮಾಡಲಾಗಿದೆ ಎಂದು ಮೈಸೂರು ಅರಮನೆ ಮಂಡಳಿ ಉಪ ನಿರ್ದೇಶಕ ಸುಬ್ರಮಣ್ಯ ಅವರು “ ಜಸ್ಟ್‌ ಕನ್ನಡ” ಗೆ ತಿಳಿಸಿದರು.

ಕಳೆದ ವಾರದಿಂದ ಮೈಸೂರು ಅರಮನೆಯಲ್ಲಿ ಮಾಗಿ ಉತ್ಸವದ ಅಂಗವಾಗಿ ಫಲಪುಷ್ಪ ಪ್ರದರ್ಶನ ಆಯೋಜಿಸಲಾಗಿದೆ. ಇದು ಎಂದಿನಂತೆ ರಾತ್ರಿ ೯ ಗಂಟೆಯ ತನಕ ನಡೆಯಲಿದೆ. ಆದರೆ ಇಂದು ಮತ್ತು ನಾಳೆ ದೀಪಾಲಂಕಾರವನ್ನು ಮಾತ್ರ ರದ್ದುಪಡಿಸಲಾಗಿದೆ.

ಜತೆಗೆ ಡಿ. ೩೧ ರ ರಾತ್ರಿ ೧೧ ರಿಂದ ೧೨ ರ ತನಕ ಆಯೋಜಿಸಿದ್ದ ಪೊಲೀಸ್‌ ಬ್ಯಾಂಡ್‌ ಹಾಗೂ ೧೨ ರಿಂದ ೧೨.೧೫ ರ ತನಕ ಆಯೋಜಿಸಿದ್ದ ಹಸಿರು ಪಟಾಕಿ ಪ್ರದರ್ಶನವನ್ನು ಶೋಕಾಚರಣೆ ಹಿನ್ನೆಲೆಯಲ್ಲಿ ರದ್ದುಪಡಿಸಲಾಗಿದೆ. ಆದರೆ ಅಂದು ಫ್ಲವರ್‌ ಶೋ ಮಾತ್ರ ಎಂದಿನಂತೆ ನಡೆಯಲಿದೆ.

key words:  Mysore Palace, Police Band, crackers show, performance scheduled, for 31st, canceled

SUMMARY:

Mysore Palace: Police Band, crackers show performance scheduled for 31st canceled

Mysore Palace Board Deputy Director Subramanya told “Just Kannada” that this decision was taken as the state is in mourning following the death of former Prime Minister Manmohan Singh.

The post MYSORE PALACE: ಡಿ. ೩೧ ರಂದು ಆಯೋಜಿಸಿದ್ದ ಪೊಲೀಸ್‌ ಬ್ಯಾಂಡ್‌ , ಬಾಣ-ಬಿರಿಸು ಪ್ರದರ್ಶನ ರದ್ದು appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.

ಮೈಸೂರು, ಅ.08,2024: (www.justkannada.in news) ವಿಶ್ವವಿಖ್ಯಾತ ನಾಡಹಬ್ಬ ಮೈಸೂರು ದಸರಾ ಮಹೋತ್ಸವ ಪ್ರಯುಕ್ತ. ಅರಮನೆ ಮುಂಭಾಗದಲ್ಲಿ ಪೋಲಿಸ್ ಬ್ಯಾಂಡ್ ವಾದ್ಯ ಮೇಳ. ಮೇಳೈಸಿದ ಕರ್ನಾಟಕ ರಾಜ್ಯ ಪೋಲಿಸ್ ಸಮೂಹ ವಾದ್ಯಮೇಳ.

