ಈ ಬಗ್ಗೆ ಮೈಸೂರಿನ ಹಿರಿಯ ವಕೀಲ ಅ.ಮ.ಭಾಸ್ಕರ್‌ ಅವರ ಜತೆ “ಜಸ್ಟ್‌ ಕನ್ನಡ” ನಡೆಸಿದ ಸಂದರ್ಶನದ ಪೂರ್ಣಪಾಠ ಹೀಗಿದೆ..

ಮಾಫಿಸಾಕ್ಷಿ ಎಂದರೆ ಏನು?

ಪ್ರಕರಣದಲ್ಲಿ ಭಾಗಿಯಾಗಿದ್ದ ಅಥವಾ ಪ್ರಕರಣದ ಬಗ್ಗೆ ನೇರ/ಪರೋಕ್ಷ ಮಾಹಿತಿ ಹೊಂದಿರುವ ಆರೋಪಿಗೆ, ತನ್ನ ಪಾತ್ರವನ್ನೂ ಒಳಗೊಂಡಂತೆ ಅಪರಾಧದ ಸಂಪೂರ್ಣ ಮತ್ತು ಸತ್ಯವಾದ ವಿವರಗಳನ್ನು ಬಹಿರಂಗಪಡಿಸುವ ಷರತ್ತಿನ ಮೇಲೆ ಕ್ಷಮಾದಾನ (pardon) ನೀಡಲಾಗುತ್ತದೆ. ನಂತರ ಆತ/ಆಕೆ ಇತರ ಆರೋಪಿಗಳ ವಿರುದ್ಧ ಪ್ರಮುಖ ಸಾಕ್ಷಿಯಾಗಿ ನ್ಯಾಯಾಲಯದ ಮುಂದೆ ಸಾಕ್ಷ್ಯ ನೀಡುತ್ತಾರೆ. BNSS ಸೆಕ್ಷನ್ 343 ಇದಕ್ಕೆ ಅವಕಾಶ ನೀಡುತ್ತದೆ.

ಇದರಿಂದ ಉಳಿದ ಆರೋಪಿಗಳ ಮೇಲೆ ಆಗುವ ಪ್ರಮುಖ ಪರಿಣಾಮಗಳು

೧. ಪ್ರಕರಣದ ತನಿಖೆ/ವಿಚಾರಣೆಗೆ ಬಲವಾದ ಸಾಕ್ಷಿ ಸಿಗಬಹುದು

ಮಾಫಿಸಾಕ್ಷಿ ಸ್ವತಃ ಪ್ರಕರಣದಲ್ಲಿ ಭಾಗಿಯಾಗಿದ್ದ ವ್ಯಕ್ತಿಯಾಗಿರುವುದರಿಂದ, ಅಪರಾಧ ಹೇಗೆ ನಡೆದಿದೆ, ಯಾರು ಭಾಗಿಯಾಗಿದ್ದರು, ಯಾರ ಪಾತ್ರ ಏನು ಎಂಬ ಬಗ್ಗೆ ನೇರ ಮಾಹಿತಿ ನೀಡಬಹುದು.

2. ಉಳಿದ ಆರೋಪಿಗಳ ವಿರುದ್ಧ ಸಾಕ್ಷ್ಯ ಬಲಪಡಬಹುದು

ಮಾಫಿಸಾಕ್ಷಿಯ ಹೇಳಿಕೆಯನ್ನು ಇತರ ಸಾಕ್ಷ್ಯಗಳು, ದಾಖಲೆಗಳು, ವಸ್ತುಸ್ಥಿತಿ ಮುಂತಾದವುಗಳೊಂದಿಗೆ ಪರಿಗಣಿಸಿ ನ್ಯಾಯಾಲಯ ಉಳಿದ ಆರೋಪಿಗಳ ವಿರುದ್ಧ ಪ್ರಕರಣವನ್ನು ಮೌಲ್ಯಮಾಪನ ಮಾಡುತ್ತದೆ. ಆದರೆ ಮಾಫಿಸಾಕ್ಷಿಯ ಹೇಳಿಕೆ ಬಂದ ತಕ್ಷಣ ಉಳಿದ ಆರೋಪಿಗಳು ತಪ್ಪಿತಸ್ಥರಾಗುವುದಿಲ್ಲ; ಅಂತಿಮವಾಗಿ ನ್ಯಾಯಾಲಯವೇ ಸಾಕ್ಷ್ಯದ ವಿಶ್ವಾಸಾರ್ಹತೆಯನ್ನು ನಿರ್ಧರಿಸುತ್ತದೆ.

3. ಮಾಫಿಸಾಕ್ಷಿ ಸಾಕ್ಷಿದಾರನಾಗುತ್ತಾನೆ

ಕ್ಷಮಾದಾನ ಸ್ವೀಕರಿಸಿದ ವ್ಯಕ್ತಿಯನ್ನು ಮ್ಯಾಜಿಸ್ಟ್ರೇಟ್ ಮುಂದೆ ಹಾಗೂ ನಂತರದ ವಿಚಾರಣೆಯಲ್ಲೂ ಸಾಕ್ಷಿಯಾಗಿ ಪರೀಕ್ಷಿಸಬೇಕು. ಸಾಮಾನ್ಯವಾಗಿ ವಿಚಾರಣೆ ಮುಗಿಯುವವರೆಗೆ, ಜಾಮೀನಿನಲ್ಲಿ ಇಲ್ಲದಿದ್ದರೆ, ಆತನನ್ನು ಕಸ್ಟಡಿಯಲ್ಲಿ ಇರಿಸಬೇಕೆಂದು ಸೆಕ್ಷನ್ 343 ಹೇಳುತ್ತದೆ.

4. ನ್ಯಾಯಾಲಯಕ್ಕೆ ಪ್ರಮುಖ ಮಾಹಿತಿಯನ್ನು ಪಡೆಯುವ ಅವಕಾಶ

ಪ್ರಕರಣದ ಸಂಪೂರ್ಣ ಜಾಲವನ್ನು ಪತ್ತೆಹಚ್ಚಲು ಮಾಫಿಸಾಕ್ಷಿಯ ಸಾಕ್ಷ್ಯ ಸಹಾಯಕವಾಗಬಹುದು. ವಿಶೇಷವಾಗಿ ಹಲವು ಆರೋಪಿಗಳು, ಸಂಚು, ಹಣದ ವ್ಯವಹಾರ ಅಥವಾ ಸಂಘಟಿತ ಅಪರಾಧದಂತಹ ಪ್ರಕರಣಗಳಲ್ಲಿ ಇದರ ಮಹತ್ವ ಹೆಚ್ಚಾಗಬಹುದು.

ಆದರೆ ಮಾಫಿಸಾಕ್ಷಿಯಾಗುವ ವ್ಯಕ್ತಿಗೂ ಅಪಾಯವಿದೆ

ಇದು “ಒಮ್ಮೆ ಮಾಫಿ ಸಿಕ್ಕಿತು ಎಂದರೆ ಸಂಪೂರ್ಣವಾಗಿ ಕಾನೂನುಬದ್ಧ ರಕ್ಷಣೆ ಸಿಕ್ಕಿತು” ಎಂಬ ಅರ್ಥವಲ್ಲ.

ಮಾಫಿಸಾಕ್ಷಿಯು ನೀಡಿರುವ ಷರತ್ತಿನಂತೆ ಪೂರ್ಣ ಮತ್ತು ಸತ್ಯವಾದ ಮಾಹಿತಿ ನೀಡಬೇಕು. ಪ್ರಮುಖ ವಿಷಯವನ್ನು ಉದ್ದೇಶಪೂರ್ವಕವಾಗಿ ಮರೆಮಾಚಿದರೆ ಅಥವಾ ಸುಳ್ಳು ಸಾಕ್ಷ್ಯ ನೀಡಿದರೆ, ಆತನಿಗೆ ನೀಡಿದ್ದ ಕ್ಷಮಾದಾನವನ್ನು ಕಳೆದುಕೊಂಡು ಮತ್ತೆ ವಿಚಾರಣೆಗೆ ಒಳಪಡಿಸಬಹುದು.

ಅಂತಹ ಸಂದರ್ಭದಲ್ಲಿ:

ಮೂಲ ಅಪರಾಧಕ್ಕೆ ಸಂಬಂಧಿಸಿದಂತೆ ಆತನ ವಿರುದ್ಧವೂ ವಿಚಾರಣೆ ನಡೆಯಬಹುದು;

ಅದೇ ಪ್ರಕರಣಕ್ಕೆ ಸಂಬಂಧಿಸಿದ ಇತರ ಅಪರಾಧಗಳಿಗೂ ವಿಚಾರಣೆ ಎದುರಿಸಬಹುದು;

ಸುಳ್ಳು ಸಾಕ್ಷ್ಯ ನೀಡಿದ ಆರೋಪವೂ ಎದುರಾಗಬಹುದು;

ಆದರೆ ಆತನನ್ನು ಉಳಿದ ಆರೋಪಿಗಳೊಂದಿಗೆ ಜಂಟಿಯಾಗಿ ವಿಚಾರಣೆ ನಡೆಸಬಾರದು ಎಂಬ ನಿರ್ದಿಷ್ಟ ನಿಯಮವಿದೆ.

ಯಾವ ಹಂತದಲ್ಲಿ ಮಾಫಿ ನೀಡಬಹುದು?

BNSS ಸೆಕ್ಷನ್ 343ರ ಅಡಿಯಲ್ಲಿ, ಪ್ರಕರಣದ ತನಿಖೆ, ವಿಚಾರಣೆ ಅಥವಾ ಟ್ರಯಲ್ ಹಂತದಲ್ಲಿಯೇ ಸಂಬಂಧಪಟ್ಟ ಮ್ಯಾಜಿಸ್ಟ್ರೇಟ್ ಕೆಲವು ಪ್ರಕರಣಗಳಲ್ಲಿ ಕ್ಷಮಾದಾನ ನೀಡಬಹುದು. ಗಂಭೀರ ಅಪರಾಧಗಳು—ಸೆಷನ್ಸ್ ಕೋರ್ಟ್‌ನಲ್ಲಿ ವಿಚಾರಣೆಯಾಗುವ ಅಥವಾ ಏಳು ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಶಿಕ್ಷೆ ಇರುವ ಅಪರಾಧಗಳು—ಈ ವ್ಯವಸ್ಥೆಯ ವ್ಯಾಪ್ತಿಗೆ ಬರುತ್ತವೆ.

ಪ್ರಕರಣ ಸೆಷನ್ಸ್ ಕೋರ್ಟ್‌ಗೆ ಕಮಿಟ್ ಆದ ನಂತರವೂ, ತೀರ್ಪು ಬರುವ ಮೊದಲು, ಸಂಬಂಧಪಟ್ಟ ನ್ಯಾಯಾಲಯವು ಮಾಫಿಸಾಕ್ಷಿಯಾಗಲು ವ್ಯಕ್ತಿಗೆ ಕ್ಷಮಾದಾನ ನೀಡುವ ಅಧಿಕಾರ ಹೊಂದಿದೆ (BNSS ಸೆಕ್ಷನ್ 344).

ಸರಳ ಉದಾಹರಣೆ

ಒಂದು ಕೊಲೆ ಪ್ರಕರಣದಲ್ಲಿ A, B, C ಮತ್ತು D ಆರೋಪಿಗಳಿದ್ದಾರೆ ಎಂದುಕೊಳ್ಳಿ.

