k.r nagar Archives » Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ

ಆದೇಶ ಉಲ್ಲಂಘಿಸಿ ತೆರೆದಿದ್ದ ಮುತ್ತೂಟ್ ಫಿನ್ ಕಾರ್ಪ್ ಕಚೇರಿಗೆ ಬೀಗ…

JK Desk — Sat, 15 May 2021 11:14:01 +0000

ಕೆ.ಆರ್ ನಗರ,ಮೇ,15,2021(www.justkannada.in): ಆದೇಶ ಉಲ್ಲಂಘಿಸಿ ತೆರೆದಿದ್ದ ಕೆ.ಆರ್.ನಗರ ತಾಲ್ಲೂಕಿನ ಹೊಸೂರು ಮುತ್ತೂಟ್ ಫಿನ್ ಕಾರ್ಪ್ ಗೆ ಹಳಿಯೂರು ಗ್ರಾಮಪಂಚಾತಿ ಮತ್ತು ಚುಂಚನಕಟ್ಟೆ ನಾಡಕಚೇರಿಯ ಅಧಿಕಾರಿಗಳು ಕೋವಿಡ್ ಮುನ್ನಚ್ಚರಿಕೆಯ ಹಿನ್ನಲೆಯಲ್ಲಿ ಶನಿವಾರ ಬೀಗ ಹಾಕಿಸಿದ ಘಟನೆ ನಡೆದಿದೆ.

ಕೆ.ಆರ್.ನಗರ ತಹಸೀಲ್ದಾರ್ ಎಂ .ಮಂಜುಳಾ ಅವರು ಕೋವಿಡ್ ನಿಯಂತ್ರಣ ಮಾಡುವ ಸಲುವಾಗಿ ಮೈಕ್ರೋ ಫೈನಾನ್ಸ್ ಕಂಪನಿಗಳು ಸಾಲ ವಸೂಲಾತಿ ಮಾಡುವಂತಿಲ್ಲ ಎಂದು ಆದೇಶ ನೀಡಿದ್ದರು.

ಇದನ್ನು ಉಲ್ಲಂಘನೆ ಮಾಡಿ ಮುತ್ತೂಟ್ ಫಿನ್ ಕಾರ್ಪ್ ನವರು ತಮ್ಮ ಸಂಸ್ಥೆಯನ್ನು ತೆರೆದು ಹಣಕಾಸು ವ್ಯವಹಾರ ಮಾಡುತ್ತಿದ್ದಾರೆ ಎಂಬ ಸಾರ್ವಜನಿಕರ ದೂರಿನ ಹಿನ್ನಲೆಯಲ್ಲಿ ಹಳಿಯೂರು ಗ್ರಾ.ಪಂ.ಪಿಡಿಓ ಅಂಕನಹಳ್ಳಿ ಸುನಿಲ್ ಕುಮಾರ್ ಸಂಸ್ಥೆಗೆ ದಿಢೀರ್ ಭೇಟಿ ನೀಡಿ ವ್ಯವಸ್ಥಾಪಕರನ್ನು ತರಾಟೆಗೆ ತೆಗೆದು ಕೊಂಡರು. ಕೋವಿಡ್ ಹೆಚ್ಚಳವಾಗುತ್ತಿದ್ದರು ಸಾಲ ವ್ಯವಹಾರ ಮಾಡದಂತೆ ತಾಲೂಕು ಆಡಳಿತ ಆದೇಶ ನೀಡದ್ದರು ಅದನ್ನು ಪಾಲನೆ ಮಾಡದ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಪಿಡಿಓ ಸುನಿಲ್ ಕುಮಾರ್, ಮುಂದಿನ ತಾಲೂಕು ಆಡಳಿತದ ಆದೇಶದವರಗೆ ನಿಮ್ಮ ಮುತ್ತೂಟ್ ಪಿನ್ ಕಾರ್ಪ್ ಅನ್ನು ಮುಚ್ಚಬೇಕು. ತಾಲೂಕು ಆಡಳಿತದ ಆದೇಶ ಉಲ್ಲಂಘಿಸಿದರೇ ಕಾನೂನು ಕ್ರಮ ಜರುಗಿಸುವುದಾಗಿ ಎಚ್ಚರಿಕೆ ನೀಡಿ ಬಾಗಿಲು ಹಾಕಿಸಿದರು

ಈ ಸಂದರ್ಭದಲ್ಲಿ ಕಂದಾಯ ಇಲಾಖೆಯ ತೇಜವಮೂರ್ತಿ. ಹಳಿಯೂರು ಗ್ರಾ.ಪಂ.ನ‌ ಡಿ.ಎಚ್.ಹರೀಶ್ ಹಾಜರಿದ್ದರು.

