ರಾಜ್ಯೋತ್ಸವ ಆಚರಣೆ ವೇಳೆ ಸಮಯ ಇಲ್ಲ ಎಂದು ಖ್ಯಾತ ಸಾಹಿತಿ ಚಿದಾನಂದ ಗೌಡರ ಸಮ್ಮುಖ ನಾಡಗೀತೆಯನ್ನು ಅರ್ಥಕ್ಕೆ ಮೊಟಕು ಗೊಳಿಸಿದ ಮೈಸೂರು ರೇಸ್ ಕ್ಲಬ್ ಅವರ ಮೇಲೆ ಸೂಕ್ತ ಕ್ರಮ ಕೈಗೊಳ್ಳಲು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಾಯಕ ನಿರ್ದೇಶಕರಿಗೆ ಕನ್ನಡ ಚಳುವಳಿಗಾರ ಅರವಿಂದ  ಶರ್ಮಾ ಎಂಬುವವರು ದೂರು ನೀಡಿದ್ದರು.

ಈ ಕುರಿತು ವಿವರಣೆ ನೀಡುವಂತೆ ಮೈಸೂರು ರೇಸ್ ಕ್ಲಬ್  ಗೆ ನೋಟಿಸ್ ಜಾರಿ ಮಾಡಿರುವ ಕನ್ನಡ ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕ ಎಂ.ಡಿ ಸುದರ್ಶನ್, ಈ ವಿಷಯಕ್ಕೆ ಸಂಬಂಧಪಟ್ಟಂತೆ, ಉಲ್ಲೇಖಿತ ಪತ್ರದಲ್ಲಿ ರಾಜ್ಯ ಸರ್ಕಾರ ಈ ವರ್ಷ ಕರ್ನಾಟಕ ನಾಮಕರಣ ಸುವರ್ಣ ಮಹೋತ್ಸವ ಆಚರಿಸುತ್ತಿದೆ. ಇಂತಹ ಸಂಭ್ರಮದಲ್ಲಿರುವ ನಾಡಿನ ಜನತೆಗೆ ನಾಡಗೀತೆ ಎಂದರೆ ಇನ್ನು ಅತ್ಯಂತ ಹೆಮ್ಮೆ, ರೋಮಾಂಚನ ಆದರೆ ನವೆಂಬರ್ ತಿಂಗಳ ಮೊದಲನೇ ವಾರ ಮೈಸೂರು ರೇಸ್ ಕ್ಲಬ್ ಲಿಮಿಟೆಡ್ (MRC) ನಲ್ಲಿ ರಾಜ್ಯೋತ್ಸವ ಆಚರಣೆ ಮಾಡುತ್ತಿರುವ ಸಂದರ್ಭದಲ್ಲಿ ಸಮಯ ಇಲ್ಲ ಎಂದು ನಾಡಗೀತೆ ಅರ್ಧಕ್ಕೆ ಮೊಟಕುಗೊಳಿಸಿರುವುದು ಖಚಿತ ಮಾಹಿತಿ ನನ್ನ ಗಮನಕ್ಕೆ ಬಂದಿದೆ. ಅದು ಕೂಡ ಹಿರಿಯ ಸಾಹಿತಿ ಪ್ರೊ. ಚಿದಾನಂದಗೌಡರ ಸಮ್ಮುಖ ಅವರಿಗೂ ಈ ಘಟನೆ ಬೇಸರ ತಂದಿರುವ ವಿಷಯವಾಗಿದೆ. ನಾಡಿಗೆ ಅಗೌರವ ತೋರಿರುವ ಇಂತಹ ಸಂಸ್ಥೆಯ ವಿರುದ್ಧ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯವರು ಕ್ರಮಕೈಗೊಳ್ಳಬೇಕೆಂದು ಕೋರಿರುತ್ತಾರೆ.