A — ಪ್ರಮುಖ ಸಂಚುಕೋರ

B — ಹಣಕಾಸು ವ್ಯವಸ್ಥೆ ಮಾಡಿದವನು

C — ಘಟನೆ ನಡೆದ ಸ್ಥಳಕ್ಕೆ ಇತರರನ್ನು ಕರೆದುಕೊಂಡು ಹೋದವನು

D — ಕೃತ್ಯದಲ್ಲಿ ಭಾಗಿಯಾಗಿದ್ದವನು

D ಮಾಫಿಸಾಕ್ಷಿಯಾಗಲು ಒಪ್ಪಿಕೊಂಡು, ತನ್ನ ಪಾತ್ರವನ್ನೂ ಮರೆಮಾಚದೆ A, B, C ಅವರ ಪಾತ್ರದ ಬಗ್ಗೆ ಸಂಪೂರ್ಣ ಸತ್ಯ ಹೇಳಿದರೆ, ಆತನ ಸಾಕ್ಷ್ಯವನ್ನು ಪ್ರಕರಣದಲ್ಲಿ ಬಳಸಬಹುದು. ಆದರೆ D ಸುಳ್ಳು ಹೇಳಿದರೆ ಅಥವಾ Aನ ಪಾತ್ರವನ್ನು ಮರೆಮಾಚಿದರೆ, Dಗೆ ನೀಡಿದ ಕ್ಷಮಾದಾನವೇ ಅಪಾಯಕ್ಕೆ ಸಿಲುಕಬಹುದು.

ಮುಖ್ಯವಾಗಿ: ಮಾಫಿಸಾಕ್ಷಿಯ ಹೇಳಿಕೆ ಮಾತ್ರವೇ ಅಂತಿಮ ತೀರ್ಪಿಗೆ ಸಾಕು ಎಂದು ಸರಳವಾಗಿ ಹೇಳಲಾಗುವುದಿಲ್ಲ. ಆತನ ಸಾಕ್ಷ್ಯದ ವಿಶ್ವಾಸಾರ್ಹತೆ, ಇತರ ಸಾಕ್ಷ್ಯಗಳ ಹೊಂದಾಣಿಕೆ ಮತ್ತು ಪ್ರಕರಣದ ಒಟ್ಟಾರೆ ಸಾಕ್ಷ್ಯಗಳನ್ನು ನ್ಯಾಯಾಲಯ ಪರಿಶೀಲಿಸುತ್ತದೆ.

Key words: Impact, of an Approver, in a Criminal Case, Darshan, boss, Kannada film

SUMMARY: 

Impact of an Approver in a Criminal Case

An approver (pardon witness) is an accused who is granted pardon on the condition that they make a full and truthful disclosure of the offence and the roles of other accused.

The approver becomes a prosecution witness against the other accused.

Their testimony can significantly strengthen the prosecution case, especially regarding the roles and involvement of co-accused. However, conviction cannot be automatic merely because an accused becomes an approver. The court assesses the credibility of the testimony along with other evidence.

If the approver conceals material facts or gives false evidence, the pardon can be withdrawn, and the approver may also face trial. Under the BNSS, 2023, pardon to an accused can be granted during investigation, inquiry or trial, subject to statutory conditions.

In short: An approver can become a crucial witness for the prosecution, but their evidence must withstand judicial scrutiny.

The post “ಮಾಫಿಸಾಕ್ಷಿ” (Approver) ಪ್ರಕರಣದ ದಿಕ್ಕನ್ನೇ ಬದಲಾಯಿಸಬಲ್ಲ ಪ್ರಮುಖ ಕಾನೂನು ಪ್ರಕ್ರಿಯೆ.! appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.

ಮೈಸೂರು, ಸೆ.25,2024 (www.justkannada.in news) ಇತ್ತೀಚೆಗೆ ಸೋಷಿಯಲ್‌ ಮೀಡಿಯಾಗಳು ಅತಿ ಹೆಚ್ಚು ಪ್ರಭಾವಿಯಾಗುತ್ತಿದ್ದು ಮಾಧ್ಯಮಗಳನ್ನು ಅದರಲ್ಲೂ ಎಲೆಕ್ಟ್ರಾನಿಕ್‌ ಮೀಡಿಯಾದವರನ್ನು ಟ್ರೋಲ್‌ ಮಾಡುವ ಪರಿಪಾಟು ಹೆಚ್ಚುತ್ತಿದೆ.

ಖಾಸಗಿ ವಾಹಿನಿಯೊಂದರ ನ್ಯೂಸ್‌ ಆಂಕ್ಯರ್‌ ಬಳಿಸಿ “ ಶೆಡ್ಡಿಗೆ..ಬಾ..” ಡೈಲಾಗ್‌ ಅತೀ ಹೆಚ್ಚು ಬಳಕೆಗೆ ಬಂದಿತ್ತಾದರೂ, ಆ ಪದ ಬಳಕೆಗೆ ಸಾಮಾನ್ಯ ವರ್ಗದಿಂದ ತೀವ್ರ ಆಕ್ಷೇಪ ವ್ಯಕ್ತವಾಗಿತ್ತು. ಘನತೆ, ವೃತ್ತಿಪರತೆ ಮೆರೆಯಬೇಕಾಗಿದ್ದ ಮಾಧ್ಯಮಗಳ ಅಧೋಗತಿ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಕಳವಳ ವ್ಯಕ್ತಪಡಿಸಲಾಗಿತ್ತು. ಕೆಲವಂತೂ ಆಂಕ್ಯರ್‌ ಗಿಂತ ನಾವೇನು ಕಮ್ಮಿ ಎಂಬಂತೆ ಅತಿರೇಕದ ಕಮೆಂಟ್ ಗಳನ್ನು ಮಾಡಿದ್ದರು.

ಇದೀಗ ಅದೇ ವಾಹಿನಿಯೂ ನಟ ದರ್ಶನ್‌ ಅಭಿನಯದ “ಕುರುಕ್ಷೇತ್ರ” ಸಿನಿಮಾ ಉಲ್ಲೇಖಿಸಿ ಈ ಚಿತ್ರದಲ್ಲಿ ನಟಿಸಿರುವ ಕಲಾವಿದರಿಗೆ ಕಂಟಕ ಎಂಬರ್ಥದ ಸ್ಪೆಷಲ್‌ ಪ್ರೋಗ್ರಾಂ ಪ್ರಸಾರ ಮಾಡಿದ್ದು, ಇದಕ್ಕೂ ನೆಟ್ಟಿಗರಿಂದ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಕೆಲವರು ಇದು ಕಾಕತಾಳೀಯವಾಗಿರಬಹುದು. ಆದರೆ ನಿಜ ಎನಿಸುತ್ತದೆ ಎಂದು ಅಭಿಪ್ರಾಯಪಟ್ಟಿದ್ದರೆ, ಮತ್ತೆ ಕೆಲವರು ಮೂಢನಂಬಿಕೆ ಬಿತ್ತುವ ವಾಹಿನಿ ಧೋರಣೆಯನ್ನು ಖಂಡಿಸಿದ್ದಾರೆ.

ಅಷ್ಟಕ್ಕೂ ಏನಿದು ಪ್ರೋಗ್ರಾಂ:

“ಕುರುಕ್ಷೇತ್ರ” ಸಿನಿಮಾದಲ್ಲಿ ಭೀಷ್ಮನ ಪಾತ್ರಧಾರಿಯಾಗಿದ್ದ ನಟ ಅಂಬರೀಶ್‌ ಶರಶಯ್ಯೆಯಲ್ಲಿ ಮಲಗಿ ಪ್ರಾಣ ಬಿಡುವ ದೃಶ್ಯವಿದೆ. ಆದರೆ ಸಿನಿಮಾ ಬಿಡುಗಡೆಗೂ ಮುನ್ನವೇ ಅಂಬರೀಷ್‌ ನಿಧನರಾದರು ಎಂದು ಹೇಳಲಾಗಿದೆ. ನಂತರ ಅಭಿಮನ್ಯುವಿನ ಪಾತ್ರಧಾರಿಯಾಗಿ ನಟಿಸಿದ್ದ ನಿಖಿಲ್‌ ಕುಮಾರಸ್ವಾಮಿ,  ಸಿನಿಮಾದಲ್ಲಿ ಚಕ್ರವ್ಯೂಹ ಬೇಧಿಸಲು ವಿಫಲವಾದಂತೆ, ಮಂಡ್ಯ ಹಾಗೂ ರಾಮನಗರ ಚುನಾವಣೆಗಳಲ್ಲಿ ಸೋಲು ಅನುಭವಿಸಿದ್ದನ್ನು ಉದಾಹರಿಸಲಾಗಿದೆ.

ಇದೇ ರೀತಿ ದುರ್ಯೋಧನ (ನಟ ದರ್ಶನ್‌ ) ಮಡದಿಯ ಪಾತ್ರಧಾರಿಯಾಗಿ ನಟಿಸಿದ್ದ ಮೇಘನಾ ರಾಜ್‌ , ನಿಜ ಜೀವನಲ್ಲಿ ಪ್ರೀತಿಸಿ ಮದುವೆಯಾದ ಪತಿ ಚಿರಂಜೀವಿ ಸರ್ಜಾ ರನ್ನು ಕಳೆದುಕೊಂಡರು ಎಂದು ವಿಶ್ಲೇಷಿಸಲಾಗಿದೆ.

ಎಲ್ಲಾದಕ್ಕಿಂತಲೂ ಪ್ರಮುಖವಾಗಿ ಸಿನಿಮಾದ ನಾಯಕ ನಟ ದರ್ಶನ್‌  ಹಾಗೂ ನಿರ್ಮಾಪಕ ಮುನಿರತ್ನ ಹಲವಾರಿ ಸಂಕಷ್ಟಗಳನ್ನು ಎದುರಿಸುತ್ತಿದ್ದಾರೆ. ನಟ ದರ್ಶನ್ ಕೊಲೆ ಆರೋಪದ ಮೇಲೆ ಜೈಲಿಗೋದರೆ, ನಿರ್ಮಾಪಕ ಮುನಿರತ್ನ ಕೂಡ ಧಮ್ಕಿ, ಜಾತಿನಿಂಧನೆ ಹಾಗೂ ಅತ್ಯಾಚಾರದ ಆರೋಪಗಳನ್ನು ಎದುರಿಸುತ್ತಿದ್ದು ಜೈಲಿನಲ್ಲಿದ್ದಾರೆ ಎಂಬ ನಿರೂಪಣೆ ಕಾರ್ಯಕ್ರಮದಲ್ಲಿ ವ್ಯಕ್ತವಾಗಿದೆ.

ಟ್ರೋಲಿಗರು ಏನಂದ್ರು:

ವಾಹಿನಿಯ ಕಾರ್ಯಕ್ರಮವನ್ನು ಲೇವಡಿ ಮಾಡಿರುವ ನೆಟ್ಟಿಗರು ಹಾಗಾದ್ರೆ, “ ರಕ್ತ ಕಣ್ಣೀರು”  ಸಿನಿಮಾ ಮಾಡಿದ ನಟನಿಗೆ ಕುಷ್ಠ ರೋಗ ಬರಬೇಕಿತ್ತಲ್ವಾ ಎಂದು ಕಿಚಾಯಿಸಿದ್ದಾರೆ. ಅವರವರು ಮಾಡಿದ ತಪ್ಪಿಗೆ ಜೈಲು ಶಿಕ್ಷೆ ಅನುಭವಿಸುತ್ತಿದ್ದಾರೆ. ಇದಕ್ಕ್ಯಾಕೆ ಸಿನಿಮಾ ಕಾರಣ ಎಂದು ಎಳೆದು ತರುತ್ತೀರಿ ಎಂದು ಮತ್ತೆ ಕೆಲವರು ಕಿಡಿಕಾರಿದ್ದಾರೆ.