Key words: Muthoot fin Corp- office- close-open -violation – order-K.R nagar

ತೆಂಗಿನ ಕಾಯಿ ಕಳ್ಳತನ ಮಾಡುತ್ತಿದ್ದ 7 ಮಂದಿ ಅರೆಸ್ಟ್…

JK Desk — Thu, 17 Sep 2020 07:46:38 +0000

ಮೈಸೂರು,ಸೆಪ್ಟಂಬರ್,17,2020(www.justkannada.in): ಹೊಲ ಗದ್ದೆಗಳಲ್ಲಿ ತೆಂಗಿನಕಾಯಿ ಕದಿಯುತ್ತಿದ್ದ 7 ಮಂದಿ ಕಳ್ಳರನ್ನು ಮೈಸೂರು ಜಿಲ್ಲೆ ಕೆ.ಆರ್ ನಗರ ತಾಲ್ಲೂಕಿನ ಸಾಲಿಗ್ರಾಮ ಠಾಣಾ ಪೊಲೀಸರು ಬಂಧಿಸಿದ್ದಾರೆ.

ಕೆ.ಆರ್.ನಗರದ ಪ್ರದೀಪ್, ಸೋಮಶೇಖರ್, ರಾಜು, ಪ್ರಜ್ವಲ್, ಮಹಾದೇವ್, ಯೋಗೇಶ್, ಅಭಿ ಬಂಧಿತ ಆರೋಪಿಗಳು. ಬಂಧಿತರು ಕೆ.ಆರ್.ನಗರ ತಾಲ್ಲೂಕಿನ ಸುತ್ತಮುತ್ತ ಹೊಲ ಗದ್ದೆಗಳಲ್ಲಿ ತೆಂಗಿನಕಾಯಿ ಕದಿಯುತ್ತಿದ್ದರು. ಈ ನಡುವೆ ಸಾಲಿಗ್ರಾಮ ಠಾಣಾ ಪೊಲೀಸರು ಕಾರ್ಯಾಚರಣೆ ನಡೆಸಿ 7ಮಂದಿಯನ್ನು ಬಂಧಿಸಿದ್ದಾರೆ.

ಬಂಧಿತರಿಂದ 60ಸಾವಿರ ನಗದು ಹಾಗೂ ಎರಡು ಗೂಡ್ಸ್ ಆಟೋವನ್ನ ವಶಕ್ಕೆ ಪಡೆದಿದ್ದು ಈ ಕುರಿತು ಸಾಲಿಗ್ರಾಮ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Key words: Arrest- 7 accused- stealing -coconut –k.r nagar- saligrama

ನಟ ದರ್ಶನ್ ಪ್ರಚಾರಕ್ಕೆ ಬಂದ ವೇಳೆ ಅಡ್ಡಗಾಲು ಹಾಕಿ ಬಳಿಕ ಶರಣಾಗಿದ್ದ ಬಸವ ಸಾವು….

JK Desk — Fri, 05 Jun 2020 05:28:54 +0000

ಮೈಸೂರು,ಜೂ,5,2020(www.justkannada.in): ಕೆ ಆರ್ ತಾಲೂಕಿನ ಕಾಳಮ್ಮನ ಕೊಪ್ಪಲು ಗ್ರಾಮದ ಬಸವ ಕೊನೆಗೂ ಇಂದು ಬೆಳಗ್ಗೆ ಮೃತಪಟ್ಟಿದೆ. ಒಂದು ತಿಂಗಳಿಂದ ಚಿಂತಾಜನಕ‌ ಸ್ಥಿತಿಯಲ್ಲದ್ದ ಬಸವ. ಗ್ರಾಮದ ಅಚ್ಚುಮೆಚ್ಚಿನ ದೇವರು, ಯುವಕರಿಗೆ ಗೆಳೆಯನಾಗಿದ್ದ ಬಸವ.