ಆದ್ದರಿಂದ ಮೇಲ್ಕಂಡ ದೂರಿಗೆ ಸಂಬಂಧಿಸಿದಂತೆ ಈ ಪತ್ರ ತಲುಪಿದ ಮೂರು ದಿನಗಳೊಳಗಾಗಿ ಲಿಖಿತ ವಿವರಣೆಯನ್ನು ಈ ಕಚೇರಿಗೆ ನೀಡಬೇಕು ಎಂದು ನೋಟಿಸ್ ನಲ್ಲಿ ಉಲ್ಲೇಖಿಸಿದ್ದಾರೆ.

Key words: Kannada rajyotsava, Notice, Mysore Race Club

ಕುರುಬರಹಳ್ಳಿಯಲ್ಲಿ ಸರ್ಕಾರದ 139 ಎಕರೆ ಭೂಮಿಯನ್ನು 30 ವರ್ಷಗಳವರೆಗೆ ಮೈಸೂರಿನ ರೇಸ್ ಕ್ಲಬ್ ಲಿಮಿಟೆಡ್​​ಗೆ ಗುತ್ತಿಗೆ ನೀಡಿರುವ ಕ್ರಮ ಪ್ರಶ್ನಿಸಿ ಹೈಕೋರ್ಟ್ ನಿಂದ ಸರ್ಕಾರಕ್ಕೆ ನೊಟೀಸ್ ಜಾರಿಯಾಗಿದೆ. ವಕೀಲ‌ ಉಮಾಪತಿ  ಸಲ್ಲಿಸಿದ್ದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಮೇರೆಗೆ ಹೈಕೋರ್ಟ್  ರಾಜ್ಯ ಸರ್ಕಾರಕ್ಕೆ ನೋಟಿಸ್  ನೀಡಿದೆ,

ಯಾವ ಆಧಾರದಲ್ಲಿ ಭೂಮಿಯನ್ನು 30 ವರ್ಷ ಗುತ್ತಿಗೆ ನೀಡಲಾಗಿದೆ. ಗುತ್ತಿಗೆಗೆ ಪ್ರತಿಫಲವಾಗಿ ಕ್ಲಬ್ ವಾರ್ಷಿಕವಾಗಿ ಗಳಿಸುವ ಆದಾಯದ ಶೇ. 2ರಷ್ಟನ್ನು ಬಾಡಿಗೆಯಾಗಿ ನಿಗದಿಪಡಿಸಲಾಗಿದೆ. ಅದರಂತೆ ಕ್ಲಬ್ ಒಂದು ವೇಳೆ ಆದಾಯ ಗಳಿಸದಿದ್ದರೆ ಬಾಡಿಗೆ ನೀಡುವಂತಿಲ್ಲವೇ ಎಂದು  ಪ್ರಶ್ನಿಸಿರುವ ಹೈಕೋರ್ಟ್, ಈ ಎಲ್ಲಾ ವಿಚಾರವಾಗಿ ಸ್ವಷ್ಟನೆ ನೀಡುವಂತೆ ಸರ್ಕಾರಕ್ಕೆ ಸೂಚನೆ ನೀಡಿದೆ.

ಜಮೀನಿನ ಉಪ ಗುತ್ತಿಗೆ ಪಡೆದಿರುವ ಜಯ ಚಾಮರಾಜೇಂದ್ರ ಗಾಲ್ಫ್ ಕ್ಲಬ್ ​ಅನ್ನು ಪ್ರತಿವಾದಿಯಾಗಿ ಸೇರಿಸುವಂತೆ ಅರ್ಜಿದಾರರಿಗೆ ಸೂಚಿಸಿ, ವಿಚಾರಣೆ  ಹೈಕೋರ್ಟ್ ಮುಂದೂಡಿದೆ.