ಗಾಜಿನ ಮನೆ:

ನಟ ದರ್ಶನ್‌ ಪ್ರಕರಣದಲ್ಲಿ ಖಾಸಗಿ ವಾಹಿನಿಯೊಂದರ ನ್ಯೂಸ್‌ ಆಂಕ್ಯರ್‌ ಕುಡಿದು ಸಾರ್ವಜನಿಕ ಸ್ಥಳದಲ್ಲಿ ಕಾರನ್ನು ಹತ್ತಲು ಯತ್ನಿಸುತ್ತಿರುವ ವಿಡಿಯೋವೊಂದು ವೈರಲ್‌ ಆಗಿತ್ತು. ಮಾತ್ರವಲ್ಲದೆ, ಚಾನಲ್‌ ನ ಆಂಕ್ಯರ್‌ ನ ಆನ್‌ ಸ್ಕ್ರೀನ್‌ ಹಾಗೂ ಆಫ್‌ ಸ್ಕ್ರೀನ್‌ ವರ್ತನೆ ಬಗೆಗೆ ತೀವ್ರ ಟೀಕೆಗಳು ಕೇಳಿ ಬಂದಿದ್ದನ್ನು ಇಲ್ಲಿ ಸ್ಮರಿಸಿಕೊಳ್ಳಬಹುದು.

key words: “Kurukshetra”, Kannada film, program, targeted, netizens’,trolls.!

SUMMARY:

Referring to the movie “Kurukshetra” starring actor Darshan, a special program was aired for the artists who acted in this movie, and this also received a response from the netizens. Some may call it a coincidence. But if they are of the opinion that it seems true, some others have condemned the channel’s attitude of sowing superstition.

The post ನೆಟ್ಟಿಗರ ಟ್ರೋಲಿಗೆ ಗುರಿಯಾದ “ಕುರುಕ್ಷೇತ್ರ” ಪ್ರೋಗ್ರಾಂ..! appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.

ಬೆಂಗಳೂರು, ಜೂನ್ 14,2022: (www.justkannada.in news ) ನಾಯಿ ಮತ್ತು ಮನುಷ್ಯ ಪ್ರೀತಿಯನ್ನು ಅನಾವರಣಗೊಳಿರುವ 777 ಚಾರ್ಲಿ ಕನ್ನಡ ಚಲನ ಚಿತ್ರ ವೀಕ್ಷಿಸಿದ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ‘ತಮ್ಮ ಮನೆಯಲ್ಲಿದ್ದ ಪ್ರೀತಿಯ ನಾಯಿ ‘ ಸನ್ನಿ’ ಯನ್ನು ನೆನಪಿಸಿಕೊಂಡು ಭಾವುಕರಾದರು. ದುಃಖ ತಡೆಯಲಾಗದೇ ಕಣ್ಣೀರು ಹಾಕಿದರು.

ಮನುಷ್ಯ ಮತ್ತು ನಾಯಿಯ ನಡುವಿನ ಪ್ರೀತಿ, ಯಾವುದೇ ಕಟ್ಟುಪಾಡಿಲ್ಲದ (unconditional) ಪ್ರೀತಿಗೆ ಉತ್ತಮ ಉದಾಹರಣೆ. ಅತ್ಯಂತ ಪರಿಶುದ್ಧ ಪ್ರೀತಿ ಇದು ಎಂದು ಮುಖ್ಯಮಂತ್ರಿಗಳು ಗದ್ಗದಿತರಾಗಿ ನುಡಿದರು. ನಾಯಕನಟ ರಕ್ಷಿತ ಶೆಟ್ಟಿ ಮನೋಜ್ಞ ವಾಗಿ ನಟಿಸಿದ್ದಾರೆ ಎಂದ ಸಿಎಂ ಬೊಮ್ಮಾಯಿ ಅವರು ಹೇಳಿದಿಷ್ಟು…

ಈಗ ನಾನು ಮನೆಯಲ್ಲಿ ಹೆಣ್ಣುನಾಯಿ ಟಿಯಾ’ಳನ್ನು ಸಾಕುತ್ತಿರುವೆ. ಈ ಸಿನಿಮಾ ನೋಡಲು ಜನರ ದಟ್ಟಣೆ ನೋಡಿದಾಗ ಪ್ರಾಣಿ ಮತ್ತು ಮನುಷ್ಯ ನ ಸಂಬಂಧ ವಿರುವ ಚಿತ್ರ ನೋಡಬೇಕು ಎಂದೆನಿಸಿತ್ತು. ರಕ್ಷಿತ್ ಅವರೂ ಚಿತ್ರ ವೀಕ್ಷಿಸಬೇಕೆಂದು ಕರೆದಿದ್ದರು. ಹಾಗಾಗಿ ಚಿತ್ರ ನೋಡಿದಂತಾಯಿತು.
ಮನುಷ್ಯ ಮತ್ತು ಪ್ರಾಣಿಗಳ ಸಂಬಂಧ ಅದರಲ್ಲಿಯೂ ನಾಯಿ , ಮನುಷ್ಯನನ್ನು ಅತ್ಯಂತ ಪ್ರೀತಿಸುವ ಪ್ರಾಣಿ. ಮನುಷ್ಯನೂ ನಾಯಿಯನ್ನು ಪ್ರೀತಿಸುತ್ತಾನೆ. ಸಂಬಂಧಗಳನ್ನು ಮಾರ್ಮಿಕ ಮತ್ತು ಸೂಕ್ಷ್ಮವಾಗಿ ಭಾವನಾತ್ಮಕವಾಗಿ ತೆಗೆದಿದ್ದಾರೆಚಿತ್ರದ ನಿರ್ದೇಶಕರು.

ತಜ್ಞರೊಂದಿಗೆ ಚರ್ಚೆ

ಬೀದಿನಾಯಿಗಳನ್ನು ಸೂಕ್ತ ರೀತಿಯಲ್ಲಿ ನೋಡಿಕೊಳ್ಳಲು ತಜ್ಞರೊಂದಿಗೆ ಚರ್ಚಿಸಿ ಕ್ರಮಗಳನ್ನು ತೆಗೆದುಕೊಳ್ಳುವ ಬಗ್ಗೆ ತೀರ್ಮಾನಿಸಲಾಗುವುದು ಎಂದು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ತಿಳಿಸಿದರು.
ನಾಯಿಗಳ ತರಬೇತಿ ನೀಡುವವರಿಗೆ ಪ್ರೋತ್ಸಾಹ ನೀಡುವ ವಿಶೇಷ ಕಾರ್ಯಕ್ರಮ ರೂಪಿಸುವ ಚಿಂತನೆ ಇದೆ. ಬೀದಿನಾಯಿಗಳನ್ನು ದತ್ತು ತೆಗೆದುಕೊಳ್ಳಬೇಕು. ಪ್ರಾಣಿಗಳನ್ನು ಹಿಂಸಿಸಬಾರರು. ಬೀದಿನಾಯಿಗಳನ್ನು ಹಾಗೂ ಇತರೆ ಪ್ರಾಣಿಗಳನ್ನು ರಕ್ಷಿಸಬೇಕು ಹಾಗೂ ಸಾಧ್ಯವಾದರೆ ದತ್ತು ಪಡೆಯಬೇಕು. ಯಾರೂ ಇಲ್ಲದ ಪ್ರಾಣಿಗಳನ್ನು ದತ್ತು ಪಡೆದು ಸಾಕಿದರೆ ಉಪಕಾರವಾಗುತ್ತದೆ. ಅವುಗಳಿಂದ ಹೆಚ್ಚಿನ ಪ್ರೀತಿ, ಸಂತೋಷ ಹಾಗೂ ಮನಸ್ಸಿಗೆ ನೆಮ್ಮದಿ ದೊರೆಯುತ್ತದೆ. ಮನೋಜ್ಞ ಕಥೆಯನ್ನು ನಿರ್ದೇಶಕ ಕಿರಣ್ ಚಿತ್ರಿಸಿದ್ದಾರೆ. ನಾಯಿ ಜೊತೆಗೆ ಪಾತ್ರ ಮಾಡುವುದು ಸುಲಭದ ಮಾತಲ್ಲ. ಅದರ ಭಾವನೆಯ ಮಟ್ಟಕ್ಕೆ ಹೋಗಿ ಪಾತ್ರ ನಿಭಾಯಿಸಬೇಕಾಗುತ್ತದೆ. ರಕ್ಷಿತ್ ಶೆಟ್ಟಿ ಅವರ ಪಾತ್ರವನ್ನು ಅದ್ಭುತವಾಗಿ ಅಭಿನಯಿಸಿದ್ದಾರೆ. ರಕ್ಷಿತ್ ಶೆಟ್ಟಿ ಹಾಗೂ ನಿರ್ದೇಶಕ ಕಿರಣ್ ಅದ್ಭುತ ಸಿನಿಮಾ ಮಾಡಿದ್ದಾರೆ.

ಎಲ್ಲರೂ ಪ್ರಾಣಿಪ್ರೇಮಿಗಳಾಗಲು ಸಿಎಂ ಕರೆ

ಕನ್ನಡ ಚಿತ್ರರಂಗ ಅಂತರರಾಷ್ಟ್ರೀಯ ಮಟ್ಟದ ಸಾಧನೆಯನ್ನು ಮಾಡುತ್ತಿದೆ. ಈ ಬಗ್ಗೆ ನಮಗೆ ಹೆಮ್ಮೆ ಇದೆ. ಕೆ.ಜಿ.ಎಫ್ 2 ಹಿನ್ನೆಲೆಯಲ್ಲಿ ಒಂದು ಅರ್ಥಪೂರ್ಣ, ಮನೋಜ್ಞವಾಗಿ ರುವ ಚಿತ್ರವನ್ನು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಮಾಡಬಹುದು ಎಂದು ನಿರೂಪಿಸಿದ್ದಾರೆ. ಚಿತ್ರ ಅಂತರರಾಷ್ಟ್ರೀಯ ಮನ್ನಣೆಯನ್ನು ಪಡೆದಿದೆ. ಚಿತ್ರವನ್ನು ಎಲ್ಲರೂ ವೀಕ್ಷಿಸಿ ಪ್ರಾಣಿಗಳ ಪ್ರೇಮಿಗಳಾಗಬೇಕು ಎಂದು ಕರೆ ನೀಡಿದರು.

ಕನ್ನಡಕ್ಕೆ ಚಿತ್ರರಂಗ ಅಂತರರಾಷ್ಟ್ರೀಯ ಸ್ಥಾನವನ್ನು ಕಲ್ಪಿಸಿಕೊಟ್ಟಿದೆ. ಕನ್ನಡ ಸಿನಿಮಾಗಳು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿ ಪಡೆಯುವಂಥ ಚಿತ್ರಗಳನ್ನು ನಿರ್ಮಿಸುತ್ತಿದ್ದಾರೆ. ಬರುವ ದಿನಗಳಲ್ಲಿ ಕನ್ನಡ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಬಹಳ ದೊಡ್ಡ ಹೆಸರು ಮಾಡಲಿದೆ. ಕನ್ನಡಕ್ಕೆ ಚಿತ್ರರಂಗ ಅಂತರರಾಷ್ಟ್ರೀಯ ಸ್ಥಾನವನ್ನು ಕಲ್ಪಿಸಿಕೊಟ್ಟಿದೆ.

ಚಿತ್ರನಗರ

ಮೈಸೂರಿನಲ್ಲಿ ಈಗಾಗಲೇ ಚಿತ್ರನಗರ ನಿರ್ಮಾಣಕ್ಕೆ ಸ್ಥಳ ಮೀಸಲಿರಿಸಿದೆ. ಇಂದಿನ ಹಾಗೂ ಭವಿಷ್ಯದ ತಂತ್ರಜ್ಞಾನವನ್ನು ಬಳಕೆ ಮಾಡಿ ಯಾವ ರೀತಿ ಸ್ಟುಡಿಯೋ ಮಾಡಬಹುದು , ಆಸಕ್ತರೊಂದಿಗೆ ಮಾತನಾಡಿ ಅಂತರರಾಷ್ಟ್ರೀಯ ಮಟ್ಟದ ಜಂಟಿ ಉದ್ಯಮವನ್ನು ಕೈಗೊಳ್ಳಲಾಗುವುದು ಎಂದರು.

key words : Karnataka-cm-bommai-watch-charlie-Kannada-film-emotional

The post 777 ಚಾರ್ಲಿ ಸಿನಿಮಾ ವೀಕ್ಷಿಸಿ ಭಾವುಕರಾಗಿ ಕಣ್ಣೀರಿಟ್ಟ ಸಿಎಂ ಬೊಮ್ಮಾಯಿ appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.

