ಬೆಂಗಳೂರು, ಜುಲೈ 30, 2020 (www.justkannada.in): ಭಾರತದಲ್ಲಿ ಟಿಕ್ ಟಾಕ್ ಬ್ಯಾನ್ ಆದ ಬಳಿಕ ಡೇವಿಡ್ ವಾರ್ನರ್ ಈಗ ಅಭಿಮಾನಿಗಳನ್ನು ರಂಜಿಸಲು ಬೇರೆ ಮಾರ್ಗವನ್ನು ಕಂಡುಕೊಂಡಿದ್ದಾರೆ.
ಡೇವಿಡ್ ವಾರ್ನರ್ ಅವರು ಮಾಡುತ್ತಿದ್ದ ಟಿಕ್ಟಾಕ್ ವಿಡಿಯೋಗಳಿಗೆ ಪೋಸ್ಟ್ ಮಾಡಿದ ಕೆಲವೇ ಗಂಟೆಗಳಲ್ಲಿ ಲಕ್ಷಗಟ್ಟಲೆ ವೀಕ್ಷಣೆ ಸಿಗುತ್ತಿತ್ತು. ಇದೀಗ ಇನ್ಸ್ಟಾಗ್ರಾಂ ರೀಲ್ ನಲ್ಲಿ ವೀಡಿಯೋ ಪೋಸ್ಟ್ ಮಾಡುವುದನ್ನು ವಾರ್ನರ್ ಆರಂಭಿಸಿದ್ದಾರೆ.
ಅಂದಹಾಗೆ ಮಕ್ಕಳೊಂದಿಗೆ ಸೇರಿ ಫನ್ನಿ ವಿಡಿಯೋ ಮಾಡುತ್ತಾ, ಅವುಗಳನ್ನು ಪೋಸ್ಟ್ ಮಾಡುತ್ತಿದ್ದಾರೆ. ಅಷ್ಟೇಅಲ್ಲ, ಮಕ್ಕಳಿಗೆ ಈಜುವುದನ್ನುಹಾಗೂ ಕ್ರಿಕೆಟ್ ಆಡುವುದನ್ನು ಕಲಿಸುತ್ತಾ ಡೇವಿಡ್ ವಾರ್ನರ್ ಕಾಲ ಕಳೆಯುತ್ತಿದ್ದಾರೆ.
ಡೇವಿಡ್ ವಾರ್ನರ್ ಮಗಳು ಗಾಲ್ಫ್, ಕ್ರಿಕೆಟ್ ಹಾಗೂ ಈಜುವುದನ್ನು ಅಭ್ಯಾಸ ಮಾಡುತ್ತಿದ್ದಾಳೆ. ಇದರ ಜೊತೆಗೆ ಮಕ್ಕಳೊಂದಿಗೆ ಆಡುತ್ತಲೇ ಡೇವಿಡ್ ತಮ್ಮ ನಿತ್ಯದ ವ್ಯಾಯಾಮವನ್ನೂ ಮುಗಿಸಿ ಬಿಡುತ್ತಾರೆ.