English summary…

Land lease to Mysore Race club: HC notice to govt.
Mysuru, Nov. 27, 2020 (www.justkannada.in): The Hon’ble High Court of Karnataka has issued a notice with respect to the matter of leasing out land to the Mysore Race club.
The Hon’ble HC has issued a notice to the State Government questioning the leasing of 139 acres government land at Kurubarahalli Village to the Mysore Race Club for 30 years. The notice has been issued based on a PIL submitted by Advocate Umapathi.
The High Court has questioned the government to provide the details like on what basis the land has been given to lease. It is stipulated that 2 per cent of the earnings of the Mysore Club would be collected as returns to the contract. The Hon’ble Court has questioned if the club fails to gain the target income doesn’t it need to pay the rent?
The trail was postponed instructing the applicant to include the Jayachamarajendra Golf Club, which possess the sub-contract as defendant.
Keywords: High Court/Mysore Race Club/ govt. land/lease

Key words: Leasing -land – Mysore Race Club-High Court -notice -Govrnament

ಮೈಸೂರು, ಆ.27, 2019 www.justkannada.in news ) ಈ ಬಾರಿಯ ಮೈಸೂರು ರೇಸಿಂಗ್ ಋತುವಿಗೆ ಕಪ್ ಮತ್ತು ಟ್ರೋಫಿಗಳ ಮೌಲ್ಯವೂ ಸೇರಿದಂತೆ ಒಟ್ಟು 5,69,40,000 ರೂ. ಸ್ಟೇಕ್ಸ್ ಮೊತ್ತವನ್ನು ಘೋಷಿಸಲಾಗಿದೆ.

ಮೈಸೂರು ರೇಸ್ ಕ್ಲಬ್ ನ ನೂತನ ಅಧ್ಯಕ್ಷ ಡಾ,ಎನ್.ನಿತ್ಯಾನಂದರಾವ್ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ ಹೇಳಿದಿಷ್ಟು…
ಪ್ರಸಕ್ತ ಸಾಲಿನ ಮೈಸೂರು ರೇಸುಗಳು ಒಟ್ಟು 18 ದಿನಗಳು ನಡೆಯಲಿದ್ದು ಆ.29ರಿಂದ ಪ್ರಾರಂಭವಾಗಿ ಅಕ್ಟೋಬರ್ 30ಕ್ಕೆ ಕೊನೆಗೊಳ್ಳಲಿದೆ. ಸ್ಥಳೀಯ 17 ಕುದುರೆ ತರಬೇತುದಾರರು ಮತ್ತು ಚೆನ್ನೈನ ಮದ್ರಾಸ್ ರೇಸ್ ಕ್ಲಬ್ನ ತರಬೇತುದಾರರು ಸೇರಿದಂತೆ 45 ಪರಸ್ಥಳದ ಕುದುರೆ ತರಬೇತುದಾರರು ಈ ರೇಸಿಂಗ್ ಋತುವಿನಲ್ಲಿ ಭಾಗವಹಿಸುವ ನಿರೀಕ್ಷೆ ಇದೆ.
ಅಲ್ಲದೇ ಭಾರತೀಯ ರೇಸಿಂಗ್ ಕ್ಷೇತ್ರದ ಖ್ಯಾತನಾಮ ಕುದುರೆ ಸವಾರರು ಸೇರಿದಂತೆ ಸುಮಾರು 100 ಮಂದಿ ಕುದುರೆ ಸವಾರರು ರೇಸಿಂಗ್ ಚಟುವಟಿಕೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ. ಈ ರೇಸಿಂಗ್ ಋತುವಿನಲ್ಲಿ ಒಟ್ಟು 450 ಕ್ಕೂ ಹೆಚ್ಚು ರೇಸ್ ಕುದುರೆಗಳು ಭಾಗವಹಿಸಲಿವೆ.
ಈ ಬಾರಿಯ ರೇಸಿಂಗ್ ಸೀಸನ್ನ ಪ್ರಮುಖ ಪಂದ್ಯವಾದ ಮೈಸೂರು ಡರ್ಬಿ ರೇಸ್ ಅ.20 ರಂದು ನಡೆಯಲಿದೆ. ಹಾಗೆಯೇ ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಸ್ಮಾರಕ ಮಿಲಿಯನ್ (ಆ29), ಶ್ರೀ ಕೃಷ್ಣರಾಜ ಒಡೆಯರ್ ಸ್ಮಾರಕ ಟ್ರೋಫಿ (ಸೆ.5), ಮಹಾರಾಜಾಸ್ ಕಪ್ (ಸೆ.20), ಜಯಚಾಮರಾಜ ಒಡೆಯರ್ ಗಾಲ್ಫ್ ಕ್ಲಬ್ ಮೈಸೂರು 2000 ಗಿನೀಸ್ (ಅ.4), ಗವರ್ನರ್ಸ್ ಕಪ್ (ಅ.10), ಮೈಸೂರು ದಸರಾ ಸ್ಪ್ರಿಂಟ್ ಚಾಂಪಿಯನ್ ಷಿಪ್ (ಅ.11) ಪ್ರಮುಖ ಪಂದ್ಯಗಳನ್ನು ಆಯೋಜಿಸಲಾಗಿದೆ.