ಮೈಸೂರು, ಡಿ.26, 2021 : (www.justkannada.in news): ಸ್ಯಾಂಡಲ್ ವುಡ್ ನ ‘ಡಾಲಿ’ ಧನಂಜಯ್ ‘ಬಡವ ರಾಸ್ಕಲ್ ‘ ಸಿನಿಮಾವನ್ನು ತನ್ನ ಸ್ನೇಹಿತರಿಗಾಗಿಯೇ ನಿರ್ಮಿಸಿ ಅಭಿನಯಿಸಿದ್ದು. ಡಾಲಿಯ ಈ ಸಹಕಾರ ಗುಣವನ್ನು ಆತನ ಗೆಳೆಯರು ಬಹುವಾಗಿ ಮೆಚ್ಚುಕೊಳ್ಳುತ್ತಾರೆ.

ಈ ಬಗ್ಗೆ ಮತ್ತೊಂದು ಖ್ಯಾತ ಕಲಾವಿದ, ಮೈಸೂರಿನ ಬಾದಲ್ ನಂಜುಂಡಸ್ವಾಮಿ ಹೀಗೆ ಬರೆಯುತ್ತಾರೆ….

ಸುಮಾರು ಹತ್ತು ಹನ್ನೊಂದು ವರ್ಷದ ಹಿಂದೆ. ಮೈಸೂರಿನಲ್ಲಿ ಸಿನೆಮಾದ ಅವಕಾಶ ನಾವೇ ಮಾಡಿಕೊಳ್ಳಬೇಕೆಂದು ನಾವೆಲ್ಲರೂ ಬಡವರು ಸೇರಿ ಒಂದು ಸಿನೆಮಾ ಮಾಡಿದ್ದೆವು. ಇಸ್ಲಾ ಅದನ್ನು ಡೈರೆಕ್ಟ್ ಮಾಡಿದ್ದ. ಸಿನೆಮಾದ ಹೆಸರು “ಸ್ಪೇಸಸ್ ಫಾರ್ ರೆಂಟ್” ಅಂತ. (ಮಾಕ್ಸಿಮ್ ಗಾರ್ಕಿಯವರ “ ಲೋಅರ್ ಡೆಪ್ತ್ಸ್” ಕೃತಿ ಆಧಾರಿತ) ಅದರಲ್ಲಿ ಧನ, ಪೂರ್ಣ ಆಕ್ಟ್ ಮಾಡಿದ್ದರು. ನಾಗ ಡೈರೆಕ್ಷನ್ ಡಿಪಾರ್ಟ್ಮೆಂಟ್ ಅಲ್ಲಿ ಕೆಲಸ ಮಾಡಿದ್ದ. ನಾನು ಆರ್ಟ್ ಡೈರೆಕ್ಷನ್ ಮಾಡಿದ್ದೆ.

ಒಂದೊಂದೇ ರೂಪಾಯಿ ಅಲ್ಲಲ್ಲಿ ಸಂಗ್ರಹಿಸಿ ಸಿನೆಮಾ ಮಾಡಿದ್ದೆವು. ಸಿನೆಮಾವನ್ನು ದೊಡ್ಡದಾಗಿ ಪ್ರಚಾರವೂ ಮಾಡಿದೆವು. ಒಂದು ಆಡಿಟೋರಿಯಂ ಬುಕ್ ಮಾಡಿ ಸಿನೆಮಾದ ಪ್ರದರ್ಶನವನ್ನೂ ಮಾಡಿದೆವು. ಚಿತ್ರದ ಉದ್ಘಾಟನೆಗೆ ಹಿರಿಯರಾದ ಎಂ ಎಸ್ ಸತ್ಯು ಅವರನ್ನು ಆಹ್ವಾನಿಸಿದ್ದೆವು. ಆಡಿಟೋರಿಯಂ ಕಿಕ್ಕಿರಿದು ತುಂಬಿತ್ತು. ಆದರೆ ಶೋ ದಿನ ಟೆಕ್ನಿಕಲ್ ಸಮಸ್ಯೆ ಇಂದಾಗಿ ಆಡಿಯೋ ಬಾರದೆ ಶೋ ಒಂಥರಾ ಫ್ಲಾಪ್ ಆಗಿತ್ತು! ಗೆಳೆಯರೆಲ್ಲರೂ ಅವತ್ತು ಅತ್ತೂ ಕರೆದು ಮಾಡಿದ್ದೆವು.

ಅಲ್ಲಿಂದ ನಮ್ಮ ಸಿನೆಮಾ ಪ್ರಯಾಣ ಒಂಥರಾ ಏರಿಳಿತವೇ! ವಿಶೇಷ ಏನಂದ್ರೆ ಈಗ ನಾವು ಗೆಲ್ಲುವುದಕ್ಕೆ ನಾವೇ ಮತ್ತೊಮ್ಮೆ ಸಿನಿಮಾ ಮಾಡಿಕೊಳ್ಳಬೇಕಿತ್ತು. ಬೆಳಕಿಗೆ ಬಂದಿದ್ದ ಧನನ ಜೊತೆ ಅದೇ ಹಳೆಯ ಗೆಳೆಯರಿದ್ದರು. ಬಹುತೇಕ ಗೆಳೆಯರನ್ನು ತನ್ನ ಮಡಿಲಲ್ಲಿಟ್ಟು ತಾಯಿ ತರಹ ಪೋಷಿಸಿಕೊಂಡು ಬರುವ ಅವನ ಆ ಪರಿಯೇ ಆಶ್ಚರ್ಯ ತರಿಸುವಂಥದ್ದು…ಇಲ್ಲಿಯವರೆಗೂ…! ಅದೇ ಅವನ ಸ್ಟ್ರೆಂಥ್ ಕೂಡ. ಎಲ್ಲರನ್ನೂ ಗುಡ್ಡೆ ಹಾಕಿಕೊಂಡು ತನ್ನ ಹಣದಲ್ಲೇ ಸಿನೆಮಾ ಮಾಡಿದ. ತಾನೊಬ್ಬನೇ ಅಲ್ಲ ತನ್ನವರೆಲ್ಲರೂ ಗೆಲ್ಲಬೇಕು ಎಂದು ಪ್ರತಿದಿನ ಹೇಳುತ್ತಿದ್ದ. ಪ್ರೂವ್ ಮಾಡಿದ.

ಆದ್ದರಿಂದ ‘ಬಡವ ರಾಸ್ಕಲ್’ ಸಿನಿಮಾ ನೋಡುವಾಗ ಸ್ನೇಹದ ಬಗೆಗಿನ ಅವನ ಮಾತುಗಳು ಕೇಳುವಾಗ ನಾನು ಕಣ್ ಒದ್ದೆಮಾಡಿಕೊಂಡು ನೋಡುತ್ತಿದ್ದೆ. ಯಾಕೆಂದರೆ ಅದು ಸಿನಿಮಾ ಪಾತ್ರ ಅಲ್ಲ, ಧನ ಇರುವುದೇ ಹಾಗೆ! ಅದು ಬರಿಯ ಕ್ಯಾರೆಕ್ಟರ್ ಅಲ್ಲ, ರಕ್ತಗತವಾಗಿ ಬಂದ ಒಳ್ಳೆತನ! ಹೀಗಾಗಿ ಅವನು ನಮ್ಮೆಲ್ಲರ ಬಾಸ್! ಹಳೆಯದನ್ನು ಹಳಬರನ್ನು ಮರೆಯಬಾರದು ಎಂಬ ಅವನ ಹೃದಯ ಶ್ರೀಮಂತಿಕೆಗೆ ಎರಡು ಸಣ್ಣ ಉದಾಹರಣೆ.

ಒಂದು: ತಾನು ತನ್ನ ಕನಸಿನ ಹೊಸ ರೇಂಜ್ ರೋವರ್ ಕಾರ್ ತಂದಾಗ ಹಳೆಯ ಟಿವಿಎಸ್ ಸ್ಕೂಟರನ್ನೂ ಪಕ್ಕಕ್ಕಿಟ್ಟು ಪೂಜೆ ಮಾಡಿ ನೆನಪು ಮಾಡಿಕೊಂಡದ್ದು! ಆ ಸ್ಕೂಟರಿನಲ್ಲಿ ನಾವು ನಾಲ್ಕು ನಾಲ್ಕು ಜನ ಒಟ್ಟೊಟ್ಟಿಗೆ ಓಡಾಡಿದ್ದಿದೆ.

ಮತ್ತೊಂದು, ತನಗೆ ಸಿನಿಮಾ ಮೈದಾನಕ್ಕೆ ಎಂಟ್ರಿ ಕೊಟ್ಟ ‘ತ್ರಿವೇಣಿ’ ಯನ್ನೇ ತಾನು ಮೇನ್ ಥಿಯೇಟರ್ ಆಗಿ ಆಯ್ಕೆ ಮಾಡಿಕೊಂಡದ್ದು! ಮೊದಲ ಚಿತ್ರ ‘ಡೈರೆಕ್ಟರ್ ಸ್ಪೆಷಲ್’ ಇಲ್ಲಿಯೇ ಪ್ರದರ್ಶನ ಕಂಡು, ಇಲ್ಲಿಯೇ ಈಗ ಗೆಲವು ದಾಖಲಾಯಿತು! ಬೇರೆ ಯಾರಾದರೂ ಸಿನೆಮಾದವರಾಗಿದ್ದರೆ ‘ಸೋಲಿನ ರುಚಿ ತೋರಿಸಿದ ಥಿಯೇಟರ್’ ಎಂದು ಇದನ್ನು ಮೇನ್ ಥೇಟರ್ ಆಗಿ ಒಪ್ಪಲು ಸಿದ್ಧರಿರುತ್ತಿರಲಿಲ್ಲವೇನೋ!

ಸಿನಿಮಾದಲ್ಲಿ ಅಭಿನಯಿಸಿರುವ ಗಣಪ ಪಾತ್ರದ ಪೂರ್ಣ, ನಾಗ, ಸೇಠು ಪಾತ್ರದ ಶಮಂತ, ಸಣ್ಣಪ್ಪ ಪಾತ್ರದ ಹರ್ಷ, ಕನ್ನಡ ಅನ್ವರ್ ಮಹದೇವಸ್ವಾಮಿ, ಕಬಾಬ್ ಸೆಲ್ಲರ್ ವಿವೇಕ, ಪ್ರೇಮಕುಮಾರಿ ಪಿ ಏ. ಬಹುತೇಕರು ಧನನ ಜೊತೆ ಸುಮಾರು ಹದಿನೇಳು ವರ್ಷದಿಂದ ಜತೆಗಿದ್ದವರೇ!

‘ಸ್ಪೇಸಸ್ ಫಾರ್ ರೆಂಟ್’ ಚಿತ್ರದ ನಿರ್ದೇಶಕ ಇಸ್ಲಾ , ಅದೇ ಚಿತ್ರದಲ್ಲಿ ನಟಿಸಿದ್ದ ಮತ್ತೊಬ್ಬ ಗೆಳಯ , ನಟ ರಿಷಿ ಜತೆ ‘ನೋಡಿಸ್ವಾಮಿ ಇವ್ನು ಇರೋದೇ ಹೀಗೆ” ಎಂಬ ಚಿತ್ರ ರೆಡಿ ಮಾಡಿಕೊಂಡು ಕೂತಿದ್ದಾನೆ. ಹಾಗು ” ಸ್ಪೇಸಸ್ ಫಾರ್ ರೆಂಟ್” ಸಹಾಯಕ ನಿರ್ದೇಶಕ ಆಗಿದ್ದ ಸುನಿಲ್ ಮೈಸೂರು ಈಗ ಪೂರ್ಣನನ್ನ ಹಾಕಿಕೊಂಡು ” ಆರ್ಕೆಸ್ಟ್ರಾ” ಚಿತ್ರ ಮಾಡಿಕೊಂಡು ರೆಡಿಮಾಡಿಕೊಂಡಿದ್ದಾನೆ.

