ಪ್ರೇಮಿಗಳ ಪ್ರೇಮ ನಿವೇಧನೆಗೆ ಒಲಿದು ಬಂದಿದೆ ತುಲಿಪ್ ಹೂ..!

ಮೈಸೂರು : ನಾಳೆ ಪ್ರೇಮಿಗಳ ದಿನಾಚರಣೆ. ಹದಿಹರೆಯದ ಯುವ ಜೋಡಿಗಳಿಗೆ ಪ್ರೇಮ ನಿವೇಧನೆಗೆ ಒಂದು ಉತ್ತಮ ವೇದಿಕೆ. ಈ ಸಲುವಾಗಿಯೇ ಹೂಗಳಿಗೆ ಭಾರಿ ಬೇಡಿಕೆಉಂಟಾಗಿದೆ. ಸಾಂಸ್ಕೃತಿಕ ನಗರಿಯಲ್ಲಿ ಈ ವರ್ಷ ವಿದೇಶಿ ಹೂ ತುಲಿಪ್ ಗೆ ಡಿಮ್ಯಾಂಡ್ ಹೆಚ್ಚಾಗಿದೆ.

ಜಗತ್ತಿನ ಯಾವ ಜಾಗವೇ ಆಗಲಿ ಅಲ್ಲೊಂದು  `ಅಮರ’  ಪ್ರೇಮಕಥೆ  ಇದ್ದೆ ಇರುತ್ತದೆ. ಈ ಕಾರಣಕ್ಕೆ ಪ್ರೇಮ ಸರ್ವಂತರಯಾಮಿ  ಅನ್ನೋದು. ಇಂಥ ಪ್ರೇಮ ನಿವೇಧನೆಗೂ ಒಂದು ದಿನವಿದೆ. ಅದೇ ಫೆ.14 ಪ್ರೇಮಿಗಳ ದಿನಾಚರಣೆ. ಈ ದಿನಕ್ಕಾಗಿಯೇ ಅದೆಷ್ಟೋ ಯುವ ಜೀವಗಳು ಕಾಯುತ್ತಿರುತ್ತವೆ. ಅಂದು ಪ್ರೇಮದ ವಿಷಯ ಪ್ರಸ್ತಾಪಿಸಲೇ ಬೇಕು ಎಂಬ ಹಠಕ್ಕೆ ಬಿದ್ದಿರುತ್ತಾರೆ. ಇಂಥ ಹಠ ಪ್ರೇಮಿಗಳಿಗೆ ಸಾಥ್ ನೀಡುವುದೇ ಹೂ. ಅರಮನೆ ನಗರಿಯಲ್ಲಿ ಈ ಬಾರಿ ಗುಲಾಬಿ ಹೂ ಜತೆಗೆ ವಿದೇಶಿ ಹೂವಿನ ಘಮಲು ತುಸು ಹೆಚ್ಚಾಗಿಯೇ ಪಸರಿಸುತ್ತಿದೆ.         

ಹೂ ಸೌಂಧರ್ಯಕ್ಕೆ ಮನ ಸೋಲದವರು ಯಾರು..? ಅದರಲ್ಲೂ ಮೆಚ್ಚಿನ ಪ್ರಿಯಕರ ಅಥವಾ ಪ್ರಿಯತಮೆ ನೀಡಿದಾಗ ಅದರ ಸೌಂಧರ್ಯ ಮತ್ತಷ್ಟು ಹೆಚ್ಚಾಗುವುದರಲ್ಲಿ ಅನುಮಾನವಿರು. ಈ ಕಾರಣಕ್ಕಾಗಿಯೇ ವ್ಯಾಲೆಂಟೈನ್ಸ್ ದಿನದಂದು ಹೂಗಳಿಗೆ ದುಪ್ಪಟ್ಟು ದರ. ಆದರೂ ಪ್ರೇಮಿಗಳು ಮಾತ್ರ ಈ ದರ ಸಮರಕ್ಕೆ  ಡೊಂಟ್ ಕೇರ್ . ಹಣ ಎಷ್ಟಾದರೂ ಕೊಟ್ಟು ಹೂ ಖರೀದಿಸಿಯೇ  ತೀರುತ್ತಾರೆ.