Paralympics Archives » Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ

ಪ್ಯಾರಾಲಿಂಪಿಕ್ಸ್‌: ‘ಚಿನ್ನ’ ಗೆದ್ದ ಭಾರತದ ನಿತೇಶ್ ಕುಮಾರ್

prashanth — Mon, 02 Sep 2024 13:02:46 +0000

ಪ್ಯಾರಿಸ್,ಸೆಪ್ಟಂಬರ್,2,2024 (www.justkannada.in): ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತದ ಪದಕ ಬೇಟೆ ಮುಂದುವರೆದಿದ್ದು, ಬ್ಯಾಡ್ಮಿಂಟನ್ ಎಸ್‌ಎಲ್ 3 ವಿಭಾಗದಲ್ಲಿ ಭಾರತದ ನಿತೇಶ್ ಕುಮಾರ್ ಚಿನ್ನದ ಪದಕ ಗೆದ್ದಿದ್ದಾರೆ.

ಹರಿಯಾಣದ ಷಟ್ಲರ್ ನಿತೇಶ್ ಕುಮಾರ್, ಗ್ರೇಟ್‌ ಬ್ರಿಟನ್‌ನ ಡೇನಿಯಲ್ ಬೆಥೆಲ್ ವಿರುದ್ಧ ಮೂರು ಗೇಮ್‌ ಗಳ ಪಂದ್ಯದಲ್ಲಿ 2-1 (21-14, 18-21, 22-21) ಗೆಲುವು ಸಾಧಿಸಿದರು.

ಪ್ಯಾರಿಸ್ ಪ್ಯಾರಾಲಿಂಪಿಕ್ ಕ್ರೀಡಾಕೂಟದಲ್ಲಿ ಬ್ಯಾಡ್ಮಿಂಟನ್ ವಿಭಾಗದಲ್ಲಿ ಭಾರತಕ್ಕೆ ಇದು ಮೊದಲ ಪದಕವಾಗಿದೆ. ಅಗ್ರ ಶ್ರೇಯಾಂಕದ ನಿತೇಶ್ ಕುಮಾರ್ ಮೊದಲ ಗೇಮ್‌ ನಲ್ಲಿ 21-14 ರಲ್ಲಿ ಗೆಲುವು ಸಾಧಿಸಿದರು, ಎರಡನೇ ಗೇಮ್‌ನಲ್ಲಿ 18-21ರಲ್ಲಿ ಸೋಲನುಭವಿಸಿದರು. ಮೂರನೇ ನಿರ್ಣಾಯಕ ಗೇಮ್‌ನಲ್ಲಿ ನಿತೇಶ್ ಕುಮಾರ್ 23-21 ರಲ್ಲಿ ಗೆಲ್ಲುವ ಮೂಲಕ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದರು.

Key words: Paralympics, India, Nitesh Kumar, Gold Medal

ಪ್ಯಾರಾಲಿಂಪಿಕ್ಸ್ : ಚಿನ್ನದ ಪದಕಕ್ಕೆ ಮುತ್ತಿಕ್ಕಿದ ಭಾರತದ ಪ್ರಮೋದ್ ಭಗತ್

JK Desk — Sat, 04 Sep 2021 12:21:20 +0000

ನವದೆಹಲಿ,ಸೆಪ್ಟಂಬರ್,4,2021(www.justkannada.in): ಟೋಕಿಯೊ ಪ್ಯಾರಾಲಿಂಪಿಕ್ಸ್‌ ನಲ್ಲಿ ಭಾರತ ಮತ್ತೊಂದು ಚಿನ್ನದ ಪದಕ ಗೆದ್ದಿದೆ. ಹೌದು ಬ್ಯಾಂಡ್ಮಿಂಟನ್ ನಲ್ಲಿ ಪ್ರಮೋದ್ ಭಗತ್ ಬಂಗಾರ ಪದಕಕ್ಕೆ ಮುತ್ತಿಕ್ಕಿದ್ದಾರೆ .