“ಆರ್ಕೆಸ್ಟ್ರಾ”ಗೆಳೆಯರಿಗಾಗಿ ಆ ಚಿತ್ರದ ಎಲ್ಲ ಹಾಡುಗಳನ್ನು ಧನ ಬರೆದುಕೊಟ್ಟಿದ್ದಾನೆ. ಇದು ನನ್ನ ಫೇವರಿಟ್!! ಹಾಗು ಇದು ಧನಂಜಯ ಗೆಳೆಯರ ಬಳಗ! ಗೆಳೆಯರು ಮಾಡಿದ ಎಲ್ಲ ಪ್ರಯೋಗಗಳು ಯಶ ಕಾಣಲಿ. “ಬಡವ ರಾಸ್ಕಲ್” ಚಿತ್ರವು ಶತದಿನೋತ್ಸವ ಆಚರಿಸಲಿ..

key words : Mysore-Kannada-film-badava-raskal-dolly-dhananjaya-friends

The post ‘ ಬಡವ ರಾಸ್ಕಲ್ ‘ ಡಾಲಿ ಧನಂಜಯರ ಈ ಗುಣ ನಿಮಗೆ ಯಾರನ್ನು ನೆನಪಿಸುತ್ತದೆ…? appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.

ಮೈಸೂರು, ನ.05, 2021 : ()  ಅಪ್ಪುವಿನ ಹಾಲು ತುಪ್ಪ ಕಾರ್ಯಕ್ರಮ ನಡೆದಿದೆ, ೧೧ನೆ ದಿನದ ಕಾರ್ಯವೂ ನಡೆಯಲಿದೆ,ತಿಂಗಳು,ವರ್ಷ,೫ನೇ ವರ್ಷ ಹೀಗೆ ನಡೆಯುತ್ತಲೇ ಇರುತ್ತದೆ..ಪುನೀತ್ ಇಲ್ಲ ಎಂಬ ಸತ್ಯ  ಒಪ್ಪಿಕೊಂಡು ನಾವು ಜೀವನ ಸಾಗಿಸಬೇಕು,ಅದೊಂದೆ ಈಗ ನಮ್ಮ ಪಾಲಿಗೆ ಉಳಿದಿರುವುದು..

ಇದು ಪುನೀತ್ ಸಮಾಧಿ ಬಳಿ ರಾಘವೇಂದ್ರ ರಾಜ್ ಕುಮಾರ್ ಹೇಳಿದ ಮಾತುಗಳು. ಪ್ರೀತಿಯ ತಮ್ಮನನ್ನು‌ ಕಳೆದುಕೊಂಡ‌ ನೋವಿನಲ್ಲೂ ಎಂಥಾ ಪ್ರಬುದ್ಧ ಮಾತುಗಳು! ದೊಡ್ಮನೆಯವರ ಸಹನೆ,ತಾಳ್ಮೆ ಪದೇ ಪದೆ ಸಾಬೀತಾಗುವುದು‌ ಇಂಥಹ ಮಾತು ಹಾಗೂ  ನಡೆಗಳಿಂದಲೇ.

ಅಪ್ಪು ನಮ್ಮನ್ನೆಲ್ಲಾ ಅಗಲಿ‌ ಇಂದಿಗೆ ಒಂದು ವಾರ. ನೆಚ್ಚಿನ‌ ನಟನ ಅಗಲಿಕೆಯಿಂದ ಕರುನಾಡು‌ ಇನ್ನೂ ಹೊರಬಂದಿಲ್ಲ. ಕರುನಾಡಿನ ಪ್ರತಿಮನೆಯಲ್ಲಿಯೂ ಶೋಕ ಆವರಿಸಿದೆ. ಪ್ರತಿಯೊಂದು ಮನೆಯ ಸದಸ್ಯನಾಗಿ ಪುನೀತ್ ಬೆರೆತು ಹೋಗಿದ್ರು. ಈ ಬಾರಿಯ ದೀಪಾವಳಿಯಲ್ಲಿ ಸಂಭ್ರಮವಿಲ್ಲ, ರಾಜ್ಯೋತ್ಸವದಲ್ಲಿ ಆಸಕ್ತಿಯಿಲ್ಲ. ಪುನೀತ್ ಇಲ್ಲ ಎಂಬ ವಾಸ್ತವ ಒಪ್ಪಿಕೊಳ್ಳಲು‌ ನಮಗೆಲ್ಲಾ  ಬಹುಶಃ ವರ್ಷಗಳೇ ಬೇಕೇನೋ. ಮುದ್ದಿನ ಸಹೋದರನನ್ನು ಕಳೆದುಕೊಂಡು‌ ಶಿವಣ್ಣ ಮತ್ತು‌ ರಾಘಣ್ಣ ಅಕ್ಷರಶಃ ಕಂಗಾಲಾಗಿದ್ದಾರೆ. ಪ್ರೀತಿಸಿ‌ ಮದುವೆಯಾಗಿದ್ದ ಅಶ್ವಿನಿ‌ ತಮ್ಮ ಬಾಳ ಸಂಗಾತಿಯ ಅಕಾಲಿಕ ಅಗಲಿಕೆಯಿಂದ ಕುಗ್ಗಿ‌ ಹೋಗಿದ್ದಾರೆ.ಯಾರೂ‌ ಊಹಿಸದ,ಕಲ್ಪನೆಯೂ ಮಾಡದ ಆಕಸ್ಮಿಕವೊಂದು ನಡೆದುಹೋಗಿದೆ. ಜವರಾಯನ ಕರೆಗೆ ಓಗೊಟ್ಟ ಅಪ್ಪು ಹೇಳದೆ ಕೇಳದೆ ಎದ್ದು‌ ಹೋಗಿದ್ದಾರೆ.

ಈ ನೋವನ್ನು ಹೇಗೆ ಅರಗಿಸಿಕೊಳ್ಳಬೇಕು ಎಂದು‌ ದೊಡ್ಮನೆ ಸದಸ್ಯರು ಯೋಚಿಸುತ್ತಿದ್ದಾರೆ. ಇದೆಲ್ಲದರ ಮಧ್ಯೆ ಪುನೀತ್ ರಾಜಕುಮಾರ್ ರನ್ನು‌ ಆರಾಧ್ಯ ದೈವವೆಂದು‌ಕೊಂಡಿದ್ದ ಅಭಿಮಾನಿಗಳು ದುಃಖದ ‌ಮಡುವಿನಲ್ಲಿದ್ದಾರೆ.

ಕಳೆದೊಂದು ವಾರದಿಂದ ೧೨-೧೩ ಮಂದಿ ಅಪ್ಪು‌ ಅಭಿಮಾನಿಗಳು ಪ್ರಾಣ ಕಳೆದುಕೊಂಡಿದ್ದಾರೆ. ೨೦ ರಿಂದ ೩೦ ರ ವಯೋಮಾನದ ಇವರೆಲ್ಲರೂ ಹಿಂದು‌ ಮುಂದು‌ ನೋಡದೆ‌ ಆತ್ಮಹತ್ಯೆ ಹಾದಿ ಹಿಡಿದಿದ್ದಾರೆ. ಇಂತಹ ಅತಿರೇಕದ ವರ್ತನೆ ನಿಜಕ್ಕೂ ಆತಂಕಕಾರಿ! ನೆಚ್ಚಿನ‌ ನಟ ಇನ್ನಿಲ್ಲವೆನ್ನುವ ಸತ್ಯ ಅರಗಿಸಿಕೊಳ್ಳುವುದು ಎಂಥಹವರಿಗೂ ಕಷ್ಟವೇ. ಹಾಗಂತ ಪ್ರಾಣ ಕಳೆದುಕೊಳ್ಳುವುದು‌ ಸರಿಯಲ್ಲ.

ದಯವಿಟ್ಟು ಅಭಿಮಾನಿಗಳು ದುಡುಕಿ ಆತ್ಮಹತ್ಯೆ ಮಾಡಿಕೊಳ್ಳಬೇಡಿ ಎಂದು ಮಾಧ್ಯಮದ ಮುಂದೆ ಶಿವಣ್ಣ, ರಾಘಣ್ಣ ಕೈ ಮುಗಿದು ಬೇಡಿಕೊಳ್ಳುತ್ತಿದ್ರೆ ಎಂಥಹವರಿಗೂ ದುಃಖವಾಗುತ್ತೆ. ಅವರನ್ನು ನೋಡಿ ನಾವೂ ಧೈರ್ಯ ತಂದುಕೊಳ್ಳಬೇಕಿದೆ

ಒಬ್ಬರ ಸಾವಿಗೆ ಮತ್ತೊಬ್ಬರು ಪ್ರಾಣ ಕಳೆದುಕೊಳ್ಳುತ್ತಾ ಹೋದರೆ ಭೂಮಿಯೇ ಖಾಲಿಯಾಗುತ್ತದೆ. ನಮ್ಮನ್ನಗಲಿದವರ ಹಿಂದೆ ಹೋದರೆ ನಮ್ಮ ನೋವು ಕಡಿಮೆಯಾಗುತ್ತದೆಂದು‌ ಭಾವಿಸಿದರೆ ಅದರಿಂದ ನಮ್ಮನ್ನು‌ ನಂಬಿದವರನ್ನು‌ ಸಂಕಷ್ಟಕ್ಕೆ ದೂಡಿದಂತಾಗುತ್ತದೆ. ಆತ್ಮಹತ್ಯೆ ಮಾಡಿಕೊಂಡ ಯುವಕರ ಹೆತ್ತವರ ಪಾಡೇನು? ಪುತ್ರಶೋಕ ನಿರಂತರ ಎಂಬಂತೆ ಸಾಯುವವರೆಗೂ ಅದೇ ನೋವಿನಲ್ಲಿ‌ ದಿನ‌ಕಳೆಯಬೇಕೆ?

ಬದುಕಿನುದ್ದಕ್ಕೂ ಯಾರನ್ನೂ ನೋಯಿಸದೆ,ಕಷ್ಟದಲ್ಲಿರುವವರಿಗೆ ಸಹಾಯ ಮಾಡುತ್ತಾ,ನೀವೂ ಮತ್ತೊಬ್ಬರ ಕಷ್ಟಕ್ಕೆ ನೆರವಾಗಿ‌ಎಂದು‌ ಇತರರನ್ನು ಪ್ರೇರೇಪಿಸುತ್ತಾ ಬದುಕಿನ ಸಂದೇಶ ಸಾರಿದ ನಟನೊಬ್ಬನಿಗೆ ಅಭಿಮಾನಿಗಳು ಸಾವಿನ ಮೂಲಕ‌ ಶ್ರದ್ಧಾಂಜಲಿ ಸಲ್ಲಿಸುವುದು‌ ಸರಿಯೇ?ಇದು ಅಪ್ಪು ಆತ್ಮಕ್ಕೆ‌‌ ನಿಜಕ್ಕೂ ಶಾಂತಿ‌ ನೀಡಲಾರದು.

