ಬುಲ್ಡೋಜರ್ಸ್ ಗೆ ಶರಣಾದ ಟೈಗರ್ಸ್

ಬೆಂಗಳೂರು : ಟೀಮ್ ಇಂಡಿಯಾದ ದಾಂಢಿಗರು ಅತ್ತ ವಿದೇಶಿನೆಲದಲ್ಲಿ ಬ್ಯಾಟ್ ಬೀಸಲಾಗದೆ  ಮಕಾಡೆ ಮಲಗುತ್ತಿದ್ದರೆ ಇತ್ತ ಕರ್ನಾಟ ಬುಲ್ಡೋಜರ್ಸ್ ನ ಬ್ಲೂ ಬಾಯ್ಸ್  ಮಾತ್ರ ಅಂಗಳದಲ್ಲಿ ಚೆಂಡನ್ನು ಅಟ್ಟಾಡಿಸುವ ಮೂಲಕ ಸಂಕ್ರಾಂತಿ ದಿನದಂದೇ   `some’  ಕ್ರಾಂತಿ ಮಾಡಿದ್ದಾರೆ.   

ಸಂಕ್ರಾಂತಿ ದಿನದಂದು ನಡೆದ ಸಿಸಿಎಲ್ ಪಂದ್ಯಾವಳಿಯಲ್ಲಿ ಕರ್ನಾಟಕ ತಂಡದ ಆಟಗಾರರು ಬೌಂಡರಿಗಳ ಜತೆ ಸರಸವಾಡಿದರು.   ಬೌಂಡರಿ, ಸಿಕ್ಸರ್ ಗಳ ಸುರಿಮಳೆಗೈದ ಕರ್ನಾಟಕದ ಈ ಕಲಿಗಳು ಸೆಲೆಬ್ರಿಟಿ ಕ್ರಿಕೆಟ್ ಲೀಗ್‌ನ  2ನೇ ಆವೃತ್ತಿಯ ಮೊದಲ ಪಂದ್ಯ ಗೆಲ್ಲುವ ಮೂಲಕ ಭರ್ಜರಿ ಒಪನಿಂಗ್ ಆರಂಭಿಸಿದ್ದಾರೆ.

ಕಿಚ್ಚ ಸುದೀಪ್ ನೇತೃತ್ವದ ಕರ್ನಾಟಕ ಬುಲ್ಡೋಜರ್ಸ್ ತಂಡ ಹಾಗೂ  ಇದೇ ಮೊದಲ ಬಾರಿಗೆ ಟೂರ್ನಿಯಲ್ಲಿ ಪಾಲ್ಗೊಂಡಿರುವ ಬೆಂಗಾಲ್ ಟೈಗರ್ರ್ಸ್‌ ತಂಡದ ನಡುವೆ ಮೊದಲ ಪಂದ್ಯ ಸಂಪೂರ್ಣ ಒನ್ ಸೈಡೆಡ್ ಆಗಿತ್ತು. ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಈ ಟ್ವೆಂಟಿ 20 ಪಂದ್ಯದಲ್ಲಿ , ಬುಲ್ಡೋಜರ್ಸ್  ತಂಡ   95 ರನ್‌ಗಳ ಅಂತರದಿಂದ ಗೆಲುವಿನ ನಗೆ ಬೀರಿತು.