ಕಳೆದ ಮಂಡ್ಯ ಲೋಕಸಭಾ ಚುನಾವಣಾ ವೇಳೆಯಲ್ಲಿ ಕೆ.ಆರ್.ನಗರ ತಾಲೂಕು ಸಾಲಿಗ್ರಾಮ ಹೋಬಳಿ ಕಾಳಮ್ಮನ ಕೊಪ್ಪಲು ಗ್ರಾಮಕ್ಕೆ ಸಂಸದೆ ಸುಮಲತಾ ಅವರ ಚುನಾವಣಾ ಪ್ರಚಾರಕ್ಕೆ ಆಗಮಿಸಿದ್ದ ಚಿತ್ರನಟ ದರ್ಶನ್ ಅವರ ಜೀಪ್ ಮುಂದೆ ಹೋಗದಂತೆ ಅಡ್ಡಗಾಲು ಹಾಕಿ ಗ್ರಾಮದ ಬಸವ ನಿಂತಿತ್ತು. ನಂತರ ದರ್ಶನ್ ತಾವೇ ಸ್ವತಃ ಜೀಪ್ ನಿಂದ ಇಳಿದು ಬಸವನ ಮೈ ಸವರಿದಾಗ ಮುಂದೆ ಹೋಗಲು ಅವಕಾಶ ಮಾಡಿ ಕೊಟ್ಟಿತ್ತು. ನಂತರ ದರ್ಶನ್ ಅವರು ಮುಂದಿನ ಬಿಡುವು ದಿನಗಳಲ್ಲಿ ಬಂದು ಬಸವನ ಹಾರೈಕೆ‌ ಮಾಡುವುದಾಗಿ ತಿಳಿಸಿದ್ದರು.

ಈ ಸುದ್ದಿ ಬಾರಿ ವೈರಲ್ ಆಗಿತ್ತು, ಕಳೆದ ಒಂದು ತಿಂಗಳಿಂದ ಕಾಳಮ್ಮನ ಕೊಪ್ಪಲು ಗ್ರಾಮದ ಬಸವ ಚಿಂತಾಜನಕ ಸ್ಥಿತಿಯಲ್ಲಿತ್ತು. ಇಂದು ಬೆಳಗ್ಗೆ ಕಾಳಮ್ಮನ ದೇವಸ್ಥಾನದ ಆವರಣದಲ್ಲಿ ಮೃತಪಟ್ಟಿದೆ. ಕೊನೆಗೂ ಬಸವನ ಬೇಟಿ ಚಿತ್ರನಟ ಧರ್ಶನ್ ಬರಲೇ ಇಲ್ಲ. ಅಂತಿಮ ದರ್ಶನಕ್ಕಾದರೂ ದರ್ಶನ್ ಬರುತ್ತಾರ ಎಂದು ಗ್ರಾಮಸ್ಥರ ಮನವಿಯಾಗಿದೆ.

Key words: Actor- Darshan-K.R nagar- basava- death

ಕೃಷಿ, ಬಡವರು, ಮಹಿಳೆಯರಿಗೆ ನೆರವಾಗುವಂತೆ ಬಜೆಟ್ ಮಂಡನೆ- ಸಪ್ತ ಮಾತೃಕೆ ದೇವಿರಮ್ಮನ ರಾಜಗೋಪುರ ಉದ್ಘಾಟಿಸಿ ಸಿಎಂ ಬಿಎಸ್ ವೈ ಹೇಳಿಕೆ…

JK Desk — Mon, 27 Jan 2020 07:33:16 +0000

ಮೈಸೂರು,ಜ,27,2020(www.justkannada.in): ಕೃಷಿ, ಬಡವರು, ಮಹಿಳೆಯರಿಗೆ ನೆರವಾಗುವಂತೆ ಬಜೆಟ್ ಮಂಡನೆ ಮಾಡಲಾಗುತ್ತದೆ ಎಂದು ಸಿಎಂ ಬಿಎಸ್ ಯಡಿಯೂರಪ್ಪ ತಿಳಿಸಿದರು.