ಪುನೀತ್ ಆತ್ಮ ಎಂದಿಗೂ ಇದನ್ನು ನಿರೀಕ್ಷೆ ಮಾಡಿರಲಾರದು.ತನ್ನ ಜೀವಿತಾವಧಿಯಲ್ಲಿ ತಮ್ಮ ಆದರ್ಶ ಗುಣಗಳಿಂದ ಇತರರಿಗೆ ಮಾದರಿಯಾಗಿದ್ದ ಪುನೀತ್ ಸತ್ತ ಮೇಲೆ ಕೆಟ್ಟ ಹೆಸರು ಪಡೆಯಬೇಕೆ? ಅಪ್ಪುಗಾಗಿ‌ ನನ್ನ ಮಗ ಪ್ರಾಣ ಬಿಟ್ಟ ಎಂಬ ಹೆತ್ತವರ ನೋವಿನ ನುಡಿಗಳಿಂದ ಡಾ.ರಾಜ್ ಕುಟುಂಬಕ್ಕೆ ಘಾಸಿಯಾಗುವುದಿಲ್ಲವೇ? ಇಂಥ ಕಷ್ಟದ ದಿನಗಳಲ್ಲಿ ನಾವೆಲ್ಲರೂ ದೊಡ್ಮನೆಯ ಬೆನ್ನಿಗೆ ನಿಲ್ಲಬೇಕಿದೆ. ಕೇವಲ‌ ಸಿನಿಮಾಗಳಲ್ಲಿ ನೋಡಿದ ನಾವೇ ಪುನೀತ್ ಅಗಲಿಕೆಯನ್ನು ಸಹಿಸುತ್ತಿಲ್ಲ‌‌ಎಂದ ಮೇಲೆ‌ ರಕ್ತ ಹಂಚಿಕೊಂಡು ಹುಟ್ಟಿದ ಸಹೋದರ,ಸಹೋದರಿಯರು, ಪ್ರೀತಿಸಿ ಮದುವೆಯಾದ ಮಡದಿ,ಅಪ್ಪನನ್ನೇ ಸರ್ವಸ್ವ ಎಂದುಕೊಂಡಿದ್ದ ಮಕ್ಕಳ ಸ್ಥಿತಿ ಹೇಗಿರಬೇಡ?

ಗಾಯದ ಮೇಲೆ ಬರೆ ಎಂಬಂತೆ ಅವರಿಗೆ ಮತ್ತಷ್ಟು ಸಂಕಷ್ಟ ನೀಡದಿರೋಣ.ಅಪ್ಪುವನ್ನು‌ ಪ್ರೀತಿಸುವುದೇ ಆದರೆ ಅವರು ತೋರಿಸಿಕೊಟ್ಟ ದಾರಿಯಲ್ಲಿ ‌ನಡೆಯೋಣ. ಅವರ ಆದರ್ಶಗಳನ್ನು ಪಾಲಿಸೋಣ.ಅವರಂತೆಯೇ ಕಷ್ಟದಲ್ಲಿರುವವರಿಗೆ ನೆರವಾಗುತ್ತಾ,ಸಾಮಾಜಿಕ ಕಾರ್ಯಗಳನ್ನು ಮಾಡುತ್ತಾ ನಮ್ಮೆಲ್ಲರ ಮಧ್ಯೆ ಅಪ್ಪುವನ್ನು  ಜೀವಂತವಾಗಿರಿಸೋಣ. ಅಪ್ಪು ನಮ್ಮೊಡನಿಲ್ಲ ಎಂದು ಬೇಸರ ಮಾಡಿಕೊಳ್ಳುವವರು ಅಪ್ಪುವಿನಂತೆಯೇ ಹೆಣ್ಣು ಮಕ್ಕಳ ಶಿಕ್ಷಣ,ಸಬಲೀಕರಣಕ್ಕಾಗಿ ಶ್ರಮಿಸಲಿ. ದ್ವೇಷ,ಅಸೂಯೆ,ಯಾವುದಕ್ಕೂ ಆಸ್ಪದ ಕೊಡದೆ,ಇರುವವರೆಗೂ ನಗುನಗುತ್ತಾ ಜೀವನ ಕಳೆಯುವ ಸಂಕಲ್ಪ ಮಾಡಲಿ.

ಅತ್ಯುತ್ತಮ ನಟನೊಬ್ಬ ಬದುಕಿದ ರೀತಿಯನ್ನು ಅನುಕರಿಸುವ ಮೂಲಕ ಅಗಲಿದ ‘ನಗುವಿನ ಪರಮಾತ್ಮ’ನಿಗೆ ನಿಜವಾದ ಶ್ರದ್ಧಾಂಜಲಿ ಸಲ್ಲಿಸೋಣ…

-ಸಾಹಿತ್ಯ ಯಜಮಾನ್, ಹಿರಿಯ ಪತ್ರಕರ್ತೆ

key words :karnataka-power-star-puneeth.rajkumar-kannada-film-bangalore

The post ಅಪ್ಪು ಅಗಲಿ ಇಂದಿಗೆ ವಾರ : ‘ನಗುವಿನ ಪರಮಾತ್ಮ’ನಿಗೆ ನಿಜ ಶ್ರದ್ಧಾಂಜಲಿಯ ಸಂಕಲ್ಪ ಮಾಡೋಣ.. appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.

ಬೆಂಗಳೂರು, ಅ.12, 2021 : (www.justkannada.in news ) 90 ರ ದಶಕದಲ್ಲಿ ಸಾಗರ ತಾಲ್ಲೂಕಿನ ಕಾರ್ಗಲ್ ನಲ್ಲಿ ನಿಗೂಢವಾಗಿ ಸಾಗುತ್ತಿದ್ದ ಗಂಧದ ಮರಗಳ ಕಳ್ಳಸಾಗಾಣಿಕೆ ಮತ್ತು ಪಶ್ಚಿಮ ಘಟ್ಟದ ಭೂಗತ ಲೋಕವನ್ನು ಬೆಳ್ಳಿಪರದೆ ಮೇಲೆ ಅನಾವರಣಗೊಳಿಸಲು ನಿರ್ದೇಶಕ ದೇವರಾಜ್ ಪೂಜಾರಿ ಅಂಡ್ ಟೀಂ ರೆಡಿಯಾಗಿದೆ.

ಹತ್ತೊಂಬತ್ತನೇ ಶತಮಾನದಲ್ಲಿ ಪಶ್ಚಿಮ ಘಟ್ಟದ ದಟ್ಟವಾದ ಕಾಡುಗಳ ನೆರಳಲ್ಲಿ ಬೆಳೆದ ಕಳ್ಳಸಾಗಾಣಿಕೆಯ ನೈಜವಾದ ಘೋರ ಅನುಭವಗಳನ್ನು ಆಧಾರಿಸಿ ನಿರ್ದೇಶಕ ದೇವರಾಜ್ ಪೂಜಾರಿ ಮತ್ತು ತಂಡ “ಕಾರ್ಗಲ್ ನೈಟ್ಸ್” ಚಿತ್ರವನ್ನು ತೆರೆ ಮೇಲೆ ತರುತ್ತಿದೆ. ಇಂದು ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದ್ದು, ನೋಡುಗರ ಮೆಚ್ಚುಗೆ ಪಡೆದುಕೊಳ್ಳುತ್ತಿದೆ.

“ಕಾರ್ಗಲ್ ನೈಟ್ಸ್” ಸಿನಿಮಾ 90ರ ದಶಕದಲ್ಲಿ ನಡೆಯುವ ಕಥೆಯಾಗಿರುವುದರಿಂದ ರೆಟ್ರೋ ಶೈಲಿಯಲ್ಲಿ ಸಿನಿಮಾ ಇರಲಿದ್ದು, ಟ್ರೈಲರ್ ನಲ್ಲಿ ಅದರ ಅನುಭವವಾಗಲಿದೆ. ಜೊತೆಗೆ ಸುರೇಂದ್ರ ನಾಥ್ ಬಿ.ಆರ್. ಸಂಗೀತ, ಮಲ್ಲಿಕಾರ್ಜುನ್ ಮತ್ತು ತಂಡದ ಕೈಚಳಕ ನಮ್ಮನ್ನ ಪಶ್ಚಿಮ ಘಟ್ಟದ ಭೂಗತ ಲೋಕಕ್ಕೆ ಕರೆದುಕೊಂಡೋಗುತ್ತೆ.

ಈ ಚಿತ್ರದ ಹರ್ಶಿಲ್ ಕೌಶಿಕ್ ಮೂಲಕ ನಾಯಕನಾಗಿ ಪರಿಚಯವಾಗುತ್ತಿದ್ದಾರೆ. ರಾಗ್ ಯು ಆರ್ ಎಸ್ , ಕಿಶೋರ್, ಪ್ರಶಾಂತ್ ಸಿದ್ದಿ, ನಾಗರಾಜ್ ಬೈಂದೂರ್, ಹರೀಶ್ ಭಟ್ ನೀನಾಸಂ, ಸಂದೀಪ್ ಪರಶುರಾಮ್, ವರುಣ್ ಹೆಗ್ಡೆ, ಅಕ್ಷತಾ ಅಶೋಕ್, ಚಂದ್ರಕಾಂತ್, ರಾಜೇಶ್ ರಾಮಕೃಷ್ಣ, ಶಶಿಧರ್ ಗೌಡ, ಶ್ರೀಗಂಧ್ ನಾಗ್, ನರೇಂದ್ರ ಕಬ್ಬಿನಾಲೆ, ಸೂಚನ್ ಶೆಟ್ಟಿ ಚಿತ್ರದಲ್ಲಿ ವಿಭಿನ್ನ ಪಾತ್ರಗಳಿಗೆ ಜೀವ ತುಂಬಿದ್ದಾರೆ.

ಇನ್ನು ಚಿತ್ರಕ್ಕೆ ರೋಷನ್ ಲೋಕೇಶ್ ಅವರ ಸಂಕಲನವಿದ್ದು, ಸುರೇಂದ್ರ ನಾಥ್ ಬಿ.ಆರ್. ಸಂಗೀತ ಸಂಯೋಜಿಸಿದ್ದಾರೆ. ಚಿತ್ರದ ಕತೆಯನ್ನು ಸಾಗರ ತಾಲ್ಲೂಕ್ ಹಾಗೂ ಕಾರ್ಗಲ್ ನಲ್ಲಿ ಕಳ್ಳಸಾಗಾಣಿಕೆಯ ಸಾಕ್ಷ್ಯಗಳನ್ನು ದಾಖಲಿಸಿ ರಚಿಸಿದ್ದಾರೆ.

key words : Kannada-film-trailer-kargal-sandalwood-Karnataka

The post ಮೈ ಝುಮ್ ಎನಿಸುವಂತಿದೆ “ಕಾರ್ಗಲ್ ನೈಟ್ಸ್” ಚಿತ್ರದ ಟ್ರೈಲರ್ appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.

ಮೈಸೂರು, ಜೂ.08, 2021 : (www.justkannada.in news ) ರಾಜ್ಯದ ದಕ್ಷ ಐಎಎಸ್ ಅಧಿಕಾರಿ ದಾಸರಿ ರೋಹಿಣಿ ಸಿಂಧೂರಿ ಅವರ ಕಾಯಕ ಆಧಾರಿತ ‘ಭಾರತಸಿಂಧೂರಿ’ ಬಯೋಪಿಕ್ ಸಿನಿಮಾಗೆ ಪೂರ್ವ ತಯಾರಿ ನಡೆದಿದೆ.

ಲಾಕ್ ಡೌನ್ ಬಳಿಕ ಈ ಸಿನಿಮಾ ಸೆಟ್ಟೇರಲಿದೆ. ಮಹಿಳಾ ಪ್ರಧಾನ ಚಿತ್ರಕ್ಕೆ ಮಂಡ್ಯದ ಹುಡುಗಿ ಅಕ್ಷತಾ ಪಾಂಡುಪುರ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ಚಿತ್ರತಂಡ ತಿಳಿಸಿದೆ. ಈ ಸಂಬಂಧ ಈಗಾಗಲೇ ಸಿನಿಮಾದ ಟೈಟಲ್ ನೋಂದಣಿಯಾಗಿದೆ. ಕಸಾಪ ಚುನಾವಣೆ ಮತ್ತು ಲಾಕ್ ಡೌನ್ ನಂತರ ಸಿನಿಮಾ ಸೆಟ್ಟೇರಲಿದೆ.

ಈ ಸಿನಿಮಾದ ಕಥೆ, ಚಿತ್ರಕಥೆ, ಸಾಹಿತ್ಯ, ರಚನೆ ಹಾಗೂ ನಿರ್ದೇಶನವನ್ನು ಮಂಡ್ಯದವರೇ ಆದ ಕವಿ, ಪತ್ರಕರ್ತ, ಸಂಘಟಕ ಎಸ್. ಕೃಷ್ಣಸ್ವರ್ಣಸಂದ್ರ ಮಾಡಲಿದ್ದಾರೆ.