ಮೈಸೂರು ರೇಸ್ ಕ್ಲಬ್ ಸ್ವತಂತ್ರ ಕ್ಲಬ್ ಮಾನ್ಯತೆಯನ್ನು ಹೊಂದಿರುವ ಹಿನ್ನೆಲೆಯಲ್ಲಿ ಈ ಬಾರಿಯ ದೇಶದ ಪ್ರಮುಖ ರೇಸಿಂಗ್ ಕಾರ್ಯಕ್ರಮವಾದ ಇಂಡಿಯನ್ ಟರ್ಫ್ ಇನ್ವಿಟೇಷನ್ ಕಪ್ನ ಎರಡು ದಿನಗಳ ಪಂದ್ಯವನ್ನು 2020 ಫೆಬ್ರವರಿ 29 ಮತ್ತು ಮಾರ್ಚ್ 1 ರಂದು ನಡೆಸಲಾಗುವುದು.

ಮೈಸೂರು ರೇಸ್ ಕ್ಲಬ್ ಜಾಗಕ್ಕೆ ಸಂಬಂಧಪಟ್ಟಂತೆ ಗುತ್ತಿಗೆ ಕರಾರಿನ ನವೀಕರಣ ಕುರಿತ ಸಮಸ್ಯೆಗಳು ಬಗೆ ಹರಿದಿದ್ದು, ಕ್ಲಬ್ ಪರವಾಗಿ ಸರಕಾರವೂ ಉತ್ತಮ ಪ್ರತಿಕ್ರಿಯೆ ತೋರಿದ್ದು, ಸದ್ಯದಲ್ಲೇ ಈ ಬಗ್ಗೆ ರಾಜ್ಯ ಸರಕಾರದಿಂದ ಅಧಿಕೃತ ಆದೇಶ ಬರಲಿದೆ ಎಂದು ಡಾ.ನಿತ್ಯಾನಂದರಾವ್ ವಿಶ್ವಾಸ ವ್ಯಕ್ತಪಡಿಸಿದರು.

ಮೈಸೂರು ರೇಸ್ ಕ್ಲಬ್ ನ ಪ್ರಭಾರ ಕಾರ್ಯದರ್ಶಿ ಡಾ.ಎಂ.ಆರ್.ಜಗನ್ನಾಥ್, ನೂತನವಾಗಿ ಆಯ್ಕೆಯಾದ ಸ್ಟೂವರ್ಡ್ ಗಳಾದ ವೈ.ಪಿ. ಉದಯಶಂಕರ್, ಟಿ.ಡಿ.ಮಹೇಶ್, ಕ್ಲಬ್ ಸಮಿತಿ ಸದಸ್ಯರಾದ ಬಿ.ಎನ್.ಕಾರಿಯಪ್ಪ, ಬಿ.ಯು.ಚೆಂಗಪ್ಪ, ಎಚ್.ಕುಸುಮಾಕರ ಶೆಟ್ಟಿ, ಎಂ.ಸಿ.ಮಲ್ಲಿಕಾರ್ಜುನ್, ಎಚ್.ಕೆ.ರಮೇಶ್ ಮತ್ತು ಸೀನಿಯರ್ ಸ್ಟೈಪೆಂಡಯರಿ ಸ್ಟೂವರ್ಡ್ ಕೆ.ಜಿ. ಅನಂತ ರಾಜ್ ಅರಸ್ ಸುದ್ದಿಗೋಷ್ಠಿಯಲ್ಲಿ ಇದ್ದರು.

key words : mysore-race-club-race-racing