ಮೈಸೂರು ಜಿಲ್ಲೆ ಕೆಆರ್,ನಗರ ತಾಲೂಕಿನ ದೇವಿತಂದ್ರೆ ಗ್ರಾಮದಲ್ಲಿರುವ ಸಪ್ತ ಮಾತೃಕೆ ದೇವಿರಮ್ಮನ ರಾಜಗೋಪುರವನ್ನ ಸಿಎಂ ಯಡಿಯೂರಪ್ಪ ಉದ್ಘಾಟಿಸಿದರು. ಸಿಎಂ,ಯಡಿಯೂರಪ್ಪಗೆ ಡಿಸಿಎಂ, ಅಶ್ವಥ್ ನಾರಾಯಣ, ಸಚಿವ ವಿ,ಸೋಮಣ್ಣ, ಮಾಜಿ ಸಚಿವರಾದ ಸಿಎಚ್,ವಿಜಯ ಶಂಕರ್, ಸಾರಾ,ಮಹೇಶ್, ಶಾಸಕ ರೇಣುಕಾಚಾರ್ಯ ಸಾಥ್ ನೀಡಿದರು. ಬಾಳೆ ಹೊನ್ನೂರು ಪೀಠದ ರಂಭಾಪುರಿ ಶ್ರೀಗಳ ಸಾನಿಧ್ಯದಲ್ಲಿ ಕಾರ್ಯಕ್ರಮ ನಡೆಯಿತು. ಕಾರ್ಯಕ್ರಮದಲ್ಲಿ ವಿವಿಧ ಮಠಗಳ ಮಠಾಧೀಶರುಗಳು ಭಾಗಿಯಾದರು.

ಕಾರ್ಯಕ್ರಮದಲ್ಲಿ ಮಾತನಾಡಿದ ಸಿಎಂ ಬಿಎಸ್ ಯಡಿಯೂರಪ್ಪ, ಕೊಡಗಿನಲ್ಲಿ 450 ಹಾಸಿಗೆ ಸಾಮರ್ಥ್ಯದ ಆಸ್ಪತ್ರೆಯ ಕಟ್ಟಡದ ಶಂಕುಸ್ಥಾಪನೆ ನೆರವೇರಿಸಲಾಗುವುದು. ನಮ್ಮ ಜೊತೆ ಸಚಿವರಾದ ಸೋಮಣ್ಣ, ಅಶ್ವಥ್ ನಾರಾಯಣ್ ಬಂದಿದ್ದಾರೆ. ದಾವೋಸ್‌ಗೆ ಹೋಗಿ ಬಂದ ಮೇಲೆ 40 ಕ್ಕೂ ಹೆಚ್ಚು ಜನ ಕೈಗಾರಿಕೋದ್ಯಮಿಗಳನ್ನು ವೈಯಕ್ತಿಕವಾಗಿ ಭೇಟಿ ಮಾಡಿ ಕರ್ನಾಟಕದಲ್ಲಿ ಇನ್ವೆಸ್ಟ್ ಮಾಡಲು ವಿನಂತಿಸಿದ್ದೇನೆ. ಎಸ್‌ಎಂ.ಕೃಷ್ಣ ಅವರ ನಂತರ 16 ವರ್ಷಗಳ ನಂತರ ನಾವು ಹೋಗಿದ್ದು ತುಂಬಾ ಉಪಯುಕ್ತವಾಯ್ತು, ಬಹಳ ದೊಡ್ಡ ಪ್ರಮಾಣದಲ್ಲಿ ಕೈಗಾರಿಕೆ ಅಭಿವೃದ್ಧಿ ಮಾಡಲು ಭರವಸೆ ನೀಡಿದ್ದಾರೆ.. ಕೃಷಿಕರಿಗೆ ಸಂಬಂಧಿಸಿದಂತೆ, ನಿರುದ್ಯೋಗ ಸಮಸ್ಯೆ ಬಗೆಹರಿಸಲು ಸಂಬಂಧಿಸಿದಂತೆ ಅನುಕೂಲ ಆಗಲಿದೆ ಎಂದು ತಿಳಿಸಿದರು.

ದಾವೋಸ್ ಗೆ ಭೇಟಿ ನೀಡಿ ಬಂದಿದ್ದೇನೆ. ಈ ವಿದೇಶ ಭೇಟಿ ಹೆಚ್ಚಿನ ಲಾಭವಾಗಲಿದೆ. ಈಗಾಗಲೇ ಉದ್ಯಮಿಗಳನ್ನ ಭೇಟಿ ಮಾಡಿ ಮಾತನಾಡಿದ್ದೇವೆ. ಬಂಡವಾಳ ಹೂಡಿಕೆಗೆ ಉದ್ಯಮಿಗಳು ಮುಂದೆ ಬಂದಿದ್ದಾರೆ. ಇದ್ರಿಂದ ಉದ್ಯೋಗಾವಕಾಶ ಸಿಗಲಿದೆ. ಕೈಗಾರಿಕೋಧ್ಯಮ ಅಭಿವೃದ್ಧಿಯಿಂದ ರಾಜ್ಯದ ಅಭಿವೃದ್ಧಿಯಾಗಲಿದೆ. ಮುಂದಿನ ತಿಂಗಳ ೫ನೇ ತಾರೀಖು ಬಜೆಟ್ ಮಂಡನೆ ಮಾಡಲಿದ್ದೇನೆ. ಈ ಬಜೆಟ್ ನಲ್ಲಿ ಕೃಷಿಗೆ ಹೆಚ್ಚಿನ ಆದ್ಯತೆ ನೀಡಲಾಗುತ್ತೆ. ಬಡವರ, ಮಹಿಳೆಯರಿಗೆ ನೆರವಾಗುವಂತೆ ಬಜೆಟ್ ಇರುತ್ತೆ ಎಂದು ಸಿಎಂ ಬಿ.ಎಸ್ ಯಡಿಯೂರಪ್ಪ ಹೇಳಿದರು.