ರೋಹಿಣಿ ರಿಯಾಕ್ಷನ್ :

ಈಗಾಗಲೇ ನಾಡಿನ ಹಲವಾರು ದಕ್ಷ ಹಾಗೂ ಪ್ರಾಮಾಣಿಕ ಐಎಎಸ್ , ಐಪಿಎಸ್ ಅಧಿಕಾರಿಗಳಿಗೆ ಫ್ಯಾನ್ ಫಾಲೋವರ್ಸ್ ಇರೋದು ಕಂಡಿದ್ದೇವೆ ಈ ಕಾರಣಕ್ಕೆ ಇಂಥ ಅಧಿಕಾರಿಗಳ ಜೀವನ ಆಧಾರಿತ ಸಿನಿಮಾಗಳು ತಯಾರಾಗಿ ಅವು ಗಲ್ಲಾ ಪೆಟ್ಟಿಗೆಯಲ್ಲೂ ಯಶಸ್ವಿಯಾದ ಇತಿಹಾಸವಿದೆ.

ಈ ಸಾಲಿನಲ್ಲಿ ಇದೀಗ ಐಎಎಸ್ ಅಧಿಕಾರಿ ರೋಹಿಣಿ ಸಿಂಧೂರಿ ಸೇರ್ಪಡೆ. ಸೋಷಿಯಲ್ ಮೀಡಿಯಾದಲ್ಲಿ ಅಪಾರ ಫಾಲೋವರ್ಸ್ ಹೊಂದಿರುವ ಸಿಂಧೂರಿ ಅವರ ಕಾಯಕ ಆಧಾರಿತ ‘ ಭಾರತಸಿಂಧೂರಿ’ ಸಿನಿಮಾ ಸೆಟ್ಟಿರುತ್ತಿರುವ ಸುದ್ದಿ ಬಂದಿದೆ.
ಈ ಸಂಬಂಧ ‘ಜಸ್ಟ್ ಕನ್ನಡ’ ಸಂಪರ್ಕಿಸಿದಾಗ, ತಮ್ಮ ಬಯೋಪಿಕ್ ಆಧಾರಿತ ಸಿನಿಮಾದ ಬಗ್ಗೆ ಯಾವುದೇ ಮಾಹಿತಿ ಇಲ್ಲ ಎಂದು ರೋಹಿಣಿ ಸಿಂಧೂರಿ ಹೇಳಿದರು.

key words : mysore-kannada-film-rohini.sindhoori-bio.pick-sandalwood

The post ‘ಭಾರತ ಸಿಂಧೂರಿ’ ಬಯೋಪಿಕ್ ಸಿನಿಮಾ ; ದಾಸರಿ ರೋಹಿಣಿ ಫಸ್ಟ್ ರಿಯಾಕ್ಷನ್..! appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.

ಬೆಂಗಳೂರು, ಜ.28, 2021 : (www.justkannada.in news ) ನಟ ರಿಷಬ್ ಶೆಟ್ಟಿ ಹಾಗೂ ಹರಿಪ್ರಿಯಾ ಅಭಿನಯದ ಸೂಪರ್ ಹಿಟ್ ಸಿನಿಮಾ ‘ಬೆಲ್ ಬಾಟಮ್’ ಪರಭಾಷೆಗಳಲ್ಲೂ ರಿಮೇಕ್ ಆಗುವ ಮೂಲಕ ಸದ್ದು ಮಾಡಿತ್ತು. ಇದೀಗ ಸಿನಿಮಾ ಪಾರ್ಟ್ 2 ಅವತಾರದಲ್ಲಿ ಮತ್ತೆ ಸೆಟ್ಟೇರಿದೆ.

ಗೋಲ್ಡನ್ ಹಾರ್ಸ್ ಸಂಸ್ಥೆಯ ಮೂಲಕ ಬೆಲ್ ಬಾಟಮ್ ಎಂಬ ಹೊಸತನದ ಸೂಪರ್ ಹಿಟ್ ಸಿನಿಮಾ ಕೊಟ್ಟಿದ್ದ ಸಂತೋಷ್ ಮತ್ತು ಸಂದೀಪ್ ಈಗ ಬೆಲ್ ಬಾಟಮ್-2 ನಿರ್ಮಾಣ ಮಾಡುತ್ತಿದ್ದಾರೆ. ಈ ಸಿನಿಮಾಗೂ ದಯಾನಂದ ಟಿ.ಕೆ. ಅವರೇ ಕಥೆ ಬರೆದು, ಜಯತೀರ್ಥ ಜಯಣ್ಣ ನಿರ್ದೇಶಿಸುತ್ತಿದ್ದಾರೆ.

ರಿಷಬ್ ಶೆಟ್ಟಿ, ಹರಿಪ್ರಿಯಾ ಜತೆಗೆ ತಾನ್ಯಾ ಹೋಪ್ ಬೆಲ್ ಬಾಟಮ್ ನ ಪಾರ್ಟ್ 2 ನಲ್ಲಿ ಪ್ರಮಖ ಪಾತ್ರದಲ್ಲಿರುವುದು ಚಿತ್ರದ ವಿಶೇಷ.
ಕನ್ನಡದ ಪ್ರತಿಭಾವಂತ ಸಂಗೀತ ನಿರ್ದೇಶಕ ಅಜನೀಶ್ ಲೋಕನಾಥ್ ಈ ಸಿನಿಮಾಕ್ಕೆ ಸಂಗೀತ ನೀಡುತ್ತಿದ್ದಾರೆ. ಬಹುತೇಕ ಬೆಲ್ ಬಾಟಂ ಮೊದಲ ಭಾಗದಲ್ಲಿದ್ದ ತಂಡವೇ ಎರಡನೇ ಭಾಗದಲ್ಲೂ ಮುಂದುವರೆದಿದೆ.

“ದಿ ಕ್ಯೂರಿಯಸ್ ಕೇಸ್ ಆಫ್ ಚೆಂಡೂವ” ಪಾರ್ಟ್ 2 ಟ್ಯಾಗ್ ಲೈನ್ ಸಖತ್ ಡಿಫರೆಂಟ್ ಆಗಿದದ್ದು, ಸಿನಿಮಾ ಬಗ್ಗೆ ಕುತೂಹಲ ಮೂಡಿಸಿದೆ. ಬೆಲ್ ಬಾಟಂ ತಂಡಕ್ಕೆ ಜಸ್ಟ್ ಕನ್ನಡದ ವತಿಯಿಂದ ALL THE BEST

————-

key words : kannada-film-belbatam-part-2-shooting

The post ರಿಷಬ್ ‘ ಬೆಲ್ ಬಾಟಂ -ಪಾರ್ಟ್ 2’ ಗೆ ತಾನ್ಯಾ ಹೋಪ್ ಎಂಟ್ರಿ..! appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.

ಮೈಸೂರು, ಜೂ.26, 2020 : (www.justkannada.in news ) : ಸ್ಯಾಂಡಲ್ ವುಡ್ ನಟಿ ಸಿಂಧು ಲೋಕನಾಥ್, ಮಾಧ್ಯಮಗಳ ಗಾಸಿಪ್ ವರದಿಯಿಂದ ತೀವ್ರ ಬೇಸರಗೊಂಡಿದ್ದಾರೆ. ಈ ಸಂಬಂಧ ಮಾಧ್ಯಮದವರ ವರ್ತನೆ ಖಂಡಿಸಿ ಫೇಸ್ ಬುಕ್ ಪುಟದಲ್ಲಿ ಪುಟ್ಟ ಬರಹ ಪೋಸ್ಟ್ ಮಾಡಿದ್ದಾರೆ.

ಸಿಂಧುಲೋಕನಾಥ್, ತಲೆಕೂದಲನ್ನು ತುಂಡರಿಸಿಕೊಂಡಿದ್ದನ್ನೇ ನೆಪವಾಗಿಸಿಕೊಂಡ ಟಿವಿ ಚಾನೆಲ್ ಗಳು ಆಕೆಯ ಆರೋಗ್ಯ ಸ್ಥಿತಿ ಬಗ್ಗೆ ಕಪೋಲಕಲ್ಪಿತ ವರದಿ ಪ್ರಸಾರ ಮಾಡಿದ್ದವು. ಈ ಧೋರಣೆಗೆ ಸೆಡ್ಡು ಹೊಡೆದಿರುವ ಸಿಂಧು ಲೋಕನಾಥ್, ಮೈದಾನದಲ್ಲಿ ಫುಟ್ ಬಾಲ್ ಆಡುತ್ತಿರುವ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ, ತಮ್ಮ ದೈಹಿಕ ಆರೋಗ್ಯದ ಬಗ್ಗೆ ವದಂತಿ ಹಬ್ಬಿಸಿದ್ದ ಮಾಧ್ಯಮದವರ ಮುಖಕ್ಕೆ ಮಂಗಳಾರತಿ ಮಾಡಿದ್ದಾರೆ.

ಸಿಂಧುಲೋಕನಾಥ್ ಅವರ ಫೇಸ್ ಬುಕ್ ಪುಟದಲ್ಲಿನ ಸಾರಾಂಶವಿಷ್ಟು…

ಈ ಚಿತ್ರಗಳನ್ನು ಮಾಧ್ಯಮ ಜನರಿಗೆ ಅರ್ಪಿಸುತ್ತಿರುವೆ. ಅವರು ನನ್ನನ್ನು ‘ಅನಾರೋಗ್ಯ’ ವ್ಯಕ್ತಿಯೆಂದು ಬಿಂಬಿಸುವ ಮೂಲಕ ಅನೇಕರಲ್ಲಿ ಗೊಂದಲ ಸೃಷ್ಠಿಸಿದ್ದಾರೆ. ಮಾಧ್ಯಮದವರ ಈ ಎಡವಟ್ಟಿನಿಂದ ಹಲವಾರು ಮಂದಿ ನನಗೆ ಸಂದೇಶಗಳನ್ನು ಕಳುಹಿಸಿ ಆರೋಗ್ಯ ವಿಚಾರಿಸುತ್ತಿದ್ದಾರೆ.
ಆದ್ದರಿಂದ ಮಾಧ್ಯಮದವ್ರಿಗೆ ಕೆಲವು ಅಮೂಲ್ಯ ಪದಗಳು..

ನನ್ನ ಕೂದಲನ್ನು ಕತ್ತರಿಸುವುದು ನಾನು ‘ಅನಾರೋಗ್ಯ’ ಎಂದು ಅರ್ಥವಲ್ಲ. ಕೂದಲನ್ನು ಕತ್ತರಿಸುವುದು ನಾನು ‘ಖಿನ್ನತೆಗೆ ಒಳಗಾಗಿದ್ದೇನೆ’ ಎಂದಲ್ಲ. ಕೂದಲನ್ನು ಕತ್ತರಿಸುವುದು ‘ಲಿಂಗ ಪಕ್ಷಪಾತ’ ಆಗಲು ಸಾಧ್ಯವಿಲ್ಲ. ನಾನು ವಿಭಿನ್ನವಾಗಿ ಕಾಣಲು ಯತ್ನಿಸಿದ್ದೇನೆ. ಆದ್ದರಿಂದಲೇ ಈ ಬದಲಾವಣೆ.
ನನ್ನ ಕತ್ತರಿಸಿದ ಕೂದಲಿನ ಕುರಿತು ನಿಮ್ಮ ಅಸಂಬದ್ದ ಅಭಿಪ್ರಾಯ ಹಾಸ್ಯಾಸ್ಪದವಾಗಿದೆ, ಅದು (ಕೂದಲು) ಅಂತಿಮವಾಗಿ ಶೀಘ್ರದಲ್ಲೇ, ಉತ್ತಮವಾಗಿಯೇ ಬೆಳೆಯುತ್ತದೆ.
ಅನಾರೋಗ್ಯ, ಖಿನ್ನತೆ, ಯಾರೊಬ್ಬರ ವೈಯಕ್ತಿಕ ಜೀವನ, ಅವರ ವೈವಾಹಿಕ ಸ್ಥಿತಿಯನ್ನು ಅಗೆಯುವುದು, ನಿಮ್ಮದೇ ಆದ ಉಹೆಗಳನ್ನು ಮಾಡುವುದು , ಕಥೆಗಳನ್ನು ಹೆಣೆಯುವುದು ನಿಮಗೆ ಉತ್ತಮ ಟಿಆರ್‌ಪಿ (ಟೆಲಿವಿಷನ್ ರೇಟಿಂಗ್ ಪಾಯಿಂಟ್) ನೀಡಬಹುದು. ಆದರೆ ಅವರ ಜೀವನದಲ್ಲಿ ಏನಾದರೂ ತಪ್ಪಾದಲ್ಲಿ ನೀವು ಅದರ ಜವಾಬ್ದಾರಿ ಹೂರುವಿರಾ..?