ಪುರುಷರ ಸಿಂಗಲ್ಸ್ ಎಸ್‌ಎಲ್ 3 ವಿಭಾಗದ ಫೈನಲ್‌ನಲ್ಲಿ ಡೇನಿಯಲ್ ಬ್ರೆಥೆಲ್ ಅವರನ್ನು ಸೋಲಿಸುವ ಮೂಲಕ ಪ್ರಮೋದ್ ಭಗತ್ ಚಿನ್ನದ ಪದಕ ತನ್ನದಾಗಿಸಿಕೊಂಡರು. 45 ನಿಮಿಷಗಳ ಕಾಲ ನಡೆದ ಪಂದ್ಯದಲ್ಲಿ ಪ್ರಮೋದ್ ಭಗತ್ 21-14, 21-17ರಲ್ಲಿ ಡೇನಿಯಲ್ ಅವರನ್ನು ಸೋಲಿಸಿದರು.

ವಿಶ್ವದ ನಂಬರ್ ಒನ್ ಆಟಗಾರ ಪ್ರಮೋದ್ ಭಗತ್ ಕೂಡ ಫೈನಲ್ ತಲುಪಿದ ಮೊದಲ ಆಟಗಾರ ಎನಿಸಿಕೊಂಡರು.

Key words: Paralympics-india- Pramod Bhagat- gold medal

ಪ್ಯಾರಾಲಿಂಪಿಕ್ಸ್ ನಲ್ಲಿ ಭಾರತಕ್ಕೆ ಮತ್ತೊಂದು ಚಿನ್ನ: ಬಂಗಾರ ಗೆದ್ಧು ವಿಶ್ವದಾಖಲೆ ನಿರ್ಮಿಸಿದ ಸುಮಿತ್ ಅಂಟಿಲ್.

JK Desk — Mon, 30 Aug 2021 11:45:13 +0000

ಟೋಕಿಯೋ,ಆಗಸ್ಟ್,30,2021(www.justkannada.in): ಟೋಕಿಯೋ ಪ್ಯಾರಾಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿರುವ ಭಾರತ ಇದೀಗ ಮತ್ತೊಂದು ಚಿನ್ನದ ಪದಕವನ್ನ ತನ್ನದಾಗಿಸಿಕೊಂಡಿದೆ ಜಾವೆಲಿನ್ ಥ್ರೋನಲ್ಲಿ . ಸುಮಿತ್ ಆಂಟಿಲ್ ಬಂಗಾರ ಪದಕ ಗೆದ್ದು ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.

ಜಾವೆಲಿನ್ ಥ್ರೋನಲ್ಲಿ ಸುಮಿತ್ ಅಂಟಿಲ್ 68.55 ಮೀಟರ್ ದೂರ ಎಸೆಯುವ ಮೂಲಕ ವಿಶ್ವದಾಖಲೆ ನಿರ್ಮಿಸಿದ್ದಾರೆ. ಈ ಮೂಲಕ ಭಾರತ ಒಂದೇ ದಿನ 5 ಪದಕಗಳನ್ನ ಗೆದ್ದಿದೆ. ಎರಡು ಚಿನ್ನ, 4 ಬೆಳ್ಳಿ, ಒಂದು ಕಂಚು ಸೇರಿ 7 ಪದಕಗಳನ್ನ ಭಾರತ ಗೆದ್ದಿದೆ.

ಅವನಿ ಲೇಖಾರಾ ಹೊಸ ಪ್ಯಾರಾಲಿಂಪಿಕ್ ದಾಖಲೆಯೊಂದಿಗೆ ಭಾರತಕ್ಕೆ ಮೊದಲ ಚಿನ್ನವನ್ನು ಪಡೆದಿದ್ದರು. ಯೋಗೇಶ್ ಕಥುನಿಯಾ ಪುರುಷರ ಡಿಸ್ಕಸ್ ಥ್ರೋನಲ್ಲಿ ಬೆಳ್ಳಿ ಯನ್ನು ಗಳಿಸಿದ್ದಾರೆ. ದೇವೇಂದ್ರ ಝಾಜಾರಿಯಾ ಪುರುಷರ ಜಾವೆಲಿನ್ ಎಸೆತದಲ್ಲಿ ಬೆಳ್ಳಿ ಪದಕವನ್ನು ಗೆದ್ದಿದ್ದರೆ, ಸುಂದರ್ ಸಿಂಗ್ ಗುರ್ಜಾರ್ ಈ ಸ್ಪರ್ಧೆಯಲ್ಲಿ ಕಂಚಿನ ಪದಕವನ್ನು ಸೇರಿಸಿದ್ದಾರೆ.

Key words: Another- gold -India –Paralympics-Sumit Antil