Key words: mysore- k.r nagar-cm bs yeddyurappa- Deviramma – Rajagopura- inauguration- cm bs yeddyurappa

ಕೆ.ಆರ್ ನಗರಕ್ಕೂ ತಟ್ಟಿದ ಪ್ರತಿಭಟನೆ ಕಾವು: ಡಿಕೆಶಿ ಬಂಧನ ಖಂಡಿಸಿ ರಸ್ತೆ ತಡೆ ನಡೆಸಿ ‘ಕೈ’ ಕಾರ್ಯಕರ್ತರಿಂದ ಆಕ್ರೋಶ…

JK Desk — Thu, 05 Sep 2019 06:11:33 +0000

ಮೈಸೂರು,ಸೆ,5,2019(www.justkannada.in): ಮಾಜಿ ಸಚಿವ ಡಿ.ಕೆ ಶಿವಕುಮಾರ್ ಬಂಧನ ಖಂಡಿಸಿ ರಾಜ್ಯಾದ್ಯಂತ ಕಾಂಗ್ರೆಸ್ ಪ್ರತಿಭಟನೆ ನಡೆಸುತ್ತಿದ್ದು, ಮೈಸೂರು ಜಿಲ್ಲೆಯ ಕೆ.ಆರ್ ನಗರದಲ್ಲೂ ಪ್ರತಿಭಟನೆ ಬಿಸಿ ತಟ್ಟಿದೆ.

ಕೆ.ಆರ್ ನಗರದ ಪಟ್ಟಣದಲ್ಲಿಂದು ಕಾಂಗ್ರೆಸ್ ಕಾರ್ಯಕರ್ತರು ಸರಣಿ ಪ್ರತಿಭಟನೆ ನಡೆಸುತ್ತಿದ್ದಾರೆ. ಈ ನಡುವೆ ತಾಲ್ಲೂಕಿನ ಹೊಸೂರು ಗ್ರಾಮದಲ್ಲಿ ಕಾಂಗ್ರೆಸ್ –ಜೆಡಿಎಸ್ ಕಾರ್ಯಕರ್ತರು ಟೈರ್ ಗೆ ಬೆಂಕಿ ಹಚ್ಚಿ ಧರಣಿ ನಡೆಸಿದ್ದು, ಅಂಗಡಿ ಮುಂಗಟ್ಟು ಮುಚ್ಚಿಸಿ ಕೇಂದ್ರ ಸರ್ಕಾರ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಇನ್ನು ಹೊಸೂರು ಆಸ್ಪತ್ರೆ ವೃತ್ತದಲ್ಲಿ ರಾಮನಾಥಪುರ-ಕೆ.ಆರ್ ನಗರ ರಸ್ತೆ ತಡೆ ನಡೆಸಿ ಪ್ರತಿಭಟನೆ ನಡೆಸಿದ್ದು ಈ ಹಿನ್ನೆಲೆ ರಾಮನಾಥಪುರ-ಕೆ.ಆರ್ ನಗರ ಮಾರ್ಗದ ರಸ್ತೆ ಸಂಚಾರ ಅರ್ಧಗಂಟೆಗಳ ಕಾಲ ಅಸ್ತವ್ಯಸ್ತವಾಗಿತ್ತು. ಪ್ರತಿಭಟನೆ ವೇಳೆ ಪ್ರಧಾನಿ ನರೇಂದ್ರ ಮೋದಿ ಮತ್ತು ಕೇಂದ್ರ ಗೃಹ ಸಚಿವ ಅಮಿತ್ ಶಾ ವಿರುದ್ದ ಘೋಷಣೆ ಕೂಗಿ ತಮ್ಮ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

Key words: d.k shivakumar-arrest- k.r nagar-protest-congress-activitist