ಒಳ್ಳೆಯ ವಿಷಯಗಳು / ಚಲನಚಿತ್ರ ಪ್ರಚಾರಕ್ಕಾಗಿ ನೀವು ನಿಮ್ಮ ವಾಹಿನಿ ಮುಖ್ಯಸ್ಥರ ಅನುಮತಿ ಕೇಳಬೇಕಾಗುತ್ತದೆ. ಆದರೆ ಈ ರೀತಿಯ ಅನಗತ್ಯ, ವದಂತಿ, ಸುಳ್ಳು ಸುದ್ದಿಗಳನ್ನು ಪ್ರಸಾರ ಮಾಡಲು ಉಚಿತವಾದ ಸ್ಲಾಟ್ ಗಳೇ ಲಭಿಸುತ್ತವೆ. ಈ ಸಾಂಕ್ರಾಮಿಕ ಸಮಯದಲ್ಲಿ ಮಾಧ್ಯಮಗಳು, ಸ್ವಲ್ಪ ಗುಣಾತ್ಮಕ ವಿಷಯಗಳ ಪ್ರಚಾರಕ್ಕೆ ಹೆಚ್ಚಿನ ಸಮಯ ನೀಡುವ ಅವಶ್ಯಕತೆ ಇದೆ.
ಜನರನ್ನು ಗೊಂದಲ ಗೂಡಿಗೆ ತಳ್ಳುವುದನ್ನು ನಿಲ್ಲಿಸಿ. ಮಾಧ್ಯಮದವರಿಗೆ ಸುದ್ಧಿ ಪ್ರಸಾರ ಮಾಡುವ ಸ್ವಾತಂತ್ರ್ಯವಿದ್ದರೆ, ನನಗೂ ವಾಕ್ ಸ್ವಾತಂತ್ರ್ಯವಿದೆ.
ನನ್ನ ಆರೋಗ್ಯದ ಬಗ್ಗೆ , ನನ್ನ ಮನಸ್ಸಿನ ಸ್ಥಿತಿಯ ಬಗ್ಗೆ ಕಾಳಜಿ ವಹಿಸಿದ ಎಲ್ಲರಿಗೂ , ತುಂಬಾ ಧನ್ಯವಾದಗಳು. ನಿಜವಾಗಿಯೂ ಅದ್ಭುತವಾಗಿದೆ. ಎಲ್ಲಾ ಪ್ರೀತಿಗಾಗಿ ಧನ್ಯವಾದಗಳು.

oooo

key words : sindhu.loknath-kannada-film-actress-media-journalist-gossip-report. @SindhuLoknath 

ENGLISH SUMMARY : 

Dedicating this set of pics to the media people, who potrayed me as a ‘Sick’ person causing panic in many people who kept pouring in messages checking if am alright. A few precious words to the media guys-
Chopping my hair doesn’t mean am ‘Sick’
Chopping hair doesn’t mean am ‘Depressed’
Chopping hair can’t be ‘Gender biased’. I wanted to experiment with a different look n hence I did.
It was ridiculous on your part to make such an issue over my chopped hair which is eventually gonna grow soon (in a much better way) n the words I put up in my previous post. If you haven’t understood what I meant, read it another 10times,May be you will get it.
Tampering somebody’s image showcasing them as sick, depressed, digging into somebody’s personal life, their marital status,making your own assumptions n stories might give you a very good TRP(television rating point). But do you hold yourself responsible when something really goes wrong in their life Cos u tried tampering their image too??
Are u gonna be a part of this blame game too?
You would require permission from higher authority and monetary involvement when you have to cover us for good things/movie promotion. But unwanted news like this is Freeeeeee of cost n free slots?. It’s high time you spread some positivity during this pandemic time.
Stop pushing people to their edge. And am done keeping quiet here. If you have the freedom to showcase ,I have the freedom of speech too.

And to all other people who were concerned about my health or my state of mind, Thank you so much. Am doing really great. Thank u for all the love❤️
.
#itsmylife #amdonekeepingquiet @ The GameChanger

The post The GameChanger : ಟಿವಿ ಪತ್ರಕರ್ತರ ಮುಖಕ್ಕೆ ಮಂಗಳಾರತಿ ಮಾಡಿದ ನಟಿ ಸಿಂಧು ಲೋಕನಾಥ್ appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.

ಬೆಂಗಳೂರು, ಫೆ.07, 2020 : (www.justkannada.in news) : ಈ ವಾರ ಸ್ಯಾಂಡಲ್ ವುಡ್ ನಲ್ಲಿ ತೆರೆ ಕಂಡಿರುವ ಕನ್ನಡ ಸಿನಿಮಾಗಳ ಸಂಖ್ಯೆ ಒಂಬತ್ತು..!. ಸಿನಿ ಪ್ರೇಕ್ಷಕ ಯಾವ ಸಿನಿಮಾ ನೋಡಬೇಕು, ಯಾವುದನ್ನು ಬಿಡಬೇಕು..? ನೀವೆ ಹೇಳಿ.

ಈ ನಡುವೆ ಕನ್ನಡ ಸಿನಿಮಾಗಳನ್ನು ‘ ಅಂಡ್ ಬಗ್ಗಿಸಿಕೊಂಡು ನೋಡಿ ‘ ಅಂಥ ಫರ್ಮಾನು ಬೇರೆ ಹೊರಡಿಸಿದ್ದಾರೆ ನಮ್ಮ ಚಾಲೆಂಜಿಂಗ್ ಸ್ಟಾರ್ ದರ್ಶನ್. ಹಾಗಾಗಿ ಈಗ ದರ್ಶನ್ ಅವರೇ ಹೇಳಬೇಕು, ಕನ್ನಡ ಪ್ರೇಕ್ಷಕರು ಅಂಡ್ ಬಗ್ಗಿಸಿಕೊಂಡು ಯಾವ್ಯಾವ ಸಿನಿಮಾ ನೋಡಬೇಕು ಅನ್ನೋದನ್ನ.

ಹೊಸಬರ ಸಿನಿಮಾ ಬರಬೇಕು ನಿಜ. ಆದ್ರೆ ಅದಕ್ಕೂ ಒಂದು ಲೆಕ್ಕ ಬೇಡ್ವ..? ಯಾವ ಸಿನಿಮಾ, ಕಲಾವಿದರು ಯಾರು..? ಎಂಬುದೇ ತಿಳಿಯದಿದ್ದರೆ ಜನ ಯಾಕೆ ಸಿನಿಮಾ ನೋಡಲು ಬರುತ್ತಾರೆ. ವಾರದಲ್ಲಿ ಒಂದೆರೆಡು ಸಿನಿಮಾ ರಿಲೀಸ್ ಆದ್ರೆ ಹೇಗೋ ನೋಡಬಹುದು. ಚೆನ್ನಾಗಿರುವ ಸಿನಿಮಾಗಳನ್ನು ಬೆನ್ನುತಟ್ಟಿ ಪ್ರೋತ್ಸಾಹಿಸಬಹುದು. ಆದರೆ ಹೀಗೆ ಡಜನ್ ಗಟ್ಟಲೇ ಸಿನಿಮಾ ರಿಲೀಸ್ ಆದ್ರೆ ಪ್ರೇಕ್ಷಕನ ಗತಿ ಏನು.

ಮೊದಲೇ ಕರ್ನಾಟಕದಲ್ಲಿ ಚಿತ್ರಮಂದಿರಗಳ ಸಮಸ್ಯೆ ಕಾಡುತ್ತಿದೆ. ಮಲ್ಟಿ ಪ್ಲೆಕ್ಸ್ ಸಂಸ್ಕೃತಿ ಬಂದ ಮೇಲೆ ಇರೋಬರೋ ಸಿಂಗಲ್ ಸ್ಕ್ರೀನ್ ಚಿತ್ರಮಂದಿರಗಳೆಲ್ಲಾ ಬಾಗಿಲು ಮುಚ್ಚಿ ಮದುವೆ ಮಂಟಪವೋ, ಮಾಲ್ ಗಳೋ ಆಗುತ್ತಿವೆ. ಮಲ್ಟಿಪ್ಲೆಕ್ಸ್ ಗಳಲ್ಲಿ ಪರಭಾಷ ಚಿತ್ರಗಳಿಗೆ ಹೆಚ್ಚು ಮಣೆ ಹಾಕಲಾಗುತ್ತಿದೆ. ಅಂಥದ್ದರಲ್ಲಿ ಸುನಾಮಿಯಂತೆ ಇಷ್ಟೊಂದು ಚಿತ್ರ ಏಕಾಕಾಲದಲ್ಲೇ ಬಿಡುಗಡೆಗೊಳ್ಳುವುದರಿಂದ ಯಾರಿಗೆ ತಾನೆ ಲಾಭವಾಗುತ್ತದೆ ಎಂಬುದು ಅರ್ಥವಾಗುತ್ತಿಲ್ಲ.

ಸಿನಿಮಾ ಮಂದಿ ಕುಳಿತು ಈ ಬಗ್ಗೆ ಚರ್ಚೆ ನಡೆಸುವುದು ಉತ್ತಮ. ಅವರೇ ಒಂದು ಸ್ವಯಂ ರೇಖೆ ಹಾಕಿಕೊಂಡು, ವಾರದಲ್ಲಿ ಇಷ್ಟೇ ಸಿನಿಮಾ ಬಿಡುಗಡೆಯಾಗುವಂತೆ ನೋಡಿಕೊಳ್ಳಬೇಕು. ಇದರಿಂದ ಅದೃಷ್ಠ ಪರೀಕ್ಷೆಗಿಳಿಯುವ ನಟರಿಗೆ, ಬಂಡವಾಳ ಹೂಡಿದ ನಿರ್ಮಾಪಕರಿಗೆ ಅನುಕೂಲವಾಗುತ್ತದೆ. ಬದಲಿಗೆ ಯಾವುದೇ ಲೆಕ್ಕಚಾರವಿಲ್ಲದೆ ಮನಸೋ ಇಚ್ಛೆ ಸಿನಿಮಾ ತಯಾರಿಸಿ ಅದನ್ನು ಒಂದೇ ದಿನ ಬಿಡುಗಡೆ ಮಾಡಿದರೆ ಹಣ ಹೂಡಿದನಿಗೆ ನಷ್ಟ ಕಟ್ಟಿಟ್ಟ ಬುತ್ತಿ ಗ್ಯಾರಂಟಿ.

key words : kannada-film-9-relesed-darshan-boss-karnataka

The post ಈ ವಾರ 9 ಕನ್ನಡ ಸಿನಿಮಾ ತೆರೆಗೆ : ಪ್ರೇಕ್ಷಕರು ಅಂಡ್ ಬಗ್ಗಿಸಿಕೊಂಡು ಯಾವ್ ಸಿನಿಮಾ ಅಂಥ ನೋಡೋದು ಬಾಸೂ..? appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.