ಜಗಮಗಿಸುವ ದೀಪಾಲಂಕಾಗಳ ನಡುವೆ ಅದ್ದೂರಿಯಾಗಿ ಜರುಗಿದ ಪೋಲಿಸ್ ಬ್ಯಾಂಡ್ ಮ್ಯೂಸಿಕ್. ಸುಮಾರು ಒಂದುವರೆ ಶತಮಾನಗಳ ಇತಿಹಾಸವಿರುವ ಪೋಲಿಸ್ ಬ್ಯಾಂಡ್.

1868 ರಲ್ಲಿ ಮೈಸೂರು ಮಹಾರಾಜರು ಆರಂಭಿಸಿದ ಸಮೂಹ ವಾದ್ಯ ಮೇಳ. 1918 ರಲ್ಲಿ ನಾಲ್ವಡಿ ಅವರ ಆಳ್ವಿಕೆ ಕಾಲದಲ್ಲಿ ಮೈಸೂರು ಬ್ಯಾಂಡ್ ಎಂದು ಪ್ರಸಿದ್ದ. 1951 ರಿಂದ ಪೋಲೀಸ್ ಇಲಾಖೆ  ವತಿಯಿಂದ ನಡೆಯುತ್ತಿರುವ ಪೋಲಿಸ್ ಬ್ಯಾಂಡ್. ಪೋಲಿಸ್ ಸಮೂಹ ವಾದ್ಯ ಮೇಳ  ಆಲಿಸಲು ಅರಮನೆ ಆವರಣದಲ್ಲಿ ಜಮಾಯಿಸಿದ ಸಹಸ್ರಾರು ಜನ.

ಪೋಲಿಸ್ ಬ್ಯಾಂಡ್ ನಲ್ಲಿ ಗೃಹ ಸಚಿವ  ಜಿ ಪರಮೇಶ್ವರ್, ಲೋಕೋಪಯೋಗಿ ಸಚಿವ ಸತೀಶ್ ಜಾರಕಿಹೊಳಿ, ಉಸ್ತುವಾರಿ ಸಚಿವ ಎಚ್.ಸಿ ಮಹದೇವಪ್ಪ ಸೇರಿದಂತೆ ಸ್ಥಳೀಯ ಶಾಸಕರು ಭಾಗಿ.

ನೆರೆದಿದ್ದ ಸಹಸ್ರಾರು ಜನರನ್ನ ಮಂತ್ರ ಮುಗ್ಧರನ್ನಾಗಿಸಿದ ಬ್ಯಾಂಡ್. ವಂದೇ ಮಾತರಂ, ಮೇರೆ ವತನ್ ಕೇ ಲೋಗೋ ಎಂಬ ಗೀತೆ ಮೂಲಕ ಸಮೂಹ ವಾದ್ಯ ಮೇಳ ಆರಂಭ. ಪೋಲಿಸ್ ಬ್ಯಾಂಡ್ ನಲ್ಲಿ ನೂರಾರು ನುರಿತ ಸಂಗೀತಗಾರರು ಭಾಗಿ. ದೇಶ ಭಕ್ತಿ ಗೀತೆಗಳಿಗೆ ಸುಶ್ರಾವ್ಯವಾಗಿ ಬ್ಯಾಂಡ್ ನುಡಿಸಿದ ಪೋಲೀಸರು. ಸಮೂಹ ವಾದ್ಯ ಮೇಳದಲ್ಲಿ ಸುಮಾರು 150 ಕ್ಕೂ ಹೆಚ್ಚು ಮಂದಿ ಭಾಗಿ. ವಾದ್ಯ ಮೇಳ ಕಣ್ತುಂಬಿಕೊಳ್ಳ ನೆರೆದಿದ್ದ ಸಹಸ್ರಾರು ಜನ.

key word: Dasara, Police Band, Thousands of people, gathered, Mysore palace, premises.

Police Band: Thousands of people gathered in the palace premises.

The post DASARA POLICE BAND: ಅರಮನೆ ಆವರಣದಲ್ಲಿ ಜಮಾಯಿಸಿದ ಸಹಸ್ರಾರು ಜನ. appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.