ಘಟನೆ ಹಿನ್ನೆಲೆಯಲ್ಲಿ ಕಠಿಣ ಕ್ರಮಕ್ಕೆ ಮುಂದಾಗಿರುವ ರಾಜಭವನ, ವಿಶ್ವವಿದ್ಯಾಲಯಗಳ ಕುಲಪತಿಗಳು ಮತ್ತು ಇತರ ಹಿರಿಯ ಅಧಿಕಾರಿಗಳ ವೇತನವನ್ನು ತಡೆಹಿಡಿಯುವಂತೆ ಆದೇಶ ಹೊರಡಿಸಿದೆ.

ರಾಜ್ಯದಲ್ಲಿನ ಕೇವಲ ಎರಡು ವಿಶ್ವವಿದ್ಯಾನಿಲಯಗಳು ಮಾತ್ರ ತನ್ನ ಪ್ರತಿನಿಧಿಗಳನ್ನು ವಿಳಂಬವಾದ ಶೈಕ್ಷಣಿಕ ಅವಧಿಗಳ ಸಭೆಗೆ ಹಾಜರಾಗಲು ಕಳುಹಿಸಿದ್ದವು.

ಬಿಹಾರ ಶಿಕ್ಷಣ ಕಾರ್ಯದರ್ಶಿ ವೈದ್ಯನಾಥ್ ಯಾದವ್ ಅವರು,  ಕಾಮೇಶ್ವರ್ ಸಿಂಗ್ ಸಂಸ್ಕೃತ ವಿಶ್ವವಿದ್ಯಾಲಯವನ್ನು ಹೊರತುಪಡಿಸಿ ಎಲ್ಲಾ ವಿಶ್ವವಿದ್ಯಾಲಯಗಳ ಎಲ್ಲಾ ವಿಸಿಗಳು, ರಿಜಿಸ್ಟ್ರಾರ್‌ಗಳು ಮತ್ತು ಪರೀಕ್ಷಾ ನಿಯಂತ್ರಕರಿಗೆ ಪತ್ರ ಬರೆದು, ಅಧಿವೇಶನ ವಿಳಂಬದ ಕುರಿತು ಪರಿಶೀಲನಾ ಸಭೆಯ ಕರೆಗಳಿಗೆ ಏಕೆ ಪ್ರತಿಕ್ರಿಯಿಸಲಿಲ್ಲ ಎಂಬುದನ್ನು ವಿವರಿಸುವಂತೆ ಕೇಳಿದ್ದಾರೆ.  ಜತೆಗೆ ಮುಂದಿನ ಆದೇಶದವರೆಗೆ ಅವರ ವೇತನವನ್ನು ತಡೆಹಿಡಿಯಲಾಗುವುದು ಎಂದು ತಿಳಿಸಿದ್ದಾರೆ.

“ನೀವು ಅಂತಹ ನಿರ್ಣಾಯಕ ಜವಾಬ್ದಾರಿಯನ್ನು (ಶೈಕ್ಷಣಿಕ ಅವಧಿಗಳನ್ನು ಕ್ರಮಬದ್ಧಗೊಳಿಸುವ) ಪೂರೈಸಲು ಸಾಧ್ಯವಾಗದಿದ್ದರೆ, ವಿಶ್ವವಿದ್ಯಾಲಯಗಳ ಬಜೆಟ್ ಅನ್ನು ಏಕೆ ತಡೆಹಿಡಿಯಬಾರದು. ಇದಲ್ಲದೆ, ಬಿಹಾರದ ಪರೀಕ್ಷಾ ನಡವಳಿಕೆ ಕಾಯಿದೆ, 1981 ರ ನಿಬಂಧನೆಗಳು, ಯಾವುದೇ ಅಧಿಕಾರಿಯು ತಮ್ಮ ಜವಾಬ್ದಾರಿಗಳಿಂದ ಹಿಂದೆ ಸರಿಯುವಂತಿಲ್ಲ ಮತ್ತು ಕಾಯಿದೆಯಡಿಯಲ್ಲಿ ದಂಡನೆಗೆ ಒಳಗಾಗಬಹುದು ಎಂದು ಸ್ಪಷ್ಟವಾಗಿ ಹೇಳುತ್ತದೆ . ಸಮಯಕ್ಕೆ ಸರಿಯಾಗಿ ಪರೀಕ್ಷೆಯನ್ನು ನಡೆಸಲು ನಿರಾಕರಿಸುವುದು 166 ಮತ್ತು 166 A ನ IPC ನಿಬಂಧನೆಗಳ ಅಡಿಯಲ್ಲಿ ಶಿಕ್ಷಾರ್ಹವಾಗಿದೆ.” ಎಂದು ಶಿಕ್ಷಣ ಕಾರ್ಯದರ್ಶಿ ಬರೆದಿದ್ದಾರೆ.

ಫೆಬ್ರವರಿ 28 ರಂದು ನಡೆಯುವ ಪರಿಶೀಲನಾ ಸಭೆಗೆ ಹಾಜರಾಗದಿರುವುದು, ವರದಿ ಸಲ್ಲಿಸದಿರುವುದು ಮತ್ತು ಶಿಕ್ಷಣ ಇಲಾಖೆಗೆ ಮಾಹಿತಿ ನೀಡದಿದ್ದಕ್ಕಾಗಿ ಇತರ ಐಪಿಸಿ ನಿಬಂಧನೆಗಳ ಅಡಿಯಲ್ಲಿ ಅವರ ವಿರುದ್ಧ ಏಕೆ ಕ್ರಮ ತೆಗೆದುಕೊಳ್ಳಬಾರದು ಎಂದು ಶಿಕ್ಷಣ ಕಾರ್ಯದರ್ಶಿಗಳು ವಿಸಿಗಳು ಮತ್ತು ಇತರ ಅಧಿಕಾರಿಗಳಿಂದ ವಿವರಣೆ  ಕೇಳಿ ಪತ್ರ ಬರೆದಿದ್ದಾರೆ.

ಕೃಪೆ : ಇಂಡಿಯನ್‌ ಎಕ್ಸ್‌ ಪ್ರೆಸ್‌

Key words :  govt stops  ̲  salaries of ̲  VCs ̲  senior officials

The post ಕುಲಪತಿ ಹಾಗೂ ಕುಲಸಚಿವರ ಸಂಬಳ ಸ್ಥಗಿತಕ್ಕೆ ರಾಜಭವನ ಸೂಚನೆ…! appeared first on Just Kannada - Online Kannada News | Breaking Kannada News | Karnataka News | Live Updates | ಕನ್ನಡ ನ್ಯೂಸ್ | ಜಸ್ಟ್ ಕನ್ನಡ.