mysore- MLA- SA Ramadas | Just Kannada - Daily News Updates

ಪ್ರಧಾನಮಂತ್ರಿ ಆವಾಸ್ ಯೋಜನೆ, ಅಮೃತ ಹೌಸಿಂಗ್ ಯೋಜನೆಯಡಿ ಅರ್ಹರಿಗೆ ಮಂಜೂರಾತಿ ಪತ್ರ ವಿತರಣೆ.

mahesh — Tue, 25 Jan 2022 12:29:59 +0000

ಮೈಸೂರು,ಜನವರಿ ,25,2022(www.justkannada.in): ಪ್ರಧಾನಮಂತ್ರಿ ಆವಾಸ್ ಯೋಜನೆ ಮತ್ತು ರಾಜ್ಯ ಸರ್ಕಾರದ ಅಮೃತ ಹೌಸಿಂಗ್ ಯೋಜನೆ ಅಡಿ ಅರ್ಹರಿಗೆ ಮಂಜೂರಾತಿ ಪತ್ರ ವಿತರಣೆ ಕಾರ್ಯಕ್ರಮಕ್ಕೆ ಶಾಸಕ ಎಸ್.ಎ ರಾಮದಾಸ್ ಚಾಲನೆ ನೀಡಿದರು.

ಮೇಯರ್ ಸುನಂದಾ ಪಾಲನೇತ್ರ ಅಧ್ಯಕ್ಷತೆಯಲ್ಲಿ ವಿದ್ಯಾರಣ್ಯಪುರಂ ಶಾಸಕ ರಾಮದಾಸ್ ಕಚೇರಿ ಬಳಿ ಕಾರ್ಯಕ್ರಮ ನೆರವೇರಿತು. ಫಲಾನುಭವಿಗಳ ಪಟ್ಟಿಯನ್ನು ವೆಬ್ ಸೈಟ್ ಮೂಲಕ ಪ್ರಕಟಿಸಲಾಯಿತು.

ಪ್ರವಾಸೋದ್ಯಮ ಗೈಡ್, ಬೀದಿ ಬದಿ ವ್ಯಾಪಾರಿ, ಸ್ತ್ರೀ ಶಕ್ತಿ ಸಂಘದ ಪ್ರತಿನಿಧಿ, ಮಹಿಳಾ ಸೆಕ್ಸ್ ವರ್ಕರ್, ಮಾನಸಿಕ ವಿಶೇಷ ಚೇತನರು, ತೃತೀಯ ಲಿಂಗದವರಿಗೆ, ಕೋವಿಡ್ ನಿಂದ ಮೃತರಾದವರ ಕುಟುಂಬದವರಿಗೆ ಮಂಜೂರಾತಿ ಪತ್ರ ವಿತರಣೆ ಮಾಡಲಾಯಿತು.

Key words: mysore-MLA-SA Ramadas

ಜೆಸಿಬಿ ಏರಿ ಖಾಲಿ ಸೈಟ್ ಸ್ವಚ್ಛ ಮಾಡಿದ ಶಾಸಕ ಎಸ್.ಎ ರಾಮದಾಸ್…

mahesh — Tue, 15 Oct 2019 05:41:36 +0000

ಮೈಸೂರು,ಅ,15,2019(www.justkannada.in): ಮೈಸೂರಿನ ಕೆ.ಆರ್ ಕ್ಷೇತ್ರದ ಬಿಜೆಪಿ ಶಾಸಕ ಎಸ್.ಎ ರಾಮದಾಸ್ ಇಂದು ಜೆಸಿಬಿ ಏರಿ ಖಾಲಿ ಸೈಟ್ ನಲ್ಲಿ ಬೆಳಿದಿದ್ದ ಗಿಡಗಂಟೆಗಳ ಸ್ವಚ್ಛತಾಕಾರ್ಯ ಮಾಡಿದರು.

ಜೆ.ಪಿ‌.ನಗರದ ಪೊಲೀಸ್ ಬೂತ್‌ ಬಳಿ ಖಾಲಿ ಸೈಟ್‌ಗಳಲ್ಲಿ ಗಿಡಗಂಟೆಗಳ ಸ್ವಚ್ಚತೆ ಕಾರ್ಯಕ್ಕೆ ಶಾಸಕ ರಾಮದಾಸ್ ಚಾಲನೆ ನೀಡಿದರು. ಪಾಲಿಕೆಯಿಂದ 20ಸಾವಿರ ಸೈಟ್‌ಗಳ ಮಾಹಿತಿ ಸಂಗ್ರಹಿಸಲಾಗಿದ್ದು ಚದರಡಿಗೆ 2ರೂನಂತೆ ಸೈಟ್ ಮಾಲೀಕರಿಂದ ಸೆಸ್ ಸಂಗ್ರಹಿಸಲಾಗುತ್ತಿದೆ.

ಸೈಟ್ ಸ್ವಚ್ಛತೆ ಮಾಡಿದ ಬಳಿಕ ಚದರಡಿಗೆ 2ರೂ ನಂತೆ ಸೆಸ್ ಸಂಗ್ರಹಕ್ಕೆ ನಿಗದಿ ಮಾಡಿದ್ದು, ಖಾಲಿ ಸೈಟ್‌ಗಳ ಬಗ್ಗೆ ಮಾಹಿತಿ ರವಾನಿಸಲು ಶಾಸಕ ಎಸ್,ಎ ರಾಮದಾಸ್ ಸೂಚನೆ ನೀಡಿದರು. ಖಾಲಿ ಸೈಟ್‌ನಲ್ಲಿ ಬೆಳೆದಿರುವ ಗಿಡಗಂಟೆಗಳ ಫೋಟೋವನ್ನ ಮೈಸೂರು ಮಹಾನಗರ ಪಾಲಿಕೆ ವೆಬ್‌ಸೈಟ್‌ಗೆ ಅಪ್ಲೋಡ್ ಮಾಡಬೇಕು. ಸೈಟ್ ಸ್ವಚ್ಛತೆ ಮಾಡಿ ಸ್ವಚ್ಛವಾದ ಬಳಿಕ ಸೆಸ್ ಹಣ ನಿಗದಿ ಮಾಡಬೇಕು. ನಂತರ ನಿಗದಿ ಮಾಡಿದ ಹಣವನ್ನ ಟೆಂಡರ್‌ದಾರನಿಂದ ಸಂಗ್ರಹಿಸಬೇಕು ಎಂದು ರಾಮದಾಸ್ ತಿಳಿಸಿದರು. ಶಾಸಕರಿಗೆ ಸ್ಥಳೀಯ ಜನಪ್ರತಿನಿಧಿ ಹಾಗೂ ಅಧಿಕಾರಿಗಳು ಸಾಥ್ ನೀಡಿದ್ದಾರೆ.

Key words: mysore- MLA -SA Ramadas- JCB- cleaned up -Lake vacant -site.

ದಸರಾ‌ ಮಹೋತ್ಸವದ ಸಿದ್ದತಾ ಕಾರ್ಯ ಗಳಿಂದ ದೂರ ಉಳಿದ್ರಾ ಶಾಸಕರ ಎಸ್.ಎ ರಾಮದಾಸ್..?

mahesh — Sat, 31 Aug 2019 06:08:30 +0000

ಮೈಸೂರು,ಆ,31,2019(www.justkannada.in): ಮೈಸೂರು ದಸರಾ ಮಹೋತ್ಸವಕ್ಕೆ ಸಿದ್ಧತಾ ಕಾರ್ಯಗಳು ನಡೆಯುತ್ತಿದ್ದು, ಖುದ್ಧು ಜಿಲ್ಲಾ ಉಸ್ತುವಾರಿ ಸಚಿವ ವಿ.ಸೋಮಣ್ಣ ಅವರೇ ಎಲ್ಲಾ ಕಾರ್ಯಗಳಲ್ಲಿ ಭಾಗಿಯಾಗಿ ಸಿದ್ಧತಾ ಕಾರ್ಯಗಳಿಗೆ ಚುರುಕು ಮುಟ್ಟಿಸುತ್ತಿದ್ದಾರೆ.

ಆದರೆ ಮೈಸೂರಿನ ಪ್ರಭಾವಿ ಬಿಜೆಪಿ ಶಾಸಕರಾದ ಎಸ್,ಎ ರಾಮದಾಸ್ ಮಾತ್ರ ದಸರಾ‌ ಮಹೋತ್ಸವದ ಸಿದ್ದತಾ ಕಾರ್ಯ ಗಳಿಂದ ದೂರವೇ ಉಳಿದಿದ್ದಾರೆ ಎನ್ನಲಾಗಿದೆ. ಹೌದು ದಸರಾ ಕಾರ್ಯಕಾರಿ ಸಮಿತಿ ಸಭೆಗೆ ಹಾಗೂ ಗಜಪಡೆ ಸ್ವಾಗತ ಕಾರ್ಯಕ್ರಮಕ್ಕೆ ಗೈರಾಗಿದ್ದ ಶಾಸಕ ಎಸ್.ಎ ರಾಮದಾಸ್ ನಿನ್ನೆ ಸಿಎಂ ಬಿಎಸ್ ವೈ ಮೈಸೂರಿಗೆ ಬಂದಾಗ ಕಾಣಿಸಿಕೊಂಡಿದ್ದರು. ಆದರೆ ಇದೀಗ ಸಚಿವ ವಿ.‌ಸೋಮಣ್ಣ ಅವರು ನಗರ ಸಂಚಾರ ಹಾಕಿ ಸಮಸ್ಯೆ ಪರಿಶೀಲಿಸಿದರೂ ಶಾಸಕ ರಾಮದಾಸ್ ಸಿಟಿರೌಂಡ್ಸ್ ಗೆ ಆಗಮಿಸಲಿಲ್ಲ.

ದಸರಾ ಮಹೋತ್ಸವ ಹಿನ್ನೆಲೆ ಇಂದು ಸಚಿವ ವಿ.ಸೋಮಣ್ಣ ಸಿಟಿ ರೌಂಡ್ಸ್ ಹಾಕಿ ಪರಿಶೀಲಿಸಿದರು. ಹಾಗೆಯೇ ಜಂಬೂ ಸವಾರಿ ಸಾಗುವ ಮಾರ್ಗದಲ್ಲಿ ಖುದ್ದು ಹೆಜ್ಜೆ ಹಾಕಿ ಸಮಸ್ಯೆ ವೀಕ್ಷಿಸಿದರು. ಸಚಿವರಿಗೆ ಸಂಸದ ಪ್ರತಾಪ್ ಸಿಂಹ, ಶಾಸಕ ಎಲ್. ನಾಗೇಂದ್ರ ಸಾಥ್ ನೀಡಿದ್ದರು. ಆದರೆ ಸಚಿವ ವಿ.ಸೋಮಣ್ಣ ಸಿಟಿ ರೌಂಡ್ಸ್ ಗೆ ಶಾಸಕ ಎಸ್.ಎ ರಾಮದಾಸ್ ಮಾತ್ರ ಗೈರಾಗಿದ್ದರು.

ಸ್ವಕ್ಷೇತ್ರ ಕೆ.ಆರ್. ಕ್ಷೇತ್ರದ ವ್ಯಾಪ್ತಿಯಲ್ಲೇ ಸಚಿವರು ಪರಿಶೀಲನೆ ನಡೆಸಿದರೂ ಶಾಸಕ ರಾಮದಾಸ್ ಹಾಜರಾಗಿರಲಿಲ್ಲ. ಸಚಿವ ವಿ. ಸೋಮಣ್ಣ ಅವರಿಗೆ ವಿಪಕ್ಷ ಶಾಸಕರಿಂದಲೇ ಬೆಂಬಲ ನೀಡುತ್ತಿದ್ದಾರೆ. ದಸರಾ ಆಚರಣೆ ಉತ್ತಮವಾಗಿ‌ ನಡೆಯಲಿ ಎಂದು ವಿಪಕ್ಷ ಶಾಸಕರು ಆಶಯ ವ್ಯಕ್ತಪಡಿಸಿದರೇ ಸ್ವ ಪಕ್ಷೀಯ ಶಾಸಕರೇ ಸಚಿವರಿಗೆ ಸಹಕಾರ ನೀಡುತ್ತಿಲ್ಲವೆ ಎಂಬ ಪ್ರಶ್ನೆ ಮೂಡಿದೆ.

ಶೋಭಾ‌‌ ಕರಂದ್ಲಾಜೆ ಸಚಿವರಾಗಿದ್ದ ಅವಧಿಯಲ್ಲೂ ದಸರೆಯಿಂದ ಶಾಸಕ ರಾಮದಾಸ್ ದೂರ ಉಳಿದಿದ್ದರು. ಇದೀಗ ಸಚಿವ ಸ್ಥಾನ ಸಿಗದಿದ್ದಕ್ಕೆ ಶಾಸಕ ರಾಮದಾಸ್ ಮುನಿಸಿಕೊಂಡಿದ್ದಾರೆ ಎನ್ನಲಾಗಿದೆ.

Key words: mysore- MLA- SA Ramadas – away-dasara -